ອົງການອາຫານໂລກໃຫ້ທຶນສະໜັບສະໜູນລາວເກືອບ 60 ພັນໂດລາ ກະກຽມຄວາມພ້ອມຮັບມືກັບເຫດສຸກເສີນ

ໃນວັນທີ 14 ກັນຍານີ້ ທີ່ນະຄອນຫລວງວຽງຈັນ, ອົງການອາຫານໂລກປະຈໍາ ສປປ ລາວ ໄດ້ມອບເຕັ້ນສຳລັບ​ການ​ສ້າງສາງເຄື່ອນທີ່ ຈຳນວນ  4 ຊຸດ ມີມູນຄ່າ 59.600 ໂດລາສະຫະລັດ ໃຫ້ກະຊວງແຮງງານ ແລະ ສະຫວັດດີການສັງຄົມ ເພື່ອນຳໃຊ້ເຂົ້າໃນການບັນຈຸສະບຽງອາຫານ ແລະ ເຄື່ອງບັນເທົາທຸກສຳລັບ​ຢູ່ໄຊຍະບູລີ, ບໍ່ແກ້ວ, ຫລວງນໍ້າທາ ແລະ ສະຫວັນນະເຂດ ເມື່ອເວລາທີ່ມີໄພພິບັດ​ເກີດ​ຂຶ້ນ ​ເພື່ອສາມາດນຳເອົາອອກມາຕິດຕັ້ງໄດ້ຢ່າງວ່ອງໄວ ເຊິ່ງແຕ່ລະເຕັ້ນຈະສາມາດບັນຈຸເຄື່ອງອຸປະກອນບັນເທົາທຸກໄດ້ເຖິງ 500 ໂຕນ ​ແລະ ສາມາດສ້າງເປັນສູນໂລຈິສຕິກທີ່ພ້ອມໃຊ້ງານໄດ້ໃນກໍລະນີທີ່ມີຄວາມຈຳເປັນ.

ຫົວໜ້າກົມສັງຄົມສົງເຄາະ ທັງເປັນຫົວໜ້າກອງເລຂາຄະນະກໍາມະການຄຸ້ມຄອງໄພພິບັດຂັ້ນສູນກາງ ກະຊວງແຮງງານ ແລະ ສະຫວັດດີການສັງຄົມ ​ໃຫ້​ຮູ້​ວ່າ: ສາງດັ່ງກ່າວຈະມີອຸປະກອນທີ່ອໍານວຍຄວາມສະດວກໃນການຈັດເກັບເຄື່ອງມື ແລະ ອຸປະກອນບັນເທົາທຸກເຊັ່ນ: ປະເພດອາຫານ ແລະ ອຸປະກອນດ້ານຄວາມປອດໄພທີ່ຈະໄດ້ຮັບການເກັບມ້ຽນຢ່າງປອດໄພ ປາສະຈາກຄວາມເສຍຫາຍອື່ນໆ ເພື່ອນໍາໄປໃຊ້ໃນການໂຕ້ຕອບກັບໄພພິບັດ ແລະ ສະຖານະການສຸກເສີນຕ່າງໆ. ຜ່ານມາທາງອົງການອາຫານໂລກ ກໍໄດ້ມີການມອບ ແລະ ຕິດຕັ້ງໄປກ່ອນໜ້ານີ້ ຈໍານວນ 4 ຊຸດ ຢູ່ແຂວງອັດຕະປື, ເຊກອງ, ຄຳມ່ວນ ແລະ ​ແຂວງອຸດົມໄຊ ​ເພື່ອ​ສາມາດ​ຮັບ​ມື​ກັບ​ໄພພິບັດ​ຕ່າງໆ​ທີ່​ອາດ​ຈະ​ເກີດ​ຂຶ້ນ.

No comments yet! You be the first to comment.

Leave a Reply

Your email address will not be published.

This site uses Akismet to reduce spam. Learn how your comment data is processed.

error: Alert: Content is protected !!