ກຽມພົບກັບມະຫາກຳສີມືຫັດຖະກຳລາວ ຄັ້ງທີ 19 ກາງເດືອນຕຸລານີ້

ກຽມພົບກັບມະຫາກຳສີມືຫັດຖະກຳລາວ ຄັ້ງທີ 19 ກາງເດືອນຕຸລານີ້ -                                                                                         - ກຽມພົບກັບມະຫາກຳສີມືຫັດຖະກຳລາວ ຄັ້ງທີ 19 ກາງເດືອນຕຸລານີ້
ກຽມພົບກັບມະຫາກຳສີມືຫັດຖະກຳລາວ ຄັ້ງທີ 19 ກາງເດືອນຕຸລານີ້ - Untitled design - ກຽມພົບກັບມະຫາກຳສີມືຫັດຖະກຳລາວ ຄັ້ງທີ 19 ກາງເດືອນຕຸລານີ້

ງານມະຫາກຳສີມືຫັດຖະກຳລາວ ຄັ້ງທີ 19 ປະຈໍາປີ 2020 ຈະຈັດຂຶ້ນໃນລະຫວ່າງວັນທີ 10-18 ຕຸລານີ້ ທີ່ສູນການຄ້າລາວ-ໄອເຕັກ (ຕຶກເກົ່າ) ນະຄອນຫລວງວຽງຈັນ, ພາຍໃຕ້ຄໍາຂວັນ “ສີໄມ້ລາຍມື ຄືອຸທິຍານແຫ່ງການທ່ອງທ່ຽວ: ຕາມຮອຍປູ່ຍ່າຕາຍາຍ”, ໂດຍມີຈຸດປະສົງເພື່ອເປັນການສົ່ງເສີມການຕະຫລາດໃຫ້ແກ່ສິນຄ້າຫັດຖະກຳ. ພ້ອມນີ້, ກໍເປັນການເຕົ້າໂຮມຄວາມສາມັກຄີ ໃນໝູ່ຊາວຊ່າງຫັດຖະກຳທຸກຊົນເຜົ່າຢູ່ທຸກໆທ້ອງຖິ່ນໃນທົ່ວປະເທດ ເພື່ອພ້ອມກັນອະນຸລັກສີໄມ້ ລາຍມືທາງດ້ານຫັດຖະກຳ, ຂຸດຄົ້ນທ່າແຮງທາງດ້ານຫັດຖະກຳຢູ່ທຸກທ້ອງຖິ່ນ, ເສີມຂະຫຍາຍພູມປັນ ຍາທາງດ້ານຫັດຖະກຳຂອງຊົນເຜົ່າຕ່າງໆ, ຜະລິດເຄື່ອງຫັດຖະກຳ ໃຫ້ມີຄວາມຫລາກຫລາຍ ມີຄວາມສວຍງາມປານີດ, ເປັນເອກະລັກຂອງຊົນເຜົ່າ ຂອງທ້ອງຖິ່ນ. ທັງນີ້, ຍັງເປັນການສ້າງໂອກາດ ໃຫ້ຊາວຊ່າງຫັດຖະກຳ ໄດ້ມາພົບປະລູກຄ້າຂາປະຈຳ ແລະ ຫາຄູ່ຄ້າລາຍໃໝ່. ນອກຈາກນີ້, ຍັງເປັນການສະໜັບສະໜູນການທ່ອງທ່ຽວລາວ (ລາວທ່ຽວລາວ) ແລະ ທັງເປັນການກະຕຸ້ນເສດຖະກິດຂອງລາວໃຫ້ຟົດຟື້ນ.

ປະທານສະມາຄົມຫັດຖະກຳລາວ ກ່າວວ່າ: ໃນປີນີ້ໄດ້ເປີດກວ້າງໃຫ້ມີຫລາກຫລາຍສິນຄ້າ ມາຮ່ວມວາງສະແດງ ແລະ ຂາຍ. ໃນງານຄັ້ງນີ້, ໄດ້ຈັດຫ້ອງວາງ ສະແດງສິນຄ້າສຳລັບຫັດຖະກຳລາວ ຫລາຍກວ່າ 200 ຮ້ານ, ໃນນີ້ມີຜະລິດຕະພັນແຜ່ນແພ, ເຄື່ອງປ່າຂອງດົງ, ຜະລິດຕະພັນຈາກໄມ້ເສດ, ເຄື່ອງເງິນ/ວັດຖຸມີຄ່າ, ຜະລິດຕະພັນເຄື່ອງປັ້ນດິນເຜົາ, ຜະ ລິດຕະພັນສິນຄ້າກະສິກຳ, ໂອດອບ ແລະ ເຄື່ອງອຸປະໂພກ-ບໍລິໂພກທົ່ວໄປ.

ປະທານ​ສະມາຄົມ​ດັ່ງກ່າວ ກ່າວຕື່ມວ່າ: ພາຍໃນງານຍັງຈະໄດ້ຈັດກິດຈະກຳສາທິດ, ຝຶກອົບຮົມວິທີ ແລະ ເຕັກນິກ ໃນການຜະລິດສິນຄ້າຫັດຖະກຳແຕ່ລະຂະແໜງການ ເພື່ອເປັນການຖ່າຍທອດຄວາມຮູ້, ພູມປັນຍາຂອງບັນພະບູລຸດ ພ້ອມທັງເປັນການໂຄສະນາປະຊາສຳພັນໃຫ້ມວນຊົນ ໄດ້ເຫັນ ຫລື ທົດລອງປະຕິບັດຕົວຈິງ ຂອງຂັ້ນຕອນການຜະລິດ. ນອກຈາກນີ້, ຍັງມີການປະກວດຮ້ານງາມ ໃນຫົວຂໍ້ “ຜະລິດຕະພັນສົ່ງເສີມລາວທ່ຽວລາວ” ແລະ ການປະກວດການແຂ່ງຂັນອອກແບບ-ຜະ ລິດຕະພັນສົ່ງເສີມລາວ ທ່ຽວລາວ. ໂອກາດດຽວກັນນີ້, ທ່ານ ນາງ ສຸວິຕາ ຍັງໄດ້ຮຽກຮ້ອງມາຍັງພໍ່ແມ່ປະຊາຊົນ ແລະ ບັນດາຜູ້ທີ່ຈະເຂົ້າມາທ່ຽວຊົມໃນງານ ໃຫ້ຖືຖົງຜ້າ ຫລື ຖົງເຈ້ຍມາພ້ອມ ເພື່ອຫລີກລ້ຽງໃນການນຳໃຊ້ຖົງຢາງພາສະຕິກ ທີ່ບໍ່ເປັນມິດຕໍ່ສິ່ງແວດລ້ອມ.

ກຽມພົບກັບມະຫາກຳສີມືຫັດຖະກຳລາວ ຄັ້ງທີ 19 ກາງເດືອນຕຸລານີ້ - Wave100S AD to Website 2020 0 - ກຽມພົບກັບມະຫາກຳສີມືຫັດຖະກຳລາວ ຄັ້ງທີ 19 ກາງເດືອນຕຸລານີ້
ກຽມພົບກັບມະຫາກຳສີມືຫັດຖະກຳລາວ ຄັ້ງທີ 19 ກາງເດືອນຕຸລານີ້ - WhatsApp Image 2020 05 27 at 5 - ກຽມພົບກັບມະຫາກຳສີມືຫັດຖະກຳລາວ ຄັ້ງທີ 19 ກາງເດືອນຕຸລານີ້
ກຽມພົບກັບມະຫາກຳສີມືຫັດຖະກຳລາວ ຄັ້ງທີ 19 ກາງເດືອນຕຸລານີ້ - WhatsApp Image 2020 05 27 at 5 - ກຽມພົບກັບມະຫາກຳສີມືຫັດຖະກຳລາວ ຄັ້ງທີ 19 ກາງເດືອນຕຸລານີ້
error: Alert: ເນື້ອຫາຂ່າວມີລິຂະສິດ !!