ເກຣັກປະສົບວິກິດຂີ້ເຫຍື້ອລົ້ນເມືອງຫລວງ

- advert banner 728 90 728x90 - ເກຣັກປະສົບວິກິດຂີ້ເຫຍື້ອລົ້ນເມືອງຫລວງ

​ເອ​ເທ​ນ 26 ມິຖຸນາ: ລັດຖະບານ​ເກຣັກຮຽກຮ້ອງ​ໃຫ້​ພະນັກງານ​ເກັບ​ຂີ້​ເຫຍື້ອ ​ເຊິ່ງຢຸດ​ວຽກ​ປະ​ທ້ວງ​ເປ​ັນ​ເວລາ 10 ວັນ ກັບ​ມາ​ເຮັດ​ວຽກ​ໄດ້​ແລ້ວ ພາຍຫລັງ​ມີ​ຂີ້​ເຫຍື້ອ​ກອງ​ຢູ່​ສະຖານ​ທີ່​ຕ່າງໆ​ທົ່ວ​ນະຄອນຫລວງ​ເອ​ເທ​ນ ​ແລະ ຄາດ​ວ່າ​ຈະ​ມີຄື້ນຄວາມ​ຮ້ອນ​ແຜ່​ເຂົ້າມາ​ປົກ​ຄຸມ​ອີກ​ໃນ​ທ້າຍ​ອາທິດ​ນີ້.

- new3 - ເກຣັກປະສົບວິກິດຂີ້ເຫຍື້ອລົ້ນເມືອງຫລວງ

ຄາດ​ວ່າ​ອຸນຫະພູມ​ຈະ​ເພີ່ມ​ສູງ​ເຖິງ 42 ອົງສາ ຢູ່​ນະຄອນຫລວງ​ເອ​ເທ​ນ​ໃນ​ທ້າຍ​ອາທິດ​ນີ້ ​ເຮັດ​ໃຫ້​ສຳນັກງານ​ສາທາລະນະ​ສຸກ​ຕ້ອງ​ປະກາດ​ເຕືອນ​ອັນຕະລາຍ ພາຍຫລັງ​ການ​ຢຸດ​ວຽກ​ປະ​ທ້ວງ​ຕໍ່​ເນື່ອງ. ລັດຖະບານ​ເກຣັກ​ຖະ​ແຫລ​ງວ່າ: ຈະ​ສະ​ເໜີ​ຮ່າງ​ກົດໝາຍ​ໃນ​ສະພາ ​ເພື່ອ​ປັບ​ສັນຍາ​ຈ້າງ​ວຽກ​ໃໝ່​ສຳລັບ​ພະນັກງານ​ເກັບ​ຂີ້​ເຫຍື້ອທ້ອງ​ຖິ່ນ​ຫລາຍ​ພັນ​ຄົນ, ຂະນະ​ທີ່​ສະຫະພາບ​ແຮງ​ງານ​ຮຽກຮ້ອງ​ໃຫ້​ລັດຖະບານ​ປະຕິບັດຕາມ​ສັນຍາ​ທີ່​ຈະ​ບັນຈຸ​ວຽກ​ໃຫ້​ຖາວອນ​ສຳລັບ​ພະນັກງານ​ສັນຍາ​ຈ້າງ​ໄລຍະ​ຍາວ ​ເຊິ່ງຈະ​ຖື​ວ່າ​ຂັດ​ກັບ​ຂໍ້​ກຳນົດ​ໃນ​ການ​ຈຳກັດ​ງົບປະມານ​ຕາມ​ເງື່ອນ​ໄຂ​ທີ່​ເກຣັກ​ເຮັດ​ຂໍ້​ຕົກລົງ​ໄວ້​ກັບ​ສະ​ຖາ​ບັນ​ຜູ້​ໃຫ້​ກູ້​ສາກົນ.

- lattana 1 - ເກຣັກປະສົບວິກິດຂີ້ເຫຍື້ອລົ້ນເມືອງຫລວງ
error: Content is protected !!