ສະຫລຸບບັນຫາໜ້າສົນໃຈທົ່ວໂລກ ວັນທີ 10 ກັນຍາ 2020

ສະຫລຸບບັນຫາໜ້າສົນໃຈທົ່ວໂລກ ວັນທີ 10 ກັນຍາ 2020 -                                                                                                 10                 2020 - ສະຫລຸບບັນຫາໜ້າສົນໃຈທົ່ວໂລກ ວັນທີ 10 ກັນຍາ 2020
ສະຫລຸບບັນຫາໜ້າສົນໃຈທົ່ວໂລກ ວັນທີ 10 ກັນຍາ 2020 - Untitled design - ສະຫລຸບບັນຫາໜ້າສົນໃຈທົ່ວໂລກ ວັນທີ 10 ກັນຍາ 2020
  1. ລັດຖະບານອັງກິດ ​ໄດ້​ສະ​ເໜີ​ກົດໝາຍ​ໃໝ່​ຈະ​ແທນ​ທີ່​ສ່ວນ​ຂອງ​ຂໍ້​ຕົກລົງ Brexit ​ທີ່ພວກ​ເຂົາ​ໄດ້​ເຊັນ​ສັນຍາ​ຮ່ວມ​ກັບ​ສະຫະພາບ​ເອີຣົບ​ໃນ​ເດືອນ​ມັງກອນ​ຜ່ານ​ມາ. ຂະນະ​ທີ່ ສສ ຫລາຍ​ຄົນ ລວມທັງ​ພັກ​ອະນຸລັກ​ນິຍົມ​ບາງ​ຄົນ​ອອກ​ມາ​ວິພາກ​ວິຈານ​ວ່າ ການ​ກະທຳ​ດັ່ງກ່າວ​ເປັນ​ການສະ​ແດງຄວາມ​ບໍ່​ສົນ​ໃຈ​ຕໍ່​ກົດໝາຍ​ສາກົນ​ຢ່າງ​ຈະ​ແຈ້ງ.

Ursula von der Leyen ປະທານ​ຄະນະ​ກຳມາ​ທິການ​ເອີຣົບ ກ່າວ​ວ່າ: ນາງ “ກຳລັງ​ກັງວົນ” ສ່ວນ​ການ​ເຈລະຈາ​ກ່ຽວ​ກັບ​ຂໍ້​ຕົກລົງ​ທາງ​ການ​ຄ້າ​ຍັງ​ດຳ​ເນີນ​ຕໍ່​ໄປ.

  1. ​ເຈົ້າໜ້າ​ທີ່​ລະດັບ​ອາວຸ​ໂສ​ຂອງ​ກະຊວງ​ຄວາມ​ໝັ້ນຄົງ​ແຫ່ງ​ມາຕຸພູມ​ອາ​ເມ​ລິ​ກາ ​ໄດ້ພະຍາຍາມ​ຢູ່​ຫລາຍ​ເທື່ອ​ທີ່​ຈະ​ເຊັນ​ເຊີ ຫລື ປິດ​ກັ້ນລາຍ​ງານ​ກ່ຽວ​ກັບ​ການ​ແຊກ​ແຊງ​ການ​ເລືອກ​ຕັ້ງຂອງຣັດ​ເຊຍ ຕາມ​ຄຳ​ຮ້ອງ​ຮຽນ​ຂອງ​ຜູ້​ທີ່​ແຈ້ງ​ເບາະ​ແສ ​ເຊິ່ງ​ເຜີຍ​ແຜ່​ໂດຍ​ຄະນະ​ກຳມະການ​ຂ່າວ​ລັບ​ຂອງ​ສະພາ​ຜູ້​ແທນ​ລາຊະ​ດອນ.

ນອກຈາກ​ນີ້ Brian Murphy ອະດີດ​ຫົວໜ້າ​ໜ່ວຍ​ຂ່າວ​ລັບ ກ່າວ​ວ່າ ທ່ານ​ເຄີຍ​ໄດ້​ຮັບ​ຄຳ​ສັ່ງ​ໃຫ້​ປ່ຽນ​ແປງ​ການ​ປະ​ເມີນ​ກ່ຽວ​ກັບ​ການ​ກະທຳ​ຂອງ​ຄົນ​ຜິວ​ຂາວ ​ເພື່ອ​ໃຫ້ “​ເບິ່ງ​ຮຸນ​ແຮງ​ໜ້ອຍ​ລົງ” ​ແລະ ຍັງ​ໄດ້​ຮັບ​ຄຳ​ສັ່ງ​ໃຫ້​ຮວບ​ຮວມຂໍ້​ມູນ​ຄວາມ​ຮຸນ​ແຮງ​ກ່ຽວ​ກັບ “ກຸ່ມ​ຝ່າຍ​ຊ້າຍ” ພາຍ​ໃນ​ປະ​ເທດ.

  1. ​ແຜນການ​ເຂົ້າຄວບ​ຄຸມ Tiffany & Co ​ເຊິ່ງ​ເປັນ​ບໍລິສັດ​ຄ້າຂາຍ​ອັນຍະ​ມະນີ​ສັນຊາດ​ອາ​ເມ​ລິ​ກາ ​ໂດຍ​ບໍລິສັດ LVMH ​ເຊິ່ງ​ເປັນ​ເຈົ້າຂອງ​ຍີ່​ຫໍ້​ນ້ຳຫອມ​ຊື່​ດັງ Louis Vuitton ​ເບິ່ງ​ຄື​ວ່າ​ຈະ​ໄປ​ບໍ່​ໄດ້​ດີ​ປານ​ໃດ ຫລັງ​ຈາກ Tiffany & Co ​ໄດ້​ຍື່ນ​ຟ້ອງ LVMH ຂອງຝຣັ່ງ ​ໂດຍ​ກ່າ​ວຫາ​ພວກ​ເຂົາ​ວ່າ​ຕັ້ງ​ໃຈ​ຖ່ວງ​ເວລາ​ສຳລັບ​ຂໍ້​ຕົກລົງ​ມູນ​ຄ່າ 16.000 ລ້ານ​ໂດ​ລາ.

ຂະນະ​ດຽວ​ກັນ ທາງ LVMH ກ່າວ​ວ່າ​ພວກ​ເຂົາ​ໄດ້​ຮັບ​ຄຳ​ຂໍ​ຈາກ​ລັດຖະບານ​ຝຣັ່ງ​ໃຫ້​ໂຈະ​ການ​ເຮັດ​ຂໍ້​ຕົກລົງ ​ເນື່ອງ​ຈາກ​ກັງວົນ​ເລື່ອງ​ພາສີ​ຂອງ​ອາ​ເມ​ລິ​ກາ​ສຳລັບ​ສິນຄ້າ​ຝຣັ່ງ.

ສະຫລຸບບັນຫາໜ້າສົນໃຈທົ່ວໂລກ ວັນທີ 10 ກັນຍາ 2020 - Wave100S AD to Website 2020 0 - ສະຫລຸບບັນຫາໜ້າສົນໃຈທົ່ວໂລກ ວັນທີ 10 ກັນຍາ 2020
  1. ນາຍ​ພົນລະດັບ​ອາວຸ​ໂສ​ຂອງ​ອາ​ເມ​ລິ​ກາ​ຢູ່​ຕາ​ເວັນ​ອອກ​ກາງ ​ໄດ້​ປະກາດ​ວ່າ​ກອງທັບ​ຈະ​ຫລຸດ​ຈຳນວນ​ທະຫານ​ອາ​ເມ​ລິ​ກາ​ຢູ່​ອີຣັກລົງ​ອີກ​ໃນ​ເດືອນ​ນີ້​ຈາກ 5.200 ​ເປັນ 3.000 ຄົນ ​ເຊິ່ງການ​ກະທຳ​ດັ່ງກ່າວ​ເປັນ​ສ່ວນ​ໜຶ່ງ​ຂອງ​ຄຳ​ສັນຍາ​ຂອງ​ປະທານາທິບໍດີ ​ໂດ​ນັລ ທຣຳ ທີ່​ກ່າວ​ວ່າ ອາ​ເມ​ລິ​ກາ​ຈະ​ຖອນ​ກຳລັງ​ທະຫານ​ທັງ​ໝົດ​ອອກ​ຈາກ​ປະ​ເທດ​ໂດຍ​ໄວ​ທີ່​ສຸດ. ຂະນະ​ທີ່ ທະຫານ​ທີ່​ຍັງ​ປະຈຳການ​ຢູ່​ຈະ​ຍັງ​ຊ່ວຍ​ເຫລືອກ​ອງກຳລັງ​ອີຣັກ​ໃນ​ການ​ຕໍ່ສູ້​ກັບ​ກຸ່ມ​ລັດ​ອິສລາມ​ຍິຮາດ.
  2. ​ເຫດການ​ໄຟ​ໄໝ້​ຢູ່​ປະ​ເທດ​ເກຣັກ​ໄດ້​ທຳລາຍ​ຄ້າຍ​ອົບ​ພະຍົບ​ໃຫຍ່​ທີ່​ສຸດ​ຂອງປະ​ເທດ​ທີ່​ມີ​ຊື່ວ່າ Moria ຂະນະ​ທີ່​ຜູ້​ລີ້​ໄພ ​ແລະ ຜູ້​ອົບ​ພະຍົບຫລາຍ​ພັນ​ຄົນ​ໄດ້​ໜີ​ອອກ​ຈາກ Moria ​ເຊິ່ງຕັ້ງຢູ່​ເກາະ Lesbos ​ແລະ ​ເປັນ​ສະຖານ​ທີ່​ທີ່​ມີ​ຄວາມ​ແອ​ອັດ.

ຄ້າຍ​ອົບ​ພະຍົບດັ່ງກ່າວ ມີ​ປະຊາກອນ​ອາ​ໄສ​ຢູ່​ປະມານ 13.000 ຄົນ ​ເຖິງ​ວ່າ​ຄ້າຍ​ນີ້​ສ້າງ​ມາ​ໂດຍ​ມີ​ຈຸດ​ມຸ້ງ​ໝາຍ​ເພື່ອ​ຮອງ​ຮັບ 4.000 ຄົນ​ເທົ່າ​ນັ້ນ. ຂະນະ​ທີ່​ລາຍ​ງານ​ຫລ້າ​ສຸດ​ລະບຸ​ວ່າ ບາງ​ຄົນ​ໄດ້​ຮັບ​ຄວາມທຸກ​ທໍລະມານ​ຈາກ​ການ​ສູດ​ດົມ​ຄວັນ.

  1. Maxim Znak ​ເປັນ​ນັກ​ການ​ເມືອງ​ຝ່າຍ​ຄ້ານ​ຄົນທີ 2 ທີ່​ຖືກ​ຄວບ​ຄຸມ​ຕົວ​ໂດຍ​ຜູ້​ຊາຍ​ໃສ່​ຜ້າ​ປິດ​ໜ້າ​ໃນ​ປະ​ເທດ​ເບ​ລາຣຸສ ​ໂດຍ​ທ່ານ​ເປັນ 1 ​ໃນ​ສະມາຊິກ​ຂອງ​ຄະນະ​ລັດຖະບານປະສານ​ງານ (co-ordination council) ​ເຊິ່ງຈັດຕັ້ງຂຶ້ນ​ເພື່ອ​ຕໍ່ຕ້ານປະທານາທິບໍດີ Alexander Lukashenko.

Znak ຖືກ​ພົບ​ເຫັນ​ວ່າ​ຖືກ​ຈັບ​ໄປ​ໃນ Minsk ​ເຊິ່ງ​ເປັນ​ເມືອງ​ຫລວງ​ຂອງ​ປະ​ເທດ. ຂະນະ​ທີ່ Maria Kolesnikova ຜູ້ນຳ​ຝ່າຍ​ຄ້ານ​ຄົນ​ທຳ​ອິດ​ທີ່​ຖືກ​ຜູ້​ຊາ​ຍ​ໃສ່​ຜ້າ​ປິດ​ໜ້າ​ຈັບ​ໄປ ຍັງ​ຖືກ​ຄຸມ​ຂັງ​ຫລັງ​ຈາກ​ທີ່​ນາງ​ໄດ້​ຕໍ່ຕ້ານ​ຄວາມ​ພະຍາຍາມ​ທີ່​ຈະ​ເນລະ​ເທດ​ນາງ​ອອກ​ໄປ​ປະ​ເທດ​ອູ​ເກຣນ ​ໂດຍ​ການ​ຈີກ​ໜັງສື​ເດີນທາງ​ຂອງ​ຕົນ​ໃນ​ຕົ້ນອາທິດ​ນີ້.

ສະຫລຸບບັນຫາໜ້າສົນໃຈທົ່ວໂລກ ວັນທີ 10 ກັນຍາ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກ ວັນທີ 10 ກັນຍາ 2020
ສະຫລຸບບັນຫາໜ້າສົນໃຈທົ່ວໂລກ ວັນທີ 10 ກັນຍາ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກ ວັນທີ 10 ກັນຍາ 2020
error: Alert: ເນື້ອຫາຂ່າວມີລິຂະສິດ !!