ໂທດ 5 ປະການທີ່ຄົນມັກດື່ມນໍ້າອັດລົມຕ້ອງຮູ້

ໂທດ 5 ປະການທີ່ຄົນມັກດື່ມນໍ້າອັດລົມຕ້ອງຮູ້ - 555 17 - ໂທດ 5 ປະການທີ່ຄົນມັກດື່ມນໍ້າອັດລົມຕ້ອງຮູ້
ໂທດ 5 ປະການທີ່ຄົນມັກດື່ມນໍ້າອັດລົມຕ້ອງຮູ້ - Untitled design - ໂທດ 5 ປະການທີ່ຄົນມັກດື່ມນໍ້າອັດລົມຕ້ອງຮູ້

ການດື່ມນຳ້ອັດລົມເປັນປະຈຳຍ່ອມນຳມາເຊິ່ງໂທດຮ້າຍແຮງຕໍ່ສຸຂະພາບ ຈາກທີ່ເຮົາເຄີຍເຫັນຈະແຈ້ງກັນນັ້ນກໍຄື ຄວາມຕຸ້ຍ ເຊິ່ງຈະເຮັດໃຫ້ຫລາຍໆຄົນມີຮູບຮ່າງອວບ ຫລື ຕຸ້ຍຂຶ້ນ, ຜິວກໍຫ່ຽວແຫ້ງຊຸດໂຊມ ເພາະນຳ້ອັດລົມມີນຳ້ຕານປະລິມານຫລາຍ ເຊິ່ງຄວາມຫວານທີ່ເຂົ້າສູ່ຮ່າງກາຍປະລິມານຫລາຍເກີນໄປ ມີຜົນເຮັດໃຫ້ເຖົ້າໄວ ແລະ ຍັງນຳມາເຊິ່ງພະຍາດຕ່າງໆໃນອະນາຄົດນຳອີກ. ໃຜທີ່ດົນໆດື່ມເທື່ອໜຶ່ງອາດຈະບໍ່ເປັນຫຍັງ, ແຕ່ຫາກໃຜທີ່ດື່ມຈົນຕິດແລ້ວ ຫາກບໍ່ຮີບຫລຸດຜ່ອນ ຫລື ເຊົາດື່ມກໍຕ້ອງລະວັງອັນຕະລາຍຈາກການດື່ມນຳ້ອັດລົມ ອາດຈະມາຢາມທ່ານໃນບໍ່ຊ້າ. ສະນັ້ນ ມາເບິ່ງກັນເລີຍວ່າໂທດຈາກການດື່ມນຳ້ອັດລົມເປັນປະຈຳນັ້ນມີຫຍັງແດ່.

  1. ຮ່າງກາຍຂາດສານອາຫານ : ເວລາທີ່ເຮົາດື່ມນຳ້ອັດລົມຈະເຮັດໃຫ້ເຮົາຮູ້ສຶກບໍ່ຄ່ອຍຢາກກິນອາຫານ ຫລື ກິນໄດ້ໜ້ອຍລົງ ເນື່ອງຈາກນຳ້ອັດລົມມີແກ໊ສພາຍໃນປະລິມານຫລາຍ ຈຶ່ງເຮັດໃຫ້ເຮົາຮູ້ສຶກອີ່ມ, ຈຸກແໜ້ນທ້ອງ ຫາກເດັກນ້ອຍຄົນໃດຕິດນຳ້ອັດລົມແຮງ ກໍຈະເຮັດໃຫ້ບໍ່ຢາກກິນເຂົ້າ ຈົນຮ່າງກາຍເຂົ້າສູ່ສະພາບຂາດສານອາຫານຕາມມາໄດ້.
  2. ກະດູກ ແລະ ແຂ້ວຜຸຜ່ອຍ : ຍ້ອນຄວາມຫວານທີ່ມີຢູ່ໃນນຳ້ອັດລົມມີປະລິມານຫລາຍ ເຊິ່ງເປັນໂຕການທີ່ເຮັດໃຫ້ແຂ້ວຜຸຜ່ອຍໄດ້ ເນື່ອງຈາກກົດກາກບອນທີ່ມີໃນນຳ້ອັດລົມຈະເຂົ້າໄປທຳລາຍສານເຄືອບແຂ້ວ ແລະ ນອກຈາກສະພາບແຂ້ວຈະຜຸຜ່ອຍແລ້ວ ຍັງເຮັດໃຫ້ກະດູກຂອງເຮົາຜຸຜ່ອຍໄປນຳ ແມ່ຍິງໄວໝົດປະຈຳເດືອນແລ້ວຈຶ່ງມີຄວາມສ່ຽງຕໍ່ການເປັນພະຍາດກະດູກຜ່ອຍໄດ້ງ່າຍ.
  3. ສ່ຽງຕໍ່ການເກີດພະຍາດຫລາຍຊະນິດ : ການດື່ມນຳ້ອັດລົມດົນໆເທື່ອໜຶ່ງອາດຈະບໍ່ເປັນຫຍັງຫລາຍ, ແຕ່ຫາກດື່ມຕິດຕໍ່ກັນເປັນປະຈຳຫລາຍເກີນໄປກໍຍ່ອມສົ່ງຜົນໃຫ້ຕຸ້ຍ ແລະ ເປັນພະຍາດເບົາຫວານຕາມມາໄດ້ ທັງຍັງເຮັດໃຫ້ເກີດໂອກາດສ່ຽງໃນການເກີດພະຍາດກະດູກຜ່ອຍເມື່ອເຂົ້າສູ່ໄວໝົດປະຈຳເດືອນໄດ້ງ່າຍນຳອີກ.
  4. ລະບົບຍ່ອຍອາຫານບໍ່ດີ : ການດື່ມນຳ້ອັດລົມຫລາຍເກີນໄປ ແກ໊ສທີ່ມີໃນນຳ້ອັດລົມຈະເຂົ້າໄປເຮັດໃຫ້ຍື່ງທ້ອງ, ອາຫານບໍ່ຍ່ອຍ, ແໜ້ນ ແລະ ຈຸກທ້ອງຕາມມາ ສົ່ງຜົນໃຫ້ມີອາການເຈັບທ້ອງ ແລະ ສຳລັບຄົນທີ່ເປັນພະຍາດກະເພາະອາຫານ ຍິ່ງບໍ່ຄວນດື່ມເປັນຢ່າງຍິ່ງ ເພາະຈະເຮັດໃຫ້ອາການຂອງພະຍາດເປັນຮຸນແຮງຂຶ້ນ.
  5. ເຮັດໃຫ້ນອນບໍ່ຫລັບ : ປົກກະຕິແລ້ວ ກາເຟອີນໃນກາເຟຈະເຮັດໃຫ້ເຮົານອນບໍ່ຫລັບແມ່ນບໍ່, ແຕ່ຫາກທ່ານດື່ມນຳ້ອັດລົມ ເຊິ່ງຫລາຍຄົນອາດຈະຍັງບໍ່ຮູ້ ມັນມີປະລິມານກາເຟອີນສູງຫລາຍຄືກັນ ຫາກດື່ມໃນເວລາໃກ້ຈະນອນ ຫລືື ຕອນກາງຄືນ ກາເຟອີນຈາກນຳ້ອັດລົມຈະກະຕຸ້ນໃຫ້ຮ່າງກາຍຕື່ນໂຕ, ຫ້າວຫັນ, ສົດຊື່ນຂຶ້ນໄດ້ຄືກັນ ສົ່ງຜົນໃຫ້ເຮົານອນຫລັບຍາກນັ້ນເອງ.
ໂທດ 5 ປະການທີ່ຄົນມັກດື່ມນໍ້າອັດລົມຕ້ອງຮູ້ - Wave100S AD to Website 2020 0 - ໂທດ 5 ປະການທີ່ຄົນມັກດື່ມນໍ້າອັດລົມຕ້ອງຮູ້
ໂທດ 5 ປະການທີ່ຄົນມັກດື່ມນໍ້າອັດລົມຕ້ອງຮູ້ - WhatsApp Image 2020 05 27 at 5 - ໂທດ 5 ປະການທີ່ຄົນມັກດື່ມນໍ້າອັດລົມຕ້ອງຮູ້
ໂທດ 5 ປະການທີ່ຄົນມັກດື່ມນໍ້າອັດລົມຕ້ອງຮູ້ - WhatsApp Image 2020 05 27 at 5 - ໂທດ 5 ປະການທີ່ຄົນມັກດື່ມນໍ້າອັດລົມຕ້ອງຮູ້
error: Alert: ເນື້ອຫາຂ່າວມີລິຂະສິດ !!