ບໍລິຄໍາໄຊສຸມໃສ່ວຽກງານຮອບດ້ານ ຕ້ອນຮັບກອງປະຊຸມໃຫຍ່ຂອງພັກ

ບໍລິຄໍາໄຊສຸມໃສ່ວຽກງານຮອບດ້ານ ຕ້ອນຮັບກອງປະຊຸມໃຫຍ່ຂອງພັກ - Time fo an Adventure 2020 08 28T112043 - ບໍລິຄໍາໄຊສຸມໃສ່ວຽກງານຮອບດ້ານ ຕ້ອນຮັບກອງປະຊຸມໃຫຍ່ຂອງພັກ
ບໍລິຄໍາໄຊສຸມໃສ່ວຽກງານຮອບດ້ານ ຕ້ອນຮັບກອງປະຊຸມໃຫຍ່ຂອງພັກ - Untitled design - ບໍລິຄໍາໄຊສຸມໃສ່ວຽກງານຮອບດ້ານ ຕ້ອນຮັບກອງປະຊຸມໃຫຍ່ຂອງພັກ

ໂດຍ: ອ.ພາວນະທີ

ການ​ກະກຽມ​ວຽກ​ງານ​ຮອບດ້ານ​ໃຫ້​ແກ່​ກອງ​ປະຊຸມ​ໃຫຍ່​ຄັ້ງ​ທີ VII ຂອງ​ອົງຄະ​ນະ​ພັກແຂວງບໍລິ​ຄໍາ​ໄຊ ມາ​ເຖິງ​ປະຈຸບັນ ​ແມ່ນ​​ຍັງ​ສືບ​ຕໍ່​ຈັດ​ຕັ້ງ​ປະຕິບັດຢ່າງ​ເປັນ​ຂະ​ບວນຟົດ​ຟື້ນ ​ແລະ ຂຸ້ນຂ້ຽວ​ເພື່ອ​ໃຫ້​ສໍາ​ເລັດ​ທ່ວງທັນ​ກັບ​ແຜນການ​ທີ່​ກໍານົດ​ໄວ້: ດ້ານ​ເນື້ອ​ໃນ ​ແລະ ບຸກຄະລາ​ກອນ​ໄດ້​ສໍາ​ເລັດ​ການ​ທາ​ບທາມ​ຮອບ​ທີ 2 ພ້ອມ​ທັງ​ໄດ້​ເອົາ​ໃຈ​ໃສ່​ປັບປຸງ​​ເນື້ອ​ໃນ​ຕາມ​ຄຳ​ຄິດ​ຄຳ​ເຫັນ​ທີ່​ເປັນ​ປະ​ໂຫຍ​ດຂອງ​ຜູ້​ແທນ​ກອງ​ປະຊຸມ​ສໍາ​ມະ​ນາ​ຜ່ານ​ມາ​ ເພື່ອ​ໃຫ້​ມີ​ຄວາມ​ຖືກຕ້ອງ​ສອດຄ່ອງ​ກັບ​ໂຄງ​ສ້າງ ​ແລະ ສະພາບ​ຄວາມ​ເປັນ​ຈິງ; ດ້ານການ​ໂຄສະນາ ​ແລະ ​ຂະ​ບວນການ ​ແມ່ນ​ໄດ້​ສຸມ​ໃສ່​ຕິດຕາມ​ຊຸກຍູ້​ການຈັດ​ຕັ້ງ​ປະຕິບັດ​ມະຕິກອງ​ປະຊຸ​ມ​ໃຫຍ່​ຄັ້ງ​ທີ VI ​ໂຄ້ງ​ສຸດ​ທ້າຍ, ວຽກ​ງານ​ວິຊາ​ສະ​ເພາະ​ແຕ່ລະ​ຂະ​ແໜງ​ການ ​ແລະ ຂະ​ບວນການ​ອື່ນໆ ​ເຫັນ​ວ່າແຕ່​ລະ​ພາກສ່ວນ​ແມ່ນ​ໄດ້ມີ​ຄວາມ​ປຸ້ມລຸມ​ສາມັກຄີ ຈັດ​ຕັ້ງ​ປະຕິບັດ​ຕາມ​ໜ້າ​ທີ່​ຄວາມ​ຮັບຜິດຊອບ​ດ້ວຍ​ຄວາມ​ຂະຫຍັນ​ຂັນ​ແຂງ ຖື​ເອົາ​ກຳລັງ​ແຮງ​ຂອງ​ທຸກ​ພາກສ່ວນ ​ເປັນຕົ້ນຕໍ​​ ​ເພື່ອ​ນໍາ​ສູ່ຜົນ​ລໍາ​ເລັດ​ໂດຍ​ບໍ່​ຄອງ​ຄອຍ​ແຕ່ການ​ສະໜອງ​ດ້ານ​ງົບປະມານ.

ບໍລິຄໍາໄຊສຸມໃສ່ວຽກງານຮອບດ້ານ ຕ້ອນຮັບກອງປະຊຸມໃຫຍ່ຂອງພັກ - Wave100S AD to Website 2020 0 - ບໍລິຄໍາໄຊສຸມໃສ່ວຽກງານຮອບດ້ານ ຕ້ອນຮັບກອງປະຊຸມໃຫຍ່ຂອງພັກ

ວຽກ​ງານພົ້ນ​ເດັ່ນ​​ເປັນ​ຮູບ​ປະ​ທໍາຫຼາຍ​ກວ່າ​ໝູ່ ​ແມ່ນການສ້າງຂະ​ບວນການ​ດ້ານ​ຕ່າງໆ: ຂະບວນການ​ປະດິດ​ດອກ​ໄມ້​ທຽມ ຫຼາກ​ຫຼາຍ​ສີ​ທີ່​ສວຍ​ງາມຂອງ​ເອື້ອຍ​ນ້ອງ​ແມ່ຍິງ​ອ້ອມ​ຂ້າງ​ແຂວງ ນໍາພາ​ໂດຍ ທ່ານ ນາງ ​ແອ໋ງ ​ໄຊ​ສົງຄາມ ປະທານ​ກອງ​ທຶນ ໜຶ່ງ​ດວງ​ໃຈບໍລິ​ຄໍາ​ໄຊຊ່ວຍ​ເຫຼືອ​ສັງຄົມ, ປະດັບ​ປະດາ​ໃສ່​ບໍລິ​ເວນດ້ານ​ໜ້າ​ອະນຸສາວະລີທ່ານ ສີ​ສົມ​ພອນ ລໍ​ວັນ​ໄຊ ​ໄດ້​ມີ​ຄວາມ​ຄືບ​ໜ້າ​ ​ແລະ ສໍາ​ເລັດຫຼາຍ​ກວ່າ​ສອງ​ສ່ວນ​ສາມ​ຂອງ​​ແຜນການ; ວຽກງານ​ອະນາ​ໄມ ປະດັບ​ປະດາ ຕົບ​ແຕ່ງ​ຕົ້ນ​ໄມ້ ​ແລະ ດອກ​ໄຟ​ເຍືອງ​ທາງ​ ​ຕາມ​ເສັ້ນ​ທາງ​ເລກ 4 ​ເບ ​ແລະ ​ເສັ້ນທາງ​ເຂົ້າ​ສູ່​ສໍານັກງານ​ປົກຄອງ​ແຂວງກໍໄດ້​ຮັບ​ການ​ເອົາ​ໃຈ​ໃສ່ປະຕິບັດ​ເປັນ​ຢ່າງ​ດີ; ວຽກ​ງານ​ປະດັບ​ປະດາ​ຕິດ​ຕັ້ງ​ຄໍາ​ຂວັນ, ທຸງຊາດ, ທຸງ​ພັກ, ທຸງ​ທິວ ຕາມ​ສາຍ​ທາງ​ຫຼັກ ​ແລະ ຈຸດ​ສໍາຄັນ​ຕ່າງໆ ກໍໄດ້​ຕັ້ງໜ້າ​ຈັດ​ຕັ້ງ​ປະຕິບັດ​ສໍາ​ເລັດ​ໜ້າ​ວຽກ​ເປັນ​ສ່ວນ​ຫຼາຍ ​ໂດຍ​ມອບ​ໝາຍໃຫ້ 3 ບໍລິສັດ​ໂທລະ​ຄົມ​ສາຂາ​ແຂວງ​ຊ່ວຍ​ງົບປະມານ​ສະໜັບສະໜູນລວມມູນ​ຄ່າ 133 ລ້ານກີບ: ບໍລິສັດສະຕາ​ໂທລະ​ຄົມ​ມູນ​ຄ່າ 65,5 ລ້ານ​ກີບ, ບໍລິສັດລາວ​ໂທລະ​ຄົມມະນາຄົມ​ມະຫາຊົນ ມູນ​ຄ່າ 48,5 ລ້ານ​ກີບ ​ແລະ ບໍລິສັດ​ອີ​ທີ​ແອວ​ຈໍາກັດ ມູນ​ຄ່າ 19 ລ້ານ​ກີບ, ວຽກ​ງານ​ອະນາ​ໄມ ຕົບ​ແຕ່ງ​ສວນ​ອານຸສາ​ວະລີ ປະທານ​ໄກສອນ ພົມວິຫານ ​ໂດຍ​ແບ່ງ​ຄວາມ​ຮັບຜິດຊອບ​ໃຫ້​ອົງການ​ຈັດ​ຕັ້ງ​ມະຫາຊົນ ຮາກ​ຖານ​ອ້ອມ​ຂ້າງ​ແຂວງ​ເປັນ​ຜູ້​ປະຕິບັດ​ຕົວ​ຈິງ​ກໍໄດ້​ມີ​ຄວາມ​ຄືບ​ໜ້າ​ຢ່າງ​ຕໍ່​ເນື່ອງ, ວຽກ​ປັບປຸງ​ຫ້ອງ​ປະຊຸມ​ກໍ​ໄດ້​ສຸມ​ໃສ່​ທາສີ​ໃໝ່, ກວດ​ກາສ້ອມ​ແປງ​ລະບົບ​ໄຟ​ສະຫວ່າງ, ລະບົບ​ເຄື່ອງ​ປັບ​ອາກາດ, ລະບົບ​ເຄື່ອງ​ສຽງ ​ແລະ ອື່ນໆ​ໄດ​້​ສໍາ​ເລັດ​ເປັນ​ກ້າວໆ; ຂະ​ບວນການຈັດ​ຕັ້ງ​ປະ​ຕິ​ບັດ​ແຜນ​ພັດທະນາ​ເສດຖະກິດ-ສັງຄົມ, ວຽກ​ງານ​ກໍສ້າງ​ຮາກ​ຖານ​ການ​ເມືອງ-ພັດທະນາ​ຊົນນະບົດ​ຮອບດ້ານ ຕິດ​ພັນ​ກັບ​ວຽກ​ງານ 3 ສ້າງ ສຶບຕໍ່​ແກ້​ໄຂ​ຄວາມທຸກ​ຍາກ​ຂອງ​ປະຊາຊົນ​ບັນດາ​ເຜົ່າ, ວຽກ​ງານ​ປ້ອງ​ກັນຊາ​ດ-ປ້ອງ​ກັນ​ຄວາມ​ສະຫງົບ ຕິດ​ພັນ​ກັບ​ການ​ແກ້​ໄຂ 4 ​ເຖື່ອນ ຜັນ​ຂະຫຍາຍ 9 ຫົວ​ຂໍ້​ສໍາ​ມະ​ນາ​ວິທະຍາສາດ ກໍ່​ໄດ້​ຕັ້ງໜ້າ​ສຸມ​ໃສ່​ຢ່າງ​ຕໍ່​ເນື່ອງ ​ເຮັດ​ໃຫ້​ບ້ານ​ເມືອງ​ມີ​ຄວາມ​ສະຫງົບ-ຄວາມ​ເປັນ​ລະບຽບຮຽບຮ້ອຍດີ, ຂະ​ບວນການ​ໂຄສະນາ​ປະຊາ​ສໍາພັນ​ຜ່ານ​ສື່ມວນ​ຊົນ ກໍ່​ໄດ້​ນໍາ​ໃຊ້​ສື່​ຂອງ​ແຂວງ ​ແລະ ສົ່ງ​ອອກ​ສື່​ຂອງ​ສູນ​ກາງ​ຢ່າງ​ແຂງ​ແຮງ ຜົນງານ​ການ​ເຄື່ອນ​ໄຫວ​ວຽກ​ງານ​ຮອບດ້ານ​ຂອງ​ແຂວງ​ຢ່າງ​ເປັນ​ປົກກະຕິ​ຕໍ່​ເນື່ອງ ​ແລະ ມີ​ຫຼາຍ​ຮູບ​ການ-​ເນື້ອ​ໃນ​ອັນ​ອຸດົມສົມບູນ; ນອກ​ນີ້ ຍັງ​ມີ​ຫຼາຍ​ໜ້າ​ວຽກ​ອັນ​ລະອຽດ​ທີ່​ບໍ່​ໄດ້​ກ່າວ​ເຖິງ ​  ເຊິ່ງທັງ​ໝົດ​ນັ້ນ​ແມ່ນ​ພາຍ​ໃຕ້​ການ​ຊີ້ ​ນໍ​າ-ນໍາພາ ຂອງ​ອົງຄະ​ນະ​ພັກ​ແຂວງ​ບໍລິ​ຄໍາ​ໄຊ ​ແລະ ການ​ຮ່ວມ​ມື​ສະໜັບສະໜູນ ຮ່ວມ​ແຮງ​ຮ່ວມ​ໃຈຂອງ​ທຸກ​ພາກສ່ວນ ອົງການ​ຈັດ​ຕັ້ງ ພັກ-ລັດ, ກໍາລັງ​ປະກອບ​ອາວຸດ ​ແລະ ອົງການ​ຈັດ​ຕັ້ງ​ສັງ​ຄົມ, ບໍລິສັດ, ລັດ​ວິ​ສາ​ຫະກິດ, ຊາວ​ຄ້າຂາຍ, ນັກທຸລະກິດ ຕະຫຼອດ​ເຖິງ​ປະຊາຊົນ​ບັນດາ​ເຜົ່າ ຊາວ​ແຂວງ​ບໍລິ​ຄໍາ​ໄຊ. ທ່ານ ກອງ​ແກ້ວ ​ໄຊ​ສົງຄາມ ກໍາມະການ​ສູນ​ກາງ​ພັກ, ​ເລຂາ​ພັກ​ແຂວງ ​ເຈົ້າ​ແຂວງ​ບໍລິ​ຄຳ​ໄຊ ​ໄດ້​ສະ​ແດງ​ຄວາມ​ຍ້ອງຍໍ​ຊົມ​ເຊີຍ ຕໍ່​ທຸກ​ພາກສ່ວນ​ທີ່​ໄດ້​ຕັ້ງໜ້າຢ່າງ​ແຂງ​ແຮງ​ປະກອບສ່ວນ​ດ້ານ​ເຫື່ອ​ແຮງ, ສະຕິ​ປັນຍາ ​ແລະ ຊັບ​ສິນ ​ເຂົ້າ​ໃນ​ການ​ກະກຽມ​ກອງ​ປະຊຸມ​ໃຫຍ່​ຄັ້ງ​ທີ VII ຜູ້​ແທນ​ອົງຄະ​ນະ​ພັກ​ແຂວງ​ບໍລິ​ຄໍາ​ໄຊ ​ໃນ​ໂອກາດ​ທີ່​ທ່ານ​ໄດ້​ລົງ​ຕິດຕາມ​ກວດກາ​ຊຸກຍູ້​ວຽກ​ງານ​ຂະ​ບວນການ​ຢູ່​ບໍລິ​ເວນ​ສວນ​ອານຸສາ​ວະລີ ທ່ານ ສີ​ສົມ​ພອນ ລໍ​ວັນ​ໄຊໃນ​ວັນ​ທີ 25 ສິງຫາ 2020 ທີ່​ຜ່ານມາ.

ບໍລິຄໍາໄຊສຸມໃສ່ວຽກງານຮອບດ້ານ ຕ້ອນຮັບກອງປະຊຸມໃຫຍ່ຂອງພັກ - WhatsApp Image 2020 05 27 at 5 - ບໍລິຄໍາໄຊສຸມໃສ່ວຽກງານຮອບດ້ານ ຕ້ອນຮັບກອງປະຊຸມໃຫຍ່ຂອງພັກ
ບໍລິຄໍາໄຊສຸມໃສ່ວຽກງານຮອບດ້ານ ຕ້ອນຮັບກອງປະຊຸມໃຫຍ່ຂອງພັກ - WhatsApp Image 2020 05 27 at 5 - ບໍລິຄໍາໄຊສຸມໃສ່ວຽກງານຮອບດ້ານ ຕ້ອນຮັບກອງປະຊຸມໃຫຍ່ຂອງພັກ
error: Alert: ເນື້ອຫາຂ່າວມີລິຂະສິດ !!