ສະຫລຸບບັນຫາໜ້າສົນໃຈທົ່ວໂລກ ວັນທີ 11 ກັນຍາ 2020

ສະຫລຸບບັນຫາໜ້າສົນໃຈທົ່ວໂລກ ວັນທີ 11 ກັນຍາ 2020 -                                                                                                 11                 2020 - ສະຫລຸບບັນຫາໜ້າສົນໃຈທົ່ວໂລກ ວັນທີ 11 ກັນຍາ 2020
ສະຫລຸບບັນຫາໜ້າສົນໃຈທົ່ວໂລກ ວັນທີ 11 ກັນຍາ 2020 - Untitled design - ສະຫລຸບບັນຫາໜ້າສົນໃຈທົ່ວໂລກ ວັນທີ 11 ກັນຍາ 2020
  1. ພັກ Democrat ​ໄດ້​ປະຕິ​ເສດ​ຮ່າງ​ກົດໝາຍ​ບັນ​ເທົາ​ທຸກ​ຄັ້ງ​ໃໝ່​ສຳລັບ COVID-19 ຂອງ​ພັກ Rupublican ​ໃນ​ການ​ລົງ​ຄະ​ແນນ​ສຽງ​ຂອງ​ວຸດ​ທິສະພາ (Senate Vote) ​ໂດຍ​ພວກ​ເຂົາ​ໃຫ້​ເຫດຜົນ​ວ່າ ຮ່າງ​ກົດໝາຍ​ດັ່ງກ່າວ​ຍັງ​ໃຫ້ການ​ຊ່ວຍ​ເຫລືອ​ແກ່​ປະຊາຊົນ​ໜ້ອຍ​ເກີນ​ໄປ​ທີ່​ຈະ​ແກ້​ໄຂ​ຫາ​ຍະ​ນະ​ທາງ​ເສດຖະກິດ​ໃນ​ຄັ້ງນີ້ ​ແລະ ພ້ອມ​ໃຈ​ກັນ​ຕໍ່ຕ້ານ​ມັນ.

ສະມາຊິກ​ວຸດ​ທິສະພາ​ຂອງ Republican ທັງ​ໝົດ​ໄດ້​ໂຫວດ​ປະຕິ​ເສດ​ເຊັ່ນ​ກັນ ​ໂດຍ​ມີ​ພຽງ 1 ສຽງ​ທີ່​ເຫັນ​ພ້ອມ ສ່ວນ​​ເຈົ້າໜ້າ​ທີ່​ຈາກ​ທະນາຄານກາງ​ອາ​ເມ​ລິ​ກາ ​ແລະ ຄົນ​ອື່ນໆ ​ໄດ້​ອອກ​ມາ​ກ່າວ​ວ່າ ​ເສດຖະກິດ​ຈຳ​ເປັນ​ຕ້ອງ​ໄດ້​ຮັບ​ການ​ຊ່ວຍ​ເຫລືອ​ເພີ່ມ​ຕື່ມ ​ເພື່ອ​ປ້ອງ​ກັນ​ບໍ່​ໃຫ້​ປະ​ເທດ​ຫລຸດ​ລົງ​ໄປ​ກວ່າ​ນີ້.

​ເຖິງ​ຢ່າງ​ໃດ​ກໍ​ຕາມ, ການ​ເຈລະຈາ​ລະຫວ່າງ​ສະມາຊິກ​ສະພາ​ຄອງ​ເກຣດ ພັກ Democrat ​ແລະ ​ເຈົ້າໜ້າ​ທີ່​ບໍລິຫານ ​ເຊິ່ງ​ໄດ້​ພັງ​ທະລາ​ຍລົງ​ໃນ​ເດືອນ​ສິງຫາ ຍັງ​ບໍ່​ໄດ້​ເລີ່​ມຕົ້ນ​ໃໝ່.

  1. Jean-Sebastien Jacques ຫົວໜ້າ​ຂອງ​ບໍລິສັດ Rio Tinto ​ເຊິ່ງ​ເປັນ​ບໍລິສັດ​ທາງ​ດ້ານ​ການ​ຂຸດ​ເຈາະ​ໂລຫະ​ມີຄ່າ ​ແລະ ບໍ່​ແຮ່​ໃຫຍ່​ເປັນອັນ​ດັບ 2 ຂອງ​ໂລກ​ຮອງ​ຈາກ BHP ລວມທັງ​ຜູ້​ບໍລິຫານ​ລະດັບ​ສູງ​ອີກ 2 ຄົນ ​ໄດ້​ປະກາດ​ລາ​ອອກ​ຫລັງ​ຈາກ​ການ​ຕັດສິນ​ໃຈ​ຂອງ​ບໍລິສັດ​ທີ່​ຈະ​ລະ​ເບີດ​ຖ້ຳບູຮານ​ພື້ນ​ເມືອງ​ພາຍ​ໃນ​ປະ​ເທດ​ອົດ​ສະຕຣາລີ 2 ​ແຫ່ງ​ທີ່​ມີ​ອາຍຸ​ເຖິງ 46.000 ປີ.

ຍັກ​ໃຫຍ່​ດ້ານ​ບໍ່​ແຮ່ ​ໄດ້​ເດີນ​ໜ້າ​ເລື່ອງ​ການລະ​ເບີດ​ບໍ່​ແຮ່​ນັບ​ແຕ່​ເດືອນ​ພຶດສະພາ​ຜ່ານ​ມາ ​ເຖິງ​ວ່າ​ຈະ​ມີ​ການ​ຄັດຄ້ານ​ຈາກ​ເຈົ້າຂອງ​ພື້ນທີ່ ​ເຊິ່ງ​ເປັນ​ຊົນ​ພື້ນ​ເມືອງ​ໃນ​ເຂດ​ນັ້ນ ​ເຮັດ​​ໃຫ້​ເກີດ​ປະຕິ​ກິ​ລະ​ຍາ​ຕອບ​ໂຕ້​ໃນ​ທາງ​ຮ້າຍ​ຈາກ​ນັກ​ລົງທຶນ. ຂະນະ​ທີ່ Jacques ຈະ​ຍັງ​ໄດ້​ຮັບ​ສິດ​​ໂບນັດ​ໄລຍະ​ຍາວ​ຂອງ​ລາວ ບໍລິສັດ​ກ່າວ.

  1. Cititgroup ຕັດສິນ​ໃຈ​ສະ​ເໜີ​ຊື່​ຂອງ Jane Fraser ​ໃນ​ການ​ເຂົ້າຮັບ​ຕຳ​ແໜ່​ງ CEO ຕໍ່​ຈາກ Michael Corbat ​ເມື່ອ​ລາວ​ບຳນານ​ໃນ​ເດືອນ​ກຸມພາ 2021.

Fraser ​ເຊິ່ງປັດຈຸບັນ​ເປັນ​ປະທານ​ຂອງ​ຝ່າຍ​ບໍລິຫານ​ທຸລະ​ກິດ​ທະນາຄານ ​ເພື່ອ​ຜູ້​ບໍລິ​ໂພ​ກ (consumer-banking business) ຈະ​ກາຍ​ເປັນ​ຜູ້ຍິງ​ຄົນ​ທຳ​ອິດ​ທີ່​ໄດ້​ຮັບຕຳ​ແໜ່​ງ CEO ຂອງ​ທະນາຄານ​ຍັກ​ໃຫຍ່​ແຫ່ງ Wall Street.

ສ່ວນ​ການ​ດຳລົງ​ຕຳ​ແໜ່​ງ CEO ຕະຫລອດ 8 ປີ​ຂອງ Corbat ນັ້ນສ່ວນ​ຫລາຍ​ຖືກ​ຄອບ​ງຳ​ໂດຍ​ພາລະກິດ​ໃນ​ການ​ຟື້ນຟູ​ສົມບັດ​ຂອງ Citi ຫລັງ​ຈາກ​ວິ​ກິດ​ການ​ເງິນ​ໃນ​ປີ 2008.

ສະຫລຸບບັນຫາໜ້າສົນໃຈທົ່ວໂລກ ວັນທີ 11 ກັນຍາ 2020 - Wave100S AD to Website 2020 0 - ສະຫລຸບບັນຫາໜ້າສົນໃຈທົ່ວໂລກ ວັນທີ 11 ກັນຍາ 2020
  1. ທະນາຄານ​ກາງ​ເອີຣົບ (ECB) ປະກາດ​ຮັກສາ​ອັດຕາ​ດອກ​ເບ້ຍ​ໄວ້​ຄື​ເກົ່າ ​ໂດຍ Christine Lagarde ​ເຊິ່ງ​ເປັນ​ປະທານ ກ່າວ​ວ່າ ​ເຂດ​ໃຊ້​ເງິນ​ເອີ​ໂຣກຳລັງ​ປະສົບ​ກັບ​ການ​ຟື້ນຕົວຢ່າງ​ແຂງ​ແຮງ​ໃນ​ກິດຈະກຳ​ທາງ​ເສດຖະກິດ ຫລັງ​ຈາກ​ມີ​ການ​ຫລຸດຜ່ອນ​ມາດ​ຕະການ Lockdown ລົງ.

ປັດຈຸບັນ ECB ຄາດ​ຄະ​ເນ​ວ່າການ​ຫລຸດ​ລົງ​ຂອງ GDP ​ໃນ​ປີ​ນີ້​ຈະ​ໜ້ອຍ​ກວ່າ​ການ​ຄາດ​ຄະ​ເນ​ໄວ້​ກ່ອນ​ໜ້າ​ນີ້​ເລັກ​ໜ້ອຍ ​ແລະ ອັດຕາ​ເງິນ​ເຟີ້​ຈະ​ຕໍ່າ​ກວ່າ​ເປົ້າໝາຍ​ທີ່​ໃກ້​ຄຽງ​ກັບ 2% ​ໃນ​ບາງ​ເທື່ອ.

  1. Microsoft ກ່າວ​ວ່າ ​ແຮກ​ເກີ້​ຊາວ​ຈີນ, ອີຣານ ​ແລະ ຣັດ​ເຊຍ ​ໄດ້​ພະຍາຍາມ​ໂຈມ​ຕີ​ທາງ​ໄຊ​ເບີ​ໃນ​ກຸ່ມ​ຫລາຍ​ຮ້ອຍ​ກຸ່ມ ​ແລະ ຜູ້​ທີ່ກ່ຽວຂ້ອງ​ກັບ​ການ​ເລືອກ​ຕັ້ງປະທານາທິບໍດີ​ຂອງ​ອາ​ເມ​ລິ​ກາ ລວມທັງ​ໂຄງການ​ຫາ​ສຽງ​ຂອງ Joe Biden ​ແລະ Donald Trump ​ໂດຍ​ບໍລິສັດ​ກ່າວ​ວ່າ ​ແຮກ​ເກີ ​ເຊິ່ງລວມທັງ​ກຸ່ມຣັດ​ເຊຍ ​ເຄີຍ​ທຳລາຍ​ການ​ປຸກລະດົມ​ຕໍ່ຕ້ານ​ທ່ານ ທຣຳ ຂອງ Hillary Clinton ​ໃນ​ປີ 2016 ​ແລະ ຍຸດທະວິທີ​ຂອງຣັດ​ເຊຍ​ກໍ​ມີ​ການ​ພັດທະນາ​ນັບ​ແຕ່​ນັ້ນມາ.
  2. IAG ​ເຊິ່ງ​ເປັນ​ກຸ່ມ​ສາຍ​ການບິນ​ ລວມທັງ British Airways ​ແລະ Iberia ​ໄດ້​ເປີດ​ຕົວ​ພັນທະບັດ​ສິດຫລຸດ​ລາຄາ​ຂອງ​ພວກ​ເຂົາ​ໃຫ້​ແກ່​ລູກ​ຄ້າ ​ເພື່ອ​ລະດົມ​ທຶນ 2,7 ພັນ​ລ້ານ​ເອີ​ໂຣ ​ໂດຍ Qatar Airways ​ເຊິ່ງ​ເປັນ​ຜູ້​ຖື​ຫຸ້ນ​ລາຍ​ໃຫຍ່​ທີ່​ສຸດ​ຂອງ IAG ຈະ​ໃຫ້​ເງິນ​ທຶນ​ຈຳນວນ​ຫລາຍ​ແກ່​ໂຄງການ​ນີ້.

ຂະນະ​ດຽວ​ກັນ IAG ​ໄດ້​ຄາດ​ຄະ​ເນ​ວ່າຄວາມ​ຕ້ອງການ​ເດີນທາງ​ໂດຍ​ເຮືອບິນ​ຈະ​ກັບ​ມາ​ຊ້າ​ກວ່າ​ທີ່​ເຄີຍ​ຄາດ​ຄະ​ເນ​ໄວ້​ກ່ອນ​ໜ້າ​ນີ້ ​ໂດຍ​ປັດຈຸບັນ​ຄາດ​ວ່າ​ກຳລັງ​ການ​ດຳ​ເນີນ​ງານ​ຂອງ​ບໍລິສັດ​ຈະ​ຫລຸດ​ລົງ 63% ​ໃນ​ປີ​ນີ້​ເມື່ອ​ທຽບ​ໃສ່ປີ 2019.

  1. ​ໄຟ​ໄໝ້​ໄປ່າ​ໄດ້​ນຳ​​ເອົາ​ຄວາມ​ຫາ​ຍະ​ນະຄັ້ງ​ໃໝ່​ມາສູ່​ແຄມ​ຝັ່ງ​ຕາ​ເວັນ​ຕົກ​ຂອງ​ອາ​ເມ​ລິ​ກາ ​ໂດຍ​ເປ​ວ​ໄຟ​ຂ້າ​ຊີວິດ​ຄົນ​ໄປ​ແລ້ວ​ຢ່າງ​ໜ້ອຍ 7 ຄົນ​ໃນ California, Oregon ​ແລະ Washington.

ອີກ​ຢ່າງ​ໜຶ່ງ, ​ໄຟ​ໄໝ້​ປ່າ​ຄັ້ງນີ້​ໄດ້​ທຳລາຍ​​ເນື້ອທີ່​ປ່າ​ໄປ​ປະມານ 10.117 ​ກິ​ໂລ​ຕາແມັດ ​ເຊິ່ງຕົວ​ເລກດັ່ງກ່າວ​ຖື​ວ່າ​ສູງ​ກວ່າ​ເຫດການ​ໄຟ​ໄໝ້​ປ່າ​ໃນ​ປີຜ່ານມາ​ເຖິງ 20 ​ເທົ່າ. ຂະນະ​ທີ່ຫລາຍ​ພັນ​ຄົນ​ໄດ້​ຮັບ​ການ​ອົບ​ພະຍົບ ​ແລະ ປັດຈຸບັນ​ຍັງ​ມີ​ຄວັນ​ທີ່​ເປັນ​ພິດ​ປົກ​ຄຸມພື້ນທີ່​ຢ່າງ​ໜາ​​​ທຶບ.

  1. ກອງ​ທຶນ​ສັດປ່າ​ໂລກ (The World Wildlife Fund, WWF) ລາຍ​ງານ​ວ່າ ປະຊາກອນ​ສັດປ່າ​ຫລຸດ​ລົງ​ເຖິງ 2 ​ໃນ 3 ພາຍ​ໃນ​ເວລາ​ບໍ່​ຮອດ 50 ປີ ​ແລະ ກຸ່ມ​ອະນຸລັກ​ສັດ​ຍັງ​ເຕືອນ​ອີກ​ວ່າ ອັດຕາ​ການ​ຫລຸດ​ລົງ​ບໍ່​ສະ​ແດງ​ສັນຍານ​ຂອງ​ການ​ຫລຸດ​ລົງ​ເລີຍ ສະຖານະ​​​ແບບ​ນີ້​ຖື​ວ່າ​ຮ້າຍ​ແຮງ​ຢ່າງ​ຍິ່ງ ​ໂດຍ​ສະ​ເພາະ​ຢູ່​ອາ​ເມ​ລິ​ກາ​ລາ​ຕິນ. ຂະນະ​ທີ່ WWF ​ໄດ້​ກ່າວ​ໂທດ​ປັດ​ໄຈ​ຫລາຍ​ປະການ ​ເຊິ່ງ 1 ​ໃນ​ປັດ​ໄຈ​ສຳຄັນ​ນັ້ນລວມທັງ​ການ​ຕັດ​ໄມ້​ທຳລາຍ​ປ່າ ​ແລະ ການ​ຄ້າຂາຍ​ສັດ​ປ່າ​ທົ່ວ​ໂລກ.
ສະຫລຸບບັນຫາໜ້າສົນໃຈທົ່ວໂລກ ວັນທີ 11 ກັນຍາ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກ ວັນທີ 11 ກັນຍາ 2020
ສະຫລຸບບັນຫາໜ້າສົນໃຈທົ່ວໂລກ ວັນທີ 11 ກັນຍາ 2020 - WhatsApp Image 2020 05 27 at 5 - ສະຫລຸບບັນຫາໜ້າສົນໃຈທົ່ວໂລກ ວັນທີ 11 ກັນຍາ 2020
error: Alert: ເນື້ອຫາຂ່າວມີລິຂະສິດ !!