ສປປ ເກົາຫລີ ສັ່ງລົງໂທດເຈົ້າໜ້າທີ່ທ້ອງຖິ່ນ ອ້າງບໍ່ມີຄວາມຮັບຜິດຊອບຕໍ່ການຮັບມືໄຕ້ຝຸ່ນໄມສັກ

ສປປ ເກົາຫລີ ສັ່ງລົງໂທດເຈົ້າໜ້າທີ່ທ້ອງຖິ່ນ ອ້າງບໍ່ມີຄວາມຮັບຜິດຊອບຕໍ່ການຮັບມືໄຕ້ຝຸ່ນໄມສັກ -                                                                                                                         - ສປປ ເກົາຫລີ ສັ່ງລົງໂທດເຈົ້າໜ້າທີ່ທ້ອງຖິ່ນ ອ້າງບໍ່ມີຄວາມຮັບຜິດຊອບຕໍ່ການຮັບມືໄຕ້ຝຸ່ນໄມສັກ
ສປປ ເກົາຫລີ ສັ່ງລົງໂທດເຈົ້າໜ້າທີ່ທ້ອງຖິ່ນ ອ້າງບໍ່ມີຄວາມຮັບຜິດຊອບຕໍ່ການຮັບມືໄຕ້ຝຸ່ນໄມສັກ - Untitled design - ສປປ ເກົາຫລີ ສັ່ງລົງໂທດເຈົ້າໜ້າທີ່ທ້ອງຖິ່ນ ອ້າງບໍ່ມີຄວາມຮັບຜິດຊອບຕໍ່ການຮັບມືໄຕ້ຝຸ່ນໄມສັກ

ທາງ​ການ ສປປ ​ເກົາຫລີ ​ໃຫ້​ຄຳ​ໝັ້ນວ່າ​ຈະ​ລົງ​ໂທດ​ເຈົ້າໜ້າ​ທີ່​ທ້ອງ​ຖິ່ນ​ໃນ​ເມືອງ​ວອນ​ຊານ ທາງ​ຝັ່ງ​ຕາ​ເວັນ​ອອກ​ຂອງ ສປປ ​ເກົາຫລີ ​ເນື່ອງ​ຈາກ​ລົ້ມ​ເຫ​ລວ​ໃນ​ການ​ກຽມ​ຮັບ​ມື​ຜົນ​ກະທົບ​ຈາກ​ພາຍຸ​ໄຕ້​ຝຸ່ນ​ໄມ​ສັກ​ທີ່​ພັດ​ຖະຫລົ່ມ​​ໃນ​ວັນ​ທີ 2 ກັນຍາ​ຜ່ານ​ມາ.

ໜັງສືພິມ​ຂອງ​ພັກ​ແຮງ​ງານ​ອ້າງ​ວ່າ: ​ເຈົ້າໜ້າ​ທີ່​ດັ່ງກ່າວ​ບໍ່​ປະຕິບັດ​ຕາມ​ຄຳ​ສັ່ງ​ຂອງ​ພັກ ​ແລະ ຍັງ​ມີ​ທັດສະນະ​ຄະຕິ​ທີ່​ບໍ່​ມີ​ຄວາມ​ຮັບຜິດຊອບ ​ເປັນ​ເຫດ​ໃຫ້​ມີ​ຜູ້​ເສຍ​ຊີວິດ​ຫລາຍ​ສິບ​ຄົນ. ​ເຖິງ​ຢ່າງ​ໃດ​ກໍ​ຕາມ, ສື່​ກະບອກ​ສຽງ​ທາງ​ການ​ຂອງ ສປປ ​ເກົາຫລີ ສຳນັກ​ນີ້​ບໍ່​ໄດ້​ລະບຸ​ວ່າ​ມີ​ຜູ້​ສູນຫາຍ, ​ໄດ້​ຮັບ​ບາດ​ເຈັບ ​ແລະ ​ເສຍ​ຊີວິດ​ຈຳນວນ​ເທົ່າ​ໃດ.

​ໃນ​ລາຍ​ງານ​ດັ່ງກ່າວ​ຍັງ​ອ້າງ​ວ່າ: ​ເຈົ້າໜ້າ​ທີ່​ໃນ​ເມືອງ​ນີ້​ບໍ່​ປະຕິບັດ​ຕາມ​ຄຳ​ສັ່ງ​ຂອງ​ພັກ​ແຮງ​ງານ. ສ່ວນ​ໜັງສືພິມ​ໂຣດອງ ຊິນ​ມຸນ ສະບັບ​ວັນ​ທີ 5 ກັນຍາ​ຜ່ານ​ມາ ລະບຸ​ວ່າ: ​ເຈົ້າໜ້າ​ທີ່​ທ້ອງ​ຖິ່ນ​ໃນ​ເມືອງ​ວອນ​ຊານ ​ໄດ້​ຮັບ​ຄຳ​ສັ່ງ​ໃຫ້​ດຳ​ເນີນ​ການ​ໂຄງການ​ໜຶ່ງ​ທີ່​ຈະ​ຕ້ອງ​ແຈ້ງ​ສະຖານ​ທີ່ ຫລື ພື້ນທີ່​ສ່ຽງ​ພ້ອມ​ກັບ​ອົບ​ພະຍົບປະຊາຊົນ​ທັງ​ໝົດ​ໂດຍ​ດ່ວນ ກ່ອນ​ພາຍຸ​ຈະ​ມາ.

​ໃນ​ອາທິດ​ຜ່ານ​ມາ, ສະຖານີ​ໂທລະພາບ​ແຫ່ງ​ຊາດ KCTV ​ໄດ້​ເຜີຍ​ແຜ່​ພາບ​ຄວາມ​ເສຍ​ຫາຍ​ໃນ​ພື້ນທີ່​ຕ່າງໆ ບໍ່​ວ່າ​ຈະ​ເປັນ​ຂົວ​ຫລາຍ​ແຫ່ງ, ກຳ​ແພງ​ໃນ​ແຂວງ​ຄັງ​ວອນ​ໄດ້​ຮັບ​ຄວາມ​ເສຍ​ຫາຍ​ຈາກ​ນ້ຳຖ້ວມ​ສູງ ຈາກ​ອິດ​ທິພົນ​ຂອງ​ພາຍຸ​ໄຕ້​ຝຸ່ນ​ໄມ​ສັກ ​ເຊິ່ງ​ເກີດ​ຂຶ້ນພຽງ​ໜຶ່ງ​ອາທິດ​ຫລັງ​ຈາກ​ພາຍຸ​ໄຕ້​ຝຸ່ນ​ບາ​ວີ​ພັດ​ຖະຫລົ່ມ ສປປ ​ເກົາຫລີ.

ສປປ ເກົາຫລີ ສັ່ງລົງໂທດເຈົ້າໜ້າທີ່ທ້ອງຖິ່ນ ອ້າງບໍ່ມີຄວາມຮັບຜິດຊອບຕໍ່ການຮັບມືໄຕ້ຝຸ່ນໄມສັກ - Wave100S AD to Website 2020 0 - ສປປ ເກົາຫລີ ສັ່ງລົງໂທດເຈົ້າໜ້າທີ່ທ້ອງຖິ່ນ ອ້າງບໍ່ມີຄວາມຮັບຜິດຊອບຕໍ່ການຮັບມືໄຕ້ຝຸ່ນໄມສັກ

ສຳລັບ​ພາຍຸ​ໄຕ້​ຝຸ່ນ​ໄມ​ສັກ​ຍັງ​ສົ່ງ​ຜົນ​ກະທົບ​ໃນ​ພື້ນທີ່​ຂອງ ສ.​ເກົາຫລີ ​ເຊັ່ນ​ກັນ, ມີ​ລາຍ​ງານ​ວ່າ​ມີ​ຜູ້​ເສຍ​ຊີວິດ​ຢ່າງ​ໜ້ອຍ 2 ຄົນ ​ແລະ ຕ້ອງ​ອົບ​ພະຍົບປະຊາຊົນ 2.200 ກວ່າ​ຄົນ​ ​ໃນ​ເມືອງ​ປູຊາ​ນ ທາງ​ໃຕ້​ຂອງ​ປະ​ເທດ.

ສປປ ເກົາຫລີ ສັ່ງລົງໂທດເຈົ້າໜ້າທີ່ທ້ອງຖິ່ນ ອ້າງບໍ່ມີຄວາມຮັບຜິດຊອບຕໍ່ການຮັບມືໄຕ້ຝຸ່ນໄມສັກ - WhatsApp Image 2020 05 27 at 5 - ສປປ ເກົາຫລີ ສັ່ງລົງໂທດເຈົ້າໜ້າທີ່ທ້ອງຖິ່ນ ອ້າງບໍ່ມີຄວາມຮັບຜິດຊອບຕໍ່ການຮັບມືໄຕ້ຝຸ່ນໄມສັກ
ສປປ ເກົາຫລີ ສັ່ງລົງໂທດເຈົ້າໜ້າທີ່ທ້ອງຖິ່ນ ອ້າງບໍ່ມີຄວາມຮັບຜິດຊອບຕໍ່ການຮັບມືໄຕ້ຝຸ່ນໄມສັກ - WhatsApp Image 2020 05 27 at 5 - ສປປ ເກົາຫລີ ສັ່ງລົງໂທດເຈົ້າໜ້າທີ່ທ້ອງຖິ່ນ ອ້າງບໍ່ມີຄວາມຮັບຜິດຊອບຕໍ່ການຮັບມືໄຕ້ຝຸ່ນໄມສັກ
error: Alert: ເນື້ອຫາຂ່າວມີລິຂະສິດ !!