ຍີ່ປຸ່ນຈະເປັນຄູ່ຮ່ວມມືການຄ້າ, ການລົງທຶນ ແລະ ທ່ອງທ່ຽວ ອັນດັບໜຶ່ງຂອງຫວຽດນາມ

ແຫຼ່ງຂ່າວຈາກ thoidai, ວັນທີ 8 ກັນຍານີ້ ໃຫ້ຮູ້ວ່າ: ຕອນບ່າຍວັນທີ 7 ກັນຍາ, ຢູ່ທີ່ຮ່າໂນ້ຍ ນາຍົກລັດຖະມົນຕີ ຫງວຽນຊວັນຟຸກ ຂອງຫວຽດນາມ ໄດ້ມີການພົບປະກັບບັນດາລັດວິສາຫະກິດ ແລະ ອົງການເສດຖະກິດຂອງຍີ່ປຸ່ນທີ່ດຳເນີນທຸລະກິດຢູ່ຫວຽດນາມ.

ທ່ານນາຍົກລັດຖະມົນຕີ ຫງວຽນຊວນຟຸກ ຊີ້ແຈ້ງວ່າ: ຫວຽດນາມໃຫ້ຄຳໝັ້ນສັນຍາວ່າ ຈະຮ່ວມມືກັບຝ່າຍຍີ່ປຸ່ນໃນການບຳລຸງສ້າງແຫຼ່ງຊັບພະຍາກອນມະນຸດ ຕາມຄຳຮຽກຮ້ອງຂອງ ຍີ່ປຸ່ນ; ຈະສືບຕໍ່ພັດທະນາພື້ນຖານໂຄງລ່າງອຸດສາຫະກຳລົດຍົນ. ທ່ານນາຍົກລັດຖະມົນຕີ ຫງວຽນຊວນຟຸກ ຕັ້ງຄວາມຫວັງໄວ້ວ່າ:  ຍີ່ປຸ່ນຈະກາຍເປັນຄູ່ຮ່ວມມືດ້ານການຄ້າ, ການລົງທຶນ ແລະ ການທ່ອງທ່ຽວ ອັນດັບໜຶ່ງຂອງຫວຽດນາມ.

ທ່ານນາຍົກລັດຖະມົນຕີ ໃຫ້ຮູ້ຕື່ນອີກວ່າ: ຫວຽດນາມ ພວມກະກຽມຈະເປີດສາຍການບິນສາກົນໃນມໍ່ໆນີ້, ໃນນັ້ນມີບຸລິມະສິດໃຫ້​ແກ່​ບັນ​ດາ​ເປົ້າ​ໝາຍ​ເຊັ່ນ: ຜູ້ຊ່ຽວຊານ, ຜູ້ຈັດການ, ກຳມະກອນທີ່ມີສີມື, ນັກລົງທຶນ… ຫວຽດນາມຈະສືບຕໍ່ຊຸກຍູ້ ແລະ ສ້າງທຸກເງື່ອນໄຂເພື່ອໃຫ້ການປະຕິບັດສັນຍາການຄ້າເສລີ ໃຫ້ດີທີ່ສຸດ.

ສ່ວນຜູ້ຕາງໜ້າລັດວິສາຫະກິດຍີ່ປຸ່ນສະເໜີໃຫ້ລັດຖະບາຂະຫຍາຍ

ບຸ​ລິ​ມະ​ສິດໃຫ້ແກ່ເຕັກໂນໂລຢີທີ່ກ້າວໜ້າ, ການລົງທຶນຂະໜາດໃຫຍ່, ແລະ ບຸ​ລິ​ມະ​ສິດ​ໃຫ້​ແກ່​ລະ​ບົບການຜະລິດ; ບຸ​ລິ​ມະ​ສິດ​ໃຫ້​ແກ່​ບັນ​ດາ​ໂຄງ​ການ​ພະ​ລັງ​ງານ​ຕາມ​ຮູບ​ແບບ​ຮ່ວມ​ມື​ພາກ​ລັດ-ເອ​ກະ​ຊົນຕື່ມອີກ.

ຂ່າວ: ລູກເມືອງພວນ.