ສປ ຈີນ ຊ່ວຍເຫລືອລ້າ 87 ລ້ານກວ່າຢວນເພື່ອລິເລີ່ມສ້າງຕົວເມືອງອັດສະລິຍະຢູ່ລາວ

ສປ ຈີນ ຊ່ວຍເຫລືອລ້າ 87 ລ້ານກວ່າຢວນເພື່ອລິເລີ່ມສ້າງຕົວເມືອງອັດສະລິຍະຢູ່ລາວ - Untitled design - ສປ ຈີນ ຊ່ວຍເຫລືອລ້າ 87 ລ້ານກວ່າຢວນເພື່ອລິເລີ່ມສ້າງຕົວເມືອງອັດສະລິຍະຢູ່ລາວ

ແຫລ່ງຂ່າວ ຂປລ ໃຫ້ຮູ້ວ່າ: ບໍລິສັດ ລາວໂທລະຄົມມະນາຄົມ ມະຫາຊົນ ເປີດນຳໃຊ້ລະບົບ 5G ໃນທ້າຍເດືອນສິງຫາຜ່ານມາ ເປັນບາດກ້າວບຸກທະລຸດ້ານການພັດທະນາເຕັກໂນໂລຊີເຄືອຂ່າຍອິນເຕີເນັດ ບໍ່ມີສາຍ ທັງເປັນການປະກອບສ່ວນເຂົ້າໃນແຜນພັດທະນາເມືອງຕົວແບບ ກໍຄືເມືອງອັດສະລິຍະ (Smart City) ຂອງລັດຖະບານໃຫ້ສຳເລັດຕາມເປົ້າໝາຍ. ຂະນະທີ່ ລັດຖະບານ ສປ ຈີນ ປະກາດໃຫ້ການຊ່ວຍ ເຫລືອ ສປປ ລາວ 87 ລ້ານກວ່າຢວນ ເພື່ອຍົກລະດັບ ແລະ ປັບປຸງການພັດທະນາພື້ນຖານໂຄງລ່າງ ໃນນະຄອນຫລວງວຽງຈັນໃຫ້ມີສີສັນ ແລະ ກາຍເປັນເມືອງອັດສະລິຍະແບບໃໝ່ຕາມຍຸກຕາມສະໄໝ. ກະຊວງໂຍທາທິການ ແລະ ຂົນສົ່ງ ໄດ້ເປີດເຜີຍວ່າ: ວັນຊາດ ທີ 2 ທັນວາ 2020 ນີ້ ເສັ້ນທາງສາຍ ຫລັກໃຈກາງນະຄອນຫລວງວຽງຈັນ ແລະ ສວນສາທາລະນະ ປະຕູໄຊ ຈະໄດ້ຮັບການປະຕິຮູບໃຫ້ມີ ຄວາມສະຫວ່າງສະໄຫວ ແລະ ສວຍສົດງົດງາມຂຶ້ນກວ່າເກົ່າ ພາຍຫລັງລັດຖະບານຈີນໄດ້ຊ່ວຍເຫລືອທຶນ ຮອນລ້າໆ ເພື່ອປະກອບສ່ວນເຂົ້າໃນການພັດທະນາ ແລະ ປັບປຸງພື້ນຖານໂຄງລ່າງດັ່ງກ່າວ.

ທ່ານ ຊົງເລົາ ຢົງນູ ຫົວໜ້າພະແນກພະນັກງານ ແລະ ບໍ່ແຮ່ນະຄອນຫລວງວຽງຈັນ ເປີດເຜີຍວ່າ: ງົບຈຳນວນນີ້ຈະສຸມໃສ່ປັບປຸງລະບົບໄຟຟ້າ, ນ້ຳປະປາຢູ່ສວນປະຕູໄຊ, ປັບປຸງລະບົບນ້ຳພຸ ແລະ ໄຟເຍືອງທາງໃຈກາງນະຄອນຫລວງ ໂດຍຈະເອົາເສົາໄຟຟ້າໂຕໃໝ່ໃສ່ ມີມາດຕະຖານສູງ ເພື່ອປ່ຽນ ແທນເສົາໄຟເຍືອງທາງເກົ່າ ແລະ ຈະເອົາສາຍໄຟຟ້າເຍືອງທາງລົງໃຕ້ດິນໃນ 5 ເສັ້ນທາງ ມີຖະໜົນ ລ້ານຊ້າງ, ຖະໜົນ 23 ສິງຫາ ແຕ່ປະຕູໄຊຫາວົງວຽນນ້ອຍຂ້າງເດີ່ນທາດຫລວງ, ຖະໜົນໜອງບອນ ແຕ່ສີ່ແຍກໄຟອຳນາດທາດຫລວງເຖິງວົງວຽນ 450 ປີ, ຖະໜົນໄກສອນ ພົມວິຫານ ແຕ່ວົງວຽນ 450 ປີ ຫາປະຕູໄຊ, ຖະໜົນມະໂຫສົດ ແຕ່ 3 ແຍກຫໍຄຳຫາໂຮງໝໍມະໂຫສົດຫາສາມແຍກຕາຝັ່ງເຈື່ອນແຄມ ຂອງ, ຖະໜົນຕາຝັ່ງເຈື່ອນແຕ່ 3 ແຍກຂ້າງສວນອານຸວົງຫາວົງວຽນປາກປ່າສັກ ແລະ ຖະໜົນເສດຖາທິ ລາດ ແຕ່ວົງວຽນປາກປ່າສັກຫາ 4 ແຍກມະໂຫສົດ ເຊິ່ງຄາດວ່າການກໍ່ສ້າງແມ່ນຈະໄດ້ລົງມືໃນກາງ ເດືອນກັນຍາເຖິງວັນຊາດ ທີ 2 ທັນວາ ໃຫ້ໄດ້ເປີດນຳໃຊ້.

ແນວໃດກໍດີ, ໂຄງການຍົກລະດັບ ແລະ ປັບປຸງພື້ນຖານໂຄງລ່າງໃນນະຄອນຫລວງວຽງຈັນ ເພື່ອໃຫ້ບັນລຸ 6ສ ແລະ ເຊື່ອມໂຍງກັບໂຄງການພັດທະນາຕົວເມືອງອັດສະລິຍະຂອງອາຊຽນໄດ້ກຽມ ຄວາມພ້ອມມາໄດ້ 4-5 ປີແລ້ວ ແຕ່ເຫັນວ່າບໍ່ມີຄວາມຄືບໜ້າເທົ່າທີ່ຄວນ ຍ້ອນບັນຫາທຶນຮອນ ຫລື ງົບປະມານຈຳກັດ ຈຶ່ງເຮັດໃຫ້ການຈັດຕັ້ງປະຕິບັດຫລ້າຊ້າມາຮອດປັດຈຸບັນ.

ສປ ຈີນ ຊ່ວຍເຫລືອລ້າ 87 ລ້ານກວ່າຢວນເພື່ອລິເລີ່ມສ້າງຕົວເມືອງອັດສະລິຍະຢູ່ລາວ - Wave100S AD to Website 2020 0 - ສປ ຈີນ ຊ່ວຍເຫລືອລ້າ 87 ລ້ານກວ່າຢວນເພື່ອລິເລີ່ມສ້າງຕົວເມືອງອັດສະລິຍະຢູ່ລາວ

 

ສປ ຈີນ ຊ່ວຍເຫລືອລ້າ 87 ລ້ານກວ່າຢວນເພື່ອລິເລີ່ມສ້າງຕົວເມືອງອັດສະລິຍະຢູ່ລາວ - WhatsApp Image 2020 05 27 at 5 - ສປ ຈີນ ຊ່ວຍເຫລືອລ້າ 87 ລ້ານກວ່າຢວນເພື່ອລິເລີ່ມສ້າງຕົວເມືອງອັດສະລິຍະຢູ່ລາວ
ສປ ຈີນ ຊ່ວຍເຫລືອລ້າ 87 ລ້ານກວ່າຢວນເພື່ອລິເລີ່ມສ້າງຕົວເມືອງອັດສະລິຍະຢູ່ລາວ - WhatsApp Image 2020 05 27 at 5 - ສປ ຈີນ ຊ່ວຍເຫລືອລ້າ 87 ລ້ານກວ່າຢວນເພື່ອລິເລີ່ມສ້າງຕົວເມືອງອັດສະລິຍະຢູ່ລາວ
error: Alert: ເນື້ອຫາຂ່າວມີລິຂະສິດ !!