“ປຸກຜີ” ມາແຕ່ງກາຍ ພິທີຫາເບິ່ງໄດ້ຍາກຂອງສຸລາເວສີ

“ປຸກຜີ” ມາແຕ່ງກາຍ ພິທີຫາເບິ່ງໄດ້ຍາກຂອງສຸລາເວສີ - 13 - “ປຸກຜີ” ມາແຕ່ງກາຍ ພິທີຫາເບິ່ງໄດ້ຍາກຂອງສຸລາເວສີ
“ປຸກຜີ” ມາແຕ່ງກາຍ ພິທີຫາເບິ່ງໄດ້ຍາກຂອງສຸລາເວສີ - Untitled design - “ປຸກຜີ” ມາແຕ່ງກາຍ ພິທີຫາເບິ່ງໄດ້ຍາກຂອງສຸລາເວສີ

ພິທີ​ນີ້​ຈະ​ຈັດ​ຂຶ້ນທຸກໆ 3 ປີ ​ໂດຍ​ຊາວ​ໂທຣາຈັນ ຢູ່​ເກາະ​ສຸລາ​ເວ​ສີ ປະ​ເທດ​ອິນ​ໂດ​ເນ​ເຊຍ ​ເຊິ່ງມີ​ທຳນຽບ​ເກັບ​ສົບ​ຜູ້​ຕາຍ​ໄວ້​ໃຫ້​ແຫ້ງ​ຄື​ມຳມີ່.

ຊຸມ​ຊົນ​ຊາວ​ໂທຣາຈັນ (Torajan) ທີ່​ອາ​ໄສ​ຢູ່​ຕາມ​ພູ​ໃນ​ເກາະ​ສຸລາ​ເວ​ສີ​ຂອງ​ອິນ​ໂດ​ເນ​ເຊຍ​ຂຸດ​ສົບ​ພີ່ນ້ອງ​ທີ່​ແຫ້ງ​ຄື​ມຳມີ່​ຂຶ້ນມາ​ທຸກ​ສາມ​ປີ ​ເພື່ອ​ທຳ​ຄວາມ​ສະອາດ ​ແລະ ​ແຕ່ງ​ກາຍ​ດ້ວຍ​ເສື້ອຜ້າ​ທີ່​ມັກ ​ເມື່ອ​ໃຫ້​ກຽດ​ແກ່​ວິ​ຍານ​ຂອງ​ພວກ​ເຂົາ.

ພິທີ​ນີ້​ເອີ້ນ​ວ່າ: “ມາ​ເນ​ເນ” ຈະ​ປະຕິບັດກ່ອນ ຫລື ຫລັງ​ການ​ເກັບ​ກ່ຽວ​ໃນ​ເດືອນ​ສິງຫາ ​ໂດຍ​ສະມາຊິກ​ໃນ​ຄອບຄົວ​ທີ່​ຍັງ​ມີ​ຊີວິດ​ຈະ​ຂຸດ​​ເອົາ​ສົບ​ພີ່ນ້ອງ​ທີ່​ເສຍ​ຊີວິດ​​ໄປ​ແລ້ວ​ຂຶ້ນມາ​ແຕ່ງ​ຕົວ​ໃໝ່ ​ແລະ ທຳ​ຄວາມ​ສະອາດ​ຂຸມ​ຝັງ​ສົບ.

ປາ​ຊັງ ຂຸດ​ເອົາ​ສົບ​ສະມາຊິກ​ໃນ​ຄອບຄົວ​ທີ່​ເສຍ​ຊີວິດ​ໄປ​ແລ້ວ​ຫລາຍ​ຄົນ ລວມທັງ​ຍາຍ ​ແລະ ນ້າສາວ​ຂອງ​ລາວ​ຂຶ້ນມາ ຈາກ​ນັ້ນຈະ​ເອົາ​ສົບ​ໄປ​ຕາກ​ແດດ​ກ່ອນ​ຈະ​ແຕ່ງ​ຕົວ​ໃຫ້​ງົດ​ງາມ. ນອກຈາກ​ນີ້ ຍັງ​ມີການຈັດ​ງານ​ລ້ຽງ ​ແລະ ຂ້າ​ໝູ​ເພື່ອ​ລ້ຽງ​ໃນ​ພິທີ​ນຳ​ອີກ.

ສະ​ໄໝ​ກ່ອນ ຮ່າງ​ຜູ້​ເສຍ​ຊີວິດ​ຈະ​​ເຮັດ​ໃຫ້​ເປັນ​ມຳມີ່​ດ້ວຍ​ຂະ​ບວນການ​ດອງ ​ເຊິ່ງ​ໃຊ້​ນ້ຳສົ້ມສາຍ​ຊູ ​ແລະ ​ໃບ​ຊາ, ທຸກ​ມື້ນີ້​ຄອບຄົວ​ມັກ​ສັກ​ສານ​ລະລາຍ​ຟໍມາລດິ​ໄຮ​ເຂົ້າ​ໄປ​ໃນ​ສົບ.

“ປຸກຜີ” ມາແຕ່ງກາຍ ພິທີຫາເບິ່ງໄດ້ຍາກຂອງສຸລາເວສີ - Wave100S AD to Website 2020 0 - “ປຸກຜີ” ມາແຕ່ງກາຍ ພິທີຫາເບິ່ງໄດ້ຍາກຂອງສຸລາເວສີ

ຫລັງ​ຈາກ​ຜ່ານ​ໄປ​ຫລາຍ​ເດືອນ​ແລ້ວ ຊາວ​ໂທຣາຈັນ​ເຊື່ອ​ວ່າ​ວິນ​ຍານ​ຂອງ​ຄົນ​ຕາຍ​ຈະ​ໄດ້​ຮັບ​ການ​ປົດ​ປ່ອຍ ​ແລະ ຈະ​ເປັນ​ອຳ​ມະຕະ ​ໂດຍ​ຈະ​ຈັດ​ພິທີ​ສົບ​ທີ່​ອາ​ລັງກາ​ນຫລາຍ​ວັນ ​ເອີ້ນ​ວ່າ: ພິທີ “ທຳ​ບູ​ ​ໂຊ​ໂລ”.

ທັງ​ນີ້ ຊາວ​ໂທຣາຈັນ​ສ່ວນ​ຫລາຍ​ເປັນຄຣິສຕຽນ ​ແຕ່​ພວກ​ເຂົາ​ຍັງ​ຮັກສາ​ພິທີ ​ແລະ ຄວາມ​ເຊື່ອ​ຂອງ​ລັດທິ​ບູຊາ​ຜີ​ບັນພະ​ບູລຸດ​ເອົາ​​ໄວ້.

“ປຸກຜີ” ມາແຕ່ງກາຍ ພິທີຫາເບິ່ງໄດ້ຍາກຂອງສຸລາເວສີ - WhatsApp Image 2020 05 27 at 5 - “ປຸກຜີ” ມາແຕ່ງກາຍ ພິທີຫາເບິ່ງໄດ້ຍາກຂອງສຸລາເວສີ
“ປຸກຜີ” ມາແຕ່ງກາຍ ພິທີຫາເບິ່ງໄດ້ຍາກຂອງສຸລາເວສີ - WhatsApp Image 2020 05 27 at 5 - “ປຸກຜີ” ມາແຕ່ງກາຍ ພິທີຫາເບິ່ງໄດ້ຍາກຂອງສຸລາເວສີ
error: Alert: ເນື້ອຫາຂ່າວມີລິຂະສິດ !!