ສ້າງໂຕເທິງໂລກອອນລາຍແນວໃດໃຫ້ປອດໄພ

ສ້າງໂຕເທິງໂລກອອນລາຍແນວໃດໃຫ້ປອດໄພ - 555 64 - ສ້າງໂຕເທິງໂລກອອນລາຍແນວໃດໃຫ້ປອດໄພ
ສ້າງໂຕເທິງໂລກອອນລາຍແນວໃດໃຫ້ປອດໄພ - AGL banner - ສ້າງໂຕເທິງໂລກອອນລາຍແນວໃດໃຫ້ປອດໄພ

ທຸກມື້ນີ້ການໃຊ້ສື່ອອນລາຍ ດັ່ງ ເຟສບຸກ, ອິນສຕາແກຣມ ແລະ ຢູທູບ ເຂົ້າມາມີອິດທິພົນໃນຊີວິດປະຈຳບັນເປັນຢ່າງຫລາຍ ໂລກອອນລາຍທີ່ເປີດກ້ວາງຂຶ້ນ ເຮັດໃຫ້ຄົນທຳມະດາໆໂດ່ງດັງໃນຊົ່ວຂ້າມຄືນ ໂດຍສະເພາະຊີວິດຂອງ ເນັດໄອດອລ ທີ່ໄວໜຸ່ມ ລ້ວນໃຫ້ຄວາມສົນໃຈຕິດຕາມ. ແນວໃດກໍຕາມ ເນື່ອງພຶດຕິກຳການສື່ສານເທິງໂລກອອນລາຍມີທັງທີ່ກໍ່ໃຫ້ເກີດຜົນກະທົບທາງບວກ ແລະ ທາງລົບ ຫາກບໍ່ຮູ້ເທົ່າທັນ ເດັກ ແລະ ເຍົາວະຊົນກໍອາດຈະຕົກເປັນເຫຍື່ອການສະແດງອອກພຶດຕິກຳທີ່ບໍ່ເໝາະສົມ ເຊິ່ງສະທ້ອນໃຫ້ເຫັນວ່າ ການມີໂຕຕົນເທິງໂລກອອນລາຍເປັນສິ່ງທີ່ເຮັດໄດ້ບໍ່ຍາກປານໃດ, ແຕ່ຈະເຮັດແນວໃດໃຫ້ປອດໄພ ແລະ ສ້າງສັນນັ້ນ ເຮົາຄວນຮຽນຮູ້ຈາກຫລາຍຫລັກການ.

ເນັດໄອດອລ ແມ່ນຄຳນິຍາມກຸ່ມບຸກຄົນທີ່ມີຊື່ສຽງ ແລະ ໄດ້ຮັບຄວາມນິຍົມ ດ້ວຍການສ້າງຈຸດເດັ່ນເພື່ອຮຽກຮ້ອງຄວາມສົນໃຈຈາກສັງຄົມ, ຢາກໄດ້ຮັບການມີໂຕຕົນຂອງຕົນເອງໃນສັງຄົມ ເຊິ່ງລັກສະນະຂອງເນັດໄອດອລຖືກແບ່ງອອກເປັນ 2 ກຸ່ມ ຄື : ຄົນທີ່ໄດ້ຮັບການຍົກຍ່ອງເນື່ອງຈາກປະພຶດດີ ໂດດເດັ່ນໃນດ້ານຕ່າງໆ ເຊັ່ນ : ກິລາ ຫລື ວິຊາການ. ສ່ວນອີກກຸ່ມໜຶ່ງຈະເປັນບຸກຄົນທີ່ມີພຶດຕິກຳແບບສຸດຂົ້ວ ຫລື ຈະເວົ້າວ່າ ເນັດໄອດອລ ແມ່ນບຸກຄົນທີ່ມີຜູ້ຕິດຕາມເທິງໂລກອອນລາຍຈຳນວນຫລາຍ ແລະ ຄວນເປັນຄົນທີ່ມີພາບລັກທີ່ດີ ເຊັ່ນ : ຮຽນເກັ່ງ, ມີຄວາມສາມາດ ເຊັ່ນ ຮ້ອງເພງ, ຫລິ້ນກິລາ, ຫລິ້ນດົນຕີ, ເຮັດການສະແດງຕ່າງໆໄດ້, ສາມາດເປັນໂຕຢ່າງທີ່ດີແກ່ເຍົາວະຊົນ ແລະ ເປັນແຮງບັນດານໃຈດີໆໃຫ້ແກ່ສັງຄົມ ແລະ ຜູ້ຕິດຕາມໄດ້. ສຳລັບໄວໜຸ່ມທີ່ຢາກເປັນເນັດໄອດອລ ທີ່ເຕັມອີ່ມໄປດ້ວຍຄວາມສຸກ ມີວິທີມາແນະນຳດັ່ງນີ້ :

ສ້າງໂຕເທິງໂລກອອນລາຍແນວໃດໃຫ້ປອດໄພ - Wave100S AD to Website 2020 0 - ສ້າງໂຕເທິງໂລກອອນລາຍແນວໃດໃຫ້ປອດໄພ
  1. ຄົ້ນຫາຕົນເອງໃຫ້ພົບ : ເຮົາຕ້ອງພະຍາຍາມຄົ້ນຫາຕົນເອງໃຫ້ພົບ ເຊັ່ນ : ລອງສັງເກດຕົນເອງຫລາຍໆວ່າຕົນເອງມັກຫຍັງ, ຢ້ານຫຍັງ, ມັກຮຽນວິຊາຫຍັງ, ເຮົາມີລັກສະນະນິໄສແນວໃດ ຄືກັບພະຍາຍາມຮູ້ຕົນເອງໃຫ້ໄວ ຍິ່ງຫາຕົນເອງພົບໄວກໍຍິ່ງດີ.
  2. ຕັ້ງເປົ້າໝາຍໃຫ້ຈະແຈ້ງ : ພະຍາຍາມເນັ້ນໄປໃສ່ເປົ້າໝາຍນັ້ນໃຫ້ໄດ້ ຕ້ອງມີຄວາມພະຍາຍາມເຮັດຕາມຄວາມຝັນຂອງຕົນເອງ ແລະ ໄປໃຫ້ເຖິງເປົ້າໝາຍນັ້ນໃຫ້ໄດ້.
  3. ຮູ້ຈັກແບ່ງເວລາ : ຕ້ອງຮູ້ຈັກແບ່ງເວລາຢ່າງເໝາະສົມ ເພື່ອໃຫ້ເຮົາສາມາດເຮັດໄດ້ດີທັງການຮຽນ ແລະ ການເຮັດກິດຈະກຳຢ່າງມີປະສິດທິພາບ ຫາກຕ້ອງເຮັດຫລາຍຢ່າງພ້ອມໆກັນ ກໍຕ້ອງຮູ້ຈັກການແບ່ງເວລາ ຮູ້ວ່າອັນໃດສຳຄັນມາກ່ອນມາລຸນ.
  4. ນຳສະເໜີເລື່ອງລາວຂອງຕົນເອງ : ວິທີນຳສະເໜີຄວນເຊື່ອມຕໍ່ກັບເນື້ອຫາເລື່ອງລາວຂອງເຮົານຳ ເຊັ່ນ : ນຳສະເໜີເລື່ອງຂອງກິນ ກໍອາດເລົ່າວ່າໂຕເຮົາເອງມີຄວາມສົນໃຈໃນເລື່ອງອາຫານແນວໃດ, ເຄີຍຮຽນປຸງແຕ່ງອາຫານມາ ຫລື ມັກເຮັດອາຫານໃນເວລາວ່າງ ເປັນຕົ້ນ.
  5. ໃຊ້ໂລກອອນລາຍໃຫ້ເປັນປະໂຫຍດ : ໂລກອອນລາຍໃນປັດຈຸບັນມີຫລາຍຊ່ອງທາງ ທັງ Facebook, Instagram, Twitter, YouTubeຂຶ້ນຢູ່ກັບວ່າທ່ານລຶ້ງ ຫລື ມັກໃຊ້ຊ່ອງທາງໃດ ຫລື ເໝາະສົມກັບກຸ່ມເປົ້າໝາຍແບບໃດ ເຊິ່ງກໍສາມາດເລີ່ມຕົ້ນໄດ້ຈາກຫລາຍຮູບແບບ ຈາກການເບິ່ງຄົນອື່ນແລ້ວເກີດຄວາມຮູ້ສຶກສົນໃຈ ຢາກຈະລອງເຮັດນຳ, ຢາກຈະແບ່ງປັນເລື່ອງລາວດີໆຂອງເຮົາ, ຢາກຈະກິນໂຊ, ຢາກຈະໄປຣີວິວບ່ອນທ່ອງທ່ຽວ, ແຕ່ບໍ່ຮູ້ວ່າຕ້ອງຖ່າຍ ຫລື ລົງຄລິບແນວໃດ ຖືວ່າຍາກຫລາຍກ່ວາຈະອອກມາເປັນຄລິບທຳອິດໄດ້ສຳລັບບາງຄົນ ເຊິ່ງສິ່ງທຳອິດທີ່ຍາກທີ່ສຸດບໍ່ແມ່ນຂັ້ນຕອນໃນການເຮັດຄລິບ, ແຕ່ເປັນຂັ້ນຕອນທີ່ເຮົາຊະນະໃຈຕົນເອງ, ເຮົາເຮັດໄປແລ້ວຈະມີຄົນເບິ່ງຫລືບໍ່, ຄົນອື່ນຈະເບິ່ງເຮົາວ່າແນວໃດ, ຈະຖືກໝູ່ຢອກລໍ້ຫລືບໍ່, ເຮັດໃຫ້ຄິດຄືກັບວ່າຈະເຮັດດີຫລືບໍ່ ມັນເມື່ອຍລ້າ ຖ້າຜົນຕອບຮັບມັນບໍ່ດີ ເຊັ່ນ : ມີຄົນມາຕຳໜິ ຈະຮັບໄດ້ບໍ່, ແຕ່ຫາກລອງຄິດດີໆເບິ່ງແລ້ວ ຫາກເຮົາເລືອກທີ່ຈະບໍ່ໄປສົນໃຈຂໍ້ນັ້ນ ແຕ່ໃຫ້ຄວາມສຳຄັນຢູ່ກັບສິ່ງທີ່ເຮົາເຮັດນັ້ນ ວ່າມັນບໍ່ໄດ້ກໍ່ບັນຫາໃຫ້ກັບໃຜ ແລະ ມັນເປັນຄວາມມັກຂອງເຮົາ ດີກ່ວາມານັ່ງເສຍດາຍພາຍຫລັງທີ່ຕອນນັ້ນບໍ່ໄດ້ເຮັດມັນ.
  6. ສ້າງແຮງບັນດານໃຈໃຫ້ຜູ້ອື່ນ : ເນັດໄອດອລ ຄວນເປັນຜູ້ທີ່ມີພະລັງບວກ, ໃຊ້ຄວາມພະຍາຍາມ ແລະ ຄວາມສາມາດໃຫ້ເປັນປະໂຫຍດ ເຮັດໃຫ້ຜູ້ທີ່ມາເຫັນເກີດຄວາມຮູ້ສຶກປະທັບໃຈ ແລະ ຢາກຕິດຕາມ. ການເປັນເນັດໄອດອລບໍ່ໄດ້ມີຂໍ້ດີພຽງຢ່າງດຽວ ຂໍ້ເສຍກໍມີຄືກັນ ເພາະຖ້າເກີດເຮັດຫຍັງຜິດພາດພຽງເລັກນ້ອຍ ແຕ່ກໍອາດກາຍເປັນເລື່ອງໃຫຍ່ໄດ້. ດັ່ງນັ້ນ ຕ້ອງຄິດກ່ອນໂພສ ຫລື ແຊຣແບ່ງປັນສະເໝີ.
ສ້າງໂຕເທິງໂລກອອນລາຍແນວໃດໃຫ້ປອດໄພ -    AD conten website - ສ້າງໂຕເທິງໂລກອອນລາຍແນວໃດໃຫ້ປອດໄພ
ສ້າງໂຕເທິງໂລກອອນລາຍແນວໃດໃຫ້ປອດໄພ - lattana banner 1 - ສ້າງໂຕເທິງໂລກອອນລາຍແນວໃດໃຫ້ປອດໄພ
ສ້າງໂຕເທິງໂລກອອນລາຍແນວໃດໃຫ້ປອດໄພ - lattana banner - ສ້າງໂຕເທິງໂລກອອນລາຍແນວໃດໃຫ້ປອດໄພ
error: Alert: ເນື້ອຫາຂ່າວມີລິຂະສິດ !!