2 ນ້ອງນັກຮຽນລາວໄດ້ຫລຽນທອງໃນການແຂ່ງຂັນດ້ານສິ່ງແວດລ້ອມລະດັບໂລກ

- advert banner 728 90 728x90 - 2 ນ້ອງນັກຮຽນລາວໄດ້ຫລຽນທອງໃນການແຂ່ງຂັນດ້ານສິ່ງແວດລ້ອມລະດັບໂລກ

ນັບວ່າເປັນການສ້າງຊື່ສຽງໃຫ້ກັບປະເທດ ແລະ ຄວາມພາກພູມໃຈໃຫ້ກັບຄົນລາວເປັນຢ່າງຍິ່ງສໍາລັບ ທ້າວ ແສງສອນເພັດ ວົງດາຣາ ແລະ ທ້າວ ພົນທໍາ ວິຊາປຣາ ຈາກໂຮງຮຽນອິສເຕີນສະຕາລ, ເຊິ່ງເປັນຕົວແທນຈາກປະເທດລາວເຂົ້າຮ່ວມແຂ່ງຂັນຫົວຄິດປະດິດສ້າງກ່ຽວກັບສິ່ງແວດລ້ອມໂລກປະຈໍາປີ 2017 (Genius Olympiad 2017) ທີ່ນະຄອນນິວຢອກ, ສະຫະລັດອາເມລິກາເມື່ອວັນທີ 13 ມິຖຸນາຜ່ານມາ ແລະ ສາມາດຄວ້າໄດ້ຫລຽນທອງໃນການແຂ່ງຂັນຄັ້ງນີ້ ແລະ ໃນວັນທີ 24 ມິຖຸນານີ້, ທັງສອງນ້ອງໄດ້ເດີນທາງກັບປະເທດ, ໂດຍມີຜູ້ປົກຄອງ, ຍາດພີ່ນ້ອງ, ຄູອາຈານ ແລະ ໝູ່ເພື່ອໄດ້ໄປຕ້ອນຮັບ ແລະ ສະແດງຄວາມຍີນດີຊົມເຊີຍຕໍ່ທັງສອງນ້ອງທີ່ໄດ້ສ້າງຊື່ສຽງໃຫ້ແກ່ປະເທດຢ່າງໜ້າຊື່ນຊົມ.

- new3 - 2 ນ້ອງນັກຮຽນລາວໄດ້ຫລຽນທອງໃນການແຂ່ງຂັນດ້ານສິ່ງແວດລ້ອມລະດັບໂລກ

ທ້າວ ແສງສອນເພັດ ວົງດາຣາ  ໃຫ້ສໍາພາດວ່າ: ລາງວັນທີ່ໄດ້ຮັບນີ້ເປັນ ສິ່ງທີ່ມີຄຸນຄ່າ ແລະ ກຽດສັກສີອັນສູງສົ່ງຕໍ່ຕົນເອງ. ກ່ອນເຂົ້າຮ່ວມແຂ່ງຂັນ ພວກຕົນໄດ້ຝຶກແອບ, ທຸ້ມເທຄວາມພະຍາຍາມດ້ານສະຕິປັນຍາໃນການຄົ້ນຄວ້າວິຊາຕ່າງໆ, ເນື່ອງຈາກມີຜູ້ເຂົ້າຮ່ວມແຂ່ງຂັນທັງໝົດ 73 ປະເທດທົ່ວໂລກໃນ 5 ສາຂາວິຊາຄື: ວິທະຍາສາດກ່ຽວກັບການສຶກສາ, ຄວາມເຂົ້າໃຈ ແລະ ວິທີແກ້ໄຂບັນຫາສິ່ງແວດລ້ອມ, ການສະແດງໃຫ້ສັງຄົມເອົາໃຈໃສ່ຕໍ່ການຮັກສາສິ່ງແວດລ້ອມໃຫ້ດີຂຶ້ນ, ຄວາມສໍາຄັນ ແລະ ໜ້າທີ່ຮັບຜິດຊອບຕໍ່ສິ່ງແວດລ້ອມ, ການປຸກລະດົມຄວາມຄິດຕໍ່ການແກ້ໄຂບັນຫາສິ່ງແວດລ້ອມ ແລະ ຫຸ່ນຍົນເພື່ອແກ້ໄຂບັນຫາສິ່ງແວດລ້ອມ, ໂດຍການປະດິດອຸປະກອນໃຫ້ຮັບໃຊ້ໃນວຽກສິ່ງແວດລ້ອມ, ຊຶ່ງໄດ້ເອົາໃຈໃສ່ຄົ້ນວ້າຄວາມຮູ້ດ້ານສິ່ງແວດລ້ອມເປັນເວລາດົນສົມຄວນ, ທັງສອບຖາມຈາກຄູອາຈານ, ໝູ່ເພື່ອນ ແລະ ພໍ່ແມ່ ແລະ ໃນທີ່ສຸດກໍສາມາດໄດ້ຮັບລາງວັນສໍາຄັນດັ່ງກ່າວ.

ພວກຕົນຂໍສະແດງຄວາມຂອບໃຈ ແລະ ຮູ້ບຸນຄຸນຕໍ່ການນໍາພັກ-ລັດ, ຄູອາຈານ, ພໍ່ແມ່ ແລະ ເຈົ້າພາບຈັດການແຂ່ງຂັນທີ່ໃຫ້ການແນະນໍາ, ສິດສອນ ແລະ ອໍານວຍຄວາມສະດວກທຸກຢ່າງຈົນເຮັດໃຫ້ການເຂົ້າຮ່ວມແຂ່ງຂັນປະສົບຜົນສໍາເລັດທີ່ດີ.

- lattana 1 - 2 ນ້ອງນັກຮຽນລາວໄດ້ຫລຽນທອງໃນການແຂ່ງຂັນດ້ານສິ່ງແວດລ້ອມລະດັບໂລກ
error: Content is protected !!