10 ວິທີຝຶກຕົນເປັນຄົນໃຈເຢັນ ນັ້ນແມ່ນຄົນສະຫລາດ

10 ວິທີຝຶກຕົນເປັນຄົນໃຈເຢັນ ນັ້ນແມ່ນຄົນສະຫລາດ - 555 65 - 10 ວິທີຝຶກຕົນເປັນຄົນໃຈເຢັນ ນັ້ນແມ່ນຄົນສະຫລາດ
10 ວິທີຝຶກຕົນເປັນຄົນໃຈເຢັນ ນັ້ນແມ່ນຄົນສະຫລາດ - Untitled design - 10 ວິທີຝຶກຕົນເປັນຄົນໃຈເຢັນ ນັ້ນແມ່ນຄົນສະຫລາດ
  1. ບໍ່ໜີ ແຕ່ບໍ່ປະທະ : ຫາກເຮົາບໍ່ສາມາດຈັດການກັບເຫດການທີ່ເກີດຂຶ້ນຢູ່ຕໍ່ໜ້າໄດ້ ແຕ່ຈະເກັບເອົາໄວ້ກໍຢ້ານຈະກາຍເປັນຄົນເກັບກົດ, ຈະຍ່າງໜີກໍຈະກາຍເປັນຄົນບໍ່ຍອມຮັບຄວາມຈິງ ຫາກເກີດເຫດການແບບນີ້ ຄົງຕ້ອງໃຊ້ສະຕິຢ່າງຮອບຄອບ ຕັດສິນໃຈໃນການແກ້ໄຂບັນຫາ.
  2. ເຂົ້າຫູຊ້າຍ ອອກຫູຂວາ : ປົກກະຕິແລ້ວ ຄຳວ່າ ເຂົ້າຫູຊ້າຍ ອອກຫູຂວາ ມັກໃຊ້ປຽບທຽບໃສ່ຄົນທີ່ຟັງຫຍັງແລ້ວບໍ່ສົນໃຈ, ບໍ່ເອົາໃຈໃສ່, ບໍ່ເປີດຮັບຄວາມຄິດໃໝ່ໆ, ແຕ່ສຳລັບເລື່ອງບໍ່ເປັນເລື່ອງ ການຟັງແບບເຂົ້າຫູຊ້າຍ ອອກຫູຂວາ ຖືເປັນສິ່ງທີ່ຄວນເຮັດ ເພື່ອໃຫ້ເຮົາບໍ່ເປັນທຸກໃຈໄປກັບລົມປາກຂອງຄົນອື່ນ.
  3. ຮູ້ເຂົາ ຮູ້ເຮົາ : ພຽງແຕ່ເຮົາເອົາໃຈໃສ່ນິໄສຂອງຄົນອ້ອມຂ້າງ ກໍເຮັດໃຫ້ຢູ່ຮ່ວມກັນໄດ້ຢ່າງບໍ່ຍາກເກີນໄປ, ແຕ່ເຮົາຈະຕ້ອງຮູ້ຈັກລະງັບສະຕິອາລົມຂອງເຮົານຳ ເມື່ອເຮົາຮູ້ແລ້ວວ່າເຂົາເປັນຄົນແບບໃດ ຫາກເຮົາຮັບນິໄສເຂົາບໍ່ໄດ້ ກໍຢູ່ຫ່າງໆ ຈະໄດ້ບໍ່ຕ້ອງມີເລື່ອງມີລາວກັນ.
  4. ຮູ້ຈັກຂໍໂທດ : ຫາກເຮົາເຮັດຜິດ ການໃຊ້ຄຳວ່າ ຂໍໂທນ ນັ້ນຖືເປັນເລື່ອງທຳມະດາທີ່ສຸດ ບໍ່ແມ່ນເລື່ອງຍາກເລີຍ ຖ້າເຮົາຈະຕ້ອງເອີ່ຍຄຳຂໍໂທດຍ້ອນຄຳນີ້ບໍ່ໄດ້ເຮັດໃຫ້ສັກສີຂອງເຮົາຕົກຕໍ່າລົງ ແຕ່ມັນເປັນການຮູ້ຈັກຍອມຮັບໃນສິ່ງທີ່ຕົນເອງຜິດ ທັງຍັງຈະເຮັດໃຫ້ສະຖານະການທີ່ຄວບຄຸມບໍ່ໄດ້ນັ້ນຫລຸດຜ່ອນຈາກໜັກເປັນເບົາລົງໄດ້.
  5. ປ່ອຍວາງ ບໍ່ຍຶດຕິດ : ບັນຫາທີ່ເກີດຂຶ້ນທຸກມື້ນີ້ ສ່ວນໜຶ່ງກໍເປັນຍ້ອນຄົນເຮົາມີອັດຕາຫລາຍເກີນໄປ ຫາກເຮົາລອງປ່ຽນຄວາມຄິດ ບໍ່ຍຶດຕິດກັບຕົວຕົນ ແລ້ວລອງຄິດວ່າ ສຸດທ້າຍມື້ໜຶ່ງ ບໍ່ວ່າເລື່ອງໃດໆກໍຄົງເປັນພຽງເລື່ອງນ້ອຍໆເທົ່ານັ້ນ.
  6. ເຮັດວຽກຢ່າງມີສະຕິ : ທ່າມກາງມໍລະສຸມ ແລະ ການຕິດຕໍ່ຜູ້ຄົນຫລວງຫລາຍໝົດມື້ ເຮົາກໍສາມາດຝຶກສະຕິ ຮູ້ໂຕໄດ້ງ່າຍໆ ພຽງຫລັບຕາລົງ ຫາຍໃຈເຂົ້າ-ອອກເລິກໆ ປະມານ 5 ຮອບລົມຫາຍໃຈ, ໃຫ້ສະຕິຕາມລົມຫາຍໃຈ ໂດຍບໍ່ຄິດເລື່ອງອື່ນ ແລ້ວຄ່ອຍກັບໄປຈົດຈໍ່ກັບວຽກຢູ່ຕໍ່ໜ້າໃໝ່ອີກເທື່ອໜຶ່ງ.
  7. ສົນທະນາຢ່າງມີສະຕິ :ຟັງຢ່າງຕັ້ງໃຈ, ຟັງໂດຍບໍ່ຄິດຕັດສິນຄູ່ສົນທະນາ, ປ່ຽນສະພາບຕົນເອງໃຫ້ເປັນດັ່ງພາຊະນະວ່າງເປົ່າ ທີ່ພ້ອມຮັບຟັງບຸກຄົນຕໍ່ໜ້າ ຂະນະທີ່ເມື່ອເວົ້າກໍຄຳນຶງເຖິງຄວາມງົດງາມຂອງຄວາມສຳພັນ ລະຫ່ວາງທ່ານ ແລະ ຄູ່ສົນທະນາ ສື່ສານດ້ວຍຄວາມຮັກ ດ້ວຍຄວາມຫວັງດີ ດ້ວຍໃຈທີ່ຢາກຈະສ້າງຄວາມໝາຍດີໆລະຫ່ວາງກັນ.
  8. ຄິດຫລາຍເກີນໄປຫລືບໍ່ ? ອາການຄິດຫລາຍ ເປັນສ່ວນໜຶ່ງທີ່ເຮັດໃຫ້ເກີດພະຍາດໄດ້, ຍິ່ງອາກາດຮ້ອນໆ ຍິ່ງເຫດການຫຍັງກໍບໍ່ເປັນໃຈນຳແລ້ວ ຍິ່ງເຮັດໃຫ້ຮ້ອນຮົນ ເມື່ອເກີດເລື່ອງກໍຈະຍິ່ງເກັບມາຄິດ ຈົນບໍ່ເປັນອັນກິນອັນນອນ. ລອງປ່ຽນຈາກຄວາມຄິດເລື່ອງລົບໆ ປ່ຽນມາຄິດເລື່ອງດີໆ ເພາະຄວາມຄິດນັ້ນເປັນໂຕກຳນົດວິຖີຊີວິດຂອງເຮົາ ບໍ່ເຊື່ອລອງເຮັດເບິ່ງ ຄິດດີ ເຮັດດີ ເທົ່ານີ້ກໍພໍ.
  9. ຝຶກສະມາທິ :ການຝຶກສະມາທິໃຫ້ໃຈສະຫງົບນັ້ນ ມີຫລາຍຮູບແບບ ຈະນັ່ງສະມາທິ ຫລື ຍ່າງສະມາທິກໍໄດ້ ເມື່ອມີສະມາທິ ກໍມີສະຕິ ເມື່ອມີສະຕິ ກໍເກີດປັນຍາ ເວລາເກີດປັນຍາກໍຈະມີທາງແກ້ໄຂ.
  10. ຍິ້ມແຫ່ງຄວາມສຸກ : ຮອຍຍິ້ມສ້າງໂລກນີ້ໃຫ້ສົດໃສໄດ້ ປຽບດັ່ງຄຳທີ່ວ່າ ຖ້າທ່ານຍິ້ມ ໂລກກໍຈະຍິ້ມໃຫ້ທ່ານ ພຽງແຕ່ທ່ານມີຮອຍຍິ້ມໃຫ້ຄົນອ້ອມຂ້າງ ຄົນອ້ອມຂ້າງກໍຈະອາລົມດີຂຶ້ນໄປນຳ. ຮັບຟັງສິ່ງທີ່ຜູ້ອື່ນເວົ້າມາ ແລ້ວກໍເອົາໄປປັບປຸງໃນພາກສ່ວນທີ່ບໍ່ດີ, ແຕ່ຖ້າຫາກສິ່ງທີ່ເຂົາເວົ້າມັນເປັນນຳ້ຖ້ວມທົ່ງ ກໍບໍ່ຕ້ອງກັງວົນໃຈເສຍເວລາ ເຊົາຄິດໄປເລີຍ ບໍ່ຈຳເປັນຕ້ອງໄປຕໍ່ປາກຕໍ່ຄຳນຳ ເພາະການເຮັດແບບນັ້ນ ບໍ່ໄດ້ສົ່ງຜົນດີຫຍັງຂຶ້ນມາເລີຍ.

 

10 ວິທີຝຶກຕົນເປັນຄົນໃຈເຢັນ ນັ້ນແມ່ນຄົນສະຫລາດ - Wave100S AD to Website 2020 0 - 10 ວິທີຝຶກຕົນເປັນຄົນໃຈເຢັນ ນັ້ນແມ່ນຄົນສະຫລາດ
10 ວິທີຝຶກຕົນເປັນຄົນໃຈເຢັນ ນັ້ນແມ່ນຄົນສະຫລາດ - WhatsApp Image 2020 05 27 at 5 - 10 ວິທີຝຶກຕົນເປັນຄົນໃຈເຢັນ ນັ້ນແມ່ນຄົນສະຫລາດ
10 ວິທີຝຶກຕົນເປັນຄົນໃຈເຢັນ ນັ້ນແມ່ນຄົນສະຫລາດ - WhatsApp Image 2020 05 27 at 5 - 10 ວິທີຝຶກຕົນເປັນຄົນໃຈເຢັນ ນັ້ນແມ່ນຄົນສະຫລາດ
error: Alert: ເນື້ອຫາຂ່າວມີລິຂະສິດ !!