ຜະລິດຕະພັນຈາກຫວາຍ ແລະ ໄມ້ປ່ອງບ້ານແບ່ງດ່ານ ໄດ້ກາຍເປັນສິນຄ້າໂອດ໋ອບແຫ່ງຊາດ

ຜະລິດຕະພັນຈາກຫວາຍ ແລະ ໄມ້ປ່ອງບ້ານແບ່ງດ່ານ ໄດ້ກາຍເປັນສິນຄ້າໂອດ໋ອບແຫ່ງຊາດ -                                                                                                                1 - ຜະລິດຕະພັນຈາກຫວາຍ ແລະ ໄມ້ປ່ອງບ້ານແບ່ງດ່ານ ໄດ້ກາຍເປັນສິນຄ້າໂອດ໋ອບແຫ່ງຊາດ
ຜະລິດຕະພັນຈາກຫວາຍ ແລະ ໄມ້ປ່ອງບ້ານແບ່ງດ່ານ ໄດ້ກາຍເປັນສິນຄ້າໂອດ໋ອບແຫ່ງຊາດ - Untitled design - ຜະລິດຕະພັນຈາກຫວາຍ ແລະ ໄມ້ປ່ອງບ້ານແບ່ງດ່ານ ໄດ້ກາຍເປັນສິນຄ້າໂອດ໋ອບແຫ່ງຊາດ

ຜະລິດ​ຕະພັນ​ຈາກ​ຫວາຍ ​ແລະ ​ໄມ້ປ່ອງ​ຂອງ​ກຸ່ມ​ຫັດຖະກຳ​ຈັກສານ ບ້ານ​ແບ່ງ​ດ່ານ ​ເມືອງ​ລະຄອນ​ເພັງ ​ແຂວງ​ສາລະ​ວັນ ​ໄດ້​ຮັບ​ກາ​ໝາຍ​ສິນຄ້າ​ໜຶ່ງ​ເມືອງ​ໜຶ່ງ​ຜະລິດ​ຕະພັນ ຫລື ​ໂອດ໋ອບ​ແຫ່ງ​ຊາດ ປະກອບ​ມີ 6 ລາຍການ​ຄື: ກະ​ໂຕກ, ຂັນໝາກ, ຂັນ​ຕັກບາດ, ​ໂຖ​ດ​ອກ​ໄມ້, ຖາດ​ວາງ​ຈອກ ​ແລະ ກ່ອງ​ໃສ່​ອຸປະກອນ​ການ​ຂຽນ.

ກຸ່ມ​ຫັດຖະກຳ​ຈັກສານບ້ານ​ແບ່ງ​ດ່ານ ສ້າງ​ຂຶ້ນ​ແຕ່​ປີ 1979 ​ເປັນຕົ້ນມາ. ​ໃນ​ເວລາ​ນັ້ນມີ​ພຽງ​ຜູ້​ເຖົ້າຜູ້​ແກ່​ພາຍ​ໃນ​ບ້ານ​ເປັນ​ຜູ້​ເຮັດ​ເທົ່າ​ນັ້ນ ຕົ້ນຕໍ​ແມ່ນ​ເພື່ອ​ຮັບ​ໃຊ້​ພາຍ​ໃນ​ຄອບຄົວ​ເຊັ່ນ: ຕິບ​ເຂົ້າ, ຫວດ-ມວຍ​ໜຶ້ງ​ເຂົ້າ, ກະບຸງ, ກະຕ່າ, ພາ​ເຂົ້າ, ກະດົ້ງ, ຂ້ອງ, ສ້ອນ, ​ໄຊ​ອື່ນໆ ​ເຊິ່ງຕົ້ນຕໍ​ແມ່ນ​ເຮັດ​ດ້ວຍ​ໄມ້​ໄຜ່ ​ແລະ ຫວາຍ​ຈາກ​ທຳ​ມະ​ຊາດ ​ເພື່ອ​ຮັບ​ໃຊ້​ຄອບຄົວ ​ແລະ ຂາຍ​​ໃນ​ວົງ​ແຄບ ​ເຮືອນ​ໃຜ​ເຮືອນ​ລາວ​ດ້ວຍ​ສີມື​ອັນ​ປານີດ ​ແລະ ​ເປັນ​ເອກະລັກ​ຂ້ອງ​ທ້ອງ​ຖິ່ນ, ຈົນ​ມາ​ຮອດ​ປີ 1996 ທາງ​ອຳນາດ​ການ​ປົກຄອງ​ຈຶ່ງ​ໄດ້​ສ້າງ​ກຸ່ມ​ຜະລິດ​ຫັດຖະກຳ​ຂຶ້ນ ​ໂດຍ​​ແມ່ສີ​ເປັນ​ຫົວໜ້າ​ກຸ່ມ ມີ​ສະມາຊິກ 12 ຄອບຄົວ ​ແລະ ຕໍ່​ມາ​ປີ 2009-2010 ​ໂຄງການ​ຍີ່ປຸ່ນ​ໄດ້​ເຂົ້າມາ​ຊ່ວຍ​ເຫລືອ ​ເພື່ອ​ຜະລິດ​ເປັນ​ສິນຄ້າ​ໂອດ໋ອບ ປະກອບ​ມີ​ສະມາຊິກ 25 ຄອບຄົວ ​ແລະ ມາ​ຮອດ​ປັດຈຸບັນ​ໄດ້​ຂະຫຍາຍ​ຂຶ້ນ​ເປັນ 39 ຄອບຄົວ ​ໂດຍ​ແມ່ນ​ນາງ ລັດດາ​ວັນ ​ເປັນ​ປະທານ​ກຸ່ມ ​ແລະ ​ໄດ້​ສ້າງ​ສູນ​ວາງສະ​ແດງ​ສິນຄ້າ​ຫັດຖະກຳ​ຈັກສານ​ຂຶ້ນ 1 ຫລັງ ​ເພື່ອ​ເປັນ​ບ່ອນ​ວາງ​ຈຳໜ່າຍ​ສິນຄ້າ ສ້າງ​ລາຍ​ຮັບ​ເຂົ້າສູ່​ຊີວິດ​ຕົວ​ຈິ​ງຂອງ​ປະຊາຊົນ​ບັນດາ​ເຜົ່າ​ໃຫ້​ຫລຸດ​ພົ້ນອອກ​ຈາກ​ຄວາມທຸກ​ຍາກ ​ເຮັດ​ໃຫ້​ຊີວິດ​ການ​ເປັນ​ຢູ່​ນັບ​ມື້ດີ​ຂຶ້ນ.

ສຳລັບ​ພິທີ​ປະກາດ​ກາ​ໝາຍ​ສິນຄ້າ​ໂອດ໋ອບ​ແຫ່ງ​ຊາດ ​ໃຫ້​ກຸ່ມ​ຫັດຖະກຳ​ຈັກສານ​ຫວາຍ ​ແລະ ​ໄມ້ປ່ອງ ບ້ານ​ແບ່ງ​ດ່ານ ​ໄດ້​ຈັດ​ຂຶ້ນ​​ເມື່ອ​ກາງ​ເດືອນ​ສິງຫາ​ຜ່ານ​ມາ​ນີ້ ​ໂດຍ​ມີ​ທ່ານ ສົມ​ໃຈ ອຸ່ນ​ຈີດ ​ເຈົ້າ​ເມືອງ​ລະຄອນ​ເພັງ​ເຂົ້າຮ່ວມ.

ຜະລິດຕະພັນຈາກຫວາຍ ແລະ ໄມ້ປ່ອງບ້ານແບ່ງດ່ານ ໄດ້ກາຍເປັນສິນຄ້າໂອດ໋ອບແຫ່ງຊາດ - Wave100S AD to Website 2020 0 - ຜະລິດຕະພັນຈາກຫວາຍ ແລະ ໄມ້ປ່ອງບ້ານແບ່ງດ່ານ ໄດ້ກາຍເປັນສິນຄ້າໂອດ໋ອບແຫ່ງຊາດ
ຜະລິດຕະພັນຈາກຫວາຍ ແລະ ໄມ້ປ່ອງບ້ານແບ່ງດ່ານ ໄດ້ກາຍເປັນສິນຄ້າໂອດ໋ອບແຫ່ງຊາດ - WhatsApp Image 2020 05 27 at 5 - ຜະລິດຕະພັນຈາກຫວາຍ ແລະ ໄມ້ປ່ອງບ້ານແບ່ງດ່ານ ໄດ້ກາຍເປັນສິນຄ້າໂອດ໋ອບແຫ່ງຊາດ
ຜະລິດຕະພັນຈາກຫວາຍ ແລະ ໄມ້ປ່ອງບ້ານແບ່ງດ່ານ ໄດ້ກາຍເປັນສິນຄ້າໂອດ໋ອບແຫ່ງຊາດ - WhatsApp Image 2020 05 27 at 5 - ຜະລິດຕະພັນຈາກຫວາຍ ແລະ ໄມ້ປ່ອງບ້ານແບ່ງດ່ານ ໄດ້ກາຍເປັນສິນຄ້າໂອດ໋ອບແຫ່ງຊາດ
error: Alert: ເນື້ອຫາຂ່າວມີລິຂະສິດ !!