ຢູ່ຮ່ວມກັບໝີເປັນເວລາ 13 ປີ, ໃນທີ່ສຸດກໍເປັນອາຫານທ່ຽງ

ຢູ່ຮ່ວມກັບໝີເປັນເວລາ 13 ປີ, ໃນທີ່ສຸດກໍເປັນອາຫານທ່ຽງ - tim treadwell large - ຢູ່ຮ່ວມກັບໝີເປັນເວລາ 13 ປີ, ໃນທີ່ສຸດກໍເປັນອາຫານທ່ຽງ
ຢູ່ຮ່ວມກັບໝີເປັນເວລາ 13 ປີ, ໃນທີ່ສຸດກໍເປັນອາຫານທ່ຽງ - Untitled design - ຢູ່ຮ່ວມກັບໝີເປັນເວລາ 13 ປີ, ໃນທີ່ສຸດກໍເປັນອາຫານທ່ຽງ

ແຕ່ດົນມາແລ້ວມະນຸດເຄີຍເອົາສັດປ່າຫຼາຍຊະນິດມາລ້ຽງເປັນສັດບ້ານ, ມີບາງຊະນິດກໍບອກລອນສອນງ່າຍ ຈົນກາຍເປັນສັດຄູ່ບ້ານຄູ່ເມືອງ, ເປັນສັດທີ່ໜ້າຮັກ ແລະ ແສນແພງ, ແຕ່ມີບາງຊະນິດກໍມີຄວາມເປັນອັນຕະລາຍຮ້າຍກາດຊຶ່ງບໍ່ສາມາດຈະບັງຄັບສັ່ງສອນມັນໄດ້ດັ່ງໃຈ.
ເຖິງຢ່າງໃດກໍດີ, ມີບາງຄົນຊໍ້າຜັດມັກຄວາມປະຈົນໄພ, ຄິດວ່າຖ້າສັດຢູ່ກັບຄົນດົນໆໄປມັນກໍຈະເກີດອາລົມ ແລະ ເປັນມິດກັບຄົນໄດ້. ດັ່ງ ທ້າວ Timothy Treadwell, ເມື່ອເວລາຍັງນ້ອຍ, ເຂົາມີຊີວິດຢູ່ໃນຄອບຄົວທີ່ມີເງື່ອນໄຂດີສົມຄວນ. ພໍ່ແມ່ບໍ່ເຄີຍຫຍຸ້ງກ່ຽວກັບການດຳລົງຊີວີດຂອງຜູ້ເປັນລູກ.Timothy ບໍ່ເຄີຍມີຊີວິດຢູ່ໃຕ້ການບັງຄັບ ຫຼື ຢູ່ໃນລະບຽບການໃດໆ. ສະນັ້ນ, ເຂົາຈຶ່ງມັກຊອກຮູ້ຊອກເຫັນ ແລະ ມັກສິ່ງແປກໆທ້າທາຍ. ແຕ່ວ່າຊາຕາຊີວິດບໍ່ແມ່ນຍາມໃດກໍຈະເຂົ້າຂ້າງເຮົາຕະຫຼອດເວລາ.
ຄັ້ງໜຶ່ງເຂົາເກີດໄດ້ອຸບັດຕິເຫດຈາກການລອຍນໍ້າ, ຈາກນັ້ນເປັນຕົ້ນມາເຂົາກໍບໍ່ສາມາດທີ່ຈະໄປຫຼີ້ນນໍ້າໄດ້ອີກ.
ນັບແຕ່ນັ້ນເປັນຕົ້ນມາ, ເຂົາກໍຕົກເຂົ້າສູ່ເສັ້ນເສເພ, ຫຼີ້ນກິນຟູມເຟືອຍ. ໄດ້ໄລຍະໜຶ່ງ ເຫັນວ່າຈະເປັນໄປບໍ່ໄດ້, ເຂົາກໍກັບໃຈເບິ່ງຄືນຊີວິດຂອງຕົນອີກຄັ້ງ.
ຫຼັງຈາກນັ້ນ ປີ 1990, ເຂົາໄປທີ່ Alaska ເພື່ອຫຼີກລ່ຽງຈາກຊີວິດຫຼີ້ນກິນໃນຕົວເມືອງ ໄປຊອກຫາຊີວິດທີ່ຕິດພັນກັບທຳມະຊາດ. ຢູ່ທີ່ນີ້ເຂົາຫຼົງໄຫຼກັບໝີສີນໍ້າຕານ ແລະ ຫຼີນກັບມັນຢ່າງມີຄວາມສຸກ.
ເຂົາໄດ້ເຂົ້າໄປໃນປ່າສະຫງວນແຫ່ງຊາດ Alaska ເພື່ອຊອກຫາໝີສີນໍ້າຕານເພື່ອສ້າງຄວາມຕິດພັນກັບພວກມັນ. ສອງປີຕໍ່ມາເຂົາໄດ້ຊວນເອົາເພື່ອນຍິງຄົນໜຶ່ງມາເບິ່ງໝີສີນໍ້າຕານໂດຍບໍ່ມີການລະມັດລະວັງໂຕແຕ່ຢ່າງໃດ
ພວກເຂົາທັງສອງຕັ້ງແຄ້ມພັກຢູ່ໃກ້ກັບເຂດປ່າຫາກິນຂອງໝີສີນໍ້າຕານ. ພວກເຂົາຖ່າຍຮູບ ແລະ ແບ່ງປັນການດຳລົງຊີວິດປະຈຳວັນປົກກະຕິຂອງພວກຕົນກັບທຸກຄົນ. ນອກນັ້ນເຂົາຍັງໄດ້ຂຽນປື້ມເຫຼັ້ມໜຶ່ງທີ່ມີຊື່ວ່າ: ” ພົບກັບໝີສີນໍ້າຕານ”
Timothy Treadwell ຄິດວ່າ: ຕົນເອງສາມາດສ້າງຄວາມສຳພັນເພື່ອນມິດກັບໝີສີນໍ້າຕານໄດ້ແລ້ວ, ເຂົາຈຶ່ງບໍ່ສົນໃຈກັບຄຳເຕືອນຂອງເຈົ້າໜ້າທີ່ພະນັກງານ ແລະ ບ່ໍເຄີຍຄິດເຖິງວິທີທີ່ຈະປ້ອງກັນຕົວແຕ່ຢ່າງໃດເລີຍ.
ຕົກມາເຖິງວັນທີ 6/10/2003, ຕາມປົກກະຕິ Timothy ມັກຈະພາເພື່ອນຍິງຂອງຕົນໄປຖ່າຍຮູບກັບໝີເປັນປະຈຳ, ແຕ່ບັງເອີນມື້ນັ້ນໄປໃກ້ກັບສະຖານທີ່ຫາກິນຂອງໝີທີ່ກຳລັງຫາກິນຢູ່ນັ້ນ. Timothy ຮູ້ສຶກບໍ່ມີຄວາມປອດໄພ, ຈຶ່ງໄດ້ບອກໃຫ້ເພື່ອນຍິງຂອງເຂົາວ່າບໍ່ຕ້ອງຢ້ານ.
ບໍ່ພໍເທົ່າໃດຫຼັງຈາກນັ້ນ, ເຈົ້າໜ້າທີ່ພະນັກງານດູແລສວນສັດກໍໄດ້ຍິນສຽງຮ້ອງຂໍຄວາມຊ່ວຍເຫຼືອຈາກສອງຄົນພວກເຂົາ ແລະ ສຽງຮ້ອງຂອງໝີ.
ໃນທີ່ສຸດສອງຄົນນັ້ນກໍຫາຍຊາບສູນໄປຢ່າງບໍ່ມີຮ່ອງຮອຍ. ເມື່ອເຮືອບິນຖືກສັ່ງໃຫ້ເຂົ້າໄປຊ່ວຍເຫຼືອກູໄພເອົາສອງຄົນນັ້ນ ກໍເຫັນແຄ້ມຂອງພວກເຂົາຖືກໝີບຸກລຸກໄປໝົດແລ້ວ, ເຄື່ອງຂອງໃນແຄ້ມຊະຊາຍໄປໝົດແຕ່ບໍ່ເຫັນຄົນ. ຢູ່ໃກ້ກັບແຄ້ມນັ້ນ ພວກເຂົາເຫັນໝີໂຕໜຶ່ງກຳລັງກິນສິ່ງໃດສິ່ງໜຶ່ງຢູ່.
ມີຊີວິດຢູ່ຮ່ວມກັບໝີໄດ້ 13 ປີ ຄິດວ່າເປັນເພື່ອນທີ່ສະນິດຕິດພັນຮັກໄຄ່ກັນດີ ແຕ່ໃນທີ່ສຸດກໍໄດ້ກາຍເປັນອາຫານໂປດຂອງພວກມັນເສຍເລີຍ.

ຢູ່ຮ່ວມກັບໝີເປັນເວລາ 13 ປີ, ໃນທີ່ສຸດກໍເປັນອາຫານທ່ຽງ - Wave100S AD to Website 2020 0 - ຢູ່ຮ່ວມກັບໝີເປັນເວລາ 13 ປີ, ໃນທີ່ສຸດກໍເປັນອາຫານທ່ຽງ
ຢູ່ຮ່ວມກັບໝີເປັນເວລາ 13 ປີ, ໃນທີ່ສຸດກໍເປັນອາຫານທ່ຽງ - WhatsApp Image 2020 05 27 at 5 - ຢູ່ຮ່ວມກັບໝີເປັນເວລາ 13 ປີ, ໃນທີ່ສຸດກໍເປັນອາຫານທ່ຽງ
ຢູ່ຮ່ວມກັບໝີເປັນເວລາ 13 ປີ, ໃນທີ່ສຸດກໍເປັນອາຫານທ່ຽງ - WhatsApp Image 2020 05 27 at 5 - ຢູ່ຮ່ວມກັບໝີເປັນເວລາ 13 ປີ, ໃນທີ່ສຸດກໍເປັນອາຫານທ່ຽງ
error: Alert: ເນື້ອຫາຂ່າວມີລິຂະສິດ !!