ເສັ້ນທາງນາທົ່ມ-ໂນນແສງຈັນ ​ຕົກ​ແລ້ງ​ຈະ​ໄດ້​ສ້ອມ­ແປງ​ຄືນ­ໃໝ່ດ້ວຍ​ການ​ປັບ​ໜ້າ​ທາງ​ແລ້ວ​ປູ­ຢາງ

ເສັ້ນທາງນາທົ່ມ-ໂນນແສງຈັນ ​ຕົກ​ແລ້ງ​ຈະ​ໄດ້​ສ້ອມ­ແປງ​ຄືນ­ໃໝ່ດ້ວຍ​ການ​ປັບ​ໜ້າ​ທາງ​ແລ້ວ​ປູ­ຢາງ - Time fo an Adventure 2020 09 02T173319 - ເສັ້ນທາງນາທົ່ມ-ໂນນແສງຈັນ ​ຕົກ​ແລ້ງ​ຈະ​ໄດ້​ສ້ອມ­ແປງ​ຄືນ­ໃໝ່ດ້ວຍ​ການ​ປັບ​ໜ້າ​ທາງ​ແລ້ວ​ປູ­ຢາງ
ເສັ້ນທາງນາທົ່ມ-ໂນນແສງຈັນ ​ຕົກ​ແລ້ງ​ຈະ​ໄດ້​ສ້ອມ­ແປງ​ຄືນ­ໃໝ່ດ້ວຍ​ການ​ປັບ​ໜ້າ​ທາງ​ແລ້ວ​ປູ­ຢາງ - Untitled design - ເສັ້ນທາງນາທົ່ມ-ໂນນແສງຈັນ ​ຕົກ​ແລ້ງ​ຈະ​ໄດ້​ສ້ອມ­ແປງ​ຄືນ­ໃໝ່ດ້ວຍ​ການ​ປັບ​ໜ້າ​ທາງ​ແລ້ວ​ປູ­ຢາງ

ໃນ​ຝົນ­ຕົກ​ຜ່ານ​ມາ ໄດ້​ເຮັດ​ໃຫ້​ຫຼາຍ​ເສັ້ນ­ທາງ​ໄດ້​ຮັບ​ຜົນ​ກະ­ທົບ​ເປ່​ເພ ສ້າງ​ຄວາມ​ຫຍຸ້ງ­ຍາກ​ໃຫ້​ແກ່​ການ​ສັນ­ຈອນ​ໄປ​ມາ ໃນ​ນັ້ນ​ກໍ​ມີ​ເສັ້ນ­ທາງ​ບ້ານ​ນາ​ທົ່ມ ຫາ​ບ້ານ​ໂນນ​ແສງ​ຈັນ ເມືອງ​ໄຊ​ທາ­ນີ ນະ­ຄອນ­ຫຼວງ​ວຽງ​ຈັນ ທີ່​ເປ່​ເພ​ໜັກ­ໜ່ວງ​ສົມ­ຄວນ ເຮັດ​ໃຫ້­ການ​ໄປ​ມາ​ຂອງ​ຍານ­ພາ­ຫະ­ນະ​ພົບ​ຄວາມ​ຫຍຸ້ງ­ຍາກ ແຕ່​ພາຍ­ຫຼັງ​ທີ່​ທ່ານ​ເຈົ້າ​ຄອງ​ນະ­ຄອນ­ຫຼວງ​ວຽງ​ຈັນ​ພ້ອມ​ຄະ­ນະ ລົງ​ໄປ​ເບິ່ງ​ເມື່ອ​ຕົ້ນ​ເດືອນ​ສິງ­ຫາ​ຜ່ານ​ມາ ເພີ່ນ​ກໍ​ໄດ້​ຊີ້​ນຳ​ໃຫ້​ພາກ­ສ່ວນ​ກ່ຽວ­ຂ້ອງ​ແກ້​ໄຂ ແລະ ປັດ­ຈຸ­ບັນ​ນີ້​ເສັ້ນ­ທາງ​ດັ່ງ­ກ່າວ​ໄດ້​ຮັບ​ການ​ສ້ອມ­ແປງ ສາ­ມາດ​ທຽວ​ໄປ​ມາ​ໄດ້​ສະ­ດວກ​ແລ້ວ.
ທ່ານ ສຸ​ລິ​ວັນ ພົມ​ມະ­ຫາ​ໄຊ ຫົວ­ໜ້າ​ພະ​ແນກ​ໂຍ­ທາ​ທິ​ການ ແລະ ຂົນ­ສົ່ງ​ນະ­ຄອນ­ຫຼວງ​ວຽງ​ຈັນ ໄດ້​ໃຫ້​ສຳ­ພາດ​ວັນ​ທີ 1 ກັນ­ຍາ 2020 ວ່າ: ພາຍ­ຫຼັງ​ໄດ້​ຮັບ​ການ​ຊີ້​ນຳ​ຈາກ​ທ່ານ​ເຈົ້າ​ຄອງ​ນະ­ຄອນ­ຫຼວງ ໂດຍ​ມີ​ພາກ­ສ່ວນ​ກ່ຽວ­ຂ້ອງ​ຮ່ວມ​ກັບ​ບໍ­ລິ­ສັດ​ຜູ້​ຮັບ​ເໝົາ​ກໍ່­ສ້າງ​ທາງ​ລົດ­ໄຟ​ລາວ-ຈີນ ແລະ ບໍ­ລິ­ສັດ​ພາຍ​ໃນ ຮັບ​ວຽກ​ໂຄງ­ການ​ໄພ­ພິ­ບັດ ໄດ້​ສ້ອມ­ແປງ​ເສັ້ນ­ທາງ​ດັ່ງ­ກ່າວ​ທີ່​ມີ​ຄວາມ​ຍາວ 10 ກິ­ໂລ­ແມັດ ແຕ່​ສາມ​ແຍກ​ຕານ​ມີ​ໄຊ​ຫາ​ສີ່​ແຍກ​ໂນນ​ສະ­ອາດ ແຕ່​ບໍ­ລິ­ສັດ​ຜູ້​ຮັບ​ເໝົາ​ກໍ່­ສ້າງ​ທາງ​ລົດ­ໄຟ​ລາວ-ຈີນ ໄດ້​ສ້ອມ­ແປງ 4 ວັນ​ສຳ­ເລັດ​ວັນ​ທີ 31ສິງ­ຫາ 2020 ມີ​ຄວາມ​ຍາວ 1,5 ກິ­ໂລ­ແມັດ ສ່ວນ​ທີ່​ເຫຼືອ​ນັ້ນ ແມ່ນ​ຄວາມ​ຮັບ­ຜິດ­ຊອບ​ຂອງ​ໂຄງ­ການ​ໄພ­ພິ­ບັດ ປັດ­ຈຸ­ບັນ​ການ​ໄປ​ມາ​ມີ​ຄວາມ​ສະ­ດວກ​ຂຶ້ນ​ຕື່ມ ທຽບ­ໃສ່​ກ່ອນ​ໜ້າ​ນີ້.
ທ່ານ ສຸ​ລິ​ວັນ ພົມ​ມະ­ຫາ​ໄຊ ຍັງ​ກ່າວ​ຕື່ມ​ວ່າ: ພາຍ­ຫຼັງ​ຕົກ​ແລ້ງ ເສັ້ນ­ທາງ​ດັ່ງ­ກ່າວ​ຈະ​ໄດ້​ສ້ອມ­ແປງ​ຄືນ­ໃໝ່​ດ້ວຍ​ການ​ປັບ​ໜ້າ​ທາງ​ແລ້ວ​ປູ­ຢາງ ໂດຍ​ອີງ­ໃສ່​ງົບ­ປະ­ມານ​ຮ່ວງ​ໄພ­ພິ­ບັດ​ມີ​ຈຳ­ກັດ ຈຶ່ງ​ໄດ້​ແກ້​ໄຂ​ໄປ​ກ່ອນ ຖ້າ​ຈະ​ເຮັດ​ໃຫ້​ໄດ້​ມາດ­ຕະ­ຖານ ຕ້ອງ​ໃຊ້​ງົບ­ປະ­ມານ​ຫຼາຍ ດັ່ງ­ນັ້ນ​ຂໍ​ໃຫ້​ສັງ­ຄົມ​ມີ​ຄວາມ​ເຂົ້າ ແລະ ການ​ໄປ​ມາ​ເສັ້ນ­ທາງ​ນີ້​ກໍ​ໃຫ້​ຄອ່ຍ​ໄປ​ຄ່ອຍ​ມາ ມີ​ສະ­ຕິ​ເພື່ອ​ຫຼີກ​ລ່ຽງ​ການ​ເກີດ​ອຸ­ບັດ­ເຫດ.

ແຫລ່ງຂ່າວ: Vientiane Mai

ເສັ້ນທາງນາທົ່ມ-ໂນນແສງຈັນ ​ຕົກ​ແລ້ງ​ຈະ​ໄດ້​ສ້ອມ­ແປງ​ຄືນ­ໃໝ່ດ້ວຍ​ການ​ປັບ​ໜ້າ​ທາງ​ແລ້ວ​ປູ­ຢາງ - Wave100S AD to Website 2020 0 - ເສັ້ນທາງນາທົ່ມ-ໂນນແສງຈັນ ​ຕົກ​ແລ້ງ​ຈະ​ໄດ້​ສ້ອມ­ແປງ​ຄືນ­ໃໝ່ດ້ວຍ​ການ​ປັບ​ໜ້າ​ທາງ​ແລ້ວ​ປູ­ຢາງ
ເສັ້ນທາງນາທົ່ມ-ໂນນແສງຈັນ ​ຕົກ​ແລ້ງ​ຈະ​ໄດ້​ສ້ອມ­ແປງ​ຄືນ­ໃໝ່ດ້ວຍ​ການ​ປັບ​ໜ້າ​ທາງ​ແລ້ວ​ປູ­ຢາງ - WhatsApp Image 2020 05 27 at 5 - ເສັ້ນທາງນາທົ່ມ-ໂນນແສງຈັນ ​ຕົກ​ແລ້ງ​ຈະ​ໄດ້​ສ້ອມ­ແປງ​ຄືນ­ໃໝ່ດ້ວຍ​ການ​ປັບ​ໜ້າ​ທາງ​ແລ້ວ​ປູ­ຢາງ
ເສັ້ນທາງນາທົ່ມ-ໂນນແສງຈັນ ​ຕົກ​ແລ້ງ​ຈະ​ໄດ້​ສ້ອມ­ແປງ​ຄືນ­ໃໝ່ດ້ວຍ​ການ​ປັບ​ໜ້າ​ທາງ​ແລ້ວ​ປູ­ຢາງ - WhatsApp Image 2020 05 27 at 5 - ເສັ້ນທາງນາທົ່ມ-ໂນນແສງຈັນ ​ຕົກ​ແລ້ງ​ຈະ​ໄດ້​ສ້ອມ­ແປງ​ຄືນ­ໃໝ່ດ້ວຍ​ການ​ປັບ​ໜ້າ​ທາງ​ແລ້ວ​ປູ­ຢາງ
error: Alert: ເນື້ອຫາຂ່າວມີລິຂະສິດ !!