ສປປ ລາວ ຊົມເຊີຍຜົນສໍາເລັດ ແຫ່ງການສະຖາປະນາເປັນປະເທດ ສສ. ຫວຽດນາມ

ສປປ ລາວ ຊົມເຊີຍຜົນສໍາເລັດ ແຫ່ງການສະຖາປະນາເປັນປະເທດ ສສ. ຫວຽດນາມ - Time fo an Adventure 2020 09 02T164944 - ສປປ ລາວ ຊົມເຊີຍຜົນສໍາເລັດ ແຫ່ງການສະຖາປະນາເປັນປະເທດ ສສ. ຫວຽດນາມ
ສປປ ລາວ ຊົມເຊີຍຜົນສໍາເລັດ ແຫ່ງການສະຖາປະນາເປັນປະເທດ ສສ. ຫວຽດນາມ - Untitled design - ສປປ ລາວ ຊົມເຊີຍຜົນສໍາເລັດ ແຫ່ງການສະຖາປະນາເປັນປະເທດ ສສ. ຫວຽດນາມ

ພັກ, ລັດ ແລະ ປະຊາຊົນລາວບັນດາເຜົ່າ ໄດ້ສະແດງຄວາມຊົມເຊີຍ ຕໍ່ບັນດາໄຊຊະນະ ແລະ ຜົນສໍາເລັດອັນໃຫຍ່ຫລວງ, ຮອບດ້ານ ແລະ ມີຄວາມໝາຍປະຫັວດສາດ ທີ່ພັກ, ລັດ ແລະ ປະ ຊາຊົນຫວຽດນາມອ້າຍນ້ອງ ຍາດມາໄດ້ຕະຫລອດໄລຍະ 75 ປີ ແຫ່ງການສະຖາປະນາເປັນປະເທດ ສາ ທາລະນະລັດ ສັງຄົມນິຍົມຫວຽດນາມ.

ໃນໂອກາດເຂົ້າຮ່ວມ ພິທີໂຮມຊຸມນຸມໃຫຍ່ສະເຫລີມສະຫລອງວັນຊາດ ສສ.ຫວຽດນາມ ຄົບຮອບ 75 ປີ ໃນວັນທີ 2 ກັນຍາ 2020, ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ແຫ່ງ ສປປ ລາວ ໄດ້ຕາງໜ້າໃຫ້ພັກ-ລັດ ແລະ ປະຊາຊົນລາວບັນດາເຜົ່າ ສະແດງຄວາມຊົມເຊີຍຢ່າງສຸດອົກສຸດໃຈ ແລະ ເນັ້ນວ່າ: ໄຊຊະນະ ແລະ ຜົນສຳເລັດອັນໃຫຍ່ຫລວງທີ່ຍາດມາໄດ້ນັ້ນ ເປັນການຢັ້ງຢືນຢ່າງຈະແຈ້ງເຖິງຄວາມປີຊາສາມາດ, ຄວາມສະຫລາດສ່ອງໃສ, ຄວາມຖືກຕ້ອງ ແລະ ປະດິດສ້າງໃນການນໍາພາ-ພາລະ ກິດກໍ່ສ້າງສັງຄົມນິຍົມຂອງພັກກອມມູນິດຫວຽດນາມ, ທັງເປັນການຢັ້ງຢືນວ່າ ຊາດຫວຽດນາມ ແມ່ນຊາດວິ ລະຊົນ, ປະຊາຊົນຫວຽດນາມ ແມ່ນປະຊາຊົນວິລະຊົນໃນການຕໍ່ສູ້ປົດປ່ອຍຊາດ, ການປົກປັກຮັກສາ ແລະ ສ້າງສາປະເທດຊາດຕາມທິດສັງຄົມນິຍົມ. ໄຊຊະນະ ແລະ ຜົນງານຂອງຫວຽດນາມ ຍັງເປັນການປະ ກອບສ່ວນອັນສໍາຄັນ ເຂົ້າໃນການຂະຫຍາຍຄັງສາງ ທິດສະດີມາກ-ເລນິນ ແລະ ແນວຄິດ ໂຮ່ຈີມິ່ງ, ທັງເປັນການປຸກລະດົມຊຸກຍູ້ຢ່າງແຂງແຮງແກ່ບັນດາປະຊາຊາດ ທີ່ພວມຕໍ່ສູ້ເພື່ອເອກະລາດແຫ່ງຊາດ, ປະຊາ ທິປະໄຕ ແລະ ຄວາມກ້າວໜ້າທາງສັງຄົມ. ຂະນະດຽວກັນ, ໄຊຊະນະ ແລະ ຜົນສໍາເລັດດັ່ງກ່າວ ຍັງເປັນກໍາລັງໃຈອັນແຮງກ້າ ແກ່ພັກ-ລັດ ແລະ ປະຊາຊົນລາວບັນດາເຜົ່າ ໃນພາລະກິດປົກປັກຮັກສາ ແລະ ສ້າງສາປະເທດຊາດ ສປປ ລາວ ມາໂດຍຕະຫລອດ.

ທ່ານ ນາງ ປານີ ຢາທໍ່ຕູ້ ກ່າວຕື່ມວ່າ: ເມື່ອຫວນຄືນເບິ່ງເສັ້ນທາງແຫ່ງການຕໍ່ສູ້ ເພື່ອຍາດເອົາເອ ກະລາດແຫ່ງຊາດຂອງປະຊາຊົນລາວ ໃນຕະຫລອດໄລຍະຫລາຍທົດສະວັດຜ່ານມາ, ພວກເຮົາມີຄວາມຊາບຊຶ້ງ ແລະ ມີຄວາມທະນົງໃຈເປັນຢ່າງຍິ່ງ ທີ່ເຫັນວ່າໃນພາລະກິດຕໍ່ສູ້ເພື່ອເອກະລາດທີ່ສຸດແສນລຳ ບາກ, ຂ້ຽວຂາດ, ຍືດເຍື້ອຍາວນານ, ເຕັມໄປດ້ວຍທົດສອບນາໆປະການ, ການເສຍສະຫລະທີ່ໃຫ່ຍຫລວງ ຂອງກອງທັບ ແລະ ປະຊາຊົນ 2 ຊາດ, ສາຍສຳພັນສູ້ຮົບຂອງປະຊາຊົນລາວ ແລະ ປະຊາຊົນຫວຽດ ນາມທີ່ເຄີຍຮ່ວມສຸກ, ຮ່ວມທຸກ, ຮ່ວມຂຸມຄອງດຽວກັນ ບົນຈິດໃຈ “ເຂົ້າເມັດຫັກຜັກເສັ້ນດຽວ” ກໍແບ່ງປັນກັນ ເພື່ອຍາດເອົາເອກະລາດແຫ່ງຊາດນັ້ນ ໄດ້ສ້າງພື້ນຖານໃຫ້ແກ່ການກຳເນີດມິດຕະພາບອັນຍິ່ງໃຫຍ່, ຄວາມສາມັກຄີພິເສດ ແລະ ການຮ່ວມມືຮອບດ້ານລາວ-ຫວຽດນາມ, ເຊິ່ງປະທານ ໂຮ່ຈີມິງ ຜູ້ຍິ່ງໃຫ່ຍ, ປະທານ ໄກສອນ ພົມວິຫານ ແລະ ປະທານ ສຸພານຸວົງ ທີ່ແສນເຄົາລົບຮັກ ໄດ້ເພີ່ມພູນຄູນສ້າງ ແລະ ຖະໜຸຖະໜອມ ຕະຫລອດຊີວິດການປະຕິວັດຂອງພວກເພິ່ນ ຈົນໄດ້ກາຍເປັນມໍລະດົກລວມທີ່ລ້ຳຄ່າຂອງສອງຊາດ, ເປັນກົດເກນແຫ່ງການຄົງຕົວ ແລະ ຂະຫຍາຍຕົວຂອງສອງປະເທດ, ເປັນໜຶ່ງໃນປັດໄຈຕັດສິນໄຊຊະນະຂອງການປະຕິວັດຢູ່ແຕ່ລະປະເທດ.

ສປປ ລາວ ຊົມເຊີຍຜົນສໍາເລັດ ແຫ່ງການສະຖາປະນາເປັນປະເທດ ສສ. ຫວຽດນາມ - Wave100S AD to Website 2020 0 - ສປປ ລາວ ຊົມເຊີຍຜົນສໍາເລັດ ແຫ່ງການສະຖາປະນາເປັນປະເທດ ສສ. ຫວຽດນາມ

ພັກ, ລັດຖະບານ ແລະ ປະຊາຊົນລາວພວກເຮົາຂໍຢືນຢັນອີກເທື່ອໜຶ່ງວ່າ: ຈະເຮັດສຸດຄວາມສາ ມາດຂອງຕົນ ສືບຕໍ່ຮ່ວມກັບພັກ, ລັດຖະບານ ແລະ ປະຊາຊົນຫວຽດນາມອ້າຍນ້ອງ ປົກປັກຮັກສາ ແລະ ເສີມຂະຫຍາຍສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄິີພິເສດ ແລະ ການຮ່ວມມືຮອບດ້ານ ທີ່ຫາຍາກໃນການພົວພັນສາກົນນີ້ ໃຫ້ຈະເລີນງອກງາມຕະຫລອດໄປ ແລະ ຖ່າຍທອດໃຫ້ແກ່ຮຸ່ນລູກຮຸ່ນຫລານຂອງພວກເຮົາສືບທອດຕໍ່ໄປ, ສົມກັບການເສຍສະຫລະທີ່ໃຫ່ຍຫລວງຂອງການນຳ, ນັກປະຕິວັດ ແລະ ປະຊາຊົນຂອງສອງປະເທດ ເພື່ອໃຫ້ພວກເຮົາມີວັນນີ້.

ສປປ ລາວ ຊົມເຊີຍຜົນສໍາເລັດ ແຫ່ງການສະຖາປະນາເປັນປະເທດ ສສ. ຫວຽດນາມ - WhatsApp Image 2020 05 27 at 5 - ສປປ ລາວ ຊົມເຊີຍຜົນສໍາເລັດ ແຫ່ງການສະຖາປະນາເປັນປະເທດ ສສ. ຫວຽດນາມ
ສປປ ລາວ ຊົມເຊີຍຜົນສໍາເລັດ ແຫ່ງການສະຖາປະນາເປັນປະເທດ ສສ. ຫວຽດນາມ - WhatsApp Image 2020 05 27 at 5 - ສປປ ລາວ ຊົມເຊີຍຜົນສໍາເລັດ ແຫ່ງການສະຖາປະນາເປັນປະເທດ ສສ. ຫວຽດນາມ
error: Alert: ເນື້ອຫາຂ່າວມີລິຂະສິດ !!