ໜ້າເປັນຫ່ວງ ລາວເປັນໜີ້ນັບມື້ເພີ່ມຂຶ້ນ

ໜ້າເປັນຫ່ວງ ລາວເປັນໜີ້ນັບມື້ເພີ່ມຂຶ້ນ - 5a60ce542a4c800001bf4761 - ໜ້າເປັນຫ່ວງ ລາວເປັນໜີ້ນັບມື້ເພີ່ມຂຶ້ນ
ໜ້າເປັນຫ່ວງ ລາວເປັນໜີ້ນັບມື້ເພີ່ມຂຶ້ນ - Untitled design - ໜ້າເປັນຫ່ວງ ລາວເປັນໜີ້ນັບມື້ເພີ່ມຂຶ້ນ

ບໍ່ສະເພາະແຕ່ປະຊາຊົນລາວເທົ່ນນັ້ນທີ່ເປັນຫ່ວງຕໍ່ການເປັນໜີ້ສິນຂອງລັດຖະບານລາວທີ່ກູ້ຢືມເງິນກັບຕ່າງປະເທດ ຫຼື ຈາກທະນາຄານຕ່າງໆຂອງສາກົນມາພັດທະນາປະເທດຊາດບ້ານເມືອງ ນັບມື້ເພີ່ມສູງຂຶ້ນ, ຈົນຕ່າງປະເທດກໍເກີດຄວາມວິຕົກກັງວົນນຳການເປັນໜີ້ສິນດັ່ງກ່າວ.

ໜັງສືພິມ nld ຂອງຫວຽດນາມ, ວັນທີ 3 ກັນຍານີ້ ໃຫ້ຮູ້ວ່າ: ໂດຍອ້າງອີງຕາມອົງກອນຈັດອັນດັບໜີ້ສິນ ແລະ ຜູ້ຊ່ຽວຊານທາງດ້ານເສດຖະກິດຂອງລາວ ໃຫ້ຮູ້ວ່າ: ກອງທຶນສະສົມເງິນຕາຕ່າງປະເທດຂອງລາວໄດ້ຫຼຸດລົງຕໍ່າກ່ວາ 1 ຕື້ໂດລາ, ຕໍ່າກ່ວານີ້ສິນທີ່ຈະຕ້ອງຊຳລະໃນແຕ່ລະປີ. ໜັງສືພິມການເງິນໃຫ້ຮູ້ວ່າ: ເຈົ້າໜ້າທີ່ກະຊວງການເງິນຂອງລາວ ໄດ້ຮຽກຮ້ອງໃຫ້ຈີນ, ເຈົ້າໜີ້ລາຍໃຫ່ຍທີ່ສຸດຂອງລາວ ໃຫ້ຄຳແນະນຳກ່ຽວກັບການປັບປຸງໂຄງສ້າງໜີ້ຄືນໃໝ່.

ໃນລະຫວ່າງເດືອນກ່ອນໜ້ານີ້, ບໍລິສັດຈັດອັນດັບໜີ້ສິນ Moody’s Investors Service ຂອງສະຫະລັດ ໄດ້ຫຼຸດອັນດັບໜີ້ສິນຂອງລາວຈາກ ລະດັບ B3 ລົງມາເປັນ Caa2, ໝາຍຄວາມວ່າ ຈາກຄວາມຫວັງແຫ່ງການພັດທະນາ ກາຍມາເປັນ ລົບ. ຮ່ວງຊຳລະໜີ້ສິນຂອງລາວແມ່ນສູງສົມຄວນ ຍັງຈະແກ່ຍາວຈົນໝົດປີນີ້ ແລະ ແກ່ຍາວເຖິງປີ 2025.

ບັນດານັກວິເຄາະທັງຫຼາຍໄດ້ສະແດງຄວາມເປັນຫ່ວງຕໍ່ຖານະການເງິນຂອງລາວທີ່ລະດົມເງິນຈາກຕະຫຼາດພັນທະບັດຂອງ ໄທ ໄດ້ດຳເນີນການມາໄດ້ຫຼາຍປີແລ້ວແຕ່ມາເຖິງໃນປີ 2020 ນີ້ກໍຍັງບໍ່ທັນເຫັນຫຍັງເກີດຂືຶ້ນ.

ໜ້າເປັນຫ່ວງ ລາວເປັນໜີ້ນັບມື້ເພີ່ມຂຶ້ນ - Wave100S AD to Website 2020 0 - ໜ້າເປັນຫ່ວງ ລາວເປັນໜີ້ນັບມື້ເພີ່ມຂຶ້ນ

ຜູ້ອຳນວຍການຂອງບໍລິສັດຈັດອັນດັບ Fitch Ratings ຂອງສະຫະລັດ Jeremy Zook ກ່າວເນັ້ນວ່າ: “ເປັນການຢາກທີ່ຈະໃຫ້ລາວເຂົ້າເຖິງຕະຫຼາດພັນທະບັດຂອງສາກົນໄດ້ໃນເງື່ອນໄຂຄືປັດຈຸບັນ. ຄວາມຫວັງໃນການຈັດຕັ້ງປະຕິບັດພັນທະຂອງລາວໃນຕະຫຼາດພັນທະບັດໃນໄທປັດຈຸບັນແມ່ນນັບມື້ນັບມີຄວາມທ້າທາຍ. ລັດຖະບານລາວຈຳເປັນຕ້ອງອາໄສຫາທະນາຄານການຄ້າໃຫ້ການຊ່ວຍເຫຼືອຈາກສອງຝ່າຍ ເພື່ອຖົມຂຸມ”. Fitch Ratings ໄດ້ຈັດອັນດັບໜີ້ສິນຂອງລາວຢູ່ທີ່ລະດັບ B ແລະ ຫຼຸດຄວາມຫວັງແຫ່ງການພັດທະນາລົງມາເປັນຕິດລົບ ໃນເດືອນພຶດສະຳາທີ່ຜ່ານມາ.

ຂາວ: ລູກເມືອງພວນ.

ໜ້າເປັນຫ່ວງ ລາວເປັນໜີ້ນັບມື້ເພີ່ມຂຶ້ນ - WhatsApp Image 2020 05 27 at 5 - ໜ້າເປັນຫ່ວງ ລາວເປັນໜີ້ນັບມື້ເພີ່ມຂຶ້ນ
ໜ້າເປັນຫ່ວງ ລາວເປັນໜີ້ນັບມື້ເພີ່ມຂຶ້ນ - WhatsApp Image 2020 05 27 at 5 - ໜ້າເປັນຫ່ວງ ລາວເປັນໜີ້ນັບມື້ເພີ່ມຂຶ້ນ
error: Alert: ເນື້ອຫາຂ່າວມີລິຂະສິດ !!