ອາຫານ 5 ປະເພດທີ່ຕ້ອງຫລີກເວັ້ນຫລັງການຜ່າຕັດເສີມເຕົ້ານົມ

ອາຫານ 5 ປະເພດທີ່ຕ້ອງຫລີກເວັ້ນຫລັງການຜ່າຕັດເສີມເຕົ້ານົມ - 555 76 - ອາຫານ 5 ປະເພດທີ່ຕ້ອງຫລີກເວັ້ນຫລັງການຜ່າຕັດເສີມເຕົ້ານົມ
ອາຫານ 5 ປະເພດທີ່ຕ້ອງຫລີກເວັ້ນຫລັງການຜ່າຕັດເສີມເຕົ້ານົມ - Untitled design - ອາຫານ 5 ປະເພດທີ່ຕ້ອງຫລີກເວັ້ນຫລັງການຜ່າຕັດເສີມເຕົ້ານົມ

ເສີມເຕົ້ານົມຢູ່ໃສຈຶ່ງຈະດີຍັງບໍ່ແມ່ນບັນຫາໃຫຍ່ເທົ່າ ຈະດູແລໂຕເອງແນວໃດດີຫລັງຜ່າຕັດເສີມເຕົ້ານົມ ? ເພາະການເສີມເຕົ້ານົມນັ້ນຖືເປັນການຜ່າຕັດໃຫຍ່ທີ່ບໍ່ພຽງແຕ່ຈະຫາສະຖານທີ່ເສີມບ່ອນໃດດີ, ແຕ່ນັ້ນໝາຍເຖິງການດູແລຕົນເອງ ແລະ ການພັກຟື້ນຫລັງການຜ່າຕັດທີ່ອາດເປັນປັດໄຈຫລາຍອົງປະກອບ ໂດຍສະເພາະຢ່າງຍິ່ງແມ່ນການດູແລເລື່ອງອາຫານການກິນໃຫ້ຮ່າງກາຍກັບມາແຂງແຮງໂດຍໄວ ແລະ ຫາກຈະເວົ້າເຖິງອາຫານທີ່ຕ້ອງຄະລຳ ຫລື ອາຫານຕ້ອງຫ້າມກໍເປັນສິ່ງທີ່ຜູ້ເຮັດສັນຍະກຳຕ້ອງຫລີກເວັ້ນໃຫ້ຫ່າງ ເພາະນອກຈາກຈະບໍ່ເປັນປະໂຫຍດຕໍ່ຮ່າງກາຍແລ້ວ ອາຫານຄະລຳທັງ 5 ປະເພດເຫລົ່ານີ້ອາດຈະເຮັດໃຫ້ບາດແຜເຕົ້ານົມຂອງທ່ານເກີດບັນຫາທີ່ອາດຈະແກ້ໄຂໄດ້ ຫລື ແກ້ໄຂບໍ່ໄດ້ກໍມີ.

ອາຫານ 5 ປະເພດທີ່ຕ້ອງຫລີກເວັ້ນຫລັງການຜ່າຕັດເສີມເຕົ້ານົມ - Wave100S AD to Website 2020 0 - ອາຫານ 5 ປະເພດທີ່ຕ້ອງຫລີກເວັ້ນຫລັງການຜ່າຕັດເສີມເຕົ້ານົມ
  • ເຄື່ອງດື່ມອານກໍຮໍທຸກຊະນິດ : ຫລັງການຜ່າຕັດສັນຍະກຳເຕົ້ານົມນັ້ນ ສິ່ງທີ່ຄວນງົດເປັນຢ່າງຍິ່ງແມ່ນການດື່ມເຄື່ອງດື່ມອານກໍຮໍທຸກປະເພດ ລວມໄປເຖິງການສູບຢານຳ ເພາະອານກໍຮໍຈະໄປກະຕຸ້ນການຫລັ່ງນຳ້ຍ່ອຍຈາກພາກສ່ວນຕ່າງໆ ແລະ ທຳລາຍຕັບໃຫ້ເສື່ອມສະພາບ ນອກນີ້ອານກໍຮໍຍັງມີສ່ວນທີ່ຈະເຮັດໃຫ້ບາດແຜເກີດການອັກເສບ ແລະ ບາດແຜນານເຊົາໄດ້.
  • ອາຫານລົດຊາດເຜັດເຄັມ ແລະ ປຸງແຕ່ງບໍ່ສຸກ : ອາຫານລົດຊາດເຜັດໆເຄັມໆ ແລະ ອາຫານທີ່ປຸງແຕ່ງບໍ່ສຸກ ຫລື ສຸກໆດິບໆ ແມ່ນສິ່ງທີ່ຈຳເປັນຕ້ອງຫລີກເວັ້ນໃນໄລຍະຂອງການພັກຟື້ນຫລັງການເສີມເຕົ້ານົມ ໂດຍສະເພາະຢ່າງຍິ່ງໃຜທີ່ເປັນຄົນມັກກິນປາແດກ ຫາກທ່ານຮູ້ໂຕວ່າກຳລັງຈະໄປເສີມເຕົ້ານົມ ໄລຍະກ່ອນ ແລະ ຫລັງການເສີມເຕົ້ານົມນັ້ນຂໍໃຫ້ຫລີກເວັ້ນອາຫານປະເພດນີ້ໄປກ່ອນຊົ່ວຄາວ ຫາກທ່ານບໍ່ຢາກມານັ່ງເສຍນຳ້ຕາຍ້ອນບາດແຜເຕົ້ານົມຕິດເຊື້ອ.
  • ອາຫານທີ່ຮູ້ໂຕວ່າແພ້ ຫລື ສ່ຽງແພ້ : ອາຫານທີ່ສ່ຽງໃນບ່ອນນີ້ແມ່ນກຸ່ມປະເພດອາຫານທະເລ ຫາກຈະໄປເສີມເຕົ້ານົມໃນລາຄາແພງໆ ການຫລີກເວັ້ນອາຫານກຸ່ມສ່ຽງທີ່ຈະກໍ່ໃຫ້ເກີດອາການແພ້ກໍຈະເປັນການດີ ເພາະຫາກເກີດໂຊກບໍ່ດີຂຶ້ນມາ ຫລັງການເສີມເຕົ້ານົມແລ້ວ ກິນອາຫານທະເລໝົດເປັນຈານໆ ດີບໍ່ດີອາດຈະກໍ່ໃຫ້ເກີດອາການແພ້ ແລະ ຈະເຮັດໃຫ້ບາດແຜຜ່າຕັດມີອາການຄັນ ເຊິ່ງບໍ່ຢາກຈິນຕະນາການເລີຍວ່າຈະເກົາມ່ວນຊໍ່າໃດ.
  • ອາຫານປະເພດໝັກ-ດອງທຸກຊະນິດ : ເພາະໄລຍະເວລາຫລັງການຜ່າຕັດເສີມເຕົ້ານົມນັ້ນ ຮ່າງກາຍຕ້ອງການໆຟື້ນຟູດ້ວຍອາຫານທີ່ປຸງແຕ່ງສຸກດີ, ສົດໃໝ່, ຍ່ອຍງ່າຍ, ເປັນມິດຕໍ່ຮ່າງກາຍເທົ່ານັ້ນ, ແຕ່ອາຫານປະເພດໝັກ-ດອງດັ່ງທີ່ຮູ້ກັນວ່ານອກຈາກຈະບໍ່ແມ່ນອາຫານສົດແລ້ວ ຍັງເປັນອາຫານທີ່ບໍ່ສະອາດນຳອີກ ເພາະຕ້ອງຜ່ານການໝັກ ແລະ ດອງໄວ້ເປັນເວລາດົນ ເຊິ່ງອາດສົ່ງຜົນກະທົບຕໍ່ບາດແຜຜ່າຕັດໄດ້.
  • ອາຫານເສີມ : ໄລຍະການພັກຟື້ນຮ່າງກາຍຫລັງການຜ່າຕັດເສີມເຕົ້ານົມນັ້ນອາດຈະບໍ່ແມ່ນໄລຍະເວລາທີ່ເໝາະສົມແກ່ການກິນອາຫານເສີມພໍປານໃດ ໂດຍສະເພາະຢ່າງຍິ່ງອາຫານເສີມຫລຸດນຳ້ໜັກ ເພາະໄລຍະການພັກຟື້ນນັ້ນຮ່າງກາຍຕ້ອງການສານອາຫານປະເພດໂປຣຕິນ ແລະ ວິຕາມິນທີ່ເປັນປະໂຫຍດໃນການສ້າງເນື້ອເຍື່ອ ແລະ ແຊນຕ່າງໆ ດັ່ງນັ້ນ ທ່ານໃດທີ່ກຳລັງກິນອາຫານເສີມຢູ່ ຄວນງົດ ແລະ ຫັນມາກິນອາຫານໃຫ້ຄົບ 5 ໝວດໃນໄລຍະພັກຟື້ນຫລັງການເສີມເຕົ້ານົມ.
ອາຫານ 5 ປະເພດທີ່ຕ້ອງຫລີກເວັ້ນຫລັງການຜ່າຕັດເສີມເຕົ້ານົມ - WhatsApp Image 2020 05 27 at 5 - ອາຫານ 5 ປະເພດທີ່ຕ້ອງຫລີກເວັ້ນຫລັງການຜ່າຕັດເສີມເຕົ້ານົມ
ອາຫານ 5 ປະເພດທີ່ຕ້ອງຫລີກເວັ້ນຫລັງການຜ່າຕັດເສີມເຕົ້ານົມ - WhatsApp Image 2020 05 27 at 5 - ອາຫານ 5 ປະເພດທີ່ຕ້ອງຫລີກເວັ້ນຫລັງການຜ່າຕັດເສີມເຕົ້ານົມ
error: Alert: ເນື້ອຫາຂ່າວມີລິຂະສິດ !!