ມາອີກແລ້ວໜຶ່ງພະຍາດ ໄວຣັສເຫັບ ເລີ່ມລະບາດໃນຈີນ ສ່ວນລາວຍັງບໍ່ມີລາຍງານ

ມາອີກແລ້ວໜຶ່ງພະຍາດ ໄວຣັສເຫັບ ເລີ່ມລະບາດໃນຈີນ ສ່ວນລາວຍັງບໍ່ມີລາຍງານ - 555 74 - ມາອີກແລ້ວໜຶ່ງພະຍາດ ໄວຣັສເຫັບ ເລີ່ມລະບາດໃນຈີນ ສ່ວນລາວຍັງບໍ່ມີລາຍງານ
ມາອີກແລ້ວໜຶ່ງພະຍາດ ໄວຣັສເຫັບ ເລີ່ມລະບາດໃນຈີນ ສ່ວນລາວຍັງບໍ່ມີລາຍງານ - Untitled design - ມາອີກແລ້ວໜຶ່ງພະຍາດ ໄວຣັສເຫັບ ເລີ່ມລະບາດໃນຈີນ ສ່ວນລາວຍັງບໍ່ມີລາຍງານ

ນັກໄວຣັສຈັບຕາພະຍາດໄວຣັສເຫັບ (SFTS) ໃນຈີນ ຫລັງຄົ້ນພົບເມື່ອ 10 ປີກ່ອນ, ແຕ່ຫາກໍມີໂອກາດລະບາດໜັກໃນປີນີ້ ພົບຜູ້ປ່ວຍຫລາຍກ່ວາ 60 ຄົນ, ເສຍຊີວິດ 7 ຄົນ, ລັກສະນະອາການໄຂ້ສູງ, ອ່ອນເພຍ, ເກັດເລືອດ, ເມັດເລືອດຂາວຫລຸດລົງ ແລະ ມີອາການຜິດປົກກະຕິຂອງລະບົບປະສາດພາກສ່ວນກາງ.

     ກໍລະນີສຳນັກຂ່າວໂກລບອນໄທມ໌ຂອງຈີນ ລາຍງານເມື່ອວັນທີ 5 ສິງຫາ 2020 ທີ່ຜ່ານມາ ພົບວ່າການລະບາດຂອງພະຍາດທີ່ເກີດຈາກ ໄວຣັສເຫັບ Severe Fever with Thrombocytopenia Syndrome Bunyavirus- SFTSV ໃນແຂວງຈຽງຊູ ທາງພາກຕາເວັນອອກຂອງປະເທດ ໂດຍເທື່ອທຳອິດຂອງປີນີ້ມີຜູ້ຕິດເຊື້ອ 37 ຄົນ, ເສຍຊີວິດ 7 ຄົນ, ສ້າງຄວາມຢ້ານກົວແກ່ຄົນທົ່ວໂລກ.

ໃນຂະນະທີ່ທົ່ວໂລກກຳລັງວຸ້ນຢູ່ກັບການຫາວິທີຮັບມືການລະບາດຂອງໄວຣັສCOVID-19ໄລຍະບໍ່ເທົ່າໃດມື້ທີ່ຜ່ານມາ ຢູ່ແຂວງຈຽງຊູ ແລະ ອັນຮຸຍ ທາງພາກຕາເວັນອອກຂອງປະເທດຈີນ ໄດ້ມີການລາຍງານຂອງພະຍາດອີກຊະນິດໜຶ່ງ ທີ່ມີຜູ້ປ່ວຍຕິດໄປແລ້ວຫລາຍກ່ວາ 60 ຄົນ ແລະ ມີຜູ້ເສຍຊີວິດໄປແລ້ວຢ່າງໜ້ອຍ 7 ຄົນ ໂດຍພະຍາດດັ່ງກ່າວຊື່ວ່າ Severe Fever with Thrombocytopenia Syndrome ຫລື SFTS ໂດຍໄວຣັສໃນຕະກູນນີ້ມີສານພັນທຸກຳເປັນ RNA ສາຍລົບ 3 ເສັ້ນເປັນວົງຂະໜາດແຕກຕ່າງກັນໄປ, ເສັ້ນຍາວສຸດ (Large) ຂະໜາດຍາວ 6.368 ເບສ ເຮັດໜ້າທີ່ສ້າງເອັນໄຊທີ່ໄວຣັສເພີ່ມຈຳນວນສານພັນທຸກຳ, ເສັ້ນທີສອງ (Medium) ຍາວ 3.378 ເບສ ເຮັດໜ້າທີ່ສ້າງໂປຣຕິນເທິງເປືອກໄວຣັສ ໃຊ້ເຂົ້າສູ່ແຊນ ແລະ ເສັ້ນທີສາມ (Small)ຍາວ 1.744 ເບສ ສ້າງໂປຣຕິນນິວຄລີໂອແຄັບຊິດ ແລະ ໂປຣຕິນອື່ນໆທີ່ຊ່ວຍໃຫ້ໄວຣັສເພີ່ມປະລິມານໄດ້.

ຍ້ອນຄຸນສົມບັດຂອງສານພັນທຸກຳທີ່ແຍກເປັນເສັ້ນໆດັ່ງກ່າວ ປະກົດການທີ່ໄວຣັສຊະນິດນີ້ຈະແລກປ່ຽນສານພັນທຸກຳກັນໃນແຊນເຈົ້າບ້ານ ຖ້າໄວຣັສຫລາຍກ່ວາ 1 ຊະນິດຕິດເຂົ້າສູ່ແຊນດຽວກັນແລ້ວ ເກີດເປັນສາຍພັນໃໝ່ (Reassortant)ຈຶ່ງເກີດຂຶ້ນໄດ້ຄ້າຍໆກັບໄວຣັສໄຂ້ຫວັດໃຫຍ່ທີ່ເກີດສາຍພັນໃໝ່ໄດ້ຢ່າງໄວວາ.

ໄວຣັສຊະນິດນີ້ຄວາມຈິງແລ້ວບໍ່ແມ່ນໄວຣັສໃໝ່ ນັກວິໄຈຈີນໄດ້ພົບໄວຣັສຊະນິດນີ້ມາຫລາຍກ່ວາ 10 ປີແລ້ວ ພຽງແຕ່ບໍ່ໄດ້ກໍ່ໃຫ້ເກີດພະຍາດໃນຄົນຫລາຍເທົ່ານີ້ມາກ່ອນ ມີພຽງຜູ້ປ່ວຍ 1 – 2 ຄົນເທົ່ານັ້ນ ການເກີດລະບາດໃນຄົນຫລາຍກ່ວາ 60 ຄົນ ແລະ ມີຜູ້ເສຍຊີວິດຫລາຍກ່ວາ 10% ຈຶ່ງເປັນເລື່ອງທີ່ສ້າງຄວາມຢ້ານກົວສຳລັບນັກໄວຣັສຫລາຍທ່ານ ວ່າເກີດຫຍັງຂຶ້ນກັບໄວຣັສຊະນິດນີ້.

ມາອີກແລ້ວໜຶ່ງພະຍາດ ໄວຣັສເຫັບ ເລີ່ມລະບາດໃນຈີນ ສ່ວນລາວຍັງບໍ່ມີລາຍງານ - Wave100S AD to Website 2020 0 - ມາອີກແລ້ວໜຶ່ງພະຍາດ ໄວຣັສເຫັບ ເລີ່ມລະບາດໃນຈີນ ສ່ວນລາວຍັງບໍ່ມີລາຍງານ

ສຳລັບຜູ້ປ່ວຍໄວຣັສເຫັບ ຈະມີໄຂ້ສູງ, ອ່ອນເພຍ, ເກີດເລືອດ ແລະ ເມັດເລືອດຂາວຈະຫລຸດລົງ, ຜູ້ປ່ວຍທີ່ມີອາການໜັກຈະພົບການເລືອດອອກຄ້າຍຄືໄຂ້ເລືອດອອກ, ອະໄວຍະວະຕ່າງໆເຮັດວຽກຜິດປົກກະຕິ ແລະ ອາການຜິດປົກກະຕິຂອງລະບົບປະສາດພາກສ່ວນກາງ. ປັດຈຸບັນໄວຣັສຊະນິດນີ້ຍັງບໍ່ມີວັກແຊັງປ້ອງກັນ ແຕ່ມີຢາຕ້ານໄວຣັສ ຊື່ວ່າ Ribavirin ທີ່ມີຂໍ້ມູນວ່າມີປະສິດທິພາບໃນການປິ່ນປົວໄດ້ ເນື່ອງຈາກໄວຣັສຊະນິດນີ້ເຊື່ອວ່າແຜ່ສູ່ຄົນໂດຍເຫັບເປັນພາຫະນະສຳຄັນ ຫລັກຖານການແຜ່ກະຈາຍຈາກຄົນສູ່ຄົນທີ່ມີຢູ່ໃນປັດຈຸບັນບົ່ງບອກວ່າ ອາດຈະເກີດຂຶ້ນໄດ້ ແຕ່ເຊື່ອວ່າຈະບໍ່ແຜ່ຢ່າງວ່ອງໄວຄືກັບໄວຣັສ COVID-19 ເພາະແຜ່ທາງການສຳຜັດເລືອດທີ່ຕິດເຊື້ອ ບໍ່ແມ່ນທາງເດີນຫາຍໃຈ,​ ແຕ່ຍ້ອນອັດຕາການຕາຍທີ່ສູງແບບບໍ່ປົກກະຕິ ຄົງຕ້ອງເຝົ້າລະວັງສະຖານະການໃນຈີນຕໍ່ໄປ ວ່າກໍລະນີນີ້ຈະສູງຂຶ້ນໄປຫລາຍກ່ວານີ້ຫລືບໍ່.

ພະຍາດ SFTSເປັນພະຍາດທີ່ເກີດຈາກການຕິດເຊື້ອ severe fever with thrombocytopenia syndrome virus (SFTSV)ເປັນເຊື້ອໄວຣັສໃໝ່ ຊະນິດ RNAຢູ່ໃນ genus phlebovirus, family Bunyaviridae1. ການຕິດເຊື້ອພົບຫລາຍໃນ 3 ປະເທດ ໄດ້ແກ່ : ຈີນ, ຍີ່ປຸ່ນ ແລະ ເກົາຫລີໃຕ້ ການເກີດພະຍາດສູງສຸດໃນປະເທດຈີນແມ່ນ 0,12 – 0,73 ຕໍ່ແສນປະຊາກອນ, ຮອງລົງມາແມ່ນເກົາຫລີໃຕ້ 0,07 ຕໍ່ແສນປະຊາກອນ ແລະ ຍີ່ປຸ່ນ 0,05 ຕໍ່ແສນປະຊາກອນ ຍັງບໍ່ມີລາຍງານພະຍາດນີ້ໃນປະເທດລາວເຮົາ.

ຜູ້ປ່ວຍຕິດເຊື້ອ SFTSVພົບເທື່ອທຳອິດໃນປີ 2006 ຢູ່ແຂວງອານຮຸນ ປະເທດຈີນ ຫລັງຈາກນັ້ນກໍມີການລະບາດອີກຄັ້ງໃນປີ 2009 ພົບຜູ້ປ່ວຍທີ່ຕິດເຊື້ອດັ່ງກ່າວທັງໝົດ 171 ຄົນ ລະບາດໄປທົ່ວ 6 ແຂວງ ໄດ້ແກ່ : ຫລຽວໜິງ, ຊານຕົງ, ເຫີໜານ, ອານຮຸນ, ຈຽງຊູ ແລະ ຫູເປີ່ຍ.​ ຕໍ່ມາກໍມີການລະບາດຢ່າງຕໍ່ເນື່ອງທຸກປີໃນພື້ນທີ່ທາງພາກກາງ ແລະ ຕາເວັນອອກຂອງປະເທດ ໃນໄລຍະປີ 2013 –2016 ພົບຜູ້ປ່ວຍເຖິງ 7.419 ຄົນ, ເສຍຊີວິດ 335 ຄົນ, ອັດຕາການຕາຍສະເລ່ຍ 5,35%.

ເຊື້ອ SFTSVຕິດຕໍ່ໂດຍມີເຫັບເປັນພາຫະນະນຳເຊື້ອພະຍາດທີ່ສຳຄັນ ຜູ້ປ່ວຍສ່ວນໜຶ່ງມີປະຫວັດຖືກເຫັບກັດກ່ອນເກີດອາການ ແລະ ສາມາດກວດພົບເຊື້ອ SFTSVຈາກເຫັບ ແລະ ຈາກສັດທີ່ຢູ່ບໍລິເວນທີ່ຢູ່ອາໄສຂອງຜູ້ປ່ວຍ. ເຊື້ອຊະນິດນີ້ມີວົງຈອນການຕິດຕໍ່ແບບ enzootic tick – vertebrate – tick cycleມີການວົນວຽນຂອງເຊື້ອລະຫ່ວາງເຫັບ ແລະ ສັດທີ່ເປັນຮັງພະຍາດ. ຊະນິດຂອງເຫັບທີ່ເປັນພາຫະນະນຳເຊື້ອພະຍາດທີ່ສຳຄັນແມ່ນ H. longicornisສ່ວນສັດທີ່ເປັນຮັງພະຍາດໄດ້ແກ່ : ແບ້, ແກະ, ໝູ, ງົວ, ຄວາຍ, ໝາ, ໄກ່, ນົກບາງຊະນິດ, ໜູ ແລະ ສັດປ່າຊະນິດຕ່າງໆ, ແຕ່ຍັງບໍ່ມີຫລັກຖານການກໍ່ພະຍາດໃນສັດ.

ມາອີກແລ້ວໜຶ່ງພະຍາດ ໄວຣັສເຫັບ ເລີ່ມລະບາດໃນຈີນ ສ່ວນລາວຍັງບໍ່ມີລາຍງານ - WhatsApp Image 2020 05 27 at 5 - ມາອີກແລ້ວໜຶ່ງພະຍາດ ໄວຣັສເຫັບ ເລີ່ມລະບາດໃນຈີນ ສ່ວນລາວຍັງບໍ່ມີລາຍງານ
ມາອີກແລ້ວໜຶ່ງພະຍາດ ໄວຣັສເຫັບ ເລີ່ມລະບາດໃນຈີນ ສ່ວນລາວຍັງບໍ່ມີລາຍງານ - WhatsApp Image 2020 05 27 at 5 - ມາອີກແລ້ວໜຶ່ງພະຍາດ ໄວຣັສເຫັບ ເລີ່ມລະບາດໃນຈີນ ສ່ວນລາວຍັງບໍ່ມີລາຍງານ
error: Alert: ເນື້ອຫາຂ່າວມີລິຂະສິດ !!