ທຣຳ ໂຕ້ນາໂຕ (NATO)ວ່າ: ພັນທະມິດສວຍໃຊ້ສະຫະລັດ

ທຣຳ ໂຕ້ນາໂຕ (nato)ວ່າ: ພັນທະມິດສວຍໃຊ້ສະຫະລັດ - 555 37 - ທຣຳ ໂຕ້ນາໂຕ (NATO)ວ່າ: ພັນທະມິດສວຍໃຊ້ສະຫະລັດ
ທຣຳ ໂຕ້ນາໂຕ (nato)ວ່າ: ພັນທະມິດສວຍໃຊ້ສະຫະລັດ - Untitled design - ທຣຳ ໂຕ້ນາໂຕ (NATO)ວ່າ: ພັນທະມິດສວຍໃຊ້ສະຫະລັດ

ແຫຼ່ງຂ່າວຈາກ vnnet, ວັນທີ 8 ກັນຍານີ້ໃຫ້ຮູ້ວ່າ: ປະທານາທິບໍດີ ໂດນັລທຣຳ ປະກາດວ່າ: ບໍ່ສະເພາະແຕ່ແມ່ນສັດຕູ ແມ່ນແຕ່ເພື່ອນກັນ ແລະ ພັນທະມິດກັນແທ້ໆ ກໍຍັງສວຍໃຊ້ສະຫະລັດໃນລະດັບທີ່ແຕກຕ່າງກັນ “ບໍ່ເປັນໜ້າເຊື່ອ”.

ສຳນັກຂ່າວ Yonhap ລາຍງານວ່າ: ປະທານາທິບໍດີ ທຣຳ ກ່າວບັນຫາດັ່ງກ່າວເນື່ອງໃນໂອກາດກອງປະຊຸມຖະແຫຼງຂ່າວຢູ່ໃນທຳນຽບຂາວເມື່ອວັນທີ 7 ກັນຍາທີ່ຜ່ານມາ. ທ່ານ ທຣຳ ໄດ້ຕຳນິວິຈານພັນທະມິດຂອງ ອົງການຈັດຕັ້ງສົນທິສັນຍາ ອັດລັງຕິກເໜືອ ຫຼື ນາໂຕວ່າ: “ພວກເຮົາ(ໝາຍເຖິງສະຫະລັດ) ເຮັດພັນທະໃຫ້ແກ່ການຈັດຕັ້ງນີ້ເກືອບວ່າທັງໝົດ. ແຕ່ພວກເຂົາຊໍ້າພັດກັບສວຍໃຊ້ພວກເຮົາທາງດ້ານການທະຫານ ພ້ອມກັບ ສະຫະພາບເອີຣົບ ສວຍໃຊ້ພວກເຮົາທາງດ້ານການຄ້າ”.

ທ່ານ ທຣຳ ໃຫ້ຄຳໝັ້ນສັນຍາວ່າ: ຈະສ້າງຂໍ້ຕົກລົງທາງດ້ານການຄ້າທີ່ສະເໝີພາບໃຫ້ກັບສະຫະລັດອາເມລິກາ. ພ້ອມດຽວກັນນີ້ ທ່ານຍັງໃຫ້ຮູ້ຕື່ມອີກວ່າ: ວໍຊິງຕັນກຳລັງຢູ່ໃນໄລຍະຈັດຕັ້ງປະຕິບັດ 7 ຂໍ້ຕົກລົງທາງດ້ານການຄ້າໃນປັດຈຸບັນ.

ເຖິງແມ່ນຫົວໜ້າທຳນຽບຂາວຈະບໍ່ໃຫ້ຂໍ້ມູນທີ່ລະອຽດຈະແຈ້ງກໍຕາມ, ແຕ່ຄຳຖະແຫຼງຂອງເຂົາມີຂຶ້ນໃນຂະນະທີ່ມີການເຈລະຈາກັບ ກຸງໂຊລ ກ່ຽວກັບການປະກອບສ່ວນພັນທະໃຫ້ແກ່ທະຫານອາເມລິກາຢູ່ໃນເກົາຫຼີໃຕ້ປະມານ 28.500 ນາຍ.

ເກົາຫຼີໃຕ້ຕ້ອງໄດ້ປະກອບສ່ວນ 870 ລ້ານໂດລາໃຫ້ທະຫານອາເມລິກາທີ່ປະຈຳການຢູ່ໃນເກົາຫຼີໃຕ້ ຕາມຂໍ້ຕົກລົງກັນກັບສະຫະລັດໃນປີກາຍຜ່ານມາ ແລະ ຖືກສະເໜີໃຫ້ເພີ່ມຂຶ້ນເຖິງ 13% ຂອງຈຳນວນເງິນດັ່ງກ່າວໃນປີນີ້. ລັດຖະບານ ທຣຳ ຮຽກຮ້ອງໃຫ້ ກຸງໂຊລ ຕ້ອງປະກອບສ່ວນເພີ່ມຂຶ້ນໃຫ້ເຖິງ 1,3 ຕື້ໂດລາ/ປີ, ທຽບເທົ່າກັບ 50% ທຽບໃສ່ປີ 2019 ແຕ່ກໍຫຼຸດລົງເມື່ອທຽບໃສ່ການສະເໜີຄື 5 ຕື້ໂດລາ/ປີໃນເບື້ອງຕົ້ນ.

ທຣຳ ໂຕ້ນາໂຕ (nato)ວ່າ: ພັນທະມິດສວຍໃຊ້ສະຫະລັດ - Wave100S AD to Website 2020 0 - ທຣຳ ໂຕ້ນາໂຕ (NATO)ວ່າ: ພັນທະມິດສວຍໃຊ້ສະຫະລັດ

ເກົາຫຼີໃຕ້ໄດ້ມີການເຈລະຈາຄືນ ເພື່ອປັບປຸງຂໍ້ຕົກລົງທາງດ້ານການຄ້າເສລີກັບສະຫະລັດ ຕາມການສະເໜີຂອງວໍຊິງຕັນ.

ຂ່າວ: ລູກເມືອງພວນ.

ທຣຳ ໂຕ້ນາໂຕ (nato)ວ່າ: ພັນທະມິດສວຍໃຊ້ສະຫະລັດ - WhatsApp Image 2020 05 27 at 5 - ທຣຳ ໂຕ້ນາໂຕ (NATO)ວ່າ: ພັນທະມິດສວຍໃຊ້ສະຫະລັດ
ທຣຳ ໂຕ້ນາໂຕ (nato)ວ່າ: ພັນທະມິດສວຍໃຊ້ສະຫະລັດ - WhatsApp Image 2020 05 27 at 5 - ທຣຳ ໂຕ້ນາໂຕ (NATO)ວ່າ: ພັນທະມິດສວຍໃຊ້ສະຫະລັດ
error: Alert: ເນື້ອຫາຂ່າວມີລິຂະສິດ !!