10 ຄຸນປະໂຫຍດຂອງໂຢເກິດ ທີ່ນອກຈາກດີຕໍ່ລຳໄສ້ ແລະ ປ້ອງກັນໄຂ້ຫວັດ.

ໂຢເກິດ ແມ່ນຜະລິດຕະພັນຈາກນົມ ເຊິ່ງເກີດຈາກການໝັກລະຫ່ວາງນົມ ແລະ ໂປຣໄບໂອຕິກ ຫລື ແບັກທີເຣຍດີໆທີ່ຍັງມີຊີວິດ ເມື່ອເຮົາກິນເຂົ້າໄປ ແບັກທີເຣຍເຫລົ່ານີ້ກໍຈະໄປສ້າງຄວາມດຸ່ນດ່ຽງໃຫ້ຈຸລິນຊີເຈົ້າຖິ່ນໃນລຳໄສ້ ຜົນກໍຄື ລະບົບຂັບຖ່າຍ ແລະ ສຸຂະພາບໂດຍລວມຂອງເຮົາຈະດີຂຶ້ນນັ້ນເອງ.

ການກິນໂຢເກິດທີ່ໄດ້ຜົນທີ່ສຸດຄວນຈະກິນໂຢເກິດລົດຊາດທຳມະຊາດທີ່ບໍ່ມີການແຕ່ງກິ່ນແຕ່ງລົດຊາດເພີ່ມຕື່ມ, ແຕ່ຖ້າບໍ່ມັກຄວາມສົ້ມຂອງມັນ ຈະເອົາໄປກິນແທນນຳ້ຍຳ ຫລື ປັ່ນໃສ່ກັບໝາກໄມ້ໃຫ້ເປັນນຳ້ປັ່ນໝາກໄມ້ແຊບໆກໍໄດ້. ນອກຈາກຄວາມແຊບແລ້ວ ໂຢເກິດຍັງມີປະໂຫຍດຫລາຍຢ່າງທີ່ທ່ານອາດຍັງບໍ່ຮູ້.

  1. ໂຢເກິດຊ່ວຍຫລຸດກິ່ນປາກ, ແຂ້ວແມງ, ພະຍາດເຫືອກ : ມີການວິໄຈຈາກຍີ່ປຸ່ນວ່າ ການເລືອກກິນໂຢເກິດສູດບໍ່ມີນຳ້ຕານນັ້ນຈະຊ່ວຍຫລຸດກິ່ນປາກໄດ້. ນອກຈາກນີ້ ຍັງປ້ອງກັນແຂ້ວແມງບັນຫາຂອງແຂ້ວຜຸຜ່ອຍໄດ້ແນ່ນອນ ທັງຍັງບໍ່ມີພະຍາດເຫືອກໃຫ້ເຈັບປວດນຳອີກ ເນື່ອງຈາກແບັກທີເຣຍ 2 ສະຫາຍ ທັງແລັກໂຕບາຊິນລັສ ແລະ ສະເຕຣັບໂຕຄັອກຄັສ ລ້ວນຊ່ວຍກັນທຳລາຍປະລິມານສານທີ່ເປັນສາເຫດຂອງການເກີດກິ່ນປາກ.
  2. ໂຢເກິດຍ່ອຍງ່າຍກ່ວານົມ : ຫລາຍຄົນທີ່ມີບັນຫາດື່ມນົມແລ້ວເຈັບທ້ອງ ນັ້ນເປັນຍ້ອນທ່ານບໍ່ສາມາດຍ່ອຍນຳ້ຕານແລັກໂຕສທີ່ຢູ່ໃນນົມໄດ້, ແຕ່ຖ້າທ່ານຫັນມາກິນໂຢເກິດ ຮັບຮອງໄດ້ວ່າບໍ່ມີບັນຫາເລື່ອງເຈັບທ້ອງແນ່ນອນ ເພາະຂັ້ນຕອນການເຮັດໂຢເກິດນັ້ນ ນຳ້ຕານແລັກໂຕສຈະຖືກປ່ຽນເປັນນຳ້ຕານກາແລັກໂຕສ ແລະ ກລູໂກສ ໂຢເກິດຈຶ່ງກິນງ່າຍ ທັງຍັງຍ່ອຍງ່າຍນຳອີກ.
  3. ໂຢເກິດຍ່ອຍງ່າຍ : ຍ້ອນນຳ້ຕານແລັກໂຕສເປັນໂຕຫລັກທີ່ເຮັດໃຫ້ເກີດການແພ້ນົມ ຫລື ເຈັບທ້ອງຖືກປ່ຽນເປັນກົດແລັກຕິກທີ່ຍ່ອຍງ່າຍ. ນອກຈາກນີ້, ແບັກທີເຣຍໃນໂຢເກິດຍັງມີເອັນໄຊຊ່ວຍຍ່ອຍໂປຣຕິນນົມ ເຄຊີນ ເຊິ່ງເປັນໂປຣຕິນຍ່ອຍຍາກ ເຮັດໃຫ້ຮ່າງກາຍສາມາດດູດຊຶມໄດ້ງ່າຍຂຶ້ນ, ຫລຸດບັນຫາພູມແພ້ຕໍ່ນຳ້ຕານແລັກໂຕສ ແລະ ໂປຣຕິນເຄຊີນ.
  4. ປ້ອງກັນມະເຮັງໄດ້ : ເພາະແລັກໂຕບາຊິລັສຈະສາມາດຈັບກັບສານກໍ່ມະເຮັງໄດ້ ແລະ ຊ່ວຍຂັດຂວາງກຸ່ມແບັກທີເຣຍໃນລຳໄສ້ທີ່ສ້າງສານໄນເຕຣດ ເຊິ່ງເປັນສານກໍ່ພະຍາດມະເຮັງໂຕໜຶ່ງ.
  5. ຊ່ວຍປ້ອງກັນພະຍາດຫລອດເລືອດຫົວໃຈ : ເພາະແລັກໂຕບາຊິລັສໃນນົມສົ້ມຈະຊ່ວຍຄວບຄຸມປະລິມານຄໍເລສເຕີໂຣນ ແລະ ໄຕຣກລີເຊີໄຣ ໃນເລືອດ ອັນເປັນສາເຫດຂອງພະຍາດຫລອດເລືອດຫົວໃຈໄດ້.
  6. ຊ່ວຍໃຫ້ຮ່າງກາຍດູດຊຶມທາດການຊຽມໄດ້ງ່າຍຂຶ້ນ :ກົດແລັກຕິກໃນນົມສົ້ມ ແລະ ໂຢເກິດຈະຊ່ວຍໃຫ້ການຍ່ອຍທາດການຊຽມໃນນົມດີຂຶ້ນ.
  7. ແກ້ອາການຖອກທ້ອງ : ຄົນທີ່ເຈັບທ້ອງ ຫລື ຖອກທ້ອງເປັນຍ້ອນມີເຊື້ອຈຸລິນຊີຢູ່ໃນລຳໄສ້, ແຕ່ເຊື້ອຈຸລິນຊີໃນໂຢເກິດເກີດມາເພື່ອຂ້າເຊື້ອແບັກທີເຣຍຊະນິດບໍ່ດີທັງຫລາຍ ການກິນໂຢເກິດຈຶ່ງເຮັດໃຫ້ອາການເຈັບທ້ອງ, ຖອກທ້ອງຫລຸດຜ່ອນລົງຢ່າງໄວວາ ເຮັດໃຫ້ຖ່າຍໜ້ອຍລົງ ຫລື ຢຸດຖ່າຍໄດ້.
  8. ມີວິຕາມິນ : ໃຫ້ວິຕາມິນ ໂດຍສະເພາະໄຣໂບຟລາວິນ ຫລື ວິຕາມິນ B 1 ແລະ ວິຕາມິນ K ທີ່ນົມສົ້ມ ແລະ ໂຢເກິດຈະຊ່ວຍສັງເຄາະວິຕາມິນໃນລຳໄສ້.
  9. ປ້ອງກັນບາດແຜໃນກະເພາະ : ປ້ອງກັນການເກີດບາດແຜໃນກະເພາະ ແລັກໂຕບາຊິລັສຈະຊ່ວຍຂັດຂວາງການຈະເລີນເຕີບໃຫຍ່ຂອງຈຸລິນຊີ Pyloriເຊິ່ງເປັນສາເຫດຂອງບາດແຜໃນກະເພາະອາຫານກ່ວາ 90%.
  10. ສົ່ງເສີມພູມຕ້ານທານ : ມີການສຶກສາຫລວງຫລາຍບົ່ງບອກວ່າ ການກິນໂຢເກິດທຸກໆມື້ຈະຊ່ວຍປ້ອງກັນການຕິດເຊື້ອໃນຮ່າງກາຍ ດັ່ງນັ້ນ ໂປຣໄບໂອຕິກສຳຄັນຫລາຍ ເພາະມັນຊ່ວຍກະຕຸ້ນກະຕຸ້ນພູມຕ້ານທານໄປຈົນເຖິງລະດັບແຊນ ເຊິ່ງຈະປົກປ້ອງທ່ານຈາກໄວຣັສ ແລະ ມະເຮັງ ທ່ານຈະໄດ້ມີຊີວິດຍືນຍາວຍິ່ງຂຶ້ນ.

No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!