ຄອສຕາຣິກາພັດທະນາຢາປິ່ນປົວໂຄວິດ-19 ດ້ວຍແອນຕິບໍດີຈາກມ້າ

ຄອສຕາຣິກາພັດທະນາຢາປິ່ນປົວໂຄວິດ-19 ດ້ວຍແອນຕິບໍດີຈາກມ້າ -                                                                                            19 - ຄອສຕາຣິກາພັດທະນາຢາປິ່ນປົວໂຄວິດ-19 ດ້ວຍແອນຕິບໍດີຈາກມ້າ
ຄອສຕາຣິກາພັດທະນາຢາປິ່ນປົວໂຄວິດ-19 ດ້ວຍແອນຕິບໍດີຈາກມ້າ - Untitled design - ຄອສຕາຣິກາພັດທະນາຢາປິ່ນປົວໂຄວິດ-19 ດ້ວຍແອນຕິບໍດີຈາກມ້າ

ນັກວິ​ໄຈຢູ່​ຄອສຕາຣິກາ​ເລີ່​ມທົດ​ລອງ​ການ​ປິ່ນປົວ​ໂຄ​ວິດ-19 ຕົ້ນທຶນ​ຕໍ່າ ​ໂດຍ​ໃຊ້​ແອນ​ຕິ​ບໍດີ​ຂອງ​ມ້າ​ທີ່​ສັກ​ເຊື້ອ SARS-CoV-2 ຫລື ​ເຊື້ອສ້າງພະຍາດ​ໂຄ​ວິດ-19 ​ເຂົ້າ​ໄປ.

ວິທີ​ປິ່ນປົວ​ໂຄ​ວິດ-19 ດັ່ງກ່າວ​ພັດທະນາ​ໂດຍ Clodomiro Picado Institute (ICP) ຂອງ​ມະຫາວິທະຍາ​ໄລ​ຄອສຕາຣິກາ ​ໂຣມັນ ມາ​ກາ​ຢາ (Roman Macaya) ປະທານ​ກອງ​ທຶນ​ປະກັນ​ສັງຄົມ​ທີ່​ບໍລິຫານ​ສູນ​ສາທາລະນະ​ສຸກ ​ເປີດ​ເຜີຍ​ວ່າ: ​ແອນ​ຕິ​ບໍດີ​ຈາກ​ມ້າ​ຈະ​​ເອົາ​ໄປ​ທົດ​ສອບ​ກັບ​ຜູ້​ຕິດ​ເຊື້ອ 26 ຄົນ​ໃນ​ກາງ​ເດືອນ​ກັນຍາ​ນີ້.

ທາງ​ການ​ຄອສຕາຣິກາ​ຫວັງ​ວ່າ​ຈະ​ສາມາດ​ເລີ່​ມ​ໃຊ້​ວິທີ​ປິ່ນປົວ​ນີ້​ໄດ້​ຢ່າງ​ກວ້າງຂວາງ​​ໃນ​ໂຮງໝໍ ຖ້າ​ຜົນ​ຈາກ​ການ​ສຶກສາ​ໄລຍະ​ທີ 2 ອອກ​ມາ​ໜ້າ​ພໍ​ໃຈ. ປັດຈຸບັນ ຄອສຕາຣິກາ​ມີ​ຜູ້​ຕິດ​ເຊື້ອ​ໂຄ​ວິດ-19 ສະ​ສົມ​ເກືອບ 47.000 ຄົນ, ​ເສຍ​ຊີວິດ 478 ຄົນ.

ຄວາມ​ພະຍາຍາມ​ໃນ​ການ​ສ້າງ​ແອນ​ຕິ​ບໍດີ​ໂຄ​ວິດ-19 ​ໃນ​ມ້າ​ແລ້ວ​ເອົາ​ມາ​ສັກ​ໃສ່​ຄົນ​ກຳລັງ​ໄດ້​ຮັບ​ການ​ສຶກສາ​ຢູ່​ອາ​ເຈນ​ຕິ​ນາ ​ແລະ ບຣາຊິ​ລ​ເຊັ່ນ​ກັນ. ຂະນະ​ທີ່​ນັກວິທະຍາສາດ​ຢູ່​ເບ​ລຢ້ຽມ​ໃຊ້​​ໂຕ​ລາ​ມະ​ແທນ​ມ້າ.

ນັກວິ​ໄຈ​ຊາວ​ຄອສຕາຣິກາ ກ່າວ​ວ່າ: ວິທີ​ປິ່ນປົວ​ໂຄ​ວິດ-19 ຕໍ່​ຍອດ​ມາ​ຈາກ​ແນວທາງ​ການ​ໃຊ້​ແອນ​ຕິ​ບໍດີ​ຂອງ​ມ້າ ​ເພື່ອ​ພັດທະນາ​ການ​ຕ້ານ​ພິດ​ງູ, ພວກ​ເຂົາ​ນຳ​ເຂົ້າ​ໂປຣຕິນຂອງ​ໄວຣັສ​ໂຄ​ໂຣນາ​ຈາກ​ຈີນ ​ແລະ ສະຫະຣາຊະ​ອານາຈັກ​ສັກ​ເຂົ້າ​ໄປ​ໃນ​ມ້າ 6 ​ໂຕ​ຈາກ 110 ​ໂຕ​ທີ່ ICP ​ໃຊ້​ໃນ​ການ​ທົດ​ສອບ.

ຄອສຕາຣິກາພັດທະນາຢາປິ່ນປົວໂຄວິດ-19 ດ້ວຍແອນຕິບໍດີຈາກມ້າ - Wave100S AD to Website 2020 0 - ຄອສຕາຣິກາພັດທະນາຢາປິ່ນປົວໂຄວິດ-19 ດ້ວຍແອນຕິບໍດີຈາກມ້າ

ຫລາຍ​ອາທິດ​ຕໍ່​ມາ ​ເມື່ອ​ມ້າ​ພັດທະນາ​ແອນ​ຕິ​ບໍດີ​ໄດ້​ພຽງພໍ ຈະ​ເຈາະ​ເລືອດ ​ແລະ ​ໃຊ້​ແອນ​ຕິ​ບໍດີ​ຈາກ​ພລາສມາ​ເປັນ​ວັດຖຸ​ດິບ​ເຮັດ​ເປັນ​ຢາ​ປິ່ນປົວ​ໂຄ​ວິດ-19 ຊະນິດ​ສັກ.

ນັກວິ​ໄຈ ກ່າວ​ວ່າ: ຖ້າ​ຢາ​ປິ່ນປົວ​ໂຄ​ວິດ-19 ຈາກ​​ແອນ​ຕິ​ບໍດີ​ມ້າ​ໄດ້ຜົນ ພວກ​ເຂົາ​ຈະ​ແບ່ງປັນ​ວິທີ ​ແລະ ຢາ​ປິ່ນປົວ​ທີ່​ຕົ້ນທຶນ​ບໍ່​ສູງ​ນີ້​ໃຫ້​ປະ​ເທດ​ອື່ນໆ​ຢູ່​ອາ​ເມ​ລິ​ກາ​ກາງ ​ເຊິ່ງສ່ວນ​ຫລາຍ​ທຸກ​ຍາກ​ກວ່າ​ຄອສຕາຣິກາ.

ຄອສຕາຣິກາພັດທະນາຢາປິ່ນປົວໂຄວິດ-19 ດ້ວຍແອນຕິບໍດີຈາກມ້າ - WhatsApp Image 2020 05 27 at 5 - ຄອສຕາຣິກາພັດທະນາຢາປິ່ນປົວໂຄວິດ-19 ດ້ວຍແອນຕິບໍດີຈາກມ້າ
ຄອສຕາຣິກາພັດທະນາຢາປິ່ນປົວໂຄວິດ-19 ດ້ວຍແອນຕິບໍດີຈາກມ້າ - WhatsApp Image 2020 05 27 at 5 - ຄອສຕາຣິກາພັດທະນາຢາປິ່ນປົວໂຄວິດ-19 ດ້ວຍແອນຕິບໍດີຈາກມ້າ
error: Alert: ເນື້ອຫາຂ່າວມີລິຂະສິດ !!