ດັບຝັນອາຊຽນ ທ່ອງທ່ຽວຢຸດສະງັກເພາະໂຄວິດບຸກອີກ

ດັບຝັນອາຊຽນ ທ່ອງທ່ຽວຢຸດສະງັກເພາະໂຄວິດບຸກອີກ -                                                                                                               - ດັບຝັນອາຊຽນ ທ່ອງທ່ຽວຢຸດສະງັກເພາະໂຄວິດບຸກອີກ
ດັບຝັນອາຊຽນ ທ່ອງທ່ຽວຢຸດສະງັກເພາະໂຄວິດບຸກອີກ - Untitled design - ດັບຝັນອາຊຽນ ທ່ອງທ່ຽວຢຸດສະງັກເພາະໂຄວິດບຸກອີກ

ກໍລະນີ​ການ​ຕິດ​ເຊື້ອ​ໄວຣັສຮອບ​ໃໝ່ ​ເຮັດ​ໃຫ້​ຄວາມ​ຫວັງ​ໃນ​ການ​ຟື້ນຟູ​ແຫ​ລ່ງທ່ອງ​ທ່ຽວຍອດ​ນິຍົມ​ຂອງ​ອາຊີ​ຕາ​ເວັນ​ອອກສຽງ​ໃຕ້​ຕ້ອງ​ດັບ​ມອດ​ລົງ.

ສຳນັກ​ຂ່າວຣອຍ​ເຕີ​ລາຍ​ງານ​ວ່າ: ການ​ເພີ່ມ​ຂຶ້ນຢ່າງ​ວ່ອງ​ໄວ​ຂອງ​ກໍລະນີ​ການ​ຕິດ​ເຊື້ອ​ໂຄ​ໂຣນາ​ໄວຣັສ​ຢູ່​ເກາະ​ບາ​ຫລີ​ຂອງ​ອິນ​ໂດ​ເນ​ເຊຍ ​ແລະ ຜູ້​ຕິດ​ເຊື້ອຄົນ​ທຳ​ອິດ​ຂອງ​ໄທ​ໃນ​ຮອບ 100 ມື້ ສົ່ງ​ຜົນ​ຕໍ່​ຄວາມ​ຫວັງ​ຂອງ​ອາຊີ​ຕາ​ເວັນ​ອອກສຽງ​ໃຕ້​ໃນ​ການ​ຟື້ນຟູ​ອຸດສາຫະກຳ​ການທ່ອງທ່ຽວ​ທີ່​ສຳຄັນ.

​ແຜນການ​ເປີດ​ເກາະ​ບາ​ຫລີ​ສຳລັບ​ນັກ​ທ່ອງ​ທ່ຽວ​ຄົນ​ຕ່າງປະ​ເທດ​ອີກ​ເທື່ອ​ໜຶ່ງ​ໃນ​ເດືອນ​ກັນຍາ​ຖືກ​ເລື່ອນ​ອອກ​ໄປ​ແບບ​ບໍ່​ມີ​ກຳນົດ, ຂະນະ​ທີ່​ຂໍ້​ສະ​ເໜີ​ຂອງ​ໄທ​ໃນ​ການ​ເປີດ​ເກາະ​ພູ​ເກັດ​ຢ່າງ​ລະມັດລະວັງ​ກໍ​ຖືກຕັ້ງຄຳ​ຖາມ​ຈຳນວນ​ຫລາຍ​ເຖິງ​ຄວາມ​ເປັນ​ໄປ​ໄດ້.

​ເຊັ່ນ​ດຽວ​ກັບ​ການ​ພະຍາຍາມ​ສົ່ງ​ເສີມ​ອຸດສາຫະກຳທ່ອງ​ທ່ຽວ​ໃນ​ປະ​ເທດ​ບາງ​ປະ​ເທດ​​ໃນ​ອາຊີ​ຕາ​ເວັນ​ອອກສຽງ​ໃຕ້​ທີ່​ກຳລັງ​ພິຈາລະນາ​ເຮັດ “ຟອງ​ສະ​ບູ່” ຫລື Travel bubble ຮ່ວມ​ກັບປະ​ເທດ​ອື່ນໆ ​ເພື່ອ​ເຮັດ​ໃຫ້​ທຸລະ​ກິດ​ທ່ອງ​ທ່ຽວ​ເລີ່​ມຕົ້ນ​ໃໝ່​ອີກ ຫລັງ​ຈາກ​ງຽບ​ເຫງົາ​ມາ​ດົນ ​ເລື່ອງ​ນີ້​ຖືກຕັ້ງຄຳ​ຖາມ​ເຊັ່ນ​ກັນ​ວ່າ​ຈະ​ເປັນ​ໄປ​​ໄດ້ ຫລື ບໍ່.

​ໃນ​ໄລຍະ​ທຳ​ອິດ ບາ​ຫລີ​ອາດຈະ​ຮັບ​ມື​ກັບ​ວິ​ກິດ​ໄດ້​ດີກ​ວ່າ​ສ່ວນ​ອື່ນໆ​ຂອງ​ອິນ​ໂດ​ເນ​ເຊຍ ​ເຊິ່ງມີ​ຜູ້​ເສຍ​ຊີວິດ​ຫລາຍ​ທີ່​ສຸດ​ໃນ​ອາຊີ​ຕາ​ເວັນ​ອອກສຽງ​ໃຕ້, ​ແຕ່​ກໍລະນີ​ຕິດ​ເຊື້ອ​ໃນ​ບາ​ຫລີ​ໄດ້​ເພີ່ມ​ຂຶ້ນຢ່າງ​ວ່ອງ​ໄວ ຫລັງ​ຈາກ​ເປີດ​ເກາະ​ຮັບ​ນັກ​ທ່ອງ​ທ່ຽວ​ໃນ​ປະ​ເທດ​ເມື່ອ​ທ້າຍ​ເດືອນ​ກໍລະກົດ.

ນັກ​ລະບາດ​ວິທະຍາ ​ແລະ ຜູ້​ຊ່ຽວຊານ​ດ້ານ​ສາທາລະນະ​ສຸກ ກ່າວ​ວ່າ: ການ​ເດີນທາງ​ມາ​ຂອງ​ນັກ​ທ່ອງ​ທ່ຽວ​ໃນ​ບາ​ຫລີ​ບໍ່​ພຽງ​ແຕ່​ເຮັດ​ໃຫ້​ມີ​ໂອກາດ​ທີ່​ບາ​ຫລີ​ຈະ​ຕິດ​ເຊື້ອຈາກ​ສ່ວນ​ອື່ນໆ​ຂອງ​ອິນ​ໂດ​ເນ​ເຊຍ​ເພີ່ມ​ຂຶ້ນ​ເທົ່າ​ນັ້ນ, ​ແຕ່​ຍັງ​ເນັ້ນ​ເຖິງ​ຂໍ້​ບົກ​ຜ່ອງ​ຂອງ​ອິນ​ໂດ​ເນ​ເຊຍ​ໃນ​ການ​ຮັບ​ມື​ການລະບາດ​ຂອງ​ພະຍາດ ​ໂດຍ​ສະ​ເພາະ​ຂາດ​ການກວດ​ເຊື້ອ ​ແລະ ການ​ຕິດຕາມ​ການ​ສຳຜັດ​ກັບ​ຜູ້​ຕິດ​ເຊື້ອ.

ຜູ້​ຊ່ຽວຊານ​ດ້ານ​ສາທາລະນະ​ສຸກ​ຍັງ​ກ່າວ​ອີກ​ວ່າ: ປັດ​ໄຈ​ທີ່​ເປັນ​ໄປ​ໄດ້​ອີກ​ກໍລະນີ​ໜຶ່ງ​ທີ່​ເຮັດ​ໃຫ້​ບາ​ຫລີ​ລະບາດ​ໜັກ ຄື​ການ​ມາ​ເຖິງ​ຂອງ​ເຊື້ອກາຍພັນ​ຂອງ​ໄວຣັສທີ່​ເອີ້​ນວ່າ D614G.

ດັບຝັນອາຊຽນ ທ່ອງທ່ຽວຢຸດສະງັກເພາະໂຄວິດບຸກອີກ - Wave100S AD to Website 2020 0 - ດັບຝັນອາຊຽນ ທ່ອງທ່ຽວຢຸດສະງັກເພາະໂຄວິດບຸກອີກ

ບາ​ຫລີລາ​ຍງານ​ຜູ້​ຕິດ​ເຊື້ອ​ໂຄ​ໂຣນາ​ໄວຣັສ 196 ຄົນ​ໃນ​ວັນ​ທີ 4 ກັນຍາ​ຜ່ານ​ມາ ​ເຊິ່ງທຳລາຍ​ສະຖິຕິ​ສູງ​ສຸດ​ເປັນ​ມື້ທີ 5 ຕິດ​ຕໍ່​ກັນ ​ເພີ່ມ​ຂຶ້ນ​ເກືອບ​ສາມ​ເທົ່າທຽບ​ໃສ່​ໄລຍະ 6 ອາທິດ​ຜ່ານ​ມາ. ຂະນະ​ທີ່​ຈຳນວນ​ຜູ້​ເສຍ​ຊີວິດ​ເພີ່ມ​ຂຶ້ນສອງ​ເທົ່າ​ເປັນ 116 ຄົນ​ໃນ​ໄລຍະ​ເວລາ​ດັ່ງກ່າວ.

​ເສດຖະກິດ​ຂອງ​ອິນ​ໂດ​ເນ​ເຊຍ​ແຕ່ລະ​ໄຕ​ມາດ​ຫລຸດ​ລົງ​ເປັນຄັ້ງທຳ​ອິດ​ໃນ​ຮອບ​ກວ່າ​ສອງ​ທົດ​ສະ​ວັດ​ໃນ​​ໄຕ​ມາດ​ທີ​ 2 ​ໂດຍ​ເສດຖະກິດ​ຂອງ​ບາ​ຫລີ​ຫລຸດ​ລົງ​ຫລາຍ​ກວ່າ​ສ່ວນ​ອື່ນໆ​ຂອງ​ປະ​ເທ​ດ​ເກືອບ 11%.

​ໄທ ​ເຊິ່ງອາ​ໄສ​ການ​ໃຊ້​ຈ່າຍ​ຂອງ​ນັກ​ທ່ອງ​ທ່ຽວ​ຄົນ​ຕ່າງປະ​ເທດ​ຫລາຍ​ກວ່າ 11% ຂອງ GDP ​ໃນ​ປີຜ່ານມາ ຕອນ​ນີ້​ໄດ້​ຮັບ​ຜົນ​ກະທົບ​ໜັກ​ຍິ່ງ​ຂຶ້ນຈາກ​ການລົ້ມສະຫລາຍ​ຂອງ​ການທ່ອງທ່ຽວ ​ເຖິງ​ວ່າ​ຈະ​ຮັບ​ມື​ກັບ​ພະຍາດ​ລະບາດ​ໄດ້​ດີ​ຂຶ້ນກໍ​ຕາມ ​ແລະ ​ເສດຖະກິດ​ຍັງ​ຫລຸດ​ລົງ​ຫລາຍ​ທີ່​ສຸດ​ນັບ​ແຕ່​ເກີດ​ວິ​ກິດ​ການ​ເງິນ​ຢູ່​ອາຊີ​ໃນ​ໄຕ​ມາດ​ທີ 2.

​ໄທ​ໂຈະ​ແຜນ Travel bubble ກັບ​ບາງ​ປະ​ເທດ​ໃນ​ເດືອນ​ສິງຫາ ​ເນື່ອງ​ຈາກ​ຜູ້​ຕິດ​ເຊື້ອ​ໂຄ​ໂຣນາ​ແຕ່​ລະມື້​ເພີ່ມ​ຂຶ້ນ​ໃນ​ບາງ​ສ່ວນ​ຂອງ​ອາຊີ.

ການທ່ອງທ່ຽວ​ໃນ​ທ້ອງ​ຖິ່ນ​ຂອງ​ຫວຽດນາມ​ກັບ​ມາ​ເປີດ​ອີກ ຫລັງ​ຈາກ​ສາມາດ​ກຳຈັດ​ໄວຣັສ​ໄດ້​ແລ້ວ​ໃນ​ຕອນ​ທຳ​ອິດ​ກໍ​ເກີດ​ຄວາມ​ສັ່ນ​ຄອນ​ເມື່ອ​ມີ​ການຄົ້ນພົບ​ການລະບາດ​ໃໝ່​ຢູ່​ເມືອງ​ດາ​ນັງ ​ໃນ​ເດືອນ​ກໍລະກົດ ​ເຮັດ​ໃຫ້​ທາງ​ການ​ຕ້ອງ​ລັອກດາວ​ຢ່າງ​ເຂັ້ມງວດ.

ດັບຝັນອາຊຽນ ທ່ອງທ່ຽວຢຸດສະງັກເພາະໂຄວິດບຸກອີກ - WhatsApp Image 2020 05 27 at 5 - ດັບຝັນອາຊຽນ ທ່ອງທ່ຽວຢຸດສະງັກເພາະໂຄວິດບຸກອີກ
ດັບຝັນອາຊຽນ ທ່ອງທ່ຽວຢຸດສະງັກເພາະໂຄວິດບຸກອີກ - WhatsApp Image 2020 05 27 at 5 - ດັບຝັນອາຊຽນ ທ່ອງທ່ຽວຢຸດສະງັກເພາະໂຄວິດບຸກອີກ
error: Alert: ເນື້ອຫາຂ່າວມີລິຂະສິດ !!