ສະຫລຸບບັນຫາໜ້າສົນໃຈທົ່ວໂລກວັນທີ 31 ສິງຫາ 2020

ສະຫລຸບບັນຫາໜ້າສົນໃຈທົ່ວໂລກວັນທີ 31 ສິງຫາ 2020 - Time fo an Adventure 2020 08 31T135840 - ສະຫລຸບບັນຫາໜ້າສົນໃຈທົ່ວໂລກວັນທີ 31 ສິງຫາ 2020
ສະຫລຸບບັນຫາໜ້າສົນໃຈທົ່ວໂລກວັນທີ 31 ສິງຫາ 2020 - Untitled design - ສະຫລຸບບັນຫາໜ້າສົນໃຈທົ່ວໂລກວັນທີ 31 ສິງຫາ 2020
  1. ປະ​ເທດ​ອິນ​ເດຍ ​ໄດ້​ສ້າງ​ສະຖິຕິ​ໂລກ​ໃໝ່​ສຳລັບ​ຈຳນວນ​ຜູ້​ຕິດ​ເຊື້ອ COVID-19 ​ໃໝ່​ສູງ​ທີ່​ສຸດ​ປະຈຳ​ວັນ ​ໂດຍ​ມີ​ການ​ລາຍ​ງານ​ຜູ້​ຕິດ​ເຊື້ອ​ໃໝ່ 78.761 ຄົນ​ໃນ​ວັນ​ທີ 29 ສິງຫາ​ຜ່ານ​ມາ ​ເຊິ່ງສູງ​ກວ່າ​ສະຖິຕິ​ແຕ່​ລະ​ວັນ​ສູງ​ສຸດ​ກ່ອນ​ໜ້າ​ນີ້​ທີ່​ລາຍ​ງານ​ໂດຍ​ອາ​ເມ​ລິ​ກາ ​ເມື່ອ​ກາງ​ເດືອນ​ກໍລະກົດ​ຜ່ານ​ມາ.

ປັດຈຸບັນ​ຈຳນວນ​ຜູ້​ຕິດ​ເຊື້ອທີ່​ລາຍ​ງານ​ທົ່ວ​ໂລກ​ສູງ​ເຖິງ 25 ລ້ານ​ຄົນ​ຮຽບຮ້ອຍ​ແລ້ວ.

  1. ການ​ປະ​ທ້ວງ​ເກີດ​ຂຶ້ນຢູ່​ເມືອງ​ຫລວງ​ຂອງ​ຫລາຍ​ປະ​ເທດ​ໃນ​ເອີຣົບ ​ເພື່ອ​ຕໍ່ຕ້ານ​ຂໍ້​ຈຳກັດ ຂອງ​ລັດຖະບານ​ທີ່​ມີ​ຈຸດປະສົງ​ເພື່ອ​ຢັບຢັ້ງການ​ແຜ່​ລະບາດ​ຂອງ COVID-19 ​ໂດຍ​ຢູ່​ນະຄອນຫລວງ​​ເບີ​ລິນ​ຂອງ​ປະ​ເທດ​ເຢຍລະ​ມັນ ມີ​ປະຊາ​ຊົນ 38.000 ກວ່າ​ຄົນ​ອອກ​ມາ​ປະ​ທ້ວງ.

ຜູ້​ປະ​ທ້ວງ​ຝ່າຍ​ຂວາ​ຈັດ​ບາງ​ຄົນ​ພະຍາຍາມ​ບຸກ​ເຂົ້າ​ໄປ​ໃນ​ອາຄານ Reichstag ​ເຊິ່ງ​ເປັນ​ທີ່​ຕັ້ງຂອງ​ສະພາ​ນິຕິບັນຍັດ​ຂອງ​ເຢຍລະ​ມັນ. ຂະນະ​ທີ່​ມາດ​ຕະການ​ຕໍ່ຕ້ານ COVID-19 ກຳລັງ​ຖືກ​ບັງຄັບ​ໃຊ້​ອີກ​ໃນ​ຫລາຍ​ປະ​ເທດ​ ​ເນື່ອງ​ຈາກ​ເອີຣົບປະສົບ​ບັນຫາ​ການ​ຕິດ​ເຊື້ອ​ເພີ່ມ​ຂຶ້ນ​ເປັນ​ຮອບ​ທີ 2.

  1. ຊາວ​ເບ​ລາຣຸສຫລາຍ​ໝື່ນ​ຄົນ ​ໄດ້​ອອກ​ມາ​ຮ້ອງ​ເພງ “happy birthday, you rat” ​ແລະ ​ແກວ່ງ​ທຸງ​ຝ່າຍ​ຄ້ານ​ສີ​ແດງ-ຂາວ ​ໃກ້​ທຳນຽບປະທານາທິບໍດີ Minsk ຫລັງ​ຈາກ Alexander Lukashenko ຖືກ​ກ່າວ​ຫາ​ວ່າສໍ້​ໂກງ​ການ​ເລືອກ​ຕັ້ງ​ເມື່ອ​ວັນ​ທີ 9 ສິງຫາ ​ໂດຍ​ທ່ານ​ໄດ້​ປະກາດ​ວ່າ​ຕົນ​ເອງ​ຖືກ​ເລືອກ​ໃຫ້​ເປັນ​ປະທານາທິບໍດີ​ຂອງ​ເບ​ລາຣຸສອີກ​ສະ​ໄໝ.

ຂະນະ​ດຽວ​ກັນ Lukashenko ​ໄດ້​ເລີ່​ມຕົ້ນມາດ​ຕະການ​ການ​ປາບ​ປາມ​ສື່​ຕ່າງປະ​ເທດ​ລ່ວງ​ໜ້າ ກ່ອນ​ການ​ປະ​ທ້ວງ​ໃນ​ທ້າຍ​ອາທິດ​ນີ້ ​ເພື່ອ​ພະຍາຍາມ​ໂຈະ​ຂ່າວ​ການ​ປະ​ທ້ວງ​ທີ່​ອອກ​ໄປ​ຫາ​ປະ​ເທດ​ອື່ນໆ.

  1. ​ໃນ​ການ​ສູ້​ຮົບ​ຄັ້ງຫລ້າ​ສຸດ ທ່າມກາງ​ສະ​ມໍ​ລະ​ພູມ​ສົງຄາມ​ເຕັກ​ໂນ​ໂລ​ຊີ​ລະຫວ່າງ 2 ປະ​ເທດ​ມະຫາ​ອຳນາດ​ຂອງ​ໂລກ ຈີນ​ໄດ້​ປະກາດ​ກົດໝາຍ​ໃໝ່​ໃນ​ການ​ສົ່ງ​ອອກ​ເຕັກ​ໂນ​ໂລ​ຊີ​ບັນຫາ​ປະດິດ (A.I.) ທີ່​ອາດ​ເຮັດ​ໃຫ້ການ​ຂາຍ​ກິດຈະການ​ໃນ​ອາ​ເມ​ລິ​ກາ​ຂອງ TikTok ສັບ​ຊ້ອນ​ຂຶ້ນ.

ປະທານາທິບໍດີ​ ​ໂດນັລ ທຣຳ ​ໄດ້​ສັ່ງ​ໃຫ້ ByteDance ​ເຊິ່ງ​ເປັນ​ເຈົ້າຂອງ TikTok ຖອນ​ຕົວ​ເອງ​ອອກ​ຈາກ​ການ​ຄວບ​ຄຸມ​ກິດຈະການ TikTok ຢູ່​ອາ​ເມ​ລິ​ກາ ​ເນື່ອງ​ຈາກ​ຄວາມ​ກັງວົນ​ດ້ານ​ຄວາມ​ປອດ​ໄພ​ກ່ຽວ​ກັບ​ຂໍ້​ມູນ​ສ່ວນ​ບຸກຄົນ​ຂອງ​ຊາວ​ອາ​ເມ​ລິ​ກາ ​ໂດຍ Microsoft ​ແລະ Oracle ​ເຊິ່ງ​ເປັນ​ບໍລິສັດ​ເຕັກ​ໂນ​ໂລ​ຊີ​ຍັກ​ໃຫຍ່​ຂອງ​ອາ​ເມ​ລິ​ກາ​ຄື 2 ບໍລິສັດ​ເປັນ​ໜຶ່ງ​ໃນ​ຜູ້​ປະມູນ​ສຳຄັນ​ໃນ​ການ Takeover ກິດຈະການ​ຂອງ ByteDance.

  1. Reliance Industries ​ເຊິ່ງ​ເປັນ​ກຸ່ມ​ບໍລິສັດ​ໃນ​ອິນ​ເດຍທີ່​ດຳ​ເນີນ​ການ​ໂດຍ Mukesh Ambani ມະຫາ​ເສດຖີ​ອັນ​ດັບ 1 ຂອງ​ອາຊີ ​ແລະ ອັນ​ດັບ 8 ຂອງ​ໂລກ ​ໄດ້​ຕົກລົງ​ຈະ​ຈ່າຍ​ເງິນ 3,4 ພັນ​ລ້ານ​ໂດ​ລາ ສຳລັບ​ຊື້ສິນ​ຊັບ​ປະ​ເພດ​ຂາຍຍ່ອຍ​ຂອງ Future Group.

ຂໍ້​ຕົກລົງ​ດັ່ງກ່າວ​ເຮັດ​ໃຫ້​ມະຫາ​ເສດຖີ ມີ​ແພ​ລກຟອມທີ່​ແຂງ​ແກ່ນ​ຂຶ້ນ ​ເພື່ອ​ແຂ່ງຂັນ​ກັບ​ຍັກ​ໃຫຍ່​ຊາວ​ອາ​ເມ​ລິ​ກາ 2 ​ແຫ່ງ​ຄື Amazon ​ແລະ Flipkart ​ເຊິ່ງ​ເປັນ​ເຈົ້າຂອງ Walmart.

ສະຫລຸບບັນຫາໜ້າສົນໃຈທົ່ວໂລກວັນທີ 31 ສິງຫາ 2020 - Wave100S AD to Website 2020 0 - ສະຫລຸບບັນຫາໜ້າສົນໃຈທົ່ວໂລກວັນທີ 31 ສິງຫາ 2020

​ແລະ ​ແນ່ນອນ​ວ່າການ​ເຂົ້າຊື້ຄັ້ງນີ້​ຂອງ Reliance Industries ຄັ້ງນີ້ ​ເປັນ​ໄປ​ເພື່ອ​ການ​ຄອບ​ງຳ​ທຸລະ​ກິດ E-Commerce ຂອງ​ອິນ​ເດຍທີ່​ເຕີບ​ໃຫຍ່​ຢ່າງ​ວ່ອງ​ໄວ.

  1. ຕຳຫລວດ​ໄດ້​ເປີດ​ການ​ສອບ​ສວນ​ຄະດີ​ຄາດ​ຕະກຳ ຫລັງ​ຈາກ​ມີ​ຜູ້​ຖືກ​ຍິງ​ເສຍ​ຊີວິດ​ໃນ​ເມືອງ Portland ລັດ Oregon ສະຫະລັດ​ອາ​ເມ​ລິ​ກາ ຂະນະ​ທີ່​ຜູ້​ປະ​ທ້ວງ​ຈາກ​ທັງ 2 ຝ່າຍ​ທາງ​ການ​ເມືອງ​ໄດ້​ຕໍ່ສູ້​ກັນ​ຢູ່ຖະໜົນ​ຫົນທາງ​ພາຍ​ໃນ​ເມືອງ.

​    ​ໃນ​ວັນ​ທີ່​ເກີດ​ເຫດ​ຄາດ​ຕະກຳ ກຸ່ມ​ຜູ້​ສະໜັບສະໜູນ​ປະທານາທິບໍດີ ​ໂດ​ນັລ ທຣຳ ຈຳນວນ​ຫລາຍ​ໄດ້​ແຫ່​ຂະ​ບວນ​ໃນ​ເມືອງ ​ເຊິ່ງພວກ​ເຂົາ​ເອງ​ກໍ​ໄດ້​ຮ່ວມ​ເປັນ​ສ່ວນ​ໜຶ່ງ​ຂອງ​ພະຍານ​ໃນ​ການ​ປະ​ທ້ວງ​ຢ່າງ​ຕໍ່​ເນື່ອງ​ເປັນ​ເວລາ​ຫລາຍ​ອາທິດ ​ເພື່ອ​ຕໍ່ຕ້ານ​ການ​ຢຽດ​ເຊື້ອຊາດ, ຄວາມ​ໂຫດຮ້າຍ​ຂອງ​ຕຳຫລວດ ​ແລະ ການ​ບໍລິຫານ​ຂອງ​ ທຣຳ.

  1. ປະ​ເທດ Montenegro ​ໄດ້​ຈັດການ​ເລືອກ​ຕັ້ງ​ໃນ​ລັດຖະສະພາ​ໃນ​ວັນ​ທີ 30 ສິງຫາ​ຜ່ານ​ມາ ​ເຖິງ​ວ່າ​ທັງ​ພັກ​ທີ່​ສະໜັບສະໜູນ​ຕາ​ເວັນ​ຕົກທີ່​ປົກຄອງ​ປະ​ເທດ​ມາຍາ​ວນານ ຫລື ພັນທະ​ມິດ​ທີ່​ສະໜັບສະໜູນຣັດ​ເຊຍ​ ​ເຊິ່ງ​ເປັນ​ຄູ່​ແຂ່ງ​ຂອງ​ຕາ​ເວັນ​ຕົກ ຍັງ​ບໍ່​ໄດ້​ຮັບ​ຄະ​ແນນ​ໂຫລ​ດ​ເປັນ​ສຽງ​ສ່ວນ​ຫລາຍ​ໃນ​ປັດຈຸບັນ ຂະນະ​ທີ່​ຜູ້​ມີ​ສິດ​ເລືອກ​ຕັ້ງຄາດ​ວ່າ​ຈະ​ສູງ​ກວ່າ​ການ​ເລືອກ​ຕັ້ງຄັ້ງຫລ້າ​ສຸດ​ໃນ​ປີ 2016.
ສະຫລຸບບັນຫາໜ້າສົນໃຈທົ່ວໂລກວັນທີ 31 ສິງຫາ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກວັນທີ 31 ສິງຫາ 2020
ສະຫລຸບບັນຫາໜ້າສົນໃຈທົ່ວໂລກວັນທີ 31 ສິງຫາ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກວັນທີ 31 ສິງຫາ 2020
error: Alert: ເນື້ອຫາຂ່າວມີລິຂະສິດ !!