ຫລາກຫລາຍເຫດຜົນວ່າເປັນຫຍັງຕ້ອງເຮັດສັນຍະກຳ

ຫລາກຫລາຍເຫດຜົນວ່າເປັນຫຍັງຕ້ອງເຮັດສັນຍະກຳ - 555 75 - ຫລາກຫລາຍເຫດຜົນວ່າເປັນຫຍັງຕ້ອງເຮັດສັນຍະກຳ
ຫລາກຫລາຍເຫດຜົນວ່າເປັນຫຍັງຕ້ອງເຮັດສັນຍະກຳ - AGL banner - ຫລາກຫລາຍເຫດຜົນວ່າເປັນຫຍັງຕ້ອງເຮັດສັນຍະກຳ

ປັດຈຸບັນການສັນຍະກຳຖືເປັນເລື່ອງປົກກະຕິໃນສັງຄົມໄປແລ້ວ ເຊິ່ງທັດສະນະຄະຕິຂອງສັງຄົມລາວນັ້ນມີທັງດ້ານບວກ ແລະ ດ້ານລົບ ຈະມີເຫດຜົນຫລັກໆຫຍັງແດ່ທີ່ເຮັດໃຫ້ແມ່ຍິງ ຫລືແມ່ນແຕ່ທ່ານຊາຍ ຕັດສິນໃຈເຮັດສັນຍະກຳ ມາເບິ່ງກັນເລີຍ.

  1. ຖືກຄົນອ້ອມຂ້າງຢອກລໍ້ ເກີດປົມດ້ອຍ : ເປັນໃຜກໍຄົງຢາກທີ່ຈະເຮັດ ເພາະຄົງບໍ່ມີໃຜທີ່ຢາກຖືກລໍ້ວ່າ ຄົນຜູ້ຮ້າຍ ແມ່ນບໍ່ ໂດຍຢອກຫລາຍເທື່ອກໍເຮັດໃຫ້ຕັດສິນໃຈທ້ອນເງິນໄປເຮັດສັນຍະກຳໃຫ້ມັນແລ້ວໆໄປເລີຍ.
  2. ອົກຫັກ, ແຟນຖິ້ມ, ຢາກມີແຟນ, ແຟນເວົ້າໃຫ້ວ່າບໍ່ງາມ : ກໍລະນີແຟນຖິ້ມ, ອົກຫັກ ຈຶ່ງຄິດຢາກຈະປ່ຽນແປງຕົນເອງ ແບບນີ້ບໍ່ແນະນຳໃຫ້ເຮັດສັນຍະກຳເລີຍ ເພາະເຖິງວ່າຈະເຮັດແນວໃດ ເຂົາກໍບໍ່ກັບຄືນມາຫາທ່ານຍ້ອນວ່າທ່ານງາມຂຶ້ນ, ເວລາໃຜເວົ້າວ່າທ່ານບໍ່ງາມ ກໍຮູ້ສຶກເສຍໃຈ ໂດຍສະເພາະຄົນທີ່ເວົ້າໃຫ້ນັ້ນແມ່ນແຟນຂອງທ່ານເອງ ຍິ່ງກົດດັນ ແລະ ຍິ່ງຢາກຈະງາມຫລາຍຂຶ້ນ.
  3. ເພື່ອປ່ຽນແປງຕົນເອງ : ຫລາຍໆຄົນໃນປັດຈຸບັນທີ່ເຮັດສັນຍະກຳ ເຮັດເພື່ອປະໂຫຍດຈາກວຽກງານດ້ານການບັນເທີງ, ເປັນດາລາ, ນັກຮ້ອງ – ນັກສະແດງ, ນາຍແບບ – ນາງແບບ.
  4. ແຕ່ງໜ້າຍາກ : ແມ່ຍິງເຮົາ ຍິ່ງອາຍຸຫລາຍຂຶ້ນ ຮອຍຫ່ຽວ, ຮອຍຕີນກາ, ເມັນ, ຝ້າ ມັກຈະປະກົດຂຶ້ນໃຫ້ເຫັນ ເຮັດໃຫ້ການແຕ່ງໜ້າໃນແຕ່ລະເທື່ອເບິ່ງຄືເປັນເລື່ອງຍາກ ແລະ ໃຊ້ເວລາໃນການແຕ່ງໜ້າດົນຂຶ້ນ ເມື່ອເຫັນຂໍ້ບົກພ່ອງຂອງຕົນເອງທຸກໆມື້ ຈຶ່ງຄິດຢາກຈະເຮັດຫຍັງໃຫ້ມັນເບິ່ງງາມ ແລະ ງ່າຍຂຶ້ນນັ້ນເອງ.
  5. ສ້າງຄວາມໝັ້ນໃຈ ແລະ ເພີ່ມໂອກາດທີ່ດີໃຫ້ກັບຕົນເອງ : ເມື່ອຕົນເອງງາມຂຶ້ນ ກໍເສີມຄວາມໝັ້ນໃຈໃຫ້ກັບຕົນເອງຫລາຍຂຶ້ນ, ກ້າທີ່ຈະແຕ່ງໂຕຫລາຍຂຶ້ນ ບາງຄົນຈາກງາມແບບຮຽບຮ້ອຍທຳມະດາ ປ່ຽນເປັນເບິ່ງງາມແບບຫ້າວໆທັນສະໄໝຂື້ນມາທັນທີ.
  6. ເກີດອຸປະຕິເຫດ ເຊັ່ນ : ໄຟໄໝ້, ລົດຕຳ, ເກີດບາດແຜຢູ່ໃບໜ້າ : ການເກີດອຸປະຕິເຫດບາງເທື່ອກໍເຮັດໃຫ້ທ່ານສາມາດເສຍໂສມໄດ້ຄືກັນ ສະນັ້ນແລ້ວທ່ານຈຶ່ງຢາກຈະເຂົ້າຮັບການຕົກແຕ່ງເຮັດສັນຍະກຳ.
  7. ຮູ້ສຶກວ່າຕົນເອງແປກ ແຕກຕ່າງຈາກຄົນອື່ນ : ອາດມີຄວາມຮູ້ສຶກວ່າຕົນເອງແຕກຕ່າງຈາກສັງຄົມອ້ອມຂ້າງ ເນື່ອງຈາກໃນບາງເທື່ອຮູ້ສຶກວ່າຕົນເອງໜ້າຕາບໍ່ດີເລີຍ, ແຕ່ຄົນໃນຄອບຄົວ ຫລື ຄົນໃກ້ຊິດໜ້າຕາດີໝົດ ອາດເຮັດໃຫ້ຮູ້ສຶກແຕກຕ່າງຈົນມີຄວາມຄິດທີ່ຢາກຈະປ່ຽນແປງຕົນເອງ.
  8. ສັນຍະກຳຕາມກະແສ : ເນື່ອງຈາກໃນປັດຈຸບັນມີການສັນຍະກຳກັນຢ່າງແຜ່ຫລາຍ ເຮັດໃຫ້ຫລາຍໆຄົນຮູ້ສຶກຢາກຈະແຂ່ງຂັນ, ຢາກງາມ, ຢາກຂາວ, ຢາກມີບຸກຄະລິກໂດດເດັ່ນບໍ່ແພ້ຄົນອື່ນ ຈົນຕ້ອງຕັດສິນໃຈເຂົ້າຮັບການສັນຍະກຳໃນທີ່ສຸດ.

 

ຫລາກຫລາຍເຫດຜົນວ່າເປັນຫຍັງຕ້ອງເຮັດສັນຍະກຳ - Wave100S AD to Website 2020 0 - ຫລາກຫລາຍເຫດຜົນວ່າເປັນຫຍັງຕ້ອງເຮັດສັນຍະກຳ
ຫລາກຫລາຍເຫດຜົນວ່າເປັນຫຍັງຕ້ອງເຮັດສັນຍະກຳ - lattana banner - ຫລາກຫລາຍເຫດຜົນວ່າເປັນຫຍັງຕ້ອງເຮັດສັນຍະກຳ
ຫລາກຫລາຍເຫດຜົນວ່າເປັນຫຍັງຕ້ອງເຮັດສັນຍະກຳ - lattana banner 1 - ຫລາກຫລາຍເຫດຜົນວ່າເປັນຫຍັງຕ້ອງເຮັດສັນຍະກຳ
ຫລາກຫລາຍເຫດຜົນວ່າເປັນຫຍັງຕ້ອງເຮັດສັນຍະກຳ -    AD conten website - ຫລາກຫລາຍເຫດຜົນວ່າເປັນຫຍັງຕ້ອງເຮັດສັນຍະກຳ
error: Alert: ເນື້ອຫາຂ່າວມີລິຂະສິດ !!