ງານມະຫາກໍາກິລາແຫ່ງຊາດ ຄັ້ງທີ 11 ກຽມພ້ອມແລ້ວ 100% ຍັງລໍຖ້າທາງລັດຖະບານອະນຸມັດເປີດການແຂ່ງຂັນຢ່າງເປັນທາງການ

ໃນໂອກາດເຂົ້າຮ່ວມກອງປະຊຸມຜູ້ບໍລິຫານການສຶກສາ ແລະ ກິລາ ທົ່ວປະເທດ ໃນວັນທີ 27-28 ສິງຫານີ້ ທີ່ນະຄອນຫລວງວຽງຈັນ,  ທ່ານຫົວຫນ້າພະແນກສຶກສາທິການ ແລະ ກິລາ ແຂວງຊຽງຂວາງ ໄດ້ລາຍງານໃຫ້ຮູ້ວ່າ: ງານມະຫາກໍາກິລາແຫ່ງຊາດ ຄັ້ງທີ 11 (ຊຽງຂວາງ ເກມ) ກຽມພ້ອມແລ້ວ 100%, ໂດຍສະເພາະ ສະຫນາມກິລາທີ່ຈະນໍາໃຊ້ເຂົ້າໃນພິທີເປີດ-ປິດ ແລະ ສະຖານທີ່ພັກເຊົາຂອງຄະນະນໍາ, ຄູຝຶກ ແລະ ນັກ ກິລາ ກໍໄດ້ມີການປັບປຸງແກ້ໄຂຄືນໃໝ່ສໍາເລັດແລ້ວ 100%, ປັດຈຸບັນ ຍັງລໍຖ້າທາງລັດຖະບານ ກໍຄືກະຊວງສຶກສາທິການ ແລະ ກິລາ ອະນຸມັດເປີດການແຂ່ງຂັນເທົ່ານັ້ນ.

ສໍາລັບ ພິທີເປີດ-ປິດ ແລະ ປະດັບປະດາສະໝາມກິລາປະເພດຕ່າງໆ, ຕິດຕັ້ງລະບົບອິນເຕີເນັດ, ຈັດພິມໃບຍ້ອງຍໍ ແລະ ວິທີການມອບຫລຽນແຕ່ລະປະເພດສໍາເລັດ 100%, ຂຶ້ນທະບຽນອອກບັດໃຫ້ຄະນະຮັບຜິດຊອບຈັດງານ, ຄູຝຶກ, ນັກກິລາຂອງແຕ່ລະແຂວງ, ໄດ້ຈັດພິມບັດຄ້ອງຄໍສຳເລັດ ແລ້ວຈໍານວນ 2.534 ບັດ. ພ້ອມທັງກຽມຫລຽນລາງວັນ, ສັດນໍາໂຊກກະຕູນນົກແອນ ແລະ ອື່ນໆເປັນທີ່ຮຽບຮ້ອຍແລ້ວ.

ພ້ອມນັ້ນແມ່ນໄດ້ສໍາເລັດການຈັດຊື້ເຄື່ອງນຸ່ງນັກກິລາແຕ່ລະປະເພດ ແລະ ອຸປະກອນຕ່າງໆຮັບໃຊ້ໃນການແຂ່ງຂັນ, ຈັດພິມປຶ້ມລະບຽບການແຂ່ງຂັນກິລາແຕ່ລະປະເພດ, ການຝຶກແອບນາງສາວມອບຫລຽນ, ສໍາເລັດການກະກຽມດ້ານໂຮງແຮມ, ບ້ານພັກ, ຮ້ານອາຫານ ການກໍານົດວິທີແຫ່ທວນໄຟ, ແຫໄຫຫີນ, ວິທີຈູດທວນໄຟ; ການຝຶກແອບນັກສະແດງ, ການສວນສະຫນາມ, ສໍາເລັດການຈັດຊື້ເຄື່ອງໄຟແສງ-ສີ ແລະ ອຸປະກອນຕ່າງໆ ຮັບໃຊ້ການສະແດງ ແລະ ອື່ນໆ.

 

No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!