ມຽນມາປິດເມືອງຫລວງ ເຂັ້ມງວດສະກັດກັ້ນໂຄວິດ-19

ມຽນມາປິດເມືອງຫລວງ ເຂັ້ມງວດສະກັດກັ້ນໂຄວິດ-19 -                                                     - ມຽນມາປິດເມືອງຫລວງ ເຂັ້ມງວດສະກັດກັ້ນໂຄວິດ-19
ມຽນມາປິດເມືອງຫລວງ ເຂັ້ມງວດສະກັດກັ້ນໂຄວິດ-19 - Untitled design - ມຽນມາປິດເມືອງຫລວງ ເຂັ້ມງວດສະກັດກັ້ນໂຄວິດ-19

ທ່ານ ນາງ ອອງຊານ ຊູ​ຈີ ຊີ້​ການລະບາດ​ຂອງ​ໂຄ​ວິດ-19 ​ເປັນ​ໄພພິບັດ​ຂອງ​ປະ​ເທດ, ຂະນະ​ທີ່​ມຽນມາ ອອກ​ມາດ​ຕະການ​ກັກ​ຕົວ-ກວດ​ຫາ​ເຊື້ອ​ໄວຣັສ​ໂຄ​ໂຣນາສາ​ຍພັນ​ໃໝ່​ໃນ​ຜູ້​ທີ່​ເດີນທາງ​ເຂົ້າ​ເມືອງ​ຫລວງ ຫລັງ​ມີ​ລາຍ​ງານ​ພົບ​ຜູ້​ຕິດ​ເຊື້ອ​ເພີ່ມ​ຂຶ້ນຫລາຍ​ໃນ​ວັນ​ທີ 2 ກັນຍາ.

ລັດຖະບານ​ມຽນມາ ລະບຸ​ວ່າ: ຜູ້​ທີ່​ຈະ​ເດີນທາງ​ເຂົ້ານະ​ຄອນ​ຫລວງ​ເນ​ປີ​ດໍ ​ເມືອງ​ຫລວງ​ຂອງ​ປະ​ເທດ ຕ້ອງ​ຖືກ​ກັກ​ຕົວ ​ແລະ ກວດ​ຫາ​ເຊື້ອ​ໄວຣັສ ​ໂດຍ​ຈະ​ໄດ້​ຮັບ​ອະນຸຍາດ​ໃຫ້​ເຂົ້າ​ເມືອງ​ເມື່ອ​ຜົນ​ກວດ​ເປັນ​ລົບ, ສ່ວນ​ຜູ້​ທີ່​ເດີນທາງ​ມາ​ຈາກ​ພື້ນທີ່​ທີ່​ໄດ້​ຮັບ​ຜົນ​ກະທົບ​ໜັກ​ຈະ​ຖືກ​ກັກ​ຕົວ​ໃນ​ສະຖານ​ທີ່​ກັກ​ຕົວຢ່າງ​ໜ້ອຍ 7 ວັນ, ​ແຕ່​ຖ້າ​ຜົນ​ກວດ​ເຊື້ອ​ເປັນ​ລົບ​ຈະ​ໄດ້​ຮັບ​ອະນຸຍາດ​ໃຫ້​ອອກ​ຈາກ​ສະຖານ​ທີ່​ກັກ​ຕົວ​ໄວ​ຂຶ້ນ.

ມຽນມາ ພົບ​ການ​ຕິດ​ເຊື້ອພາຍ​ໃນ​ທ້ອງ​ຖິ່ນ​ຄັ້ງທຳ​ອິດ​ໃນ​ຮອບ 1 ​ເດືອນ ​ໃນ​ກາງ​ເດືອນ​ສິງຫາ​ຜ່ານ​ມາ ຢູ່​ລັດ​ຍະ​ໄຂ່. ຫລັງ​ຈາກ​ນັ້ນ ຈຳນວນ​ຜູ້​ຕິດ​ເຊື້ອ​ໂຄ​ວິດ-19 ສະ​ສົມ​ຂອງ​ປະ​ເທດ​ເພີ່ມ​ຂຶ້ນ​ເກືອບ 2 ​ເທົ່າ ມີ 1.059 ຄົນ ​ແລະ ມີ​ຜູ້​ເສຍ​ຊີວິດ​ລວມ 6 ຄົນ ​ໂດຍ​ການ​ຕິດ​ເຊື້ອຮອບ​ຫລ້າ​ສຸດ​ເກີດ​ຂຶ້ນຢູ່​ເມືອງ​ສິດ​ຕະ​ເວ ​ເມືອງ​ເອກ​ຂອງ​ລັດ​ຍະ​ໄຂ່ ທີ່​ເຈົ້າໜ້າ​ທີ່​ໄດ້​ອອກ​ຄຳ​ສັ່ງ​ໃຫ້​ປະຊາຊົນ​ຢູ່​ແຕ່​ເຮືອນ ​ແລະ ປະກາດ​ໃຊ້​ເຄີ​ຟິວ.

​ທ່ານ ນາງ ຊູ​ຈີ ກ່າວ​ວ່າ: ການລະບາດ​ຂອງ​​ໂຄ​ວິດ-19 ​ເປັນ​ໄພພິບັດ​ຂອງ​ປະ​ເທດ ​ແລະ ຜູ້​ທີ່​ຝ່າຝືນ​ຄຳ​ສັ່ງ​ຈະ​ຖືກ​ລົງ​ໂທດ​ຕາມ​ກົດໝາຍ​ໄພພິບັດ​ທາງ​ທຳ​ມະ​ຊາດ ທີ່​ມີ​ໂທດ​ຈຳ​ຄຸກ​ສູງ​ສຸດ 1 ປີ.

ຂະນະ​ທີ່​ກະຊວງ​ສາທາລະນະ​ສຸກ​ຟີ​ລິບ​ປິນ ​ເປີດ​ເຜີຍ​ໃນ​ວັນ​ທີ 3 ກັນຍາ​ວ່າ: ຜູ້​ຕິດ​ເຊື້ອ​ໄວຣັສ​ໂຄ​ວິດ-19 ​ໃໝ່​ໃນ​ຮອບ 24 ຊົ່ວ​ໂມງ​ຜ່ານ​ມາ​ມີ​ຈຳນວນ 1.987 ຄົນ ສົ່ງ​ໃຫ້​ຟີ​ລິບ​ປິນມີ​ຈຳນວນ​ຜູ້​ຕິດ​ເຊື້ອ​ໂຄ​ວິດ-19 ສະ​ສົມ​ທັງ​ໝົດ 228.403 ຄົນ ​ເຊິ່ງ​ເປັນ​ຈຳນວນ​ສູງ​ທີ່​ສຸດ​ໃນ​ກຸ່ມ​ປະ​ເທດ​ອາຊີ​ຕາ​ເວັນ​ອອກສຽງ​ໃຕ້ (ອາ​ຊຽນ).

ມຽນມາປິດເມືອງຫລວງ ເຂັ້ມງວດສະກັດກັ້ນໂຄວິດ-19 - Wave100S AD to Website 2020 0 - ມຽນມາປິດເມືອງຫລວງ ເຂັ້ມງວດສະກັດກັ້ນໂຄວິດ-19

ກະຊວງ​ສາທາລະນະ​ສຸກ​ຟີ​ລິບ​ປິນ ລະບຸ​ອີກ​ວ່າ: ຜູ້​ເສຍ​ຊີວິດ​ໃໝ່​ຈາກ​ການ​ຕິດ​ເຊື້ອ​ໄວຣັສ​ໂຄ​ວິດ-19 ມີ​ຈຳນວນ 65 ຄົນ ສົ່ງ​ຜົນ​ໃຫ້​ຈຳນວນ​ຜູ້​ເສຍ​ຊີວິດ​ລວມ 3.688 ຄົນ.

ສ່ວນ​ຢູ່​ອິນ​ໂດ​ເນ​ເຊຍ ​ເປັນ​ປະ​ເທດ​ທີ່​ມີ​ຜູ້​ເສຍ​ຊີວິດ​ຈາກ​ການ​ຕິດ​ເຊື້ອ​ໄວຣັສ​ໂຄ​ວິດ-19 ສູງ​ທີ່​ສຸດ​ໃນ​ອາ​ຊຽນ ​ໂດຍ​ມີ​ຈຳນວນ 7.750 ຄົນ ​ແລະ ມີ​ຜູ້​ຕິດ​ເຊື້ອຈຳນວນ 184.268 ຄົນ.

ມຽນມາປິດເມືອງຫລວງ ເຂັ້ມງວດສະກັດກັ້ນໂຄວິດ-19 - WhatsApp Image 2020 05 27 at 5 - ມຽນມາປິດເມືອງຫລວງ ເຂັ້ມງວດສະກັດກັ້ນໂຄວິດ-19
ມຽນມາປິດເມືອງຫລວງ ເຂັ້ມງວດສະກັດກັ້ນໂຄວິດ-19 - WhatsApp Image 2020 05 27 at 5 - ມຽນມາປິດເມືອງຫລວງ ເຂັ້ມງວດສະກັດກັ້ນໂຄວິດ-19
error: Alert: ເນື້ອຫາຂ່າວມີລິຂະສິດ !!