ກາຕາປະຕິເສດຂໍ້ຮຽກຮ້ອງ ຂອງອາຣັບບີ ຊາອຸດິດ

- advert banner 728 90 728x90 - ກາຕາປະຕິເສດຂໍ້ຮຽກຮ້ອງ ຂອງອາຣັບບີ ຊາອຸດິດ

- 96630414 94d5c559 5914 4c7e 913f c81f58364407 - ກາຕາປະຕິເສດຂໍ້ຮຽກຮ້ອງ ຂອງອາຣັບບີ ຊາອຸດິດ

ລັດຖະບານ​ໂດ​ຮາ​ກ່າວ​ວ່າ: ຄວາມ​ຕ້ອງການ 13 ຂໍ້​ທີ່​ລັດຖະບານຣິຍາດ ​ແລະ ພັນທະ​ມິດຕັ້ງ​ເປັນ​ເງື່ອນ​ໄຂ​ໃນ​ການ​ຟື້ນຟູ​ການ​ພົວພັນ​ກັບກາ​ຕານັ້ນ​ເປັນ​ໄປ​ບໍ່​ໄດ້.

 

+ ຫລາຍປະເທດຕາເວັນອອກກາງຕັດການພົວພັນກັບກາຕາ

+ UAE ຫ້າມຊາວກາຕາແວ່ປ່ຽນເຮືອບິນ

- Tiger Head 728x90 - ກາຕາປະຕິເສດຂໍ້ຮຽກຮ້ອງ ຂອງອາຣັບບີ ຊາອຸດິດ
- 1 1 - ກາຕາປະຕິເສດຂໍ້ຮຽກຮ້ອງ ຂອງອາຣັບບີ ຊາອຸດິດ

 

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ໂດ​ຮາ ປະ​ເທດ​ກາ​ຕາ ​ໃນ​ວັນ​ທີ 24 ມິຖຸນາ​ນີ້​ວ່າ: ສຳນັກ​ສື່ສານ​ຂອງ​ທຳນຽບນາຍົກລັດຖະມົນຕີກາຕາອອກ​ຖະ​ແຫລ​ງການ​ໃນ​ວັນ​ທີ 24 ມິຖຸນາ ກ່ຽວ​ກັບ​ຄວາມ​ຕ້ອງການ 13 ຂໍ້​ຂອງ​ອາຣັບບີ ຊາ​ອຸ​ດິດ, ສະຫະ​ນະຄອນ ​ເອ​ເມຣັດ ອາຣັບ (UAE), ບາ​ເຣນ ​ແລະ ​ເອຢິບ ​ເຊິ່ງຍື່ນ​ສະ​ເໜີ​ຮ່ວມ​ກັນ​ຜ່ານ​ກູ​ເວດ ​ໃນ​ຖານະ​ຜູ້​ແທນ​ໄກ່​ເກ່ຍວ່າ: ຄວາມ​ຕ້ອງການ​ດັ່ງກ່າວ​ເປັນ​ໄປ​ຕາມ​ຈຸດ​ຢືນ​ທີ່​ລັດຖະບານ​ໂດ​ຮາ​ປະກາດ​ໄວ້​ແຕ່​ຕົ້ນວ່າ: ການ​ໃຊ້​ມາດ​ຕະການ​ປິດ​ລ້ອມ​ຢ່າງ​ຜິດ​ກົດໝາຍ​ເປັນ​ຄົນ​ລະ​ບັນຫາ​ກັບ​ຄວາມ​ພະຍາຍາມ​ຕໍ່ຕ້ານ​ການ​ກໍ່​ການ​ຮ້າຍ, ​ແຕ່​ເປັນຄວາມ​ຕ້ອງການ​ຈຳກັດ​ອະທິປະ​ໄຕ ​ແລະ ການ​ດຳ​ເນີນ​ນະ​ໂຍບາຍ​ຕ່າງປະ​ເທດ​ຂອງ​ກາ​ຕາ.

- lg1pcyws - ກາຕາປະຕິເສດຂໍ້ຮຽກຮ້ອງ ຂອງອາຣັບບີ ຊາອຸດິດ

ຂະນະ​ທີ່​ກະຊວງ​ການ​ຕ່າງປະ​ເທດ​ກາ​ຕາ​ອອກ​ຖະ​ແຫລ​ງການ​ວ່າ: ຂໍ້​ຮຽກຮ້ອງ​ທັງ​ໝົດ​ນັ້ນ​ເປັນ​ໄປ​ບໍ່​ໄດ້ ​ແລະ ບໍ່​ສາມາດ​ປະຕິບັດ​ຕາມ​ໄດ້ ​ໂດຍ​ຈາກ​ບັນດາ​ເງື່ອນ​ໄຂ​ທັງ 13 ຂໍ້​ທີ່​ລັດຖະບານຣິຍາດ ​ແລະ ພັນທະ​ມິດ​ຕ້ອງການ​ໃຫ້ກາ​ຕາ​ຕອບ​ຮັບ​ພາຍ​ໃນ 10 ວັນ ນັບ​ແຕ່​ວັນ​ທີ 23 ມິຖຸນາ ​ເພື່ອ​ແລກ​ກັບ​ການ​ຟື້ນຟູ​ການ​ພົວພັນ​ທີ່​ຕັດຂາດ​ກັນ​ມາ​ແຕ່​ວັນ​ທີ 5 ມິຖຸນາ​ນັ້ນ ມີ​ຢູ່ 4 ຂໍ້​ທີ່​ໄດ້​ຮັບ​ຄວາມ​ສົນ​ໃຈ​ຈາກ​ຫລາຍ​ຝ່າຍ ຄື​ການ​ຕັດ​ການ​ພົວພັນ​ທາງ​ການ​ທູດ​ກັບ​ອີຣານ, ການ​ຢຸດ​ອອກ​ອາກາດ ​ແລະ ​ເຜີຍ​ແຜ່​ຂ່າວສານ​ໃນ​ທຸກ​ຊ່ອງ​ທາງ​ຂອງ​ສະຖານີ​ໂທລະພາບ​ອັດ-ຈາ​ຊີຣາ, ການ​ປິດ​ຖານ​ທັບ​ຕວກກີ ​ແລະ ການ​ຍົກ​ເລີກມອບ​ຄວາມ​ສະໜັບສະໜູນ​ໃຫ້​ແກ່​ກຸ່ມ​ກໍ່​ການ​ຮ້າຍ​ ລວມທັງ​ກຸ່ມ​ຮາ​ມັດ ​ແລະ ກຸ່ມ​ພາລາ​ດອນ​ພາບ​ມຸສລິ​ມ.

error: Content is protected !!