ມອບ-ຮັບແຮງງານລາວ 27 ຄົນທີ່ໄປເຮັດວຽກ ຢູ່ ໄທ ກັບຄືນປະເທດ

ມອບ-ຮັບແຮງງານລາວ 27 ຄົນທີ່ໄປເຮັດວຽກ ຢູ່ ໄທ ກັບຄືນປະເທດ - 119031132 1431959043674538 8520059830981131634 o - ມອບ-ຮັບແຮງງານລາວ 27 ຄົນທີ່ໄປເຮັດວຽກ ຢູ່ ໄທ ກັບຄືນປະເທດ
ມອບ-ຮັບແຮງງານລາວ 27 ຄົນທີ່ໄປເຮັດວຽກ ຢູ່ ໄທ ກັບຄືນປະເທດ - Untitled design - ມອບ-ຮັບແຮງງານລາວ 27 ຄົນທີ່ໄປເຮັດວຽກ ຢູ່ ໄທ ກັບຄືນປະເທດ

ວັນທີ 10 ກັນຍາ 2020 ນີ້, ຢູ່ຂົວມິດຕິພາບລາວ-ໄທ ແຫ່ງທີ 4 ແຂວງບໍ່ແກ້ວ ໄດ້ມີພິທີມອບ-ຮັບແຮງານລາວ ທີ່ໄປເຮັດວຽກຢູ່ຣາຊະອານາຈັກໄທ ຈຳນວນ 27 ຄົນ, ຍິງ 09 ຄົນກັບຄືນປະເທດ, ໃນນີ້ ແຮງງານຢູ່ແຂວງບໍ່ແກ້ວ ຈຳນວນ 21 ຄົນ, ແຂວງຈຳປາສັກ, ອຸດົມໄຊ ແລະ ຫລວງພະບາງ ແຂວງລະ 2 ຄົນ. ຈາກນັ້ນ ຄະນະສະເພາະກິດເພື່ອປ້ອງກັນ, ຄວາມຄຸມ ແລະ ແກ້ໄຂພະຍາດ ໂຄວິດ-19 ແຂວງບໍ່ແກ້ວ ຈະໄດ້ນຳສົ່ງໄປຈຳກັດບໍລິເວນຢູ່ສູນ ບ້ານມົກກະຕອກ ເມືອງຫ້ວຍຊາຍ ແລະ ໃນວັນດຽວກັນ ຄະນະສະເພາະກິດແຂວງ ກໍໄດ້ນຳເອົາແຮງງານ ຈາກ ສປ ຈີນ ທີ່ມາສືບຕໍ່ແກ້ໄຂວຽກທີ່ຍັງຄ້າງຄຢູ່ແຂວງບໍ່ແກ້ວ ຈຳນວນ 12 ຄົນ ເຂົ້າມາຈຳກັດບໍລິເວນຢູ່ສູນດັ່ງກ່າວເຊັ່ນກຽວກັນ.
ທ່ານ ນາງ ຈັນທອນ ໄຊຍະວົງ ຜູ້ຮັບຜິດຊອບສູນຈຳກັດບໍລິເວນ ພະຍາດໂຄວິດ 19 ໃຫ້ຮູ້ວ່າ: ມາຮອດປັດຈຸບັນ ມີແຮງງານ ເຂົ້າມາຈຳກັດບໍລິເວນຢູ່ສູນດັ່ງກ່າວທັງໝົດ 263 ຄົນ, ຍິງ 130 ຄົນ ແລະ ໄດ້ອອກໃບຢັ້ງຢືນຕິດຕາມສຸຂະພາບຄົບ 14 ວັນ ຈຳນວນ 237 ຄົນ. ໃນໄລຍະຈຳກັດບໍລິເວນ 14 ວັນນັ້ນ, ຜູ້ຖືກຈຳກັດບໍລິເວນໄດ້ປະຕິບັດຕາມມາດຕະການຄື: ໃສ່ຜ້າອັດປາກ-ດັງ, ຮັກສາໄລຍະຫ່າງ 1 ແມັດຂຶ້ນໄປ ແລະ ມີແພດເຝົ້າຕິດຕາມອາການໃນແຕ່ລະວັນ, ມີການວັດອຸນຫະພູມເຊົ້າ-ແລງ, ເກັບຕົວຢ່າງມາກວດຫາເຊື້ອໂຄວິດ 19 ພາຍຫລັງຄົບ 14 ວັນ ຖ້າບໍ່ພົບເຊື້ອ ທາງຄະນະສູນຈະອອກໃບຢັ້ງຢືນໃຫ້ ແລະ ນຳສົ່ງກັບຄື່ຫາຄອບຄົວ ເພື່ອໃຊ້ຊິດວິດເປັນປົກກະຕິ.
ໂອກາດນີ້, ທ່ານນາງ ຈັນທອນ ໄຊຍະວົງ ຍັງຮຽກຮ້ອງມາຍັງແຮງງານລາວຜູ້ໄປເຮັດວຽກຢູຕ່າງປະເທດ ທີ່ມີຈຸດປະສົ່ງຈະກັບຄືນປະເທດ ໃຫ້ກັບມາແບບຖືກຕ້ອງຕາມລະບຽບກົດໝາຍ, ຖ້າບຸກຄົນໃດຫາກຝາຝືນ ໜ່ວຍສະເພາະກິດກວດພົບເຫັນ ແມ່ນຈະປະຕິບັດຕາມຂັ້ນຕອນຂອງກົດໝາຍ ໂດຍບໍ່ມີຂໍ້ຍົກເວັ້ນໃດໆ. ພ້ອມນີ້, ທ່ານຍັງໄດ້ ຮຽກຮ້ອງມາຍັງທຸກພາກສ່ວນສັງຄົນ ຜູ້ທີ່ມີເງື່ອນໄຂ ໃນການຊ່ວຍເຫລືອເຄື່ອງອຸປະໂພກ-ບໍລິໂພກ, ເຂົ້າສານອາຫານແຫ້ງ ໃຫ້ແກ່ສູນຈຳກັດບໍລິເວນ ບ້ານມົກກະຈອກ ເມືອງຫ້ວຍຊາຍ, ແຂວງບໍ່ແກ້ວ ກໍສາມາດຕິດຕໍ່ນຳຄະນະຮັບຜິດຊອບໄດ້ ຫລື ຕິດຕໍ່ຜ່ານໂທລະສັບໝາຍເລກ: 020 55683638 ຫລື 030 4766510. ເນື່ອງຈາກວ່າ ອາຫານການກິນ ແລະ ເຄື່ອງໃຊ້ສອຍຕ່າງໆສຳລັບຜູ້ຈຳກັດບໍລິເວນ ແມ່ນຍັງບໍ່ພຽງພໍ.
ຂ່າວ-ພາບ: ບຸນເພັດ ໄຊຍະວົງ

ຂປລ

ມອບ-ຮັບແຮງງານລາວ 27 ຄົນທີ່ໄປເຮັດວຽກ ຢູ່ ໄທ ກັບຄືນປະເທດ - Wave100S AD to Website 2020 0 - ມອບ-ຮັບແຮງງານລາວ 27 ຄົນທີ່ໄປເຮັດວຽກ ຢູ່ ໄທ ກັບຄືນປະເທດ
ມອບ-ຮັບແຮງງານລາວ 27 ຄົນທີ່ໄປເຮັດວຽກ ຢູ່ ໄທ ກັບຄືນປະເທດ - WhatsApp Image 2020 05 27 at 5 - ມອບ-ຮັບແຮງງານລາວ 27 ຄົນທີ່ໄປເຮັດວຽກ ຢູ່ ໄທ ກັບຄືນປະເທດ
ມອບ-ຮັບແຮງງານລາວ 27 ຄົນທີ່ໄປເຮັດວຽກ ຢູ່ ໄທ ກັບຄືນປະເທດ - WhatsApp Image 2020 05 27 at 5 - ມອບ-ຮັບແຮງງານລາວ 27 ຄົນທີ່ໄປເຮັດວຽກ ຢູ່ ໄທ ກັບຄືນປະເທດ
error: Alert: ເນື້ອຫາຂ່າວມີລິຂະສິດ !!