ບໍລິສັດຜະລິດຖົງລົມນິລະໄພ ທາກາຕະຍື່ນເລື່ອງລົ້ມລະລາຍ

- advert banner 728 90 728x90 - ບໍລິສັດຜະລິດຖົງລົມນິລະໄພ ທາກາຕະຍື່ນເລື່ອງລົ້ມລະລາຍ

 

- 458786316 - ບໍລິສັດຜະລິດຖົງລົມນິລະໄພ ທາກາຕະຍື່ນເລື່ອງລົ້ມລະລາຍ

ບໍລິສັດ​ ທາ​ກາ​ຕະ ຜູ້​ຜະລິດ​ຖົງ​ລົມ​ນິລະ​ໄພ​ຊື່​ດັງ​ຈາກ​ຍີ່ປຸ່ນ ຍື່​ນ​ເລື່ອງ​ຂໍ​ລົ້ມລະລາຍ​ຕໍ່​ສານ​ທັງ​ຢູ່​ຍີ່ປຸ່ນ ​ແລະ ອາ​ເມ​ລິ​ກາ ພ້ອມ​ພາລະ​ໜີ້​ສິນ​ທີ່​ສູງ​ເຖິງ 1 ຕື້​ເຢນ ​ເຊິ່ງ​ເປັນ​ຜົນ​ມາ​ຈາກ​ວິ​ກິດ​ຖົງ​ລົມ​ນິລະ​​ໄພ​ທີ່​ເປັນສາ​ເຫດການ​ຮຽກ​ຄືນ​ລົດ​ຫລາຍ​ກວ່າ 100 ລ້ານ​ຄັນ​ທົ່ວ​ໂລກ.

- 96680809 57599783 1562 4100 9eeb 3c79041daa70 - ບໍລິສັດຜະລິດຖົງລົມນິລະໄພ ທາກາຕະຍື່ນເລື່ອງລົ້ມລະລາຍ

ສຳນັກ​ຂ່າວ​ຕ່າງປະ​ເທດ​ລາຍ​ງານ​ຈາກ​ນະຄອນຫລວງ​ໂຕ​ກຽວ ປະ​ເທດ​ຍີ່ປຸ່ນ ​ໃນ​ວັນ​ທີ 26 ມິຖຸນາ​ວ່າ​: ບໍລິສັດ ທາ​ກາ​ຕະ ໜຶ່ງ​ໃນ​ຜູ້​ຜະລິດ​ອຸປະກອນ​ດ້ານ​ຄວາມ​ປອດ​ໄພ​ໃນ​ລົດຍົນ​ໃຫຍ່​ທີ່​ສຸດ​ຂອງ​​ໂລກ​ຈາກ​ຍີ່ປຸ່ນ ຍື່ນ​ຄຳ​ຮ້ອງ​ຕໍ່​ສານ​ລົ້ມລະລາຍ​ນະຄອນຫລວງ​ໂຕ​ກຽວ ​ເພື່ອ​ຂໍ​ຮັບ​ການ​ຮັກສາ​ຊັບ ​ແລະ ຂໍ​ໃຫ້​ສານ​ມີ​ຄຳ​ສັ່ງ​ຟື້ນຟູ​ກິດຈະການ ​ໂດຍ​ຍັງ​ບໍ່​ມີ​ການ​ເປີດ​ເຜີຍ​ລາຍ​ລະອຽດ​ເພີ່ມ​ຕື່ມ, ​ແຕ່​ສື່​ທ້ອງ​ຖິ່ນ​ລາຍ​ງານ​ວ່າ: ພາລະ​ໜີ້​ສິນ​ຂອງ​ທາ​ກາ​ຕະ​ໃນ​ປັດຈຸບັນ​ສູງ​ເຖິງ 1 ຕື້​ເຢນ (ປະມານ 75.600 ຕື້ກວ່າ​ກີບ) ​ແລະ ຖື​ເປັນການ​ຂໍ​ລົ້ມລະລາຍ​ຕາມ​ກົດໝາຍ​ທີ່​ມີ​ມູນ​ຄ່າ​ສູງ​ສຸດ​ໃນ​ປະຫວັດສາດ​ຂອງ​ຜູ້​ຜະລິດ​ໃນ​ວົງ​ການ​ອຸດສາຫະກຳ​ຂອງ​ຍີ່ປຸ່ນ.

- 29TAKATA master768 - ບໍລິສັດຜະລິດຖົງລົມນິລະໄພ ທາກາຕະຍື່ນເລື່ອງລົ້ມລະລາຍ

- Tiger Head 728x90 - ບໍລິສັດຜະລິດຖົງລົມນິລະໄພ ທາກາຕະຍື່ນເລື່ອງລົ້ມລະລາຍ
- 1 1 - ບໍລິສັດຜະລິດຖົງລົມນິລະໄພ ທາກາຕະຍື່ນເລື່ອງລົ້ມລະລາຍ

 

ທັງ​ນີ້, ການ​ຍື່ນ​ເອກະສານ​ຕໍ່​ສານ​ຢູ່​ນະຄອນຫລວງ​ໂຕ​ກຽວ​ມີ​ຂຶ້ນພາຍຫລັງ​ສາຂາ​ຂອງ​ທາ​ກາ​ຕະຢູ່​ອາ​ເມ​ລິ​ກາ​ຍື່ນ​ຄຳ​ຮ້ອງ​ຂໍ​ຮັບ​ການ​ຮັກສາ​ຊັບ​ຈາກ​ສານ​ຕາມ​ມາດຕາ 11 ຂອງ​ກົດໝາຍ​ລົ້ມລະລາຍອາ​ເມ​ລິ​ກາ ​ແລະ ບໍລິສັດ ຄີ ​ເຊ​ຟຕີ ຊິ​ສ​ເຕັມ (KSS) ​ເຊິ່ງຢູ່​ພາຍ​ໃນ​ການ​ບໍລິຫານ​ຂອງ​ບໍລິສັດ​ໜິງ​ໂປ ຈອຍສັນ ​ເອ​ເລັກ​ໂຕຣນິກ ຢູ່​ຈີນ ກຽມ​ເຂົ້າຄອບຄອງ​ຊັບ​ສິນ​ທັງ​ໝົດ​ຂອງ​ທາ​ກາ​ຕະທີ່​ມີ​ມູນ​ຄ່າ​ປະມານ 1.580 ລ້ານ​ໂດ​ລາ​ສະຫະລັດ, ຍົກ​ເວັ້ນສ່ວນ​ຂອງ​ທຸລະ​ກິດ​ທີ່​ກ່ຽວຂ້ອງ​ກັບ​ຖົງ​ລົມ​ນິລະ​ໄພ ​ໂດຍ​ຈະ​ຍັງ​ຮັກສາ​ພະນັກງານ​ສ່ວນ​ໜຶ່ງ​ຂອງ​ທາ​ກາ​ຕະທີ່​ມີ​ຢູ່​ປະມານ 60.000 ຄົນ ​ແລະ ຈະ​ບໍ່​ປິດ​ໂຮງງານ​ຢູ່​ຍີ່ປຸ່ນ, ຂະນະ​ທີ່​ສາຂາ​ຢູ່​ຕ່າງປະ​ເທດ​ທັງ​ໝົດ​ຂອງ​ທາ​ກາ​ຕະທີ່​ມີ​ຢູ່​ອີກ 12 ​ແຫ່ງ ກຽມ​ຍື່ນ​ຄຳ​ຮ້ອງ​ຕໍ່​ສານ​ລົ້ມລະລາຍ​ໃນ​ປະ​ເທດ​ນັ້ນ​ເຊັ່ນ​ກັນ.

- xwtzu3ld - ບໍລິສັດຜະລິດຖົງລົມນິລະໄພ ທາກາຕະຍື່ນເລື່ອງລົ້ມລະລາຍ

 

ຈາກ​ບໍລິສັດ​ທີ່​ເກືອບ​ຈະ​ບໍ່​ຮູ້​ມາ​ກ່ອນ ​ໂດຍ​ເປີດ​ກິດຈະການ​ໃນ​ປີ 1933 ຢູ່​ນະຄອນຫລວງ​ໂຕ​ກຽວ, ທາ​ກາ​ຕະກ້າວ​ຂຶ້ນສູ່​ການ​ເປັນ​ໜຶ່ງ​ໃນ​ຜູ້​ຜະລິດ​ອຸປະກອນ​ເສີມ​ດ້ານ​ຄວາມ​ປອດ​ໄພ​ພາຍ​ໃນ​ລົດຍົນ​ລາຍ​ໃຫຍ່​ທີ່​ສຸດ​ຂອງ​ໂລກ. ​ເຖິງ​ຢ່າງ​ໃດ​ກໍ​ຕາມ, ທາ​ກາ​ຕະບັນລຸ​ຂໍ້​ຕົກລົງ​ຍອມ​ຄວາມ​ກັບ​ກະຊວງ​ຍຸຕິ​ທຳ​ອາ​ເມ​ລິ​ກາ​ໃນ​ເດືອນ​ມັງກອນ​ຜ່ານ​ມາ ຈ່າຍ​ຄ່າ​ເສຍ​ຫາຍ​ມູນ​ຄ່າ 1.000 ລ້ານ​ໂດ​ລາ​ສະຫະລັດ ກ່ຽວ​ກັບ​ກໍລະນີ​ຄວາມ​ບົກ​ຜ່ອງ​ດ້ານ​ລະບົບ​ການ​ເຮັດ​ວຽກ​ຂອງ​ຖົງ​ລົມ​ນິລະ​ໄພ ທີ່​ສົ່ງ​ຜົນ​ໃຫ້​ມີ​ຜູ້​ເສຍ​ຊີວິດ​ຢ່າງ​ໜ້ອຍ 17 ຄົນ​ທົ່ວ​ໂລກ​ໃນ​ຮອບ 1 ທົດ​ສະ​ວັດ​ຜ່ານ​ມາ ​ສ່ວນ​ຫລາຍ​ເກີດ​ຂຶ້ນຢູ່​ອາ​ເມ​ລິ​ກາ, ສ່ວນ​ບໍລິສັດ​ຜະລິດ​ລົດຍົນ​ຊັ້ນນຳ ບໍ່​ວ່າ​ຈະ​ເປັນ​ໂຕ​ໂຍຕາ, ຮອນ​ດ້າ, ນິສສັນ ​ແລະ ​ເຈ​ເນີຣັລ ມໍ​ເຕີ (GM) ຕ້ອງ​ຮຽກ​ຄືນ​ລົດ​ລວມກັນ​ຫລາຍ​ກວ່າ 100 ລ້ານ​ຄັນ ນັບ​ແຕ່​ປີ 2013 ​ເປັນຕົ້ນມາ.

error: Content is protected !!