ທັບນັກກິລາເທຄວັນໂດລາວ ເດີນທາງໄປເກັບໂຕທີ່ ສ.ເກົາຫຼີ ກ່ອນລຸຍກົວລາລຳເປີ ເກມ 2017

- advert banner 728 90 728x90 - ທັບນັກກິລາເທຄວັນໂດລາວ ເດີນທາງໄປເກັບໂຕທີ່ ສ.ເກົາຫຼີ ກ່ອນລຸຍກົວລາລຳເປີ ເກມ 2017

- aHR0cDovL3BlMS5pc2Fub29rLmNvbS9sYS8wL3VkLzIvMTA4MTYvdW50aXRsZWQtMS5qcGc 300x180 - ທັບນັກກິລາເທຄວັນໂດລາວ ເດີນທາງໄປເກັບໂຕທີ່ ສ.ເກົາຫຼີ ກ່ອນລຸຍກົວລາລຳເປີ ເກມ 2017ທັບນັກກິລາເທຄວັນໂດ ທີມ ຊາດລາວ ອອກເດີນທາງໄປຍັງ ສ.ເກົາຫຼີ ຢ່າງເປັນທາງການ ແລ້ວ ເພື່ອເຂົ້າຮ່ວມການເກັບໂຕ ເຝິກຊ້ອມພາຍໃຕ້ໂຄງການຮ່ວມ ມືພັດທະນາຂອງລັດຖະບານ ລາວ ແລະ ລັດຖະບານ ສ.ເກົາຫຼີ ໃນໄລນະ 2 ກວ່າວັນ ກ່ອນຈະ ກັບມານະຄອນຫຼວງວຽງຈັນ ເພື່ອກຽມຄວາມພ້ອມຮ່ວມລ່າ ຫຼຽນຄຳ ໃນງານມະຫະກຳກິລາ ຊີເກມ ຄັ້ງທີ 29 ຫຼື ກົວລາລຳເປີ ເກມ ທີ່ປະເທດມາເລເຊຍ ຮັບ ກຽດເປັນເຈົ້າພາບ ລະຫວ່າງວັນ ທີ 19-31 ສິງຫາ 2017.
ເມື່ອໃນວັນທີ 21 ມິຖຸນາ ຜ່ານມາ ທີ່ສະໂມສອນບູຢອງ ວິ ທະຍາເຂດດົງໂດກ ເມືອງໄຊ ທານີ ນະຄອນຫຼວງວຽງຈັນ ໄດ້ ມີພິທີເຕົ້າໂຮມນັກກິລາເທຄວັນ ໂດ ທີມຊາດລາວ ເພື່ອນຳສົ່ງ 6 ນັກກິລາອອກເດີນທາງດ້ວຍສາຍການບີນລາວ ເດີນທາງໄປຍັງ ສ.ເກົາຫຼີ ໂດຍໃຫ້ກຽດເຂົ້າຮ່ວມ ນຳສົ່ງໃນຄັ້ງນີ້ຂອງ ທ່ານ ຈັນທະ ວົງ ປັນຍາສີລິ ເລຂາທິການ ສະ ຫະພັນເທຄວັນໂດທີມຊາດລາວ ຊຸດຮ່ວມ ກົວລາລຳເປີ ເກມ ພ້ອມ ດ້ວຍຄະນະຄູເຝິກ ແລະ ນັກກິລາ.
ທ່ານ ຈັນທະວົງ ປັນຍາສີລິ ໃຫ້ສຳພາດວ່າ: ການອອກເດີນ ທາງໄປເຝິກຊ້ອມທີ່ ສ.ເກົາຫຼີ ແມ່ນເປັນໂຄງການຮ່ວມມືຂອງ ລັດຖະບານລາວ ແລະ ລັດຖະ ບານ ສ.ເກົາຫຼີ ເພື່ອສົ່ງເສີມການ ພັດທະນາວົງການກິລາເທຄວັນ ໂດລາວ ໃຫ້ນັບມື້ເຕີບໃຫຍ່ຂະ ຫຍາຍຕົວຢ່າງກວ້າງຂວາງ ຕາມແຜນການພັດທະນາຂອງ ສະຫະພັນເທຄວັນໂດແຫ່ງຊາດ ລາວ ປະຈຳປີ 2017 ເຊິ່ງການ ໄປຄັ້ງນີ້ ແມ່ນໄດ້ແບ່ງອອກເປັນ 2 ຊຸດ ເພື່ອໄປເກັບໂຕເຝິກຊ້ອມທີ່ ເມືອງຍັງເຊີນ ສ.ເກົາຫຼີ ໃນໄລຍະ ເວລາ 20 ກວ່າວັນ ສຳລັບຊຸດ ທຳອິດເດີນທາງໄປກ່ອນໃນວັນທີ 21 ມິຖຸນາ ໃນຈຳນວນ 6 ຄົນ ມີ ທ່ານ ຈິນ ຈົງ ວູ ເປັນຄະນະນຳ ພາ ສ່ວນນັກກິລາປະກອບມີ ທ້າວ ສອນໄຊ ມັງເຄືອ ຮຸ່ນນຳ ໜັກ 70 ກິໂລກຣາມ, ທ້າວ ພຸດ ທະສອນ ທຳມະວົງ ຮຸ່ນນ້ຳໜັກ 68 ກິໂລກຣາມ, ນອກຈາກນັ້ນ ກໍມີ ທ້າວ ສີສະຫວັນ ແກ້ວໄຊຍະ ເດດ, ທ້າວ ອາເຊີນ ລາດວົງໄຊ ແລະ ນາງ ກິດາວອນ ພິລະວົງ ປະເພດຟ້ອນປຸ້ມເຊ. ຂະນະທີ່ຊຸດ ທີ 2 ກໍຈະມິຄະນະນຳຄູເຝິກ ແລະ ນັກກິລາອີກຈຳນວນ 11 ຄົນ ແມ່ນໄດ້ເດີນທາງໄປສົມທົບຕາມຫຼັງໃນວັນທີ 25 ມິຖຸນາ ຜ່ານມາ.
ທ່ານ ຈັນທະວົງ ປັນຍາສີລິ ກ່າວອີກວ່າ: ການເກັບໂຕເຝິກ ຊ້ອມຢູ່ປະເທດດັ່ງກ່າວ ລັດຖະ ບານລາວ ໃຫ້ການສະໜັບສະ ໜູນເປັນສ່ວນໃຫຍ່ ສວນລັດຖະ ບານ ສ.ເກົາຫຼີ ຊ່ວຍເຫຼືອທາງ ດ້ານການເຝິກຊ້ອມ ໃນໄລຍະ ການເຝິກຊ້ອມນັກກິລາເທຄວັນ ໂດລາວ ຈະໄດ້ເຂົ້າຮ່ວມການ ແຂ່ງຂັນແຊ໊ມໂລກ 2 ລາຍການ ຄື: ລາຍການຊີງແຊ໊ມໂລກ ແລະ ລາຍການນາໆຊາດ ເກົາຫຼີ ໂອ ເພນ 2017 ຫຼັງຈາກນັ້ນ ກໍໄດ້ ເດີນທາງດັບຄືນມາ ນະຄອວນ ຫຼວງວຽງຈັນ ເພື່ອນຳເອົາບົດ ຮຽນທີ່ສາມາດເກັບກ່ຽວກັບປະ ສົບການຕ່າງໆ ມາຖອດຖອນ ບົດຮຽນ ແລະ ແກ້ໄຂຂໍ້ຄົງຄ້າງ ທັງນີ້ກໍເພື່ອເສີມສ້າງຄວາມແຂງແກ່ນໃຫ້ນັກກິລາໄດ້ມີຄວາມຊຳນິຊຳນານ ແລະ ໝັ້ນໃຈຢ່າງເຕັມ ຮ້ອຍເປີເຊັນ ກ່ອນຮ່ວມລ່າຫຼຽນ ຄຳ ໃນກົວລາລຳເປີ ເກມ 2017 ໃຫ້ບັນລຸຄາດໝາຍທີ່ ສະຫະພັນ ເທຄວັນໂດ ຕັ້ງເປົ້າຈະສູ້ຊົນໃຫ້ໄດ້ ຫຼຽນຄຳໃຫ້ແກ່ທັບນັກກິລາລາວ.
ຂ່າວຈາກ: ສຶກສາ-ກິລາ.

- new3 - ທັບນັກກິລາເທຄວັນໂດລາວ ເດີນທາງໄປເກັບໂຕທີ່ ສ.ເກົາຫຼີ ກ່ອນລຸຍກົວລາລຳເປີ ເກມ 2017
- lattana 1 - ທັບນັກກິລາເທຄວັນໂດລາວ ເດີນທາງໄປເກັບໂຕທີ່ ສ.ເກົາຫຼີ ກ່ອນລຸຍກົວລາລຳເປີ ເກມ 2017
error: Content is protected !!