ອາເມລິກາປະຕິເສດຮ່ວມໂຄງການ COVAX ພັດທະນາວັກຊີນໂຄວິດ-19 ກັບນາໆປະເທດ

ອາເມລິກາປະຕິເສດຮ່ວມໂຄງການ covax ພັດທະນາວັກຊີນໂຄວິດ-19 ກັບນາໆປະເທດ -                                                                             COVAX - ອາເມລິກາປະຕິເສດຮ່ວມໂຄງການ COVAX ພັດທະນາວັກຊີນໂຄວິດ-19 ກັບນາໆປະເທດ
ອາເມລິກາປະຕິເສດຮ່ວມໂຄງການ covax ພັດທະນາວັກຊີນໂຄວິດ-19 ກັບນາໆປະເທດ - Untitled design - ອາເມລິກາປະຕິເສດຮ່ວມໂຄງການ COVAX ພັດທະນາວັກຊີນໂຄວິດ-19 ກັບນາໆປະເທດ

ລັດຖະບານ​ອາ​ເມ​ລິ​ກາ ປະກາດ​ຈະ​ບໍ່​ເຂົ້າຮ່ວມ​ໂຄງການ COVAX (Covid-19 Vaccines Global Access Facility) ​ເຊິ່​ງ​ເປັນ​ໂຄງການ​ຮ່ວມ​ມືນາໆ​ປະ​ເທດ ທີ່​ນຳ​ໂດຍ​ອົງການ​ອະນາ​ໄມ​ໂລກ (WHO) ​ເພື່ອ​ພັດທະນາ, ຜະລິດ ​ແລະ ​ແຈກ​ຢາຍ​ວັກ​ຊີ​ນ​ໂຄ​ວິດ-19 ຢ່າງ​ເທົ່າ​ທຽມ ​ແລະ ຕອນ​ນີ້​ມີ 170 ກວ່າ​ປະ​ເທດ​ທີ່​ກຳລັງ​ເຈລະຈາ​ເພື່ອ​ເຂົ້າຮ່ວມ​ໂຄງການ​ນີ້.

ທ່ານ ຈັດ ​ເດຍ ​ໂຄສົກ​ທຳນຽບຂາວ ຖະ​ແຫລ​ງຢືນຢັນ​ວ່າ: ອາ​ເມ​ລິ​ກາ ຈະ​ບໍ່​ເຂົ້າຮ່ວມ​ໂຄງການ​ນີ້ ​ເນື່ອງ​ຈາກ​ບໍ່​ຕ້ອງການ​ເຮັດ​ວຽກ​ຮ່ວມ​ກັບ WHO ​ເຊິ່ງປະທານາທິບໍດີ ​ໂດ​ນັລ ທຣຳ ​ເຄີຍ​ວິຈານ​ທ່າ​ທີ​ຂອງ WHO ທີ່​ຍຶດຈີນ​ເປັນ​ສູນ​ກາງ​ໃນ​ການ​ຮັບ​ມື​ສະຖານະ​ການ​ການລະບາດ​ຂອງ​ໂຄ​ວິດ-19, ​ແຕ່​ຢືນຢັນ​ວ່າ: ອາ​ເມ​ລິ​ກາ​ຈະ​ຍັງ​ຮ່ວມ​ມື​ກັບປະ​ເທດ​ພັນທະ​ມິດ.

ຜ່ານ​ມາ, ທ່ານ ທຣຳ ​ໄດ້​ສະ​ແດງ​ທ່າ​ທີ​ຕໍ່ຕ້ານ WHO ​ໂດຍ​ກ່າວ​ຫາ​ວ່າ​ຖືກ​ລັດຖະບານ​ຈີນ​ຄວບ​ຄຸມ, ພ້ອມ​ທັງ​ປະກາດ​ຖອນ​ຕົວ ​ແລະ ຕັດ​ເງິນ​ສະໜັບສະໜູນ ​ເຊິ່ງອາ​ເມ​ລິ​ກາ​ຖື​ເປັນ​ປະ​ເທດ​ທີ່​ສະໜັບສະໜູນ​ເງິນ​ທຶນ​ແກ່ WHO ຫລາຍ​ທີ່​ສຸດ.

ອາເມລິກາປະຕິເສດຮ່ວມໂຄງການ covax ພັດທະນາວັກຊີນໂຄວິດ-19 ກັບນາໆປະເທດ - Wave100S AD to Website 2020 0 - ອາເມລິກາປະຕິເສດຮ່ວມໂຄງການ COVAX ພັດທະນາວັກຊີນໂຄວິດ-19 ກັບນາໆປະເທດ

ຂະນະ​ທີ່​ຜູ້​ຊ່ຽວຊານ​ດ້ານ​ສາທາລະນະ​ສຸກ ​ເບິ່ງ​ວ່າການ​ຕັດສິນ​ໃຈ​ຂອງ​ລັດຖະບານ​ອາ​ເມ​ລິ​ກາ​ທີ່​ບໍ່​ເຂົ້າຮ່ວມ​ໂຄງການ COVAX ໝາຍ​ຄວາມ​ວ່າ: ອາ​ເມ​ລິ​ກາ ກຳລັງ​ເດີມ​ພັນ​ຄວາມ​ສ່ຽງ​ກັບ​ການ​ພັດທະນາ​ວັກ​ຊີ​ນຂອງ​ຕົນ​ເອງ ​ແລະ ສະໜັບສະໜູນ​ໃຫ້​ປະ​ເທດ​ອື່ນໆ​ປະຕິບັດ​ເຊັ່ນ​ກັນ ​ເຊິ່ງນອກຈາກ​ຈະ​ເປັນ​ການ​ຕັດ​ໂອກາດ​ຂອງ​ຕົນ​ເອງ​ໃນ​ການ​ໄດ້​ວັກ​ຊີ​ນຈາກ​ຜູ້​ພັດທະນາ​ປະ​ເທດ​ອື່ນໆ​ແລ້ວ ຍັງ​ອາດ​ສົ່ງ​ຜົນ​ໃຫ້​ລາຄາ​ຂອງ​ວັກ​ຊີ​ນ​ແຕ່ລະ​ໂດ​ສ​ເພີ່ມ​ສູງ​ຂຶ້ນ.

ສຳລັບ​ຄວາມ​ຫວັງ​ໃນ​ການ​ພັດທະນາ​ວັກ​ຊີ​ນ​ໂຄ​ວິດ-19 ຂອງ​ອາ​ເມ​ລິ​ກາ ຕອນ​ນີ້​ຢູ່​ທີ່​ໂຄງການ Operation Warp Speed ທີ່​ລັດຖະບານ ທຣຳ ​ໃຫ້​ຄວາມ​ສຳຄັນ ​ແລະ ຕັ້ງ​ເປົ້າການ​ພັດທະນາ ​ແລະ ຜະລິດ​ວັກ​ຊີ​ນຈຳນວນ 300 ລ້ານ​ໂດ​ສ ​ໃຫ້​ໄດ້​ໃນ​ເດືອນ​ມັງກອນ​ປີໜ້າ ​ເຊິ່ງຫລ້າ​ສຸດ​ວັກ​ຊີ​ນຈາກ​ບໍລິສັດ AstraZeneca ​ທີ່​ໄດ້​ຮັບ​ເງິນ​ສະໜັບສະໜູນ​ຈາກ​ໂຄງການ​ນີ້ ກຳລັງ​ຢູ່​ລະຫວ່າງ​ການ​ທົດ​ລອງ​ຂັ້ນສຸດ​ທ້າຍ​ໃນ​ອາ​ເມ​ລິ​ກາ.

ອາເມລິກາປະຕິເສດຮ່ວມໂຄງການ covax ພັດທະນາວັກຊີນໂຄວິດ-19 ກັບນາໆປະເທດ - WhatsApp Image 2020 05 27 at 5 - ອາເມລິກາປະຕິເສດຮ່ວມໂຄງການ COVAX ພັດທະນາວັກຊີນໂຄວິດ-19 ກັບນາໆປະເທດ
ອາເມລິກາປະຕິເສດຮ່ວມໂຄງການ covax ພັດທະນາວັກຊີນໂຄວິດ-19 ກັບນາໆປະເທດ - WhatsApp Image 2020 05 27 at 5 - ອາເມລິກາປະຕິເສດຮ່ວມໂຄງການ COVAX ພັດທະນາວັກຊີນໂຄວິດ-19 ກັບນາໆປະເທດ
error: Alert: ເນື້ອຫາຂ່າວມີລິຂະສິດ !!