ບັນດາເຈົ້າແຂວງທົ່ວໂລກຂໍ ຜູ້ນຳ G20 ຮ່ວມກັນປົກປ້ອງໂລກ

- advert banner 728 90 728x90 - ບັນດາເຈົ້າແຂວງທົ່ວໂລກຂໍ ຜູ້ນຳ G20 ຮ່ວມກັນປົກປ້ອງໂລກ

ປາຣີ 26 ມິຖຸນາ: ​ເຈົ້າ​ແຂວງ​ທົ່ວ​ໂລກ​ຮຽກຮ້ອງ​ບັນດາ​ຜູ້ນຳ​ປະ​ເທດ​ສະມາຊິກ​ກຸ່ມ​ປະ​ເທດ​ເສດຖະກິດ​ຂະໜາດ​ໃຫຍ່ (G20) ​ໃຫ້​ຍຶດໝັ້ນ​ໃນ​ພັນທະ​ສັນຍາ​ຮ່ວມ​ມື​ກັນ​ແກ້​ໄຂ​ບັນຫາ​ການ​ປ່ຽນ​ແປງ​ສະພາບ​ອາກາດ ​ເຊິ່ງ​ເປັນ​ສິ່ງ​ທີ່​ກັງ​ວົນ​ຫລາຍ​ທີ່​ສຸດ.

- new3 - ບັນດາເຈົ້າແຂວງທົ່ວໂລກຂໍ ຜູ້ນຳ G20 ຮ່ວມກັນປົກປ້ອງໂລກ

ບັນດາ​ເຈົ້າ​ແຂວງ​ຜູ້ນຳ​ປຸກລະດົມ​ດ້ານ​ສະພາບ​ອາກາດ (C40) ​ເປັນ​ຕົວ​ແທນ​ປະຊາຊົນ​ຫລາຍ​ແສນ​ລ້ານ​ຄົນ ຮ່ວມ​ກັນ​ຮຽກຮ້ອງ​ບັນດາ​ຜູ້ນຳ​ປະ​ເທດ​ສະມາຊິກ G20 ​ໃຫ້​ປະກາດ​ຄຳ​ໝັ້ນສັນຍາ​ທີ່​ຈະ​ແກ້​ໄຂ​ບັນຫາ​ການ​ປ່ຽນ​ແປງ​ສະພາບ​ອາກາດ ​ແລະ ກ່າວ​ວ່າ: ມະຕິ​ໃນ​ກອງ​ປະຊຸມ​ສຸດ​ຍອດ ​ເຊິ່ງກຳລັງ​ຈະ​ມີ​ຂຶ້ນຢູ່​ນະ​ຄອນ​ຮຳ​ບູກຂອງ​ເຢຍລະ​ມັນ ຈະ​ມີ​ສ່ວນ​ສຳຄັນ​ໃນ​ການ​ຊ່ວຍ​ປົກ​ປ້ອງ​ໂລກ​ໜ່ວຍ​ນີ້, ພາຍຫລັງ​ປະທານາທິບໍດີ ​ໂດ​ນັນ ທຣຳ ຕັດສິນ​ໃຈ​ນຳພາ​ອາ​ເມ​ລິ​ກາ​ຖອນ​ຕົວ​ອອກ​ຈາກ​ຂໍ້​ຕົກລົງ​ປາຣີ ທີ່​ມີ​ເປົ້າໝາຍ​ຕົ້ນຕໍ​​ໃຫ້​ທຸກ​ປະ​ເທດ​ຮ່ວມ​ກັນ​ຄວບ​ຄຸມ​ອຸນຫະພູມ​ສະ​ເລ່ຍຂອງ​ໂລກ​ບໍ່​ໃຫ້​ເພີ່ມ​ຂຶ້ນ​ເກີນ 2 ອົງສາ.

- lattana 1 - ບັນດາເຈົ້າແຂວງທົ່ວໂລກຂໍ ຜູ້ນຳ G20 ຮ່ວມກັນປົກປ້ອງໂລກ

​ບັນດາ​ເຈົ້າ​ແຂວງ​ທົ່ວ​ໂລກ​ລະບຸ​ວ່າ: ການ​ອອກ​ມາ​ເຄື່ອນ​ໄຫວ​ໃນ​ເທື່ອ​ນີ້​ໄດ້​ຮັບ​ແຮງ​ບັນດານ​ໃຈ​ຈາກ​ຄວາມ​ກ້າຫານ​ຂອງ​ບັນດາ​ເຈົ້າ​ແຂວງ​ກວ່າ 300 ຄົນຂອງ​ອາ​ເມ​ລິ​ກາ ທີ່​ປະກາດ​ວ່າ​ຈະ​ຍັງ​ຍຶດໝັ້ນ​ໃນ​ຂໍ້​ຕົກລົງ​ປາຣີ, ​ເຖິງ​ວ່າ​ທ່ານ ທຣຳ ຈະ​ປະກາດ​ຖອນ​ຕົວ​ກໍ​ຕາມ. ທັງ​ນີ້ ທ່ານ ທຣຳ ອ້າງ​ວ່າ: ຂໍ້​ຕົກລົງ​ດັ່ງກ່າວ​ຈະ​ສົ່ງ​ຜົນ​ກະທົບ​ຕໍ່​ລະບົບ​ການ​ເງິນ ​ແລະ ​ເສດຖະກິດ​ຂອງ​ອາ​ເມ​ລິ​ກາ​ຢ່າງ​ໜັກ, ຂະນະ​ທີ່​ປະ​ເທດ​ຄູ່​ແຂ່ງ​ອື່ນໆ​ໄດ້​ຮັບ​ຜົນ​ກະທົບ​ພຽງ​ເລັກ​ໜ້ອຍ​ເທົ່າ​ນັ້ນ.

error: Content is protected !!