ປະຊາຊົນແຂວງວຽງຈັນທົດລອງລ້ຽງງົວຜູ້ທອມ-ແມ່ພັນ

- advert banner 728 90 728x90 - ປະຊາຊົນແຂວງວຽງຈັນທົດລອງລ້ຽງງົວຜູ້ທອມ-ແມ່ພັນ

ປັດຈຸບັນປະຊາຊົນຜູ້ທີ່ມີ ເງື່ອນໄຂຈຳນວນໜຶ່ງຢູ່ບ້ານຖິ່ນ ຍຸງເມືອງວຽງຄຳ ແລະ ບ້ານ ແອກຊ້າງເມືອງໂພນໂຮງ, ນັບທັງບ້ານກົກກ້ຽງເມືອງແກ້ວອຸດົມ ແຂວງວຽງຈັນໄດ້ເລີ່ມ ສົນໃຈຫັນມາເຂົ້າຮ່ວມໂຄງການທົດລອງລ້ຽງງົວຜູ້ທອມ ແລະ ງົວແມ່ປັບປຸງພັນ ເຊິ່ງໄດ້ຮັບ ການສະໜັບສະໜູນຊ່ວຍເຫລືອຈາກອົງການກອຍກາ ສ.ເກົາຫລີ ເພື່ອແນໃສ່ຫລຸດ ຜ່ອນຄວາມທຸກຍາກລົງເທື່ອ ລະກ້າວ.

- new3 - ປະຊາຊົນແຂວງວຽງຈັນທົດລອງລ້ຽງງົວຜູ້ທອມ-ແມ່ພັນ

 

+ ສານປະຊາຊົນແຂວງອຸດົມໄຊຕັດສິນປະຫານຊີວິດຜູ້ຄ້າຂາຍຢາເສບຕິດລາຍໃຫຍ່ 2 ຄົນ

+ ພົບການລະບາດຄັ້ງໃໝ່ຂອງພະຍາດອັກເສບຕັບຊະນິດ A ຢູ່ແຂວງວຽງຈັນ ແລະ ນະຄອນຫລວງວຽງຈັນ

 

- lattana 1 - ປະຊາຊົນແຂວງວຽງຈັນທົດລອງລ້ຽງງົວຜູ້ທອມ-ແມ່ພັນ

 

 

ໂຄງການນີ້, ໄດ້ເລີ່ມຈັດຕັ້ງປະຕິບັດກິດຈະກຳຢູ່ 3 ບ້ານດັ່ງກ່າວນັບແຕ່ທ້າຍປີ 2016, ສຳລັບບ້ານຖິ່ນຍຸງມີ 3 ຄອບຄົວ  ແລະ ບ້ານແອກຊ້າງປະກອບ 7  ຄອບຄົວລວມ 10 ຄອບຄົວ, ໃນນີ້ 5 ຄອບຄົວລ້ຽງງົວຜູ້ທອມ ແລະ 5 ຄອບຄົວລ້ຽງງົວແມ່ປັບປຸງພັນ, ມີງົວທັງໝົດ 150 ໂຕ,  ໂດຍປະຕິບັດຕາມຫລັກວິຊາການຂອງໂຄງການເປັນຕົ້ນ ແມ່ນການລ້ຽງງົວຢູ່ໃນຄອກ, ທັງມີການປູກຫຍ້າລ້ຽງສັດ ແລະ  ການໃຫ້ອາຫານທີ່ຖືກຕ້ອງ. ສ່ວນບ້ານກົກກ້ຽງມີ 2 ກຸ່ມ 9  ຄອບຄົວ, ມີງົວ 30 ໂຕ ເຊິ່ງເປັນໂຄງການສຳຮອງໃຊ້ເພື່ອປຽບທຽບກັບໂຄງການຫລັກ ແລະ ເປັນການລ້ຽງແບບທຳມະຊາດ.  ບໍ່ມີການປູກຫຍ້າລ້ຽງສັດ.

ເຂົ້າຮ່ວມໂຄງການແມ່ນ ປະຊາຊົນຕ້ອງໄດ້ປະກອບສ່ວນ ງົວ ແລະ ເນື້ອທີ່ສຳລັບປູກຫຍ້າສ່ວນໂຄງການໄດ້ສະ   ໜອງແນວພັນຫຍ້າ, ອາຫານສັດ, ງົບປະມານການກໍ່ສ້າງຮົ້ວ ແລະ ຄອກ ລ້ຽງງົວ, ນັບທັງກົນຈັກກະສິກຳ, ຢາປ້ອງກັນ ແລະ ປິ່ນປົວ ພະຍາດສັດ, ເຊິ່ງໃນໜຶ່ງປີຜ່ານມາການຊ່ວຍເຫລືອຂອງ ສ. ເກົາຫລີ ສະເພາະບ້ານຖິ່ນຍຸງມີມູນຄ່າ 350 ລ້ານກວ່າກີບ, ບ້ານແອກຊ້າງ 820 ລ້ານກວ່າກີບ ແລະ ບ້ານກົກກ້ຽງ 690  ລ້ານກວ່າກີບ ລວມທັງໝົດ ເກືອບ 2 ຕື້ກີບ ແລະ ໃນໂອກາດລົງຢ້ຽມຢາມຊົມຄອບຄົວທົດລອງລ້ຽງງົວທີ່ເຂົ້າຮ່ວມໂຄງ ການດັ່ງກ່າວຢູ່ບ້ານຖິ່ນຍຸງ  ແລະ ກຸ່ມລ້ຽງງົວຢູ່ບ້ານແອກ ຊ້າງຂອງທ່ານນາຍົກລັດຖະມົນຕີ ທອງລຸນ ສີສຸລິດ,  ໂດຍ ໄດ້ສະແດງຄວາມຊົມເຊີຍຕໍ່ລັດຖະບານ ສ.ເກົາຫລີ ກໍຄືອົງການ ກອຍກາທີ່ໄດ້ໃຫ້ການສະໜັບສະໜູນໂຄງການເຮັດໃຫ້ ປະຊາຊົນມີຄວາມສົນໃຈລ້ຽງງົວຊະນິດດັ່ງກ່າວ. ພ້ອມນີ້ ທ່ານນາຍົກລັດຖະມົນຕີຍັງເຊື່ອໝັ້ນວ່າໂຄງການດັ່ງກ່າວ,  ຈະຂະຫຍາຍ ຕົວສູ່ຊົນນະບົດອີກຫລາຍໆແຫ່ງ, ທັງນີ້, ຍັງເປັນການສົ່ງເສີມປະຊາຊົນສ້າງລາຍໄດ້ແກ່ຄອບຄົວ ແລະ ຫລຸດຜ່ອນຄວາມທຸກຍາກລົງເທື່ອລະກ້າວ.

error: Content is protected !!