ຄວາມຄືບໜ້າຕື່ມ ກໍລະນີວັດໜອງພະຍາ

ຄວາມຄືບໜ້າຕື່ມ ກໍລະນີວັດໜອງພະຍາ - 555 33 - ຄວາມຄືບໜ້າຕື່ມ ກໍລະນີວັດໜອງພະຍາ
ຄວາມຄືບໜ້າຕື່ມ ກໍລະນີວັດໜອງພະຍາ - Untitled design - ຄວາມຄືບໜ້າຕື່ມ ກໍລະນີວັດໜອງພະຍາ

ກໍລະນີວັດໜອງພະຍາ ເມືອງໄຊທານີ ວັນທີ 2 ກັນຍາ ກາຍເປັນກະແສໂດ່ງດັງ ແລະ ສັງຄົມໃຫ້ຄວາມສົນໃຈຫລາຍທີ່ສຸດ ຕ່າງກໍພາກັນຕັ້ງຄຳຖາມຕ່າງໆນານາວ່າ ເປັນຫຍັງຈຶ່ງກີດມີກໍລະນີນີ້ຂຶ້ນ ເຊິ່ງຜ່ານມາຝ່າຍນາຍບ້ານບ້ານໜອງພະຍາ ແລະຮອງເຈົ້າເມືອງໄຊທານີກໍເຄີຍໃຫ້ສຳພາດແກ່ວິທະຍຸແຫ່ງຊາດ ໃນວັນດຽວກັນໂດຍມີເນື້ອໃນວ່າ ທັງໝົດນັ້ນແມ່ນປະຕິບັດຂໍ້ຕົກລົງ ເລກທີ 028/ອພສ.ນວ ຂອງ ອພສ ນະຄອນຫລວງວຽງຈັນ ວັນທີ 24 ສິງຫາ ຍ້ອນເຫັນພຶດຕິກຳຂອງເຈົ້າອາວາດບໍ່ເໝາະສົມ ຈຶ່ງໃຫ້ເຈົ້າອາວາດຍ້າຍອອກບໍ່ກາຍວັນທີ 30 ສິງຫາ ແຕ່ຜູ້ກ່ຽວບໍ່ປະຕິບັດ ເພື່ອປ້ອງກັນຄວາມປອດໄພແກ່ພຸດທະສາສະນິກະຊົນ ຈຶ່ງໃຊ້ວິທີປິດປະຕູວັດ.

ວັນທີ 4 ກັນຍາ ໄດ້ມີເອກະສານອອກມາໜັງສືຊີ້ແຈງ ເລື່ອງຂໍຖອນຄຳຮ້ອງຟ້ອງຕໍ່ເຈົ້າອະທິການວັດໜອງພະຍາ ວ່າເປັນເລື່ອງເຂົ້າໃຈຜິດກັນ ຈາກກຸ່ມຄົນບໍ່ຫວັງດີ.

ຫລ້າສຸດ ວັນທີ 8 ກັນຍານີ້ ພະອາຈານສົມປອງ ທອງພຽນ ເຈົ້າອະທິການວັດວັດໜອງພະຍາ ໄດ້ໃຫ້ສຳພາດແກ່ໂທລະພາບລາວສະຕາວ່າ: ບັນຫາດັ່ງກ່າວນີ້ ເກີດຂຶ້ນເປັນຊຳເຮື້ອມາຍາວນານ ກ່ອນທີ່ຕົນເອງຈະເຂົ້າມາເປັນເຈົ້າອະທິການວັດດ້ວຍຊໍ້າ ຄືເລື່ອງມັນແມ່ນການຕັດແບ່ງທໍລະນີສົງ ເພື່ອເອົາໄປນຳໃຊ້ເປັຮປະໂຫຍດດ້ານອື່ນໆທັງສ່ວນລວມ ແລະສ່ວນຕົວ, ເມື່ອຝ່າຍພະສົງເຫັນວ່າການກະທຳດັ່ງກ່າວນັ້ນ ເປັນການກະທຳທີ່ບໍ່ສົມຄວນ ພ້ອມເຫັນຄວາມສຳຄັນຂອງທໍລະນີສົງ, ວັດວາສາສະໜາ ຈຶ່ງໄດ້ ມີການພັດທະນາ ແລະເຫດການດັ່ງກ່າວນີ້ໄດ້ສົ່ງຜົນໃຫ້ຜູ້ເສຍປະໂຫຍດມີການຮ້ອງຟ້ອງ ແລະຮ້ອງຮຽນຂຶ້ນໄປເມືອງ ພ້ອມນັ້ນຍັງໄດ້ມີພຶດຕິກຳການກ່າວຫາສຽດສີ ເພື່ອຂັບໄລ່ໃຫ້ຕົນອອກຈາກວັດ ດ້ວຍກຳລັງແຮງຝ່າຍອຳນາດການປົກຄອງບ້ານ ເມືອງ ຫລາຍຄັ້ງຕໍ່ເນື່ອງກັນ ເຊັ່ນ: ເຂົ້າມາໄລ່ດ້ວຍປາກເປົ່າ, ຂຽນໜັງສືຂຶ້ນຫາເມືອງ, ລົງມະຕິສຽງສ່ວນຫລາຍ ແລະ ອື່ນໆ.

ຝ່າຍນາຍບ້ານໜອງພະຍາກໍໄດ້ມີຄຳເຫັນວ່າ: ອຳນາດການປົກຄອງບ້ານບໍ່ມີສິດໄປສັ່ງພະອອກຈາກວັດ, ນາຍບ້ານໜອງພະຍາບໍ່ໄດ້ເປັນຝ່າຍຮ້ອງຟ້ອງ ເຊິ່ງທາງບ້ານບໍ່ກ່ຽວກັບນາຍບ້ານໜອງພະຍາ ທັງໝົດນັ້ນແມ່ນອີງຕາມຂໍຕົກລົງຂອງ ອພສ ຕ້ອງໃຫ້ຝ່າຍອພສ ແລະແນວລາວສ້າງຊາດເປັນຝ່າຍຊີ້ແຈງວ່າພະອາຈານຜິດເລື່ອງຫຍັງ, ກອງປະຊຸມໄດ້ຕົກລົງກັນຫຍັງແດ່ ແລະເປັນຫຍັງຈຶ່ງຕົກລົງອອກມາແນວນັ້ນ.

ຄວາມຄືບໜ້າຕື່ມ ກໍລະນີວັດໜອງພະຍາ - Wave100S AD to Website 2020 0 - ຄວາມຄືບໜ້າຕື່ມ ກໍລະນີວັດໜອງພະຍາ

ໜັງສືພິມລາວພັດທະນາໄດ້ຕິດຕໍ່ໄປຫາຄະນະ ອພສ ສູນກາງ ວັນທີ 8 ກັນຍາ ໄດ້ຮັບຄຳຕອບວ່າ: ປັດຈຸບັນທາງຄະນະ ອພສ ນະຄອນຫລວງ ບໍ່ໄດ້ນິ້ງນອນໃຈຕໍ່ບັນຫາດັ່ງກ່າວ ເຊິ່ງທຸກຢ່າງລ້ວນແຕ່ມີທີ່ໄປທີ່ມາ ພວກເຮົາຈະບໍ່ຕັດສິນພຽງລຳພັງໃຈ ເພາະຜ່ານມາກໍໄດ້ມີການຄົ້ນຄວ້າ ເຊິ່ງໃນຂໍຕົກລົງດັ່ງກ່າວນັ້ນກໍໄດ້ບອກລະອຽດເຖິງກອງປະຊຸມຄັກແນ່ກ່ອນຈະມີການລົງລາຍເຊັນ, ຝ່າຍ ອພສ ນະຄອນຫລວງກໍໄດ້ປຶກສາຫາລື ເພື່ອຫາທິດທາງແກ້ໄຂໃຫ້ສອງຝ່າຍໄດ້ຮັບຄວາມຍຸຕິທຳສູງສຸດ ສ່ວນໜັງສືຊີ້ແຈງ ເລື່ອງການຖອນຟ້ອງເຈົ້າອະທິການວັດນັ້ນແມ່ນຝ່າຍ ອພສ ໄດ້ຮັບຊາາບແລ້ວ ມັນມີເງື່ອນງຳ ແລະຍັງບໍ່ທັນຊັດເຈນ ເຊິ່ງພວມຄົ້ນຄວ້າພິຈາລະນາຫລາຍພາກສ່ວນ. ດັ່ງນັ້ນ, ຂໍໃຫ້ສັງຄົມຈົ່ງເຂົ້າໃຈ ຢ່າຟ້າວຕັດສິນ ແລະ ຄາດເດົາໄປໂດຍຂາດການພິຈາລະນາຕາມຫລັກເຫດຜົນ.

ຄວາມຄືບໜ້າຕື່ມ ກໍລະນີວັດໜອງພະຍາ - WhatsApp Image 2020 05 27 at 5 - ຄວາມຄືບໜ້າຕື່ມ ກໍລະນີວັດໜອງພະຍາ
ຄວາມຄືບໜ້າຕື່ມ ກໍລະນີວັດໜອງພະຍາ - WhatsApp Image 2020 05 27 at 5 - ຄວາມຄືບໜ້າຕື່ມ ກໍລະນີວັດໜອງພະຍາ
error: Alert: ເນື້ອຫາຂ່າວມີລິຂະສິດ !!