ແມ່ຍິງທີ່ມີສະເໜ່ ຈະມີສະຕິມາກ່ອນສະເໝີ

ແມ່ຍິງທີ່ມີສະເໜ່ ຈະມີສະຕິມາກ່ອນສະເໝີ - 555 66 - ແມ່ຍິງທີ່ມີສະເໜ່ ຈະມີສະຕິມາກ່ອນສະເໝີ
ແມ່ຍິງທີ່ມີສະເໜ່ ຈະມີສະຕິມາກ່ອນສະເໝີ - Untitled design - ແມ່ຍິງທີ່ມີສະເໜ່ ຈະມີສະຕິມາກ່ອນສະເໝີ
  1. ສະຫງ່າງາມ ແລະ ມີຄວາມໝັ້ນໃຈ : ແມ່ຍິງທີ່ມີສະເໜ່ບໍ່ຈຳເປັນຕ້ອງມີໜ້າຕາງົດງາມ ຫລື ສົມບູນແບບໄປທຸກດ້ານ, ແຕ່ແມ່ນຄົນທີ່ມີຄວາມໝັ້ນໃຈໃນຕົນເອງ, ຮູ້ຈັກທີ່ຈະເບິ່ງຜ່ານຈຸດດ້ອຍ ແລະ ດຶງຈຸດເດັ່ນຂອງຕົນເອງອອກມາ, ຮູ້ຈັກວາງໂຕຢ່າງງາມສະຫງ່າ ລວມເຖິງຮູ້ຈັກເລືອກເຄື່ອງແຕ່ງກາຍທີ່ເໝາະສົມກໍມີສ່ວນຊ່ວຍສົ່ງເສີມຄວາມໝັ້ນໃຈໃນຕົນເອງໄດ້ເຊັ່ນກັນ.
  2. ຮູ້ຈັກຄວບຄຸມອາລົມຄວາມຮູ້ສຶກ : ແມ່ຍິງທີ່ມີສະເໜ່ ເວລາເສຍໃຈ ມັກຈະບໍ່ຮ້ອງໄຫ້ໂວຍວາຍ, ເມື່ອດີໃຈກໍຈະໂດດດີ້ນຈົນເກີນງາມ ເພາະການກະທຳແບບນີ້ ສະແດງໃຫ້ເຫັນວ່າທ່ານບໍ່ສາມາດຄວບຄຸມອາລົມຄວາມຮູ້ສຶກໄດ້. ກົງກັນຂ້າມ ແມ່ຍິງທີ່ມີສະເໜ່ມັກເປັນທີ່ເພິ່ງໃຫ້ຜູ້ອື່ນ ເວລາພວກເຂົາທຸກໃຈຫລາຍກ່ວາ.
  3. ເປັນນັກສື່ສານມືອາຊີບ : ນັກສື່ສານທີ່ເກັ່ງຕ້ອງມີຄວາມຄິດເປັນລະບົບ ແລະ ຈະແຈ້ງນຳ ໂດຍຄວາມຄິດເຫລົ່ານີ້ຈະຖ່າຍທອດຜ່ານຄຳເວົ້າອັນຈະແຈ້ງປ່ຽມໄປດ້ວຍຄວາມໝັ້ນໃຈ ຜູ້ທີ່ມີບຸກຄະລິກແບບນີ້ຍ່ອມເບິ່ງມີສະເໜ່ຫລາຍກ່ວາຄົນທີ່ເວົ້າບໍ່ໄດ້ຄຳສັບ ສື່ສານບໍ່ຮູ້ເລື່ອງ.
  4. ບໍ່ຮຽກຮ້ອງຄວາມສົນໃຈ : ແມ່ຍິງທີ່ີມີສະເໜ່ມັກບໍ່ຮຽກຮ້ອງຄວາມສົນໃຈ ໂດຍການຮ້ອງໄຫ້ຂັດລັງ ຫລື ເປີດເຜີຍເລື່ອງລາວຂອງຕົນເອງໃນພື້ນທີ່ສາທາລະນະ ເປັນຕົ້ນແມ່ນໃນໂລກອອນລາຍ ເພາະການເປີດເຜີຍເລື່ອງບາງເລື່ອງອາດເຮັດໃຫ້ຜູ້ອື່ນເບິ່ງທ່ານໃນດ້ານລົບ. ສະນັ້ນ ຈົ່ງດຳລົງຕົນປຽບດັ່ງດອກໄມ້ປ່າເລິກລັບ ໜ້າຄົ້ນຫາ ຈະງົດງາມ ແລະ ປ່ຽມດ້ວຍສະເໜ່ຫລາຍກ່ວາ.
  5. ບໍ່ນິນທາຄົນອື່ນ : ເປັນຄົນຊ່າງເຈລະຈາກັບຄົນຂິ້ຕິສິນນິນທາແຕກຕ່າງກັນ, ຄົນຊ່າງເຈລະນາ ແມ່ນຜູ້ທີ່ມີສິລະປະໃນການເວົ້າໃຫ້ຖືກກາລະເທສະ, ແຕ່ຄົນຂີ້ຕິສິນນິນທາແມ່ນຄົນທີ່ເວົ້າໄປທົ່ວໄຮ້ສາລະ ຖືເປັນການຫລຸດສະເໜ່ຂອງຕົນເອງຢ່າງຫລາຍ. ຖ້າສິ່ງທີ່ເວົ້າຕໍ່ໆກັນໄປບໍ່ແມ່ນເລື່ອງຈິງ ຄວາມໜ້າເຊື່ອຖືທີ່ມີກໍຈະຫລຸດລົງໄປນຳ ສະນັ້ນແລ້ວ ໃຜທີ່ຄິດວ່າຕົນເອງກຳລັງນິນທາຜູ້ອື່ນຢູ່ ກໍຄົງຕ້ອງປັບປ່ຽນນິໄສກັນໂດຍໄວ.
  6. ລວຍຮອຍຍິ້ມ : ຮອຍຍິ້ມຖືເປັນໂຕຊ່ວຍເສີມສ້າງສະເໜ່ທີ່ບໍ່ຈຳເປັນຕ້ອງໄປຊື້ຫາຈາກໃສ ເພາະເຮົາສາມາດສ້າງຂຶ້ນເອງໄດ້ ຮອຍຍີ້ມປຽບດັ່ງມິດ ຖ້າທ່ານຍ່າງໄປຕາມທ້ອງຖະໜົນ ເຫັນແມ່ຍິງທີ່ມີສີໜ້າຍິ້ມແຍ້ມ ກັບແມ່ຍິງທີ່ເຮັດໜ້າຕາບູດບຶ້ງ ທັງທ່ານ ແລະ ຄົນສ່ວນຫລາຍກໍຄົງເລືອກທັກທາຍແມ່ຍິງທີ່ຍິ້ມແຍ່ມແມ່ນບໍ່ ? ສະນັ້ນ ລອງຍິ້ມໃຫ້ຕົນເອງ ແລະ ຄົນອ້ອມຂ້າງທຸກໆມື້ ພຽງເທົ່ານີ້ກໍເບິ່ງມີສະເໜ່ດຶງດູດຜູ້ຄົນອ້ອມຂ້າງໄດ້ແລ້ວ.
ແມ່ຍິງທີ່ມີສະເໜ່ ຈະມີສະຕິມາກ່ອນສະເໝີ - Wave100S AD to Website 2020 0 - ແມ່ຍິງທີ່ມີສະເໜ່ ຈະມີສະຕິມາກ່ອນສະເໝີ
ແມ່ຍິງທີ່ມີສະເໜ່ ຈະມີສະຕິມາກ່ອນສະເໝີ - WhatsApp Image 2020 05 27 at 5 - ແມ່ຍິງທີ່ມີສະເໜ່ ຈະມີສະຕິມາກ່ອນສະເໝີ
ແມ່ຍິງທີ່ມີສະເໜ່ ຈະມີສະຕິມາກ່ອນສະເໝີ - WhatsApp Image 2020 05 27 at 5 - ແມ່ຍິງທີ່ມີສະເໜ່ ຈະມີສະຕິມາກ່ອນສະເໝີ
error: Alert: ເນື້ອຫາຂ່າວມີລິຂະສິດ !!