ຍີ່ປຸ່ນເລີ່ມຮ້ອນ ຊີງຕຳແໜ່ງນາຍົກລັດຖະມົນຕີ

ຍີ່ປຸ່ນເລີ່ມຮ້ອນ ຊີງຕຳແໜ່ງນາຍົກລັດຖະມົນຕີ - Time fo an Adventure 2020 08 31T103328 - ຍີ່ປຸ່ນເລີ່ມຮ້ອນ ຊີງຕຳແໜ່ງນາຍົກລັດຖະມົນຕີ
ຍີ່ປຸ່ນເລີ່ມຮ້ອນ ຊີງຕຳແໜ່ງນາຍົກລັດຖະມົນຕີ - Untitled design - ຍີ່ປຸ່ນເລີ່ມຮ້ອນ ຊີງຕຳແໜ່ງນາຍົກລັດຖະມົນຕີ

ພາຍຫຼັງນາຍົກລັດຖະມົນຕີ ຊິນໂຊອາເບະ ລາຕຳແໜ່ງໂດຍກະທັນຫັນ ເມື່ອວັນທີ 28 ສິງຫາ ຍ້ອນບັນຫາສຸຂະພາບ. ແຕ່ທ່ານຍັງຈະປະຄັບປະຄອງພັກຂອງທ່ານຈົນກວ່າເລືອກໄດ້ຜູ້ປ່ຽນແທນ.
ພັກປະຊາທີປັດເສລີຂອງທ່ານ ຊິນໂຊອາເບະມີແຜນຈະເລືອກຕັ້ງນາຍົກລັດຖະມົນຕີຜູ້ປ່ຽນແທນຊິນໂຊອາເບະໃນກາງເດືອນກັນຍາ. ການເລືອກຕັ້ງຂອງພັກປະຊາທິປັດເສລີ ຈະດຳເນີນໄປແບບກະທັດລັດເບົາບາງ ເພື່ອຫຼີກລ່ຽງການແຜ່ ແລະ ຕິດເຊື້ອພະຍາດໂຄວິດ-19, ໂດຍເອົາສະມາຊິກພັກທີ່ເປັນສະມາຊິກສະພາ ແລະ ສະມາຊິກພັກປະຊາທິປັດເສລີ ທົ່ວປະເທດເປັນຕົວແທນໃນການເລືອກນາຍົກຄັ້ງນີ້.
ຄາດວ່າຜູ້ທີ່ຈະຖືກໃຫ້ລົງແຂ່ງຂັນເລືອກຕັ້ງອາດຈະມີຊື່ບາງບຸກຄົນດັ່ງນີ້: ທ່ານ Shigeru Ishiba, ອາຍຸ 63 ປີ ອະດີດລັດຖະມົນຕີກະຊວງປ້ອງກັນປະເທດ; ທ່ານ Yoshihide Suga, ອາຍຸ 71 ປີ, ຫົວໜ້າຫ້ອງວ່າການສຳນັກງານລັດຖະບານ, ທ່ານ Taro Kono, ອາຍຸ 57 ປີ, ລັດຖະມົນຕີກະຊວງປ້ອງກັນປະເທດ ແລະ ມີຜູ້ຍິງຄົນດຽວທີ່ຈະລົງແຂ່ງຊີງໄຊນາຍົກລັດຖະມົນຕີຄັ້ງນີ້ຄື ນາງ Seiko Noda, ອາຍຸ 59 ປີ, ອະດີດລັດຖະມົນຕີກະຊວງພາຍໃນຂອງຍີ່ປຸ່ນ.
ທ່ານນາງ Noda ບໍ່ໄດ້ປິດບັງຫຍັງເລີຍວ່າ: ໄລຍະຜ່ານມາທ່ານໄດ້ລ້ຽງຄວາມຫວັງວ່າຢາກເປັນນາຍົກລັດຖະມົນຕີຄົນທຳອິດຂອງຍີ່ປຸ່ນ.
ຂ່າວ: ລູກເມືອງພວນ

ຍີ່ປຸ່ນເລີ່ມຮ້ອນ ຊີງຕຳແໜ່ງນາຍົກລັດຖະມົນຕີ - Wave100S AD to Website 2020 0 - ຍີ່ປຸ່ນເລີ່ມຮ້ອນ ຊີງຕຳແໜ່ງນາຍົກລັດຖະມົນຕີ
ຍີ່ປຸ່ນເລີ່ມຮ້ອນ ຊີງຕຳແໜ່ງນາຍົກລັດຖະມົນຕີ - WhatsApp Image 2020 05 27 at 5 - ຍີ່ປຸ່ນເລີ່ມຮ້ອນ ຊີງຕຳແໜ່ງນາຍົກລັດຖະມົນຕີ
ຍີ່ປຸ່ນເລີ່ມຮ້ອນ ຊີງຕຳແໜ່ງນາຍົກລັດຖະມົນຕີ - WhatsApp Image 2020 05 27 at 5 - ຍີ່ປຸ່ນເລີ່ມຮ້ອນ ຊີງຕຳແໜ່ງນາຍົກລັດຖະມົນຕີ
error: Alert: ເນື້ອຫາຂ່າວມີລິຂະສິດ !!