ກະຊວງປ້ອງກັນປະເທດເປີດສະຖານີໂທລະພາບຊ່ອງ 7

ກະຊວງປ້ອງກັນປະເທດເປີດສະຖານີໂທລະພາບຊ່ອງ 7 -                                                                                                                     7 - ກະຊວງປ້ອງກັນປະເທດເປີດສະຖານີໂທລະພາບຊ່ອງ 7
ກະຊວງປ້ອງກັນປະເທດເປີດສະຖານີໂທລະພາບຊ່ອງ 7 - Untitled design - ກະຊວງປ້ອງກັນປະເທດເປີດສະຖານີໂທລະພາບຊ່ອງ 7

ພິທີເປີດນໍາໃຊ້ສະຖານີໂທລະພາບຊ່ອງ 7 ຂອງກະຊວງປ້ອງກັນປະເທດ ໄດ້ຈັດຂຶ້ນໃນວັນທີ 9 ກັນຍານີ້ ທີ່ບ້ານໜອງສ້າງທໍ່ ເມືອງໄຊເສດຖາ ນະຄອນຫລວງວຽງຈັນ ​ເຊິ່ງ​ເປັນ​ບ່ອນ​ຕັ້ງສະຖານີ​ດັ່ງກ່າວ ໂດຍການເຂົ້າຮ່ວມຂອງທ່ານ ພົນເອກ ຈັນສະໝອນ ຈັນຍາລາດ ລັດຖະມົນຕີກະຊວງປ້ອງກັນປະເທດ, ມີທ່ານ ຈຽງຈ້າຍຕົງ ເອກອັກຄະລັດຖະທູດຜູ້ມີອໍານາດເຕັມແຫ່ງ ສປ ຈີນ ປະຈໍາລາວ, ທ່ານ ສະຫວັນຄອນ ລາຊະມຸນຕີ ຮອງລັດຖະມົນຕີກະຊວງຖະແຫລງຂ່າວ, ວັດທະນະທໍາ ແລະ ທ່ອງທ່ຽວ, ທ່ານ ທອງໃສ ຊານໄຊຍະ ຮອງລັດຖະມົນຕີກະຊວງໄປສະນີ, ໂທລະຄົມມະນາຄົມ ແລະ ການສື່ສານເຂົ້າຮ່ວມ.

ທ່ານ ພົນເອກ ຈັນສະໝອນ ຈັນຍາລາດ ໄດ້ມີຄໍາເຫັນກ່າວເປີດນໍາໃຊ້ສະຖານີໂທລະພາບແຫ່ງນີ້ວ່າ: ສະຖານີໂທລະພາບຊ່ອງນີ້ເປີດຂຶ້ນເພື່ອຕອບສະໜອງຄວາມຮຽກຮ້ອງຕ້ອງການຂອງໜ້າທີ່ການເມືອງຂອງພັກ-ລັດ ກໍຄືກະຊວງປ້ອງກັນປະເທດໃນສະເພາະໜ້າ ແລະ ຍາວນານ ເພື່ອເຮັດໃຫ້ວຽກງານໂຄສະນາ-ຂ່າວສານຂອງກອງທັບປະຊາຊົນລາວມີບາດກ້າວໃໝ່ ແລະ ຖືໂອກາດນີ້, ຕາງໜ້າໃຫ້ຄະນະນໍາກະຊວງປ້ອງກັນປະເທດ ແຫ່ງ ສປປ ລາວ ຂໍສະແດງຄວາມຂອບໃຈ ແລະ ຍ້ອງຍໍຊົມເຊີຍຜົນງານ ແລະ ຄຸນງາມຄວາມດີຂອງກະຊວງປ້ອງກັນປະເທດ ສປ ຈີນ ທີ່ໄດ້ໃຫ້ການຊ່ວຍເຫລືອພາລະກິດປະຕິວັດລາວເວົ້າລວມ, ເວົ້າສະເພາະແມ່ນຊ່ວຍເຫລືອກອງທັບປະຊາຊົນລາວຕະຫລອດມາ. ພ້ອມທັງຮຽກຮ້ອງໃຫ້ຄະນະພັກ-ຄະນະນໍາ ແລະ ພະນັກງານຂອງສະຖານີໂທລະພາບທຸກສະຫາຍສືບຕໍ່ຍົກສູງຄວາມຮັບຜິດຊອບໃນໜ້າທີ່ວຽກງານ, ເອົາໃຈໃສ່ຄຸ້ມຄອງ, ບໍາລຸງຮັກສາ ແລະ ນໍາໃຊ້ສະຖານີໂທລະພາບນີ້ໃຫ້ໄດ້ຮັບຜົນດີທີ່ສຸດ.

ທ່ານ ພົນຕີ ສອນທອງ ພົມລາວົງ ຮອງກົມໃຫຍ່ການເມືອງກອງທັບ ແຈ້ງໃຫ້ຮູ້ວ່າ: ສະຖານີໂທ ລະພາບຊ່ອງ 7 ນີ້ ແມ່ນກອງທັບປົດປ່ອຍປະຊາຊົນຈີນໄດ້ໃຫ້ການຊ່ວຍເຫລືອກໍ່ສ້າງໃນມູນຄ່າຫລາຍກວ່າ 11 ຕື້ກີບ ເຊິ່ງປະກອບມີ: ອາຄານສູງ 4 ຊັ້ນ, ມີຫ້ອງສະຕູດີໂອ 2 ຫ້ອງ, ຫ້ອງອັດສຽງ 1 ຫ້ອງ, ຫ້ອງເຕັກນິກຕັດຕໍ່ 1 ຫ້ອງ ແລະ ຫ້ອງການບໍລິຫານ, ພ້ອມດ້ວຍອຸປະກອນເຕັກນິກຄົບຊຸດ ໂດຍສົ່ງສັນຍານຜ່ານດາວທຽມລາວແຊັດ 1 ແລະ ນໍາໃຊ້ສັນຍານເຊື່ອມຕໍ່ສາຍສົ່ງ (DPLC) ຂອງບໍລິສັດສະ ກາຍໂທລະຄົມລາວອີກດ້ວຍ.

ກະຊວງປ້ອງກັນປະເທດເປີດສະຖານີໂທລະພາບຊ່ອງ 7 - Wave100S AD to Website 2020 0 - ກະຊວງປ້ອງກັນປະເທດເປີດສະຖານີໂທລະພາບຊ່ອງ 7
ກະຊວງປ້ອງກັນປະເທດເປີດສະຖານີໂທລະພາບຊ່ອງ 7 - WhatsApp Image 2020 05 27 at 5 - ກະຊວງປ້ອງກັນປະເທດເປີດສະຖານີໂທລະພາບຊ່ອງ 7
ກະຊວງປ້ອງກັນປະເທດເປີດສະຖານີໂທລະພາບຊ່ອງ 7 - WhatsApp Image 2020 05 27 at 5 - ກະຊວງປ້ອງກັນປະເທດເປີດສະຖານີໂທລະພາບຊ່ອງ 7
error: Alert: ເນື້ອຫາຂ່າວມີລິຂະສິດ !!