AstraZeneca-Oxford ໂຈະການທົດລອງວັກຊີນຕ້ານໂຄວິດ-19 ໄລຍະ 3 ຊົ່ວຄາວ ຫລັງອາສາສະໝັກບໍ່ສະບາຍຜິດປົກກະຕິ

astrazeneca-oxford ໂຈະການທົດລອງວັກຊີນຕ້ານໂຄວິດ-19 ໄລຍະ 3 ຊົ່ວຄາວ ຫລັງອາສາສະໝັກບໍ່ສະບາຍຜິດປົກກະຕິ - AstraZeneca Oxford                                                                    - AstraZeneca-Oxford ໂຈະການທົດລອງວັກຊີນຕ້ານໂຄວິດ-19 ໄລຍະ 3 ຊົ່ວຄາວ ຫລັງອາສາສະໝັກບໍ່ສະບາຍຜິດປົກກະຕິ
astrazeneca-oxford ໂຈະການທົດລອງວັກຊີນຕ້ານໂຄວິດ-19 ໄລຍະ 3 ຊົ່ວຄາວ ຫລັງອາສາສະໝັກບໍ່ສະບາຍຜິດປົກກະຕິ - Untitled design - AstraZeneca-Oxford ໂຈະການທົດລອງວັກຊີນຕ້ານໂຄວິດ-19 ໄລຍະ 3 ຊົ່ວຄາວ ຫລັງອາສາສະໝັກບໍ່ສະບາຍຜິດປົກກະຕິ

ວັນ​ທີ 9 ກັນຍາ, ຜູ້​ພັດທະນາ ​ແລະ ທົດ​ສອບ​ວັກ​ຊີ​ນຕ້ານ​ໂຄ​ວິດ-19 ລາຍ​ໃຫຍ່​ຂອງ​ໂລກ AstraZeneca ທີ່​ຈັບ​ມື​ກັບ​ມະຫາວິທະຍາ​ໄລ Oxford ​ໂຈະ​ການ​ທົດ​ສອບ​ວັກ​ຊີ​ນຕ້ານ​ໂຄ​ວິດ-19 ​ໄລຍະ 3 ຊົ່ວຄາວ ຫລັງ​ພົບ​ອາສາ​ສະໝັກ​ຄົນ​ໜຶ່ງ​ຢູ່​ສະຫະຣາຊະ​ອານາຈັກ​ມີ​ອາການ​ບໍ່​ສະບາຍ​ຜິດ​ປົກກະຕິ ​ເບື້ອງຕົ້ນກຳລັງ​ກວດ​ສອບ ​ແລະ ສຶກສາ​ອາການ​ຜິດ​ປົກກະຕິ​ທີ່​ເກີດ​ຂຶ້ນ.

ວັກ​ຊີ​ນຕ້ານ​ໂຄ​ວິດ-19 ຂອງ AstraZeneca-Oxford ​ເປັນ​ໜຶ່ງ​ໃນ​ວັກ​ຊີ​ນທີ່​ເປັນຄວາມ​ຫວັງ​ຂອງ​ມະນຸດ​ໃນ​ການ​ຕໍ່ສູ້​ກັບ​ພະຍາດ​ລະບາດໂຄ​ວິດ-19 ​ເລີ່​ມທົດ​ສອບ​ໃນ​ມະນຸດ​ໄລຍະ​ທີ 3 ​ເມື່ອ​ບໍ່​ເທົ່າ​ໃດ​ອາທິດ​ຜ່ານ​ມາ ​ໂດຍ​ທົດ​ສອບ​ໃນ​ກຸ່ມ​ຕົວຢ່າງ​ປະມານ 30.000 ຄົນ​ໃນ​ຫລາຍ​ປະ​ເທດ ບໍ່​ວ່າ​ຈະ​ເປັນ​ອາ​ເມ​ລິ​ກາ, ສະຫະຣາຊະ​ອານາຈັກ, ​ເບຣຊິນ ຫລື ອາ​ຟຣິກາ​ໃຕ້.

ທາງ​ດ້ານ​ຜູ້​ພັດທະນາ​ຊີ້​ວ່າ: ການ​ໂຈະ​ການ​ທົດ​ສອບ​ດັ່ງກ່າວ​ເປັນ​ແນວທາງ​ການ​ປະຕິບັດ​ທີ່​ສາມາດ​ເກີດ​ຂຶ້ນ​ໄດ້ ຖ້າ​ພົບ​ຄວາມ​ຜິດ​ປົກກະຕິ​ຂຶ້ນລະຫວ່າງ​ການ​ທົດ​ສອບ. ອາສາ​ສະໝັກ ຫລື ກຸ່ມ​ຕົວຢ່າງ​ເຂົ້າປິ່ນປົວ​ຢູ່​ໂຮງໝໍ​ດ້ວຍ​ອາການ​ຜິດ​ປົກກະຕິ​ທີ່​ອາດ​ບໍ່​ໄດ້​ເດັ່ນ ​ຫລື ສາມາດ​ບົ່ງມະຕິ​ໄດ້​ໃນທັນທີ, ຫລາຍ​ຝ່າຍ​ຄາດ​ຄະ​ເນ​ການ​ທົດ​ສອບ​ຈະ​ກັບ​ມາ​ດຳ​ເນີນ​ຕໍ່​ໄປ​ໃນ​ມໍ່ໆ​ນີ້.

​ໂດຍ AstraZeneca-Oxford ຖື​ເປັນ 1 ​ໃນ 9 ຜູ້​ຄິດ​ຄົ້ນ ​ແລະ ພັດທະນາ​ວັກ​ຊີ​ນຕ້ານ​ໂຄ​ວິດ-19 ທີ່​ຮ່ວມ​ລົງ​ນາມ​ໃນ Historic Pledge ຮ່ວມ​ກັບ Johnson & Johnson, BioNTech, GlaxoSmithkline, Pfizer, Merk, Moderna, Sanofi ​ແລະ Novavax ​ເພື່ອ​ສະ​ແດງ​ເຈດ​ຈຳນົງ​ວ່າ: ການ​ພັດທະນາ ​ແລະ ທົດ​ສອບ​ວັກ​ຊີ​ນນີ້​ຈະ​ເປັນ​ໄປ​ໂດຍ​ໃຫ້​ຄວາມ​ສຳຄັນ​ຕໍ່​ປະສິດທິພາບ ​ແລະ ຄວາມ​ປອດ​ໄພ​ຂອງ​ຊີວິດ​ຄົນ​ເປັນ​ສຳຄັນ.

astrazeneca-oxford ໂຈະການທົດລອງວັກຊີນຕ້ານໂຄວິດ-19 ໄລຍະ 3 ຊົ່ວຄາວ ຫລັງອາສາສະໝັກບໍ່ສະບາຍຜິດປົກກະຕິ - Wave100S AD to Website 2020 0 - AstraZeneca-Oxford ໂຈະການທົດລອງວັກຊີນຕ້ານໂຄວິດ-19 ໄລຍະ 3 ຊົ່ວຄາວ ຫລັງອາສາສະໝັກບໍ່ສະບາຍຜິດປົກກະຕິ

ອົງການ​ອະນາ​ໄມ​ໂລກ (WHO) ລະບຸ ​ເບື້ອງຕົ້ນມີ​ວັກ​ຊີ​ນຕ້ານ​ໂຄ​ວິດ-19 ທີ່​ກຳລັງ​ຢູ່​ໃນ​ຂັ້ນຕອນ​ການ​ທົດ​ສອບ​ເກືອບ 180 ຊະນິດ​ທົ່ວ​ໂລກ, ​ແຕ່​ຍັງ​ບໍ່​ມີ​ວັກ​ຊີ​ນຊະນິດ​ໃດ​ທີ່​ຜ່ານ​ການ​ທົດ​ສອບ​ໃນ​ໄລຍະ 3 ​ແລະ ​ໄດ້​ຮັບ​ການ​ອະນຸມັດ​ໃຫ້​ນຳ​ໃຊ້​ເປັນ​ວົງ​ກວ້າງ​​ໃນ​ຕອນ​ນີ້. ​ເຖິງ​ວ່າ​ທາງ​ການຣັດ​ເຊຍ ​ແລະ ຈີນ​ຈະ​ເຄີຍ​ອະນຸມັດ​ການ​ໃຊ້​ວັກ​ຊີ​ນຕ້ານ​ໂຄ​ວິດ-19 ມາ​ແລ້ວ​ກ່ອນ​ໜ້າ​ນີ້ ​ແຕ່​ເປັນ​ພຽງ​ການ​ອະນຸມັດ​ນຳ​ໃຊ້​ລ່ວງ​ໜ້າ ​ແລະ ຍັງ​ຢູ່​ໃນ​ວົງ​ຈຳກັດ.

astrazeneca-oxford ໂຈະການທົດລອງວັກຊີນຕ້ານໂຄວິດ-19 ໄລຍະ 3 ຊົ່ວຄາວ ຫລັງອາສາສະໝັກບໍ່ສະບາຍຜິດປົກກະຕິ - WhatsApp Image 2020 05 27 at 5 - AstraZeneca-Oxford ໂຈະການທົດລອງວັກຊີນຕ້ານໂຄວິດ-19 ໄລຍະ 3 ຊົ່ວຄາວ ຫລັງອາສາສະໝັກບໍ່ສະບາຍຜິດປົກກະຕິ
astrazeneca-oxford ໂຈະການທົດລອງວັກຊີນຕ້ານໂຄວິດ-19 ໄລຍະ 3 ຊົ່ວຄາວ ຫລັງອາສາສະໝັກບໍ່ສະບາຍຜິດປົກກະຕິ - WhatsApp Image 2020 05 27 at 5 - AstraZeneca-Oxford ໂຈະການທົດລອງວັກຊີນຕ້ານໂຄວິດ-19 ໄລຍະ 3 ຊົ່ວຄາວ ຫລັງອາສາສະໝັກບໍ່ສະບາຍຜິດປົກກະຕິ
error: Alert: ເນື້ອຫາຂ່າວມີລິຂະສິດ !!