ລາວ ຕີລາຄາສູງຜົນສຳເລັດວຽກງານຕ່າງປະເທດຂອງຫວຽດນາມ.

ລາວ ຕີລາຄາສູງຜົນສຳເລັດວຽກງານຕ່າງປະເທດຂອງຫວຽດນາມ. - Time fo an Adventure 2020 08 28T154341 - ລາວ ຕີລາຄາສູງຜົນສຳເລັດວຽກງານຕ່າງປະເທດຂອງຫວຽດນາມ.
ລາວ ຕີລາຄາສູງຜົນສຳເລັດວຽກງານຕ່າງປະເທດຂອງຫວຽດນາມ. - AGL banner - ລາວ ຕີລາຄາສູງຜົນສຳເລັດວຽກງານຕ່າງປະເທດຂອງຫວຽດນາມ.

ວັນທີ 28 ສິງຫານິ້, ເນື່ອງໃນໂອກາດສະນຶກວັນສ້າງຕັ້ງຂະແໜງການທູດຂອງຫວຽດນາມຄົບຮອບ 75 ປີ(28/8/1945 – 28/8/2020), ເອກອັກຄະລັດຖະທູດຜູ້ມີອຳນາດເຕັມແຫ່ງສາທາລະນະລັດປະຊາທິປະໄຕປະຊາຊົນລາວ ປະຈຳຢູ່ສາທາລະນະລັດສັງຄົມນິຍົມຫວຽດນາມ, ທ່ານ ແສງເພັດ ຮຸ່ງບຸນຍ່ວງ ຕາງໜ້າພັກ, ລັດ ແລະ ປະຊາຊົນລາວໄດ້ສົ່ງຄຳອວຍພອນອັນປະເສີດຂຳນັບຊົມເຊີຍໄປຍັງທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດຂອງຫວຽດນາມ ທ່ານ ຟາມບິງມິງ ແລະ ພະນັກງານການຕ່າງປະເທດຫວຽດນາມ.

ຕະຫຼອດ 75 ປີທີ່ຜ່ານມາ, ຫວຽດນາມໄດ້ຈັດຕັ້ງປະຕິບັດແນວທາງການຕ່າງປະເທດບົນພື້ນຖານແນວຄວາມຄິດຂອງປະທານໂຮ່ຈິມີນທີ່ວ່າ: “dĩ bất biến ứng vạn biến” ອາດແປປະມານວ່າ: “ສະເໝີຕົ້ນສະເໝີປາຍ ບໍ່ປ່ຽນແປງ”, “ຫວຽດນາມພ້ອມທີ່ຈະເປັນເພື່ອນກັບທຸກປະເທດ”. ຂະແໜງການຕ່າງປະເທດຂອງຫວຽດນາມເຕີບໃຫ່ຍຂະຫຍາຍຕົວຢ່າງບໍ່ຢຸດຢັ້ງ, ເຮັດລ້ອນໜ້າທີ່ປະຫວັດສາດຂອງຕົນໃນແຕ່ລະໄລຍະໄດ້ເປັນຢ່າງດີ, ໂດຍສະເພາະແມ່ນການສົ່ງເສີມສັນຕິພາບ, ຄວາມໝັ້ນຄົງ ແລະ ສ້າງເງື່ອນໄຂອຳນວຍຄວາມສະດວກໃຫ້ແກ່ພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ເພື່ອຈຸດໝາຍ: ປະຊາຊົນຮັ່ງມີ, ປະເທດຊາດເຂັ້ມແຂງ, ສັງຄົມຍຸຕິທຳ ສີວິໄລ.

ປັດຈຸບັນ, ຢືນຢູ່ຕໍ່ໜ້າສະພາບການຂອງໂລກ ແລະ ພາກພື້ນທີ່ມີຄວາມສັບສົນ ໂດຍສະເພາະແມ່ນການລະບາດຂອງພະຍາດໂຄວິດ-19 ທີ່ກຳລັງແຜ່ລະບາດໄປທົ່ວໂລກໃນຂະນະນີ້, ຫວຽດນາມໄດ້ເຮັດລ້ອນພາລະກິດສອງຢ່າງໄປຄວບຄູ່ກັນ. ນັ້ນກໍຄື: ເປັນປະທານອາຊຽນປີ 2020 ແລະ ເປັນສະມາຊິກສະພາຄວາມໝັ້ນຄົງບໍ່ປະຈຳການຂອງສະຫະປະຊາຊາດສະໄໝ 2020-2021. ຫວຽດນາມໄດ້ຈັດຕັ້ງປະຕິບັດແນວທາງການຕ່າງປະເທດທີ່ວ່າ: ເອກກະລາດ, ເປັນເຈົ້າຕົນເອງ, ຕັດສິນໃຈ ແລະ ເຂົ້າຮ່ວມແກ້ໄຂບັນຫາຕ່າງໆຂອງພາກພື້ນ ແລະ ໃນໂລກ. ສະເພາະໃນສະໜາມຮົບວຽກງານການຕ່າງປະເທດ, ຫວຽດນາມຍາດໄດ້ໄຊຊະນະທີ່ຍິ່ງໃຫ່ຍ, ອິດທິພົນ ແລະ ບົດບາດຂອງຫວຽດນາມບົນເວທີສາກົນ ແລະ ພາກພື້ນນັບມື້ສູງເດັ່ນຂຶ້ນ.

ລາວ ຕີລາຄາສູງຜົນສຳເລັດວຽກງານຕ່າງປະເທດຂອງຫວຽດນາມ. - Wave100S AD to Website 2020 0 - ລາວ ຕີລາຄາສູງຜົນສຳເລັດວຽກງານຕ່າງປະເທດຂອງຫວຽດນາມ.

ໃນນາມເປັນເພື່ອນມິດທີ່ໃກ້ຄຽງ ແລະ ສະໜິດສະໜົມ, ພວກເຮົາສູດທີ່ພາກພູມໃຈ ແລະ ຕີລາຄາສູງໝາກຜົນທີ່ຂະແໜງການຕ່າງປະເທດຂອງຫວຽດນາມຍາດມາໄດ້ໃນໄລຍະທີ່ຜ່ານມາ. ຫວຽດນາມໄດ້ກາຍເປັນກຳລັງໃຈໃຫ້ຂະແໜງການຕ່າງປະເທດຂອງລາວ, ພວກເຮົາຂໍສະແດງຄວາມຂອບໃຈເພື່ອນຫວຽດນາມທີ່ໄດ້ໃຫ້ການຊ່ວຍເຫຼືອ, ສະໜັບສະໜູນ, ຮ່ວມມືຢ່າງແໜ້ນແຟ້ນໃນວຽກງານການຕ່າງປະເທດຂອງສອງຝ່າຍ ແລະ ຫຼາຍຝ່າຍ. ດ້ວຍມູນເຊື້ອແຫ່ງການພົວພັນແບບພິເສດລະຫວ່າງສອງພັກ ສອງລັດ ແລະ ປະຊາຊົນສອງຊາດ ລາວ-ຫວຽດນາມເວົ້າລວມ, ການຮ່ວມມືລະຫວ່າງສອງກະຊວງເວົ້າສະເພາະ, ພວກເຮົາມີຄວາມເຊື່ອໝັ້ນວ່າສາຍພົວພັນການຮ່ວມມືລະຫວ່າງສອງຂະແໜງການຂອງພວກເຮົາຈະນຳເອົາຜົນຜະໂຫຍດອັນແທ້ຈິງມາໃຫ້ພວກເຮົານັບມື້ນັບຫຼາຍຂຶ້ນ ເພື່ອຄວາມຢູ່ດີກິນດີຂອງປະຊາຊົນສອງຊາດລາວ-ຫວຽດນາມ, ເພື່ອສັນຕິພາບ, ມິດຕະພາບ, ການຮ່ວມມື ເພື່ອພ້ອມກັນພັດທະນາໃນພາກພື້ນ ແລະ ໃນໂລກ.

ຂ່າວ: ລູກເມືອງພວນ(ແຫຼ່ງຂ່າວ baoquocte)

ລາວ ຕີລາຄາສູງຜົນສຳເລັດວຽກງານຕ່າງປະເທດຂອງຫວຽດນາມ. - lattana banner 1 - ລາວ ຕີລາຄາສູງຜົນສຳເລັດວຽກງານຕ່າງປະເທດຂອງຫວຽດນາມ.
ລາວ ຕີລາຄາສູງຜົນສຳເລັດວຽກງານຕ່າງປະເທດຂອງຫວຽດນາມ. - lattana banner - ລາວ ຕີລາຄາສູງຜົນສຳເລັດວຽກງານຕ່າງປະເທດຂອງຫວຽດນາມ.
ລາວ ຕີລາຄາສູງຜົນສຳເລັດວຽກງານຕ່າງປະເທດຂອງຫວຽດນາມ. -    AD conten website - ລາວ ຕີລາຄາສູງຜົນສຳເລັດວຽກງານຕ່າງປະເທດຂອງຫວຽດນາມ.
error: Alert: ເນື້ອຫາຂ່າວມີລິຂະສິດ !!