ແນວລາວສ້າງຊາດເສົາຄໍາຄວາມສາມັກຄີປອງດອງ

ແນວລາວສ້າງຊາດເສົາຄໍາຄວາມສາມັກຄີປອງດອງ - 555 72 - ແນວລາວສ້າງຊາດເສົາຄໍາຄວາມສາມັກຄີປອງດອງ
ແນວລາວສ້າງຊາດເສົາຄໍາຄວາມສາມັກຄີປອງດອງ - AGL banner - ແນວລາວສ້າງຊາດເສົາຄໍາຄວາມສາມັກຄີປອງດອງ

ເມື່ອວັນທີ 30 ເດືອນເມສາ 2020 ຜ່ານມານີ້, ກົມການເມືອງສູນກາງພັກ ປະຊາຊົນ ປະຕິວັດລາວ ໄດ້ອອກມະຕິວ່າດ້ວຍ ວຽກງານແນວໂຮມ ແລະ ວຽກງານມະຫາຊົນຂອງພັກໃນໄລຍະໃໝ່, ຈຸດປະສົງຄາດໝາຍຫລັກໆຂອງການອອກມະຕິດັ່ງກ່າວກໍເພື່ອຍົກສູງຖານະບົດບາດ, ພາລະກິດອັນຍິ່ງໃຫຍ່, ທັງເປັນເງື່ອນໄຂ ແລະ ບ່ອນອີງໃຫ້ອົງການແນວລາວສ້າງຊາດໄດ້ມີການເຄື່ອນໄຫວຕາມພາລະບົດບາດໜ້າທີ່ຂອງຕົນຢ່າງເຕັມສ່ວນ, ແຂງແຮງ ແລະ ໜັກແໜ້ນໃນເງື່ອນໄຂໃໝ່ທ່າມກາງຍຸກການປະຕິວັດທີ່ຢືນຢູ່ຕໍ່ໜ້າສິ່ງທ້າທາຍທົບສອບນານາປະການ, ເປັນພື້ນຖານໃຫ້ແກ່ການສືບຕໍ່ຈັດຕັ້ງປະຕິບັດແນວທາງປ່ຽນແປງໃໝ່ຢ່າງຮອບດ້ານ ແລະ ມີຫລັກການຂອງພັກເຮົາ, ອີກປະການໜຶ່ງ

ກໍເພື່ອບັນລຸເປົ້າໝາຍປະຊາຊົນຮັ່ງມີຜາສຸກ, ປະເທດຊາດມັ່ງຄັ່ງເຂັ້ມແຂງ, ສັງຄົມສາມັກຄີປອງດອງ, ມີປະຊາທິປະໄຕ ຍຸຕິທໍາ ແລະ ສີວິໄລໃຫ້ປະກົດຜົນເປັນຈິງຍິ່ງໆຂຶ້ນ.

ເມື່ອຕັ້ງໂຈດກັນວ່າ ຢາກບັນລຸເປົ້າໝາຍດັ່ງກ່າວອົງການແນວລາວສ້າງຊາດໃນຖານະເປັນອົງກອນແນວໂຮມແຫ່ງຊາດຈະຕ້ອງເຮັດແນວໃດ? ກ່ອນອື່ນໝົດຕ້ອງໄດ້ເປັນເສົາຄ້ໍາອັນແໜ້ນແກ່ນແຫ່ງຄວາມສາມັກຄີປອງດອງພາຍໃນຊາດໃຫ້ໜັກແໜ້ນ, ເຂັ້ມແຂງ ແລະ ກວ້າງຂວາງຈຶ່ງຈະສາມາດເຮັດຫລ້ອນໜ້າທີ່ຕໍ່ພາລະກໍາປະຫວັດສາດທີ່ຊາດ ແລະ ປະຊາຊົນ ກໍຄືພັກປະຊາຊົນປະຕິວັດລາວໄດ້ມອບໝາຍໃຫ້, ເມື່ອຫວນຄືນເບິ່ງມູນເຊື້ອປະຕິວັດຂອງແນວລາວສ້າງຊາດກ່ອນໜ້ານີ້ 70 ປີຄື: ນັ້ນແຕ່ມື້ກໍາເນີດເກີດຂຶ້ນເອີ້ນວ່າແນວລາວອິດສະຫລະຕໍ່ມາກໍກາຍມາເປັນແນວລາວຮັກຊາດ ແລະກ້າວມາເປັນແນວລາວສ້າງຊາດໃນປັດຈຸບັນ, ແນວລາວສ້າງຊາດໄດ້ມີຜົນງານອັນໃຫຍ່ຫລວງມາໃຫ້ປະເທດຊາດບ້ານເມືອງ, ເວົ້າໄດ້ວ່າອົງການແນວລາວສ້າງຊາດໄດ້ຜ່ານພົ້ນໄລຍະປະຫວັດສາດຂອງຕົນຢ່າງລະອິດລະອ້ຽວ, ມີຜົນງານຢ່າງໂດດເດັ່ນໃຫຍ່ຫລວງມາໃຫ້ການປະຕິວັດຊາດປະຊາທິປະໄຕກໍຄືການປົກປັກຮັກສາແລະສ້າງສາປະເທດຊາດ.

ໃນໄລຍະຕໍ່ສູ້ກູ້ຊາດຕ້ານຈັກກະພັດລ່າເມືອງຂຶ້ນແບບເກົ່າ ແລະ ແບບໃໝ່ ໃນເງື່ອນໄຂທີ່ພັກຍັງເຄື່ອນໄຫວປິດລັບກໍໄດ້ອາໄສອົງການແນວລາວອິດສະຫລະ ແລະ ອົງການແນວລາວຮັກຊາດເປັນຜູ້ເຄື່ອນໄຫວຢ່າງອອກໜ້າອອກຕາ ເພື່ອປຸກລະດົມປະຊາຊົນບັນດາເຜົ່າໃຫ້ມີຄວາມສາມັກຄີເຂົ້າຮ່ວມການປະຕິວັດຢ່າງເປັນຂະບວນກ້ວາງຂວາງ ແລະ ຟົດຟື້ນ ເປັນຕົ້ນ: ເຂົ້າພະນັກງານ, ທະຫານ, ເປັນກອງລໍາລຽງ, ເປັນແນວຫລັງ ແລະ ເປັນພື້ນຖານໃຫ້ແກ່ການປະຕິວັດ ກາຍເປັນກ້ອນກໍາລັງອັນມະຫາສານເຂົ້າໃນຂະບວນການຕໍ່ສູ້ຈົນໄດ້ຮັບໄຊຊະນະໃນບັ້ນສຸດທ້າຍນັ້ນກໍຄືສາມາດປົດປ່ອຍປະເທດຊາດໄດ້ຢ່າງສົມບູນໃນປີ 1975.

ໃນໄລຍະປົກປັກຮັກສາໝາກຜົນຂອງການປະຕິວັດກໍຄືການສ້າງສາ ແລະພັດທະນາປະເທດຊາດ ອົງການແນວລາວສ້າງຊາດຍິ່ງມີພາລະບົດບາດ ແລະ ພາລະກິດອັນໃຫຍ່ຫລວງກວ້າງຂວາງໃນພາລະກໍາປະຫວັດສາດຂອງຕົນເປັນຕົນ: ຢືນຢູ່ແຖວໜ້າໃນການສຶກສາອົບຮົມ ແລະ ປຸກລະດົມປະຊາຊົນບັນດາເຜົ່າ, ເຕົ້າໂຮມຄວາມສາມັກຄີປອງດອງປັນດາຊັ້ນຄົນ, ສາສະໜາ, ເພດໄວໃຫ້ເປັນກໍາລັງແຮງແລະປຶກແຜ່ນແໜ້ນໜາເພື່ອເຂົ້າຮ່ວມໃນຂະບວນການສ້າງສາ ແລະພັດທະນາປະເທດຊາດ ນອກຈາກນັ້ນ, ຍັງມີໜ້າທີ່ປຸກລະດົມຂົນຂວາຍພີ່ນ້ອງຊາວລາວຢູ່ຕ່າງປະເທດທີ່ມີນ້ໍາໃຈຮັກເຊື້ອແພງຊາດໃຫ້ຫັນມາສະຫນັບສະຫນູນລະບອບປະຊາທິປະໄຕ ປະຊາຊົນ ແລະ ອ່ວາຍໜ້າມາສູ່ປະເທດຊາດໃຫ້ຫລາຍຂຶ້ນ.

ສະນັ້ນ, ໃນສະເພາະໜ້ານີ້ອົງການແນວລາວສ້າງຊາດຕ້ອງໄດ້ສືບຕໍ່ອອກແຮງສຶກສາອົບຮົມ, ເຕົ້າໂຮມແລະສ້າງ ກ້ອນກໍາລັງສາມັກຄີປອງດອງ ໃນທົ່ວວົງຄະນາຍາດແຫ່ງຊາດ, ອອກແຮງປະສານສົມທົບກັບພາຄີ ແລະພາກສ່ວນຕ່າງໆ, ຊຸກຍູ້ຂະບວນແຂ່ງຂັນຮັກຊາດ ແລະ ພັດທະນາ, ເປັນຫລັກແກ່ນໃນການເຕົ້າໂຮມຄວາມສາມັກຄີປອງດອງປວງ ຊົນລາວທັງຊາດ, ປຸກລະດົມຂົນຂວາຍມະຫາຊົນເຂົ້າຮ່ວມພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ.

ແນວລາວສ້າງຊາດເສົາຄໍາຄວາມສາມັກຄີປອງດອງ - Wave100S AD to Website 2020 0 - ແນວລາວສ້າງຊາດເສົາຄໍາຄວາມສາມັກຄີປອງດອງ

ຈາກຜົນງານອັນໂດດເດັ່ນນັບແຕ່ໄດ້ປ່ຽນຊື່ມາເປັນແນວລາວສ້າງຊາດຖືວ່າອົງການດັ່ງກ່າວໄດ້ກາຍເປັນຫລັກເສົາຕ່າງໆ, ຊຸກຍູ້ຂະບວນແຂ່ງຂັນຮັກຊາດ ແລະ ພັດທະນາ, ເປັນຫລັກແກ່ນໃນການເຕົ້າໂຮມຄວາມສາມັກຄີປອງດອງປວງ ຊົນລາວທັງຊາດ, ປຸກລະດົມຂົນຂວາຍມະຫາຊົນເຂົ້າຮ່ວມພາລະກິດປົກປັກຮັກສາ ແລະ ສ້າງສາພັດທະນາປະເທດຊາດຢ່າງໃຫຍ່ຫລວງເປັນຕົ້ນ: ປຸກລະດົມຟື້ນຟູເສດຖະກິດ-ສັງຄົມ, ແກ້ໄຂ ຜົນຮ້າຍຂອງສົງຄາມ, ປະກອບສ່ວນຊຸກຍູ້ການສຶກສາ-ສາທາ, ອານຸລັກຮັກສາ ແລະສົ່ງເສີມຮີດຄອງປະເພນີອັນດີງາມຂອງຊາດ, ເຂົ້າຮ່ວມການກໍ່ສ້າງຮາກຖານການເມືອງ,ສ້າງຊົນນະບົດ,ສ້າງບ້ານສາມັກຄີປອງດອງຕິດພັນກັບການພັດ ທະນາແບບຍືນຍົງ, ສ້າງຄອບຄົວຕົວແບບແລະສ້າງກອງທຶນພັດທະນາ, ສ້າງຕັ້ງພາຫະນະສື່ມວນຊົນ ແລະ ສ້າງບັນດານິຕິກຳຕ່າງໆ, ປັບປຸງກົດໝາຍ ແລະ ສ້າງພື້ນຖານໂຄງລ່າງໃຫ້ແກ່ຂົງເຂດວຽກງານແນວລາວສ້າງຊາດລ້ວນແລ້ວແຕ່ເປັນການປັບປຸງ ແລະ ກໍ່ສ້າງອົງການແນວລາວສ້າງຊາດໃຫ້ມີການພັດທະນາທັນຍຸກທັນສະໄຫມກາຍເປັນເສົາຄໍ້າແຫ່ງຄ

ວາມສາມັກຄີປອງດອງຢ່າງແທ້ຈິງ .

 

 

ແນວລາວສ້າງຊາດເສົາຄໍາຄວາມສາມັກຄີປອງດອງ - lattana banner 1 - ແນວລາວສ້າງຊາດເສົາຄໍາຄວາມສາມັກຄີປອງດອງ
ແນວລາວສ້າງຊາດເສົາຄໍາຄວາມສາມັກຄີປອງດອງ - lattana banner - ແນວລາວສ້າງຊາດເສົາຄໍາຄວາມສາມັກຄີປອງດອງ
ແນວລາວສ້າງຊາດເສົາຄໍາຄວາມສາມັກຄີປອງດອງ -    AD conten website - ແນວລາວສ້າງຊາດເສົາຄໍາຄວາມສາມັກຄີປອງດອງ
error: Alert: ເນື້ອຫາຂ່າວມີລິຂະສິດ !!