ມຽນມາມີຜູ້ເສຍຊີວິດຈາກໂຄວິດ-19 ຄົນທຳອິດໃນຮອບ 4 ເດືອນ

ມຽນມາມີຜູ້ເສຍຊີວິດຈາກໂຄວິດ-19 ຄົນທຳອິດໃນຮອບ 4 ເດືອນ -                                                                                19 - ມຽນມາມີຜູ້ເສຍຊີວິດຈາກໂຄວິດ-19 ຄົນທຳອິດໃນຮອບ 4 ເດືອນ
ມຽນມາມີຜູ້ເສຍຊີວິດຈາກໂຄວິດ-19 ຄົນທຳອິດໃນຮອບ 4 ເດືອນ - Untitled design - ມຽນມາມີຜູ້ເສຍຊີວິດຈາກໂຄວິດ-19 ຄົນທຳອິດໃນຮອບ 4 ເດືອນ

ມຽໜມາ​ມີ​ຜູ້​ເສຍ​ຊີວິດ​ຈາກ​ໂຄ​ວິດ-19 ​ເພີ່ມ​ອີກ 1 ຄົນ ​ເຊິ່ງ​ເປັນ​ຄົນ​ທຳ​ອິດ​ໃນ​ຮອບ​ກວ່າ 4 ​ເດືອນ ​ແລະ ມີ​ຜູ້​ຕິດ​ເຊື້ອ​ໃໝ່​ເພີ່ມ​ຂຶ້ນ 200% ​ໃນ​ໄລ​ຍະ​ສອງ​ອາທິດ ​ເຮັດ​ໃຫ້​ຍອດ​ສະ​ສົມ​ສູງ​ເຖິງ 1.000 ຄົນ. ຂະນະ​ທີ່​ ນະຄອນຫລວງ​ເນ​ປີ​ດໍ ​ເມືອງ​ຫລວງ​ໃຊ້​ມາດ​ຕະການກວດ​ຄັດ​ກອງ ​ແລະ ກັກ​ຕົວ​ຄົນ​ເຂົ້າ​ເມືອງ ​ເພື່ອ​ສະກັດ​ການ​ແຜ່​ລະບາດ.

ກະຊວງ​ສາທາລະນະ​ສຸກ ​ແລະ ກິລາ​ຂອງ​ມຽນມາ ລາຍ​ງານ​ໃນ​ວັນ​ທີ 4 ກັນຍາ​ວ່າ: ຜູ້​ຕິດ​ເຊື້ອທີ່​ເປັນ​ຜູ້ຍິງ​ອາຍຸ 46 ປີ​ຈາກ​ເມືອງ​ຕັນ​ລາ​ຍິນ ​ໃນຢາງ​ກຸ້ງ ​ໄດ້​ຮັບ​ການ​ຢືນຢັນ​ຕິດ​ເຊື້ອ​ໂຄ​ວິດ-19 ​ໃນ​ຕອ​ນ​ເຊົ້າວັນ​ທີ 3 ກັນຍາ ​ແລະ ​ເສຍ​ຊີວິດ​ດ້ວຍ​ພາວະ​ໄຕ​ວາຍ​ໄລຍະ​ສຸດ​ທ້າຍ ​ແລະ ຫົວ​ໃຈ​ລົ້ມ​ເຫ​ລວ​ໃນ​ຄືນ​ມື້ດຽວ​ກັນ, ນາງ​ເປັນ​ຜູ້​​ເສຍ​ຊີວິດ​ຄົນທີ 7 ຂອງ​ປະ​ເທດ ​ແລະ ​ເປັນ​ຄົນ​ທຳ​ອິດ​ໃນ​ຮອບ 4 ​ເດືອນ​ຫລັງ​ຈາກ​ມີ​ຜູ້​ເສຍ​ຊີວິດ​ຄົນທີ 6 ​ເມື່ອ​ວັນ​ທີ 29 ​ເມສາ.

ຂະນະ​ດຽວ​ກັນ ກະຊວງ​ດັ່ງກ່າວ​ລະບຸ​ວ່າ: ​​ເຊົ້າວັນ​ທີ 4 ກັນຍາ ມີ​ຜູ້​ໄດ້​ຮັບ​ການ​ຢືນຢັນ​ຕິດ​ເຊື້ອ​ໃໝ່​ອີກ 22 ຄົນ ​ເຮັດ​ໃຫ້​ຈຳນວນ​ສະ​ສົມ​ເພີ່ມ​ເປັນ 1.133 ຄົນ ​ໂດຍ 1 ຄົນ​ເປັນ​ຜູ້​ຕິດ​ເຊື້ອທີ່​ມາ​ຈາກ​ຕ່າງ​ປະ​ເທດ ​ແລະ ອີກ 21 ຄົນ​ເປັນ​ການ​ຕິດ​ເຊື້ອພາຍ​ໃນ​ປະ​ເທດ​ຢູ່​ຢາງ​ກຸ້ງ, ມາ​ເກ​ວ ​ແລະ ລັດ​ຍະ​ໄຂ່.

ຈຳນວນ​ຜູ້​ຕິດ​ເຊື້ອ​ໂຄ​ວິດ-19 ຢູ່​ມຽນມາ​ເພີ່ມ​ສູງ​ເຖິງ 200% ​ໃນ​ໄລຍະ​ສອງ​ອາທິດ ​ເຮັດ​ໃຫ້​ຍອດ​ສະ​ສົມ​ສູງ​ເຖິງ 1.000 ຄົນ​ໃນ​ວັນ​ທີ 3 ກັນຍາ ​ເມື່ອ​ທຽບ​ໃສ່​ຈຳນວນ​ຜູ້​ຕິດ​ເຊື້ອສະ​ສົມ 375 ຄົນ​ໃນ​ວັນ​ທີ 16 ສິງຫາ ​ເຊິ່ງ​ເປັນ​ມື້ທີ່​ພົບ​ການ​ຕິດ​ເຊື້ອພາຍ​ໃນ​ປະ​ເທດ​ຄັ້ງທຳ​ອິດ​ໃນ​ລັດ​ຍະ​ໄຂ່.

ນອກຈາກ​ນີ້ ຍັງ​ມີ​ສັນຍານ​ທີ່​ໜ້າ​ກັງວົນ​ວ່າ: ການລະບາດ​ໃນ​ລັດ​ຍະ​ໄຂ່​ຂະຫຍາຍ​ວົງ​ກວ້າງ​ສູ່​ລັດ ​ແລະ ພາກພື້ນອື່ນ ​ເຮັດ​ໃຫ້​ຍອດ​ຜູ້​ຕິດ​ເຊື້ອ​ໃນ​ລັດ ​ແລະ ພາກພື້ນຕ່າງໆ​​ເພີ່ມ​ສູງ​ຂຶ້ນ​ເຊັ່ນ: ພາກພື້ນພະ​ໂຄ​ເພີ່ມ​ຈາກ 9 ຄົນ​ເປັນ 40 ຄົນ, ລັດ​ມອນ​ເພີ່ມ​ຈາກ 3 ຄົນ​ເປັນ 19 ຄົນ, ສ່ວນ​ນະຄອນ​ຢາງ​ກຸ້ງ​ເພີ່ມ​ຂຶ້ນຈາກ 267 ຄົນ​ເປັນ 455 ຄົນ.

ມຽນມາມີຜູ້ເສຍຊີວິດຈາກໂຄວິດ-19 ຄົນທຳອິດໃນຮອບ 4 ເດືອນ - Wave100S AD to Website 2020 0 - ມຽນມາມີຜູ້ເສຍຊີວິດຈາກໂຄວິດ-19 ຄົນທຳອິດໃນຮອບ 4 ເດືອນ

ຂະນະ​ດຽວ​ກັນ ທາງ​ການ​ນະຄອນຫລວງ​ເນ​ປີ​ດໍ ຍົກ​ລະດັບ​ມາດ​ຕະການ​ຄວບ​ຄຸມພະ​ຍາດ​ໃນ​ເມືອງ​ຫລວງ​ແຫ່ງ​ນີ້ ​ໂດຍ​ບັງຄັບ​ໃຫ້​ຜູ້​ມີ​ຈຸດປະສົງ​ເດີນທາງ​ເຂົ້າ​ເມືອງ​ຕ້ອງ​ເຂົ້າຮັບ​ການກວດ​ຫາ​ເຊື້ອ​ໄວຣັສ​ໂຄ​ໂຣນາ ​ແລະ ກັກ​ຕົວ ​ເຊິ່ງຖ້າ​ຄົບ​ກຳນົດ ​ແລະ ຜົນ​ກວດ​ເປັນ​ລົບ ຈະ​ໄດ້​ຮັບ​ອະນຸຍາດ​ໃຫ້​ເຂົ້າ​ເມືອງ​ໄດ້, ຜູ້​ທີ່​ເດີນທາງ​ມາ​ຈາກ​ພື້ນທີ່​ທີ່​ມີ​ການລະບາດ​ໜັກ​ທີ່​ສຸດ​ຂອງ​ປະ​ເທດ​ຈະ​ຕ້ອງ​ຢູ່​ສະຖານ​ກັກ​ຕົວຢ່າງ​ໜ້ອຍ 7 ວັນ ​ແຕ່​ຖ້າ​ມາ​ຈາກ​ພື້ນທີ່​ອື່ນ​ອາດ​ອອກ​ຈາກ​ສະຖານ​ກັກ​ຕົວ​ໄດ້​ໄວ​ຂຶ້ນຖ້າ​ຜົນ​ກວດ​ເປັນ​ລົບ.

ສ່ວນ​ພາກພື້ນມັນທະ​ເລຂະ​ຫຍາ​ຍ​ເວລາ​ບັງຄັບ​ໃຊ້​ມາດ​ຕະການ​ຄວບ​ຄຸມ​ທາງ​ສັງຄົມ​ອອກ​ໄປ​ຈົນ​ຮອດ​ວັນ​ທີ 15 ກັນຍາ ​ເຊິ່ງມີ​ທັງ​ມາດ​ຕະການ​ບັງຄັບ​ໃສ່​ຜ້າ​ປິດ​ປາກ-ດັງ​ໃນ​ສະຖານ​ທີ່​ສາທາລະນະ, ຫ້າມ​ລວມກຸ່ມ​ເກີນ 30 ຄົນ ​ແລະ ການ​ເວັ້ນ​ໄລຍະ​ຫ່າງ. ນອກຈາກ​ນີ້ ຜູ້​ທີ່​ກັບ​ມາ​ຈາກ​ຕ່າງປະ​ເທດ ຫລື ມາ​ຈາກ​ພື້ນທີ່​ອື່ນ​ທີ່​ມີ​ການລະບາດ​ຂອງ​ໂຄ​ວິດ-19 ຢ່າງ​ໜັກ ຈະ​ຕ້ອງ​ຖືກ​ກັກ​ຕົວ​ໃນ​ສະຖານ​ທີ່​ກັກ​ຕົວ​ຂອງ​ລັດ 21 ວັນ ​ແລະ ກັກ​ຕົວ​ຢູ່​​ເຮືອນ​ອີກ 7 ວັນ, ສະຖານ​ທີ່​ສ່ຽງ​ເຊັ່ນ: ຮ້ານ​ບັນ​ເທີ​ງ, ສະຖານ​ທີ່​ຈັດ​ຄອນ​ເສີດ, ​ໂຮງ​ຮູບ​ເງົາ ຍັງ​ຕ້ອງປິດ​ຕໍ່​ໄປ ​ແລະ ​ຍັງ​ໃຊ້​ເຄີຟິວນັບ​ແຕ່​ເວລາ 00:00 ​ໂມງ – 4:00 ​ໂມງ ຂອງ​ທຸກ​ວັນ​ຕໍ່​ໄປ.

ມຽນມາມີຜູ້ເສຍຊີວິດຈາກໂຄວິດ-19 ຄົນທຳອິດໃນຮອບ 4 ເດືອນ - WhatsApp Image 2020 05 27 at 5 - ມຽນມາມີຜູ້ເສຍຊີວິດຈາກໂຄວິດ-19 ຄົນທຳອິດໃນຮອບ 4 ເດືອນ
ມຽນມາມີຜູ້ເສຍຊີວິດຈາກໂຄວິດ-19 ຄົນທຳອິດໃນຮອບ 4 ເດືອນ - WhatsApp Image 2020 05 27 at 5 - ມຽນມາມີຜູ້ເສຍຊີວິດຈາກໂຄວິດ-19 ຄົນທຳອິດໃນຮອບ 4 ເດືອນ
error: Alert: ເນື້ອຫາຂ່າວມີລິຂະສິດ !!