ເປັນຫຍັງ ການພະນັນທີ່ມີເຈົ້າມື ຫລິ້ນມີແຕ່ເຈັ້ງກັບເຈັ້ງ ?

ເປັນຫຍັງ ການພະນັນທີ່ມີເຈົ້າມື ຫລິ້ນມີແຕ່ເຈັ້ງກັບເຈັ້ງ ? - Time fo an Adventure 2020 09 14T122800 - ເປັນຫຍັງ ການພະນັນທີ່ມີເຈົ້າມື ຫລິ້ນມີແຕ່ເຈັ້ງກັບເຈັ້ງ ?
ເປັນຫຍັງ ການພະນັນທີ່ມີເຈົ້າມື ຫລິ້ນມີແຕ່ເຈັ້ງກັບເຈັ້ງ ? - Untitled design - ເປັນຫຍັງ ການພະນັນທີ່ມີເຈົ້າມື ຫລິ້ນມີແຕ່ເຈັ້ງກັບເຈັ້ງ ?
  1. ການ​ພະນັນ​ມີ​ສອງ​ແບບ​ຄື: ​ແບບ​ຫລິ້ນກັນ​ເອງ ​ແລະ ​ແບບ​ທີ່​ມີ​ເຈົ້າມື.
  2. ​ແບບ​ຫລິ້ນກັນ​ເອງ ​​ແມ່ນແລ້ວ​ແຕ່​ດວງ ​ແລະ ຄວາມ​ເກັ່ງ​ຂອງ​ຜູ້​ຫລິ້ນ, ​ແບບ​ນີ້​ເງິນ​ຈະ​ບໍ່ຫລຸດ​ໄປ​ໃສ ​ເປັນ zero sum game ຄົນ​ຊະນະ​ຈະ​ໄດ້​ເງິນ​ຂອງ​ຜູ້​ເສຍ​ໄປ.
  3. ​ແຕ່​ສຳລັບ​ແບບ​ທີ່​ມີ​ເຈົ້າມື ​ເຮົາ​ຈະ​ຢູ່​ໃນ​ສະພາບ​ເສຍປຽບ​ສະ​ເໝີ ​ເພາະ​ທຸກ​ເກ​ມ ບໍ່​ວ່າ​ຈະ​ເປັນ​ແບບ​ໃດ ທັງ​ໄພ້, ບານ ຫລື ອື່ນໆ ລະບົບ​ຈະ​ຖືກ​ອອກ​ແບບ​ມາ​ໃຫ້ ​ເວລາ​ເຮົາ​ໄດ້​ເຮົາ​ຈະ​ໄດ້​ບໍ່​ເຕັມ ​ແຕ່​ເວລາ​ເສຍ​ຈະ​ເສຍ​ເຕັມ​ຮ້ອຍ.
  4. ​ໃນ​ບາງ​ເກ​ມ ​ເຖິງ​ຈະ​ໂຄສະນາ​ວ່າ​ໄດ້​ເຕັມ​ຮ້ອຍ ​ແຕ່​ໂອກາດ​ຊະນະ​ຈະ “ໜ້ອຍ​ກວ່າ” ​ໂອກາດ​ເສຍສະ​ເໝີ.
  5. ​ໃນ​ໄລຍະ​ສັ້ນມັນ​ບໍ່​ເຫັນ​ຜົນ ​ແຕ່​ໂລກ​ນີ້ມັນ​ມີ​ກົດ​ທີ່​ເອີ້ນ​ວ່າ law of large number ​ແປ​ງ່າຍໆ​ຄື ຖ້າ​ຫລິ້ນ​ໄປ​​ເລື້ອຍໆ ສຸດ​ທ້າຍ​ໃນ​ໄລຍະ​ຍາວ​ມັນ​ຈະ converge ຫລື ​ໄລຍະ​ເຂົ້າສູ່ ຄວາມ​ເສຍປຽບ​ຂອງ​ເຮົາ. ນັ້ນໝາຍ​ເຖິງ​ເຮົາ​ຈະ​ເສຍ​ໃນ​ທີ່​ສຸດ.
  6. ຫລັກການ​ງ່າຍໆ​ຂອງ​ເລື່ອງ​ນີ້​ຄື ​ໃຊ້​ທິດ​ສະ​ດີ​ຄວາມ​ອາດ​ຈະ​ເປັນ (probability) ​ໃນ​ວິຊາ​ຄະນິດສາດ​ທີ່​ເຮົາ​ເຄີຍ​ໄດ້​ຮຽນ​ມາ​ຕອນ​ຢູ່​ມັດທະຍົມ.
  7. ຖ້າ​ເຮົາ​ໂຍນ​ຫົວ​ກ້ອຍ 5 ​ເທື່ອ ​ແລ້ວ​ຂຽນ​ສະຖິຕິ ມັນ​ອາດ​ໄດ້​ຫົວຫລາຍ​ກວ່າ​ກ້ອຍ ຫລື ກ້ອຍ​ຫລາຍ​ກວ່າ​ຫົວ ​ແບບ 5 ​ເທື່ອ​ຕໍ່ 0 ​ເທື່ອ ອາດ​ເປັນ​ໄປ​ໄດ້​ໃນ​ບາງ​ເທື່ອ.
  8. ​ແຕ່​ຖ້າ​ໃຫ້​ເຮົາ​ໂຍນ 50.000 ​ເທື່ອ ອັດຕາ​ໄດ້​ຫົວ​ຕໍ່​ກ້ອຍຈະ​ໃກ້​ຄຽງ​ກັນ​ຫລາຍ. ນີ້​ລະ​ເອີ້ນ​ວ່າ law of large number.
  9. ​ແຕ່​ເທື່ອ​ນີ້ ຄວາມ​ໄດ້​ປຽບ​ຂອງ​ເຈົ້າມື​ໃນ​ວົງ​ພະນັນ​ມັນ​ຖືກ​ອອກ​ແບບ​ມາ​ໃຫ້​ໄດ້​ປຽບ​ເຮົາ​ແບບ​ອ່ອນໆ​ເຊັ່ນ: 55:45 (ຖ້າ​ໄດ້​ປຽບ​ຫລາຍ ມັນ​ຈະ​ລໍ້​ໃຫ້​ເຮົາ​ຕິດ​ກັບ​ດັກ​ບໍ່​ໄດ້ ດຽວ​ໄກ່​ສິຕື່ນ).
  10. ບາດ​ນີ້​​ເມື່ອ​ເຮົາ​ຫລິ້ນພະນັນ​ໄປ​ເລື້ອຍໆ ​ເຮົາ​ຈະ​ເປັນ​ຄົນ​ທີ່​ເສຍປຽບ ປຽບ​ເໝືອນ​ປາ​ລອຍ​ທວນ​ນ້ຳ ຈັງ​​ໃດ​ກໍ​ຝືນ​ບໍ່​ໄດ້.
  11. ອ່ານ​ຮອດ​ຕອນ​ນີ້ ອາດ​ຈະ​ເຂົ້າ​ໃຈ​ຫລັກການ​ງ່າຍໆ​ຂອງ​ການ​ພະນັນ​ແລ້ວ ​ແຕ່​ຖ້າ​ເຮົາ​ຍິ້ມວ່າ​ເຮົາ​ບໍ່​ກ່ຽວຂ້ອງ​ກັບ​ການ​ພະນັນ​ທີ່​ມີ​ເຈົ້າມື ລອງ​ອ່ານ​ຂໍ້ສຸດ​ທ້າຍ…
  12. ຫວຍ​ລັດຖະບານ ຖື​ເປັນ​ການ​ພະນັນ​ທີ່​ມີ​ເຈົ້າມື​ໃຫຍ່​ທີ່​ສຸດ​ໃນ​ປະ​ເທດ ທີ່​ມີ​ຄົນ​ເຂົ້າຮ່ວມ​ເກ​ມນີ້​ສິບ​ລ້ານ​ຄົນ ​ໂດຍ​ຖ້າ​ເບິ່ງ​ຈາກ​ງົບ​ການ​ເງິນ​ຂອງ​ຫວຍ​ລັດຖະບານ​ແລ້ວ ຄວາມ​ໄດ້​ປຽບ​ຂອງ​ເຈົ້າມື ຄື 65:35 ​ເຊິ່ງ​ເຮົາ​ມີ​ໂອກາດ​ເສຍ​ຫລາຍ​ກວ່າຫລາຍ​ເກ​ມການ​ພະນັນ​ໃນ​ວົງ​ພະນັນ​ອີກ.
ເປັນຫຍັງ ການພະນັນທີ່ມີເຈົ້າມື ຫລິ້ນມີແຕ່ເຈັ້ງກັບເຈັ້ງ ? - Wave100S AD to Website 2020 0 - ເປັນຫຍັງ ການພະນັນທີ່ມີເຈົ້າມື ຫລິ້ນມີແຕ່ເຈັ້ງກັບເຈັ້ງ ?
ເປັນຫຍັງ ການພະນັນທີ່ມີເຈົ້າມື ຫລິ້ນມີແຕ່ເຈັ້ງກັບເຈັ້ງ ? - WhatsApp Image 2020 05 27 at 5 - ເປັນຫຍັງ ການພະນັນທີ່ມີເຈົ້າມື ຫລິ້ນມີແຕ່ເຈັ້ງກັບເຈັ້ງ ?
ເປັນຫຍັງ ການພະນັນທີ່ມີເຈົ້າມື ຫລິ້ນມີແຕ່ເຈັ້ງກັບເຈັ້ງ ? - WhatsApp Image 2020 05 27 at 5 - ເປັນຫຍັງ ການພະນັນທີ່ມີເຈົ້າມື ຫລິ້ນມີແຕ່ເຈັ້ງກັບເຈັ້ງ ?
error: Alert: ເນື້ອຫາຂ່າວມີລິຂະສິດ !!