ລາວ​-ຫວຽດນາມ​ ບົນ​ເສັ້ນທາງ​ການ​ຮ່ວມ​ມື​ສອງ​ປະ​ເທດ

ລາວ​-ຫວຽດນາມ​ ບົນ​ເສັ້ນທາງ​ການ​ຮ່ວມ​ມື​ສອງ​ປະ​ເທດ - 555 1 - ລາວ​-ຫວຽດນາມ​ ບົນ​ເສັ້ນທາງ​ການ​ຮ່ວມ​ມື​ສອງ​ປະ​ເທດ
ລາວ​-ຫວຽດນາມ​ ບົນ​ເສັ້ນທາງ​ການ​ຮ່ວມ​ມື​ສອງ​ປະ​ເທດ - Untitled design - ລາວ​-ຫວຽດນາມ​ ບົນ​ເສັ້ນທາງ​ການ​ຮ່ວມ​ມື​ສອງ​ປະ​ເທດ

ໂດຍ: ທິດ​ກໍ່າ

​ເນື່ອງ​ໃນ​ໂອກາດ​ວັນຊາດ​ຫວຽດນາມ ຄົບຮອບ 75 ປີ (2 ກັນຍາ 1945 – 2 ກັນຍາ 2020) ໜັງສືພິມ ລາວ​ພັດທະນາ ​ໃນ​ຖານະ​ເປັນ​ໜັງສືພິມ​ລາຍ​ວັນ​ຂອງ​ສະມາຄົມ​ນັກ​ຂ່າວ​ແຫ່ງ​ ສປປ ລາວ ຂໍ​ສະ​ແດງ​ຄວາມ​ຄຳນັບ​ຊົມ​ເຊີຍ ​ແລະ ອວຍພອນ​ແດ່​ວັນຊາດ​ຂອງ ສາທາລະນະ​ລັດ ສັງຄົມ​ນິຍົມ ຫວຽດນາມ ຈົ່ງ​ໝັ້ນຍືນ ! ຂໍ​ໃຫ້​ສາຍ​ພົວພັນ​ມິດຕະພາບ​ກ້າວ​ໄປ​ບົນ​ເສັ້ນທາງ​ອັນ​ສະຫວ່າງ​ສະ​ໄຫວ, ມີ​ຜົນສຳ​ເລັດ​ຢ່າງ​ຍິ່ງ​ໃຫຍ່ສົມ​ກັບ​ພັກ ​ແລະ ລັດຖະບານ​ສອງ​ປະ​ເທດ​ຂອງ​ພວກ​ເຮົາ​ໄດ້​ປາດ​ຖະໜາ ​ແລະ ມີ​ມາ​ແຕ່​ດົນ​ນານ. ປະ​ເທດ​ລາວ ​ແລະ ຫວຽດນາມ ​ເຄີຍ​ມີ​ມູນ​ເຊື້ອ​ແຫ່ງ​ຄວາມ​ສາມັກຄີ​ສູ້​ຮົບ, ຄວາມ​ສາມັກຄີ​ພິ​ເສດ, ມີ​ການ​ພົວພັນ​ຮ່ວມ​ມື​ຊ່ວຍ​ເຫລືອ​ກັນ​ມາ​ຫລາຍ​ຍຸກ, ຫລາຍ​ສະ​ໄໝ ​ແລະ ມີ​ສາຍພູ​ຫລວງ​ເປັນ​ຊາຍ​ແດນ​ຮ່ວມ, ມີ​ເສັ້ນຊາຍ​ແດນ​ຍາວ​ເຖິງ 2.000 ກວ່າ​ກິ​ໂລ​ແມັດ ​ແລະ ມີ 10 ​ແຂວງ​ຜ່ານ​ຊາຍ​ແດນ​ຂອງ​ແຕ່ລະ​ປະ​ເທດ.

​ໃນ​ປະຫວັດສາດ​ຜ່ານ​ມາ, ​ເວົ້າ​ເຖິງ​ການ​ຮ່ວມ​ມື​ຊ່ວຍ​ເຫລືອ​ກັນ​ລະຫວ່າງ​ປະ​ເທດ​ລາວ ​ແລະ ຫວຽດນາມ ​ແມ່ນ​ມີ​ມາ​ຢ່າງ​ຍາວ​ນານ ນັບ​ແຕ່​ຍຸກ​ສົງຄາ​ມຕີ​ຕ້ານ​ການ​ຮຸກ​ຮານ​ຈາກ​ພວກ​ຈັກກະພັດ​ຝຣັ່ງ ​ແລະ ອາ​ເມ​ລິ​ກາ. ຍ້ອນ​ຄວາມ​ສາມັກຄີ​ດັ່ງກ່າວ ສອງ​ປະ​ເທດ​ຈຶ່ງ​ໄດ້​ຮັບ​ໄຊຊະນະ​ ສາມາດ​ປົດ​ປ່ອຍປະ​ເທດ​ຊາດ​ໄດ້​ຢ່າງ​ສົມບູນ​ແບບ​ໃນ​ປີ 1975. ກ້າວ​ສູ່​ໄລຍະ​ປະຫວັດສາດ​ໜ້າ​ໃໝ່​ສອງ​ປະ​ເທດ​ຍິ່ງ​ໄດ້​ມີ​ການ​ເຊັນ​ສົນທິສັນຍາ​ມິດຕະພາບ ​ແລະ ການ​ຮ່ວມ​ມື​ໃນ​ຫລາຍ​ຂົງ​ເຂດ​ເກືອບ​ທຸກຂະ​ແໜງ​ການ ​ເປັນຕົ້ນທາງ​ດ້ານ​ການ​ເມືອງ, ການ​ຕ່າງປະ​ເທດ, ປ້ອງ​ກັນຊາ​ດ-ປ້ອງ​ກັນ​ຄວາມ​ສະຫງົບ ​ເຫັນ​ວ່າ​ເປັນ​ປົກກະຕິ​ດີ, ສະ​ເໝີ​ຕົ້ນສະ​ເໝີ​ປາຍ​ກ້າວ​ສູ່​ລະດັບ​ສູງ​ສຸດ ດ້ວຍ​ການ​ແລກປ່ຽນ​ບົດຮຽນ​ຢ້ຽມຢາມ​ເຊິ່ງກັນ ​ແລະ ກັນ​ປີ​ລະ 200-400 ຄະນະ. ສະ​ເພາະ​ປີ 2020 ​ເຖິງ​ວ່າ​ມີ​ການລະບາດ​ຂອງ​ພະຍາດ​ໂຄ​ວິດ-19 ​ໃນ​ທົ່ວ​ໂລກ, ​ແຕ່​ຜູ້ນຳ​ທັງ​ສອງ​ປະ​ເທດ​ກໍ​ຍັງ​ໄດ້​ມີ​ການ​ໄປມາຫາສູ່​ກັນ​ໃນ​ວາລະ​ອັນ​ສຳຄັນ​ຈຳ​ເປັນ.

ສະ​ເພາະ​ໃນ​ຂົງ​ເຂດ​ການ​ຮ່ວມ​ມື​ທາງ​ດ້ານ​ເສດຖະກິດ ​ເປັນຕົ້ນດ້ານ​ການ​ຄ້າ, ການ​ຮ່ວມ​ມື​ດ້ານ​ການ​ລົງທຶນ​ໃນ​ໄລຍະ 4 ປີຜ່ານມາ​ມີ​ຫລາຍ​ຕື້​ໂດ​ລາ​ເຊັ່ນ: ປີ 2016 ​ໄດ້ 1 ຕື້​ໂດ​ລາ, ປີ 2017 ບັນລຸ 1,28 ຕື້​ໂດ​ລາ, ປີ 2018 ບັນຫາ 1,58 ຕື້​ໂດ​ລາ ​ແລະ ປີ 2019 ບັນລຸ 1 ຕື້​ໂດ​ລາ. ກ່ຽວ​ກັບ​ການ​ຮ່ວມ​ມື​ດ້ານ​ການ​ລົງທຶນ ນັບ​ແຕ່​ປີ 1989 ມາ​ຮອດ​ປັດຈຸບັນ​ມີ 413 ​ໂຄງການ ມີ​ມູນ​ຄ່າ​ທີ່​ໄດ້​ອະນຸມັດ​ທັງ​ໝົດ 4,1 ຕື້​ໂດ​ລາ ​ແລະ ຈັດ​ຢູ່​ໃນ​ອັນ​ດັບ 3 ​ໃນ​ຈຳນວນ 53 ປະ​ເທດ​ທີ່​ໄດ້​ມາ​ລົງທຶນ​ຢູ່​ໃນ ສປປ ລາວ. ຕໍ່​ບັນຫາ​ການ​ເຊື່ອມ​ຈອດ​ພື້ນຖານ​ໂຄງ​ລ່າງ​ຄົມມະນາຄົມ​ລະຫວ່າງ​ສອງ​ປະ​ເທດ ກໍ​ມີ​ຄວາມ​ສຳຄັນ​ຢ່າງ​ຍິ່ງ ​ເພື່ອ​ສົ່ງ​ເສີມ​ການ​ຄ້າ​ສອງ​ສົ້ນ​ໃຫ້​ບັນລຸ​ຕາມ​ເປົ້າໝາຍ​ທີ່​ສອງ​ລັດຖະບານ​ໄດ້​ຕົກລົງ​ຮ່ວມ​ກັນ. ປັດຈຸບັນ​ມີ​ໂຄງການ​ທ່າ​ເຮືອ​ຫວຸງອາງ 1, 2, 3; ​ໂຄງການ​ສ້າງ​ເສັ້ນທາງ​ດ່ວນ​ວຽງ​ຈັນ-ຮ່າ​ໂນ້ຍ, ​ໂຄງການ​ສ້າງ​ເສັ້ນທາງ​ລົດ​ໄຟ​ແຕ່​ວຽງ​ຈັນ-ຫວຸງອາງ. ຖ້າ​ບັນດາ​ໂຄງການ​ດັ່ງກ່າວ​ສຳ​ເລັດ​ຈະ​ສາມາດ​ປະກອບສ່ວນ​ອັນ​ສຳຄັນ​ເພື່ອ​ເພີ່ມ​ມູນ​ຄ່າ​ການ​ຄ້າ​ໃຫ້​ສອງ​ປະ​ເທດ​ສູງ​ຂຶ້ນ​ເລື້ອຍໆ.

ລາວ​-ຫວຽດນາມ​ ບົນ​ເສັ້ນທາງ​ການ​ຮ່ວມ​ມື​ສອງ​ປະ​ເທດ - Wave100S AD to Website 2020 0 - ລາວ​-ຫວຽດນາມ​ ບົນ​ເສັ້ນທາງ​ການ​ຮ່ວມ​ມື​ສອງ​ປະ​ເທດ

ກ່ຽວ​ກັບ​ການ​ຮ່ວມ​ມື​ດ້ານ​ພະລັງງານ ສອງ​ຝ່າຍ​ກຳລັງ​ຈັດຕັ້ງປະຕິບັດ​ບົດ​ບັນທຶກ​ການ​ຊື້-ຂາຍ​ໄຟຟ້າ​ລະຫວ່າງ​ສອງ​ປະ​ເທດ​ທີ່​ສອງ​ນາຍົກລັດຖະມົນຕີ​ໄດ້​ລົງ​ນາມ​ຮ່ວມ​ກັນ​ໃນ​ປີ 2016 ​ເພື່ອ​ເພີ່ມ​ມູນ​ຄ່າ​ການ​ຄ້າ​ສອງ​ຝ່າຍ. ການ​ຮ່ວມ​ມື​ດ້ານ​ການ​ສຶກສາ ​ແລະ ພັດທະນາ​ຊັບພະຍາກອນ​ມະນຸດ ສອງ​ລັດຖະບານ​ໄດ້​ສືບ​ຕໍ່​ໃຫ້​ຄວາມ​ເອົາ​ໃຈ​ໃສ່​ຖື​ເປັນ​ບູລິ​ມະ​ສິດ​. ​ໃນ​ແຕ່ລະ​ປີ​ລັດຖະບານ​ຫວຽດນາມ​ໄດ້​ໃຫ້​ທຶນ​ການ​ສຶກສາ​ແກ່​ພະນັກງານ, ນັກ​ສຶກສາ​ໄປ​ຮຽນ​ຢູ່​ຫວຽດນາມ​ຫລາຍ​ພັນ​ທຶນ ​ໄດ້​ໄປ​ສຶກສາ​ຕໍ່​​ໃນ​ລະດັບ​ມະຫາວິທະຍາ​ໄລ, ​ເໜືອ​ວິທະຍາ​ໄລ ​ແລະ ບຳລຸງ​ໄລຍະ​ສັ້ນ ນັບ​ທັງ​ປ້ອງ​ກັນຊາ​ດ-ປ້ອງ​ກັນ​ຄວາມ​ສະຫງົບ ​ແລະ ທຶນ​ໃຫ້​ແກ່​ລູກ​ຫລານ​ຊາວ​ຫວຽດນາມ​ຕ່າງ​ດ້າວ​ຢູ່​ລາວ. ທາງ​ຝ່າຍ​ລັດຖະບານ ສປປ ລາວ ກໍ​ໄດ້​ໃຫ້​ທຶນ​ການ​ສຶກສາ​ແກ່​ພະນັກງານ, ນັກ​ສຶກສາ​ຫວຽດນາມ ຈຳນວນ 60 ທຶນ​ຮຽນ​ລະບົບ​ມະຫາວິທະຍາ​ໄລ, ​ເໜືອ​ມະຫາວິທະຍາ​ໄລ ​ແລະ ບຳລຸງ​ໄລຍະ​ສັ້ນຢູ່​ລາວ. ​ໃນ​ປີ 2017 ທຶນ​ການ​ສຶກສາ​ຫວຽດນາມ​ໃຫ້​ແກ່​ລາວ​ມີ​ຈຳນວນ​ເຖິງ 1.246 ທຶນ, ປີ 2018 ມີ 1.271 ທຶນ. ປັດຈຸບັນ ຈຳນວນ​ພະນັກງານ, ນັກ​ສຶກສາລາ​ວກຳລັງ​ຮຽນ ​ແລະ ຄົ້ນຄວ້າ​ຢູ່​ຫວຽດນາມ​ມີ​ຫລາຍ​ກວ່າ 16.000 ຄົນ ​ໃນ​ນີ້​ມີ​ທັງ​ຮູບ​ແບບ​ທຶນ​ລັດຖະບານ, ທຶນ​ແຮກສ່ຽວ ​ແລະ ທຶນ​ສ່ວນ​ຕົວ. ຈຳນວນ​ພະນັກງານ, ນັກ​ສຶກສາ​ຫວຽດນາມ​ທີ່​ກຳລັງ​ຮຽນ​ຢູ່​ລາວ​ໃນ​ປັດຈຸບັນ​ກໍ​ມີ​ເກືອບ 500 ຄົນ. ນອກຈາກ​ນັ້ນ ທັງ​ສອງ​ຝ່າຍ​ຍັງ​ມີ​ການ​ຮ່ວມ​ມື​ກັນ​ຮອບດ້ານ​ໃນ​ທຸກ​ຂົງ​ເຂດ ​ເປັນຕົ້ນ​ໃນ​ຂົງ​ເຂດ​ວິທະຍາສາດ-ສັງຄົມ, ວິທະຍາສາດ-​ເຕັກ​ໂນ​ໂລ​ຊີ, ຊັບພະຍາກອນ​ ​ແລະ ສິ່ງ​ແວດ​ລ້ອມ, ກະສິກຳ, ຖະ​ແຫລ​ງຂ່າວ-ການ​ສື່ສານ, ຍຸຕິ​ທຳ, ​ແຮງ​ງານ, ສະຫວັດດີ​ການ-ສັງຄົມ, ວັດທະນະທຳ, ພິພິດທະພັນ, ການ​ທ່ອງ​ທ່ຽວ, ສາທາລະນະ​ສຸກ ​ແລະ ອື່ນໆ.

ປະຊາຊົນ​ສອງ​ປະ​ເທດ​ລາວ ​ແລະ ຫວຽດນາມ ​ເຄີຍ​ມີ​ມູນ​ເຊື້ອພົວພັນ​ຊ່ວຍ​ເຫລືອ​ເຊິ່ງກັນ ​ແລະ ກັນ​ມາ​ແຕ່​ໃດໆ​ມາ​ໃນ​ຫລາຍ​ຍຸກ​ຫລາຍ​ສະ​ໄໝ ນັບ​ແຕ່​ຍຸກ​ເຈົ້າອານຸວົງ, ມາ​ຮອດ​ຍຸກ​ສົງຄາມ​ຕ້ານ​ຝຣັ່ງ ​ແລະ ອາ​ເມ​ລິ​ກາ, ຈົນ​ມາ​ຮອດ​ຍຸກ​ປັດຈຸບັນ ສາຍສຳພັນ​ສອງ​ປະ​ເທດ​ກໍ​ຍັງ​ໝັ້ນຄົງ​ທະ​ນົງ​ແຫ່ນ ຍ້ອນ​ສອງ​ປະ​ເທດ​ຂອງ​ພວ​ກ​ເຮົາ​ມີ​ອຸດົມ​ການ​ອັນ​ດຽວ​ກັນ ມີ​ແນວທາງ​ອັນ​ດຽວ​ກັນ, ສາມັກຄີ​ກັນ, ບໍ່​ປະຖິ້ມກັນ, ຍາມ​ເສິກ​ມາ​ພວກ​ເຮົາ​ພ້ອມ​ກັນ​ຕີ, ຍາມ​ສັດຕູ​ໜີ​ພວກ​ເຮົາ​ພ້ອມ​ກັນ​ສ້າງສາ​ພັດທະນາ ສົມ​ກັບ​ຄຳ​ຂວັນ​ທີ່​ທ່ານ​ປະທານ ​ໂຮ່ຈີ​ມິນ ​ໄດ້​ເວົ້າວ່າ: “ຮັກ​ແພງ​ກັນ​ໝາຍ​ໝັ້ນຫລາຍ​ສັນພູ​ກໍ​ປີນ​ໄຕ່, ຫລາຍ​ນ້ຳ​ໃຫຍ່​ໂຄກ​ຄ້ອຍ​ພວກ​ເຮົາ​ດັ້ນດຸ່ງ​ໄປ ​ເພາະວ່າ​ລາວ-ຫວຽດ​ໄດ້ ຝັງ​ຄວາມ​ຮັກ​ຢູ່​ໃນ​ໃຈ ຮົ່ງຮ່າ​ທັງ​ແມ່​ຂອງ​ບໍ່​ເລິກ​ປຸນ​ປານ​​ໄດ້”.

ລາວ​-ຫວຽດນາມ​ ບົນ​ເສັ້ນທາງ​ການ​ຮ່ວມ​ມື​ສອງ​ປະ​ເທດ - WhatsApp Image 2020 05 27 at 5 - ລາວ​-ຫວຽດນາມ​ ບົນ​ເສັ້ນທາງ​ການ​ຮ່ວມ​ມື​ສອງ​ປະ​ເທດ
ລາວ​-ຫວຽດນາມ​ ບົນ​ເສັ້ນທາງ​ການ​ຮ່ວມ​ມື​ສອງ​ປະ​ເທດ - WhatsApp Image 2020 05 27 at 5 - ລາວ​-ຫວຽດນາມ​ ບົນ​ເສັ້ນທາງ​ການ​ຮ່ວມ​ມື​ສອງ​ປະ​ເທດ
error: Alert: ເນື້ອຫາຂ່າວມີລິຂະສິດ !!