ພະຍາດ​ຄື​ໜຶ່ງ​ໃນ​ສິ່ງ​ທ້າ​ທາຍ​ຂ້າ​ຄົນ​ລາວ​ໃນ​ແຕ່ລະ​ປີ

ພະຍາດ​ຄື​ໜຶ່ງ​ໃນ​ສິ່ງ​ທ້າ​ທາຍ​ຂ້າ​ຄົນ​ລາວ​ໃນ​ແຕ່ລະ​ປີ - 555 42 - ພະຍາດ​ຄື​ໜຶ່ງ​ໃນ​ສິ່ງ​ທ້າ​ທາຍ​ຂ້າ​ຄົນ​ລາວ​ໃນ​ແຕ່ລະ​ປີ
ພະຍາດ​ຄື​ໜຶ່ງ​ໃນ​ສິ່ງ​ທ້າ​ທາຍ​ຂ້າ​ຄົນ​ລາວ​ໃນ​ແຕ່ລະ​ປີ - Untitled design - ພະຍາດ​ຄື​ໜຶ່ງ​ໃນ​ສິ່ງ​ທ້າ​ທາຍ​ຂ້າ​ຄົນ​ລາວ​ໃນ​ແຕ່ລະ​ປີ

ໂດຍ: ທິດ​ກໍ່າ

​     ກ່າວ​ເຖິງ​ເຊື້ອພະຍາດບາດ​ເຍົາ​ທີ່​ພວມ​ທ້າ​ທາຍ​ມວນ​ມະນຸດ​ໃນ​ໂລກ​ນີ້ ມັນ​ກໍ​ມີ​ຫລາຍຊະນິດ​ຈົນ​ບໍ່​ສາມາດ​ພັນ​ລະນາ​ໄດ້​ຢ່າງ​ຄົບ​ຖ້ວນ. ດັ່ງ​ໃນ​ປີຜ່ານມາ ກໍ​ຄື​ໃນ​ສະພາບ​ປັດຈຸບັນ ​ເຊື້ອພະຍາດ​ທີ່​ມາ​ທຳລາຍ​ຊີວິດ​ອິນ​ຊີ​ຂອງ​ຄົນ​ເຮົາ ​ແລະ ລະບົບ​ເສດຖະກິດ-ສັງຄົມ​ຂອງ​ໂລກ ກໍ​ແມ່ນ​ເຊື້ອພະຍາດ​ສາຍ​ພັນ​ໃໝ່​ໂຄ​ວິດ-19. ຫລ້າ​ສຸດ​ມາ​ຮອດ​ວັນ​ທີ 6 ກັນຍາ 2020 ​ໄດ້​ມີ​ຄົນ​ທົ່ວ​ໂລກ​ຕິດ​ເຊື້ອ​ໂຄ​ວິດ-19 ​ເຖິງ 26.775.656 ຄົນ, ​ເສຍ​ຊີວິດ​ໄປ​ແລ້ວ 879.694 ຄົນ, ສາມາດ​ປິ່ນປົວ​ໃຫ້ຫາ​ຍດີ 18.950.726 ຄົນ. ບັນດາ​ປະ​ເທດ​ທີ່​ຍັງ​ຄອງ​ສະຖິຕິ​ຄົນ​ຕິດ​ເຊື້ອຫລາຍ​ກວ່າ​ໝູ່​ກໍ​ແມ່ນ​ປະ​ເທດ​ສະຫະລັດ​ອາ​ເມ​ລິ​ກາ​ມີ​ເຖິງ 6.390.176 ຄົນ. ອັນ​ດັບ​ສອງ​ຮອງ​ລົງ​ມາ​ກໍ​ແມ່ນ​ປະ​ເທດ​ເບຣຊິນ​ມີ 4.091.801 ຄົນ, ​ເສຍ​ຊີວິດ​ໄປ​ແລ້ວ 125.584 ຄົນ, ປິ່ນປົວ​ດີ 3.278.243 ຄົນ. ສ່ວນ​ອັນ​ດັບ​ສາມ​ກໍ​ແມ່ນ​ປະ​ເທດ​ອິນ​ເດຍມີ​ຜູ້​ຕິດ​ເຊື້ອ​ເຖິງ 4.034.339 ຄົນ, ​ເສຍ​ຊີວິດ 69.749 ຄົນ ​ແລະ ສາມາດ​ປິ່ນປົວ​ໃຫ້ຫາ​ຍດີ 3.112.669 ຄົນ.

​ແຕ່​ແນວ​ໃດ​ກໍ​ຕາມ, ​ເມື່ອ​ປຽບທຽບ​ໃສ່​ສະຖິຕິ​ລະຫວ່າງ​ຜູ້​ຕິດ​ເຊື້ອ, ຜູ້​ເສຍ​ຊີວິດ​ກັບ​ຜູ້​ທີ່​ປິ່ນປົວ​ໃຫ້ຫາ​ຍດີ ກໍ​ຍັງ​ເຫັນ​ວ່າ​ຜູ້​ປິ່ນປົວ​ດີ​ມີ​ຕົວ​ເລກ​ລື່ນ​ຜູ້​ທີ່​ເສຍ​ຊີວິດ​ຕັ້ງຫລາຍ​ທົບ​ເທົ່າ. ສ່ວນວ່າ ສປປ ລາວ​ເຮົາ ມາ​ຮອດ​ວັນ​ທີ 6 ກັນຍາ 2020 ຍັງ​ມີ​ຜູ້​ຕິດ​ເຊື້ອຄົງ​ເດີມ ຄື​ພຽງ 22 ຄົນ ສາມາດ​ປິ່ນປົວ​ໃຫ້ຫາ​ຍດີ 21 ຄົນ ​ແລະ ຍັງ​ນອນ​ປິ່ນປົວ​ຢູ່​ໂຮງໝໍ​ພຽງ 1 ຄົນ ຖື​ວ່າ​ເປັນ​ສະຖິຕິ​ທີ່​ຕໍ່າ​ສຸດ​ຂອງ​ອາ​ຊຽນ ​ແລະ ອາດ​ເວົ້າ​ໄດ້​ວ່າ​ເປັນອັນ​ດັບ​ທີ່​ຕໍ່າ​ສຸດ​ຂອງ​ໂລກ​ກໍ​ວ່າ​ໄດ້. ​ໄປ​ຄຽງ​ຄູ່​ກັບ​ພະຍາດ​ໂຄ​ວິດ-19 ​ແລ້ວ, ສະ​ເພາະ​ຢູ່ ສປປ ລາວ​ ພວກ​ເຮົາ​ຍັງ​ມີ​ພະຍາດ​ຊະນິດ​ອື່ນໆ​ທີ່​ຍັງ​ຝັງ​ຮາກ, ທ້າ​ທາຍ​​ ​ແລະ ສັງຫານ​ຄົນ​ລາວ​ແຕ່ລະ​ເດືອນ, ​ແຕ່ລະ​ປີ​ເປັນ​ຈຳນວນ​ບໍ່​ໜ້ອຍ ​ເປັນຕົ້ນພະຍາດ​ໄຂ້​ເລືອດ​ອອກ ຫລື​ວ່າ ​ໄຂ້ຍຸງ ​ເຊິ່ງປີ​ນີ້​ມີ​ຄົນ​ຕິດ​ເຊື້ອ​ເຖິງ 1.000 ກວ່າ​ຄົນ ​ແລະ ​ເສຍ​ຊີວິດ​ໄປ​ແລ້ວ​ຫລາຍ​ລາຍ. ປະ​ເພດ​ທີ​ສອງ​ກໍ​ແມ່ນ​ເຊື້ອພະຍາດ​ເອສ​ໄອ​ວີ ​ແລະ ພະຍາດ​ເອດ​ສ໌ ​ເຊິ່ງຜ່ານ​ການ​ຕິດຕາມ​ມາ​ແຕ່​ປີ 1990 ມາ​ຮອດ​ປີ 2020 ມີ​ຜູ້​ຕິດ​ເຊື້ອ​ເຖິງ 14.460 ຄົນ ​ແລະ ​ໄດ້​ເສຍ​ຊີວິດ​ໄປ​ແລ້ວ 4.760 ຄົນ, ສ່ວນ​ພະຍາດ​ປະ​ເພດ​ທີ​ສາມ​ທີ່​ພວມ​ທ້າ​ທາຍ​ຂ້າ​ຄົນ​ຕາຍ​ຢ່າງ​ອານາ​ດປະຈຳ​ວັນ​ກໍ​ແມ່ນ​ພະຍາດ​ມືນ​ເມົາ​ແລ້ວ​ຂັບ​ຂີ່​ລົດ. ຕົວຢ່າງ​ໃນ​ເດືອນ​ສິງຫາ 2020 ຜ່ານ​ມາ ພຽງ​ເດືອນ​ດຽວ​ຢູ່​ນະຄອນຫລວງ​ວຽງ​ຈັນ​ມີ​ຄົນ​ເສຍ​ຊີວິດ​ເຖິງ 68 ຄົນຍ້ອນ​ອຸປະຕິ​ເຫດ​ໃນ​ທ້ອງ​ຖະໜົນ ​ເຊິ່ງມີ​ຈຳນວນ​ເຖິງ 568 ຄັ້ງ.

ທາງ​ກົມ​ໃຫຍ່​ຕຳຫລວດ​ຍັງ​ແຈ້ງ​ຕື່ມ​ອີກ​ວ່າ: ສາ​ເຫດ​ຫລັກໆ​ກໍ​ແມ່ນ​ຕາຍ​ຍ້ອນ​ດື່ມ​ສິ່ງ​ມືນ​ເມົາ ​ແລະ ຂັບ​ຂີ່​ລົດ​ໄວ​ເກີນ​ກຳນົດ. ຈາກ​ສະຖິຕິ​ທີ່​ໄດ້​ກ່າວ​ມາ​ນີ້ ພວກ​ເຮົາ​ພາກັນ​ມາ​ຄິດ​ໄລ່ ​ແລະ ບວກ​ລົບ​ຄູນ​ຫານ​ເບິ່ງ​ວ່າ​ໃນ​ປີ​ໜຶ່ງ​ທົ່ວ​ປະ​ເທດ​ຄົນ​ລາວ​ອາດ​ຕາຍ​ຍ້ອນ​ອຸປະຕິ​ເຫດ​ຫລາຍ​ຮ້ອຍ​ຫລາຍ​ພັນ​ຄົນ​ໃນ​ທົ່ວ​ປະ​ເທດ. ນີ້​ຄື​ຜົນ​ຮ້າຍ​ຂອງ​ໂຣຄາ​ພະຍາດ​ທີ່​ມັນ​ຍັງ​ລອຍ​ນວນ ​ແລະ ຝັງ​ຮາກ​ຢູ່​ໃນ​ປະ​ເທດ​ເຮົາ ​ເຊິ່ງ​ໄທ​ເຮົາ​ເຈົ້າຂ້ອຍ​ຕ້ອງ​ໄດ້​ພ້ອມ​ກັນ​ຄິດ ​ແລະ ພ້ອມ​ກັນ​ແກ້.

ພະຍາດ​ຄື​ໜຶ່ງ​ໃນ​ສິ່ງ​ທ້າ​ທາຍ​ຂ້າ​ຄົນ​ລາວ​ໃນ​ແຕ່ລະ​ປີ - Wave100S AD to Website 2020 0 - ພະຍາດ​ຄື​ໜຶ່ງ​ໃນ​ສິ່ງ​ທ້າ​ທາຍ​ຂ້າ​ຄົນ​ລາວ​ໃນ​ແຕ່ລະ​ປີ

ຕໍ່​ສະພາບ​ຄວາມ​ເປັນ​ຈິງ ການ​ແຜ່​ລະບາດ​ຂອງ​ພະຍາດ, ​ໂຣກລະບາດ ນັບ​ທັງ​ອຸປະຕິ​ເຫດ​ຕ່າງໆ​ທີ່​ໄດ້​ເກີດ​ຂຶ້ນນີ້ ມັນ​ເປັນ​ການ​ສູນ​ເສຍ​ຊີວິດ​ອິນ​ຊີ​ຂອງ​ພົນລະ​ເມືອງ​ໃນ​ແຕ່ລະ​ປີ​ຢ່າງ​ຫລວງຫລາຍ. ນອກຈາກ​ສູນ​ເສຍ​ພົນລະ​ເມືອງ​ແລ້ວ ຍັງ​ສູນ​ເສຍ​ກຳລັງ​ການ​ຜະລິດ, ​ເສດຖະກິດ-ສັງຄົມ​ຂອງ​ປະ​ເທດ​ຢ່າງ​ໃຫຍ່​ຫລວງ. ຕົວຢ່າງ​ນັບ​ແຕ່​ພະຍາດ​ໂຄ​ວິດ-19 ​ໄດ້​ລະບາດ​ຂຶ້ນ​ໃນ​ໂລກ​ລາວ​ເຮົາ​ຕ້ອງ​ສູນ​ເສຍ​ລາຍ​ຮັບ​ຈາກ​ການທ່ອງທ່ຽວ​ເຖິງ 500 ລ້ານ​ໂດ​ລາ​ສະຫະລັດ. ນອກຈາກ​ນັ້ນ ພາກ​ທຸລະ​ກິດ-ບໍລິການ​ໃນ​ທຸກຂະ​ແໜງ​ການ​ຕ້ອງ​ປະສົບ​ບັນຫາ​ຫລຸດ​ຖອຍ ​ແລະ ​ເຈັ້ງ​ໄປ​ຕາມໆ​ກັນ. ຖ້າ​ຫາກ​ໂຣຄາ​ພະຍາດ​ຊະນິດ​ຕ່າງໆ​ຍັງ​ບໍ່​ມີ​ທ່າ​ທີ​ຫລຸດຜ່ອນ ຫລື ຫາຍ​ໄປ​ຈາກ​ປະ​ເທດ​ຂອງ​ພວກ​ເຮົາ ກໍ​ຍິ່ງ​ທຸກ​ຊ້ຳ​ເຕີມ​ຫລຸດ​ຖອຍ​ລົງ​ເລື້ອຍໆ.

​ເຖິງ​ຢ່າງ​ໃດ​ກໍ​ດີ, ອີງ​ໃສ່​ແນວທາງ​ຂອງ​ພັກ ​ແລະ ລັດຖະບານ​ວາງ​ອອກ ​ເພື່ອ​ແກ້​ໄຂ​ຜົນ​ກະທົບ​ໃນ​ໄລຍະ​ສັ້ນ ​ແລະ ​ໄລ​ຍະຍາວ ພວກ​ເຮົາ​ກໍ​ພໍ​ມີ​ທາງ​ອອກ​ຄື: ພ້ອມ​ກັນ​ເຄັ່ງ​ຂັດ​ປະຕິບັດ​ມາດ​ຕະການ​ຜ່ອນຜັນ​ການ​ຕ້ານ​ໂຄ​ວິດ-19 ທີ່​ທາງ​ລັດຖະບານ​ວາງ​ອອກ. ອັນ​ສອງ​ມາ​ຕ້ອງ​ຊຸກຍູ້ ​ແລະ ສົ່ງ​ເສີມ​ການ​ຜະລິດ, ການ​ບໍລິການ​ຢູ່​ພາຍ​ໃນ​ໃຫ້​ແຂງ​ແຮງ ບໍ່​ວ່າ​ໃນ​ດ້ານ​ການ​ຜະລິດ​ກະສິກຳ, ອຸດສາຫະກຳ​ຂະໜາດ​ນ້ອຍ, ຂະໜາດ​ກາງ ​ເພື່ອ​ເພິ່ງ​ຕົນ​ເອງ, ກຸ້ມຕົນເອງເທື່ອລະກ້າວ. ​ໄປ​ຄຽງ​ຄູ່​ກັນນັ້ນ ກໍ​ຕ້ອງ​ໄດ້​ວາງ​ບັນດາ​ມາດ​ຕະການ​ໃນ​ການ​ຕ້ານ​ໂຣຄາ​ພະຍາດ​ທີ່​ມັນ​ເກີດ​ຂຶ້ນຢູ່​ບ້ານ​ເຮົາ​ໃຫ້​ເດັດຂາດ ​ເໝືອນ​ດັ່ງ​ບົດຮຽນ​ພວກ​ເຮົາ​ຕ້ານ​ໂຄ​ວິດ-19. ຖ້າ​ບໍ່​ດັ່ງນັ້ນ ການ​ຕາຍ​ຍ້ອນ​ພະຍາດ​ອື່ນໆ​ມັນ​ຈະ​ແຊກ​ແຊງ​ຍືນ​ຍົງ​ຄົງ​ຕົວ​ລາມ​ພະ​ລາມ​ຈົວ​ດັ່ງ​ທີ່​ເຫັນ​ໃນ​ປັດຈຸບັນ.

ພະຍາດ​ຄື​ໜຶ່ງ​ໃນ​ສິ່ງ​ທ້າ​ທາຍ​ຂ້າ​ຄົນ​ລາວ​ໃນ​ແຕ່ລະ​ປີ - WhatsApp Image 2020 05 27 at 5 - ພະຍາດ​ຄື​ໜຶ່ງ​ໃນ​ສິ່ງ​ທ້າ​ທາຍ​ຂ້າ​ຄົນ​ລາວ​ໃນ​ແຕ່ລະ​ປີ
ພະຍາດ​ຄື​ໜຶ່ງ​ໃນ​ສິ່ງ​ທ້າ​ທາຍ​ຂ້າ​ຄົນ​ລາວ​ໃນ​ແຕ່ລະ​ປີ - WhatsApp Image 2020 05 27 at 5 - ພະຍາດ​ຄື​ໜຶ່ງ​ໃນ​ສິ່ງ​ທ້າ​ທາຍ​ຂ້າ​ຄົນ​ລາວ​ໃນ​ແຕ່ລະ​ປີ
error: Alert: ເນື້ອຫາຂ່າວມີລິຂະສິດ !!