4 ວັກຊີນໂຄວິດ-19 ຂອງຈີນເລີ່ມທົດລອງທາງຄລີນິກໄລຍະ 3 ໃນຕ່າງປະເທດແລ້ວ

4 ວັກຊີນໂຄວິດ-19 ຂອງຈີນເລີ່ມທົດລອງທາງຄລີນິກໄລຍະ 3 ໃນຕ່າງປະເທດແລ້ວ -                                                                       4                                               16 4 - 4 ວັກຊີນໂຄວິດ-19 ຂອງຈີນເລີ່ມທົດລອງທາງຄລີນິກໄລຍະ 3 ໃນຕ່າງປະເທດແລ້ວ
4 ວັກຊີນໂຄວິດ-19 ຂອງຈີນເລີ່ມທົດລອງທາງຄລີນິກໄລຍະ 3 ໃນຕ່າງປະເທດແລ້ວ - AGL banner - 4 ວັກຊີນໂຄວິດ-19 ຂອງຈີນເລີ່ມທົດລອງທາງຄລີນິກໄລຍະ 3 ໃນຕ່າງປະເທດແລ້ວ

ສຳນັກຂ່າວ ຊິນຫົວ ລາຍງານໃນວັນທີ 29 ສິງຫານີ້ວ່າ: ກົນໄກປ້ອງກັນ ແລະ ຄວບຄຸມພະຍາດໂຄວິດ-19 ຮ່ວມກັນກັບຄະນະລັດຖະມົນຕີຈີນ ເຜີຍວ່າວັກຊີນປ້ອງກັນໂຄວິດ-19 ຈຳນວນ 4 ລາຍການຂອງຈີນໄດ້ເຂົ້າສູ່ການທົດລອງທາງຄລີນິກໄລຍະທີ 3 ໃນຕ່າງປະເທດແລ້ວ. ຄາດວ່າການທົດລອງໄລຍະທີ 3 ນີ້ ບາງສ່ວນຈະສຳເລັດການສີດວັກຊີນໃນຮອບທຳອິດຊ່ວງຕົ້ນເດືອນກັນຍາ ແລະ ອາດຈະໄດ້ຮັບຂໍ້ມູນເບື້ອງຕົ້ນໄວທີ່ສຸດພາຍໃນເດືອນພະຈິກ.

ການທົດລອງໄລຍະທີ 3 ທັງໝົດລ້ວນແຕ່ດຳເນີນການໃນຕ່າງປະເທດ ເນື່ອງຈາກຈີນສາມາດຄວບຄຸມການລະບາດໄດ້ແລ້ວ, ຈຶ່ງເຮັດໃຫ້ບໍ່ມີເງື່ອນໄຂສຳລັບການທົດລອງທາງຄລີນິກຂະໜາດໃຫຍ່ອີກຕໍ່ໄປ ແລະ ການທົດລອງດັ່ງກ່າວຈຳເປັນຕ້ອງທົດລອງໃນຜູ້ຄົນຫລາຍພັນຄົນ ເພື່ອຢືນຢັນຄວາມປອດໄພ ແລະ ປະສິດທິພາບຂອງວັກຊີນ, ເຊິ່ງເປັນສິ່ງສຳຄັນກ່ອນໄດ້ຮັບອະນຸຍາດ ແລະ ວາງຈຳໜ່າຍ.

ຫຍາງສ່ຽວໝິງ ປະທານບໍລິສັດ ບໍລິສັດ ເພສັດສະພັນໄຊນ່າ ເນຊັນເເນວ ໄບໂອເທັກກລຸບ (CNBG), ໃນເຄືອຊິໂນຟາມ (Sinopharm)  ຂອງຈີນລະບຸວ່າ: ວັກຊີນໂຄວິດ-19 ຊະນິດເຊື້ອຕາຍ 2 ລາຍການທີ່ບໍລິສັດເປັນຜູ້ພັດທະນາໄດ້ຮັບການອະນຸມັດສຳລັບການທົດລອງທາງ ຄລີນິກໄລຍະທີ 3 ໃນຫລາຍປະເທດຕາເວັນອອກກາງ ແລະ ອາເມລິກາໃຕ້ແລ້ວ ໂດຍມີອາສາສະໝັກເຂົ້າຮ່ວມຫລາຍກວ່າ 30.000 ຄົນ.

ດ້ານອິ່ນເວີ່ຍຕົງ  ປະທານ ແລະ CEO ບໍລິສັດ ຊີໂນວັດ ໄບໂອເທັກ ຈຳກັດ (Sinovac Biotech)  ກ່າວວ່າ: ວັກຊີນໂຄວິດ-19 ຊະນິດເຊື້ອຕາຍ, ເຊິ່ງພັດທະນາໂດຍບໍລິສັດກຳລັງຢູ່ໃນລະຫວ່າງການທົດລອງທາງຄລີນິກໄລຍະທີ 3 ໃນປະເທດອາເມລິກາໃຕ້ ແລະ ອາຊີຕາເວັນອອກສ່ຽງໃຕ້ບາງແຫ່ງ ຂະນະດຽວກັນວັກຊີນລູກປະສົມຊະນິດໃຊ້ອະດິໂນໄວຣັສເປັນຕົວນຳພາ ກໍຢູ່ໃນລະຫວ່າງການທົດລອງໄລຍະທີ 3 ເຊັ່ນດຽວກັນ.

ທັງນີ້, ແນວທາງການປະເມີນທາງຄລີນິກສຳລັບວັກຊີນໂຄວິດ-19 ທີ່ເຜີຍແຜ່ໂດຍສຳນັກງານບໍລິຫານເວດສະພັນແຫ່ງຊາດເມື່ອບໍ່ດົນມານີ້ລະບຸວ່າ: ວັກຊີນຄວນສ້າງພູມຄຸ້ມກັນເປັນເວລາຢ່າງໜ້ອຍ 6 ເດືອນ ຫລື ດົນນານກວ່າ 1 ປີ.

4 ວັກຊີນໂຄວິດ-19 ຂອງຈີນເລີ່ມທົດລອງທາງຄລີນິກໄລຍະ 3 ໃນຕ່າງປະເທດແລ້ວ - Wave100S AD to Website 2020 0 - 4 ວັກຊີນໂຄວິດ-19 ຂອງຈີນເລີ່ມທົດລອງທາງຄລີນິກໄລຍະ 3 ໃນຕ່າງປະເທດແລ້ວ

 

4 ວັກຊີນໂຄວິດ-19 ຂອງຈີນເລີ່ມທົດລອງທາງຄລີນິກໄລຍະ 3 ໃນຕ່າງປະເທດແລ້ວ - lattana banner - 4 ວັກຊີນໂຄວິດ-19 ຂອງຈີນເລີ່ມທົດລອງທາງຄລີນິກໄລຍະ 3 ໃນຕ່າງປະເທດແລ້ວ
4 ວັກຊີນໂຄວິດ-19 ຂອງຈີນເລີ່ມທົດລອງທາງຄລີນິກໄລຍະ 3 ໃນຕ່າງປະເທດແລ້ວ -    AD conten website - 4 ວັກຊີນໂຄວິດ-19 ຂອງຈີນເລີ່ມທົດລອງທາງຄລີນິກໄລຍະ 3 ໃນຕ່າງປະເທດແລ້ວ
4 ວັກຊີນໂຄວິດ-19 ຂອງຈີນເລີ່ມທົດລອງທາງຄລີນິກໄລຍະ 3 ໃນຕ່າງປະເທດແລ້ວ - lattana banner 1 - 4 ວັກຊີນໂຄວິດ-19 ຂອງຈີນເລີ່ມທົດລອງທາງຄລີນິກໄລຍະ 3 ໃນຕ່າງປະເທດແລ້ວ

Comment

    Bounchanh Wanthammasyda
    30/08/2020 - 12:35 am

    ຂະນ້ອຍ ຂໍສະແດງຄວາມຍີນດີດ້ວຍ ທີ່ມີການປັບປຸງ ແລະ ພັດທະນາໄວໃນການຂຽນຂ່າວ.

Comments are closed.

error: Alert: ເນື້ອຫາຂ່າວມີລິຂະສິດ !!