3 ສູດພອກໜ້າປິ່ນປົວສິວເຊົາໄວ ແລະ ເຮັດໃຫ້ໜ້າໃສ

3 ສູດພອກໜ້າປິ່ນປົວສິວເຊົາໄວ ແລະ ເຮັດໃຫ້ໜ້າໃສ - 555 47 - 3 ສູດພອກໜ້າປິ່ນປົວສິວເຊົາໄວ ແລະ ເຮັດໃຫ້ໜ້າໃສ
3 ສູດພອກໜ້າປິ່ນປົວສິວເຊົາໄວ ແລະ ເຮັດໃຫ້ໜ້າໃສ - 174233 - 3 ສູດພອກໜ້າປິ່ນປົວສິວເຊົາໄວ ແລະ ເຮັດໃຫ້ໜ້າໃສ
  1. ສູດໝາກນາວ ແລະ ໝາກເລັ່ນ :
  • ວິທີເຮັດ : ປາດໝາກນາວເປັນປ່ຽງກຽມໄວ້ 1 ປ່ຽງ ແລ້ວເອົາໝາກເລັ່ນ 1 – 2 ໜ່ວຍໄປປັ່ນປະສົມກັບນຳ້ໝາກນາວໃຫ້ເຂົ້າກັນດີ ຈາກນັ້ນຈຶ່ງເອົາມາທາພອກຈົນທົ່ວໃບໜ້າ ໂດຍສະເພາະບໍລິເວນທີ່ເປັນສິວ ປະໄວ້ປະມານ 20 – 30 ນາທີ ແລ້ວຈຶ່ງລ້າງອອກ. ສູດພອກໜ້າປິ່ນປົວສິວດ້ວຍໝາກນາວ ແລະ ໝາກເລັ່ນນີ້ຈະຊ່ວຍຂ້າເຊື້ອແບັກທີເຣຍ ເຊິ່ງເປັນສາເຫດຂອງການເກີດສິວໄດ້ ແລະ ຍັງຊ່ວຍຜັດປ່ຽນແຊນຜິວເກົ່າ ເຮັດໃຫ້ຜິວໜ້າທີ່ໝອງຄຳ້ກັບມາຂາວສົດໃສຂຶ້ນ ທັງຍັງເຮັດໃຫ້ສິວທີ່ເປັນຢູ່ແຫ້ງ ແລະ ຍຸບລົງໄວ. ນອກຈາກນີ້, ຍັງຊ່ວຍຫລຸດຮອຍສິວໃຫ້ຈາງລົງໄດ້ນຳອີກ ເຊິ່ງນອກຈາກຈະຊ່ວຍປິ່ນປົວສິວໄດ້ຜົນດີແລ້ວ ຍັງເປັນສູດໜ້າໃສໄປໃນໂຕ.
  1. ສູດນຳ້ເຜິ້ງ ແລະ ຂີ້ໝິ້ນ :
  • ວິທີເຮັດ : ເອົາຝຸ່ນຂີ້ໝິ້ນ ປະສົມກັບນຳ້ເຜິ້ງໃຫ້ເຂົ້າກັນ ເອົາມາພອກໃຫ້ທົ່ວໃບໜ້າ ປະໄວ້ປະມານ 15 – 20 ນາທີ ຈຶ່ງລ້າງອອກ. ສຳລັບສູດນີ້ຈະຊ່ວຍເຮັດຄວາມສະອາດຮູຂຸມຂົນ ເຊິ່ງຂີ້ໝິ້ນ ແລະ ນຳ້ເຜິ້ງຈະຊ່ວຍຂ້າເຊື້ອແບັກທີເຣຍເທິງຜິວໜັງ ທັງຍັງຕື່ມຄວາມຊຸ່ມຊື່ນນຸ້ມນວນໃຫ້ຜິວ. ທ່ານໃດທີ່ພອກຕອນເປັນສິວ, ສິວອັກເສບຈະແຫ້ງໄວ ແລະ ຍັງຊ່ວຍແກ້ບັນຫາສິວຜົດຜື່ນໄດ້ນຳອີກ.
  1. ສູດໝາກຂາມ ແລະ ນົມສົດ :
  • ວິທີເຮັດ : ໃຫ້ເອົາໝາກຂາມປຽກປະສົມກັບນົມເປັນຈົນເນື້ອຄຣີມຂຸ້ນໆ ຈາກນັ້ນເອົາມາພອກໜ້າໃຫ້ທົ່ວ ປະໄວ້ປະມານ 15 – 20 ນາທີ ຈຶ່ງລ້າງອອກ. ໝາກຂາມປຽກມີສັບພະຄຸນຊ່ວຍຂ້າເຊື້ອແບັກທີເຣຍອັນເປັນສາເຫດຂອງການເກີດສິວໄດ້ດີ, ຊ່ວຍໃນການຜັດປ່ຽນແຊນຜິວເກົ່າທີ່ຕາຍແລ້ວໃຫ້ຫລຸດອອກ ຈຶ່ງຊ່ວຍແກ້ບັນຫາສິວໄດ້ທຸກປະເພດ ຕັ້ງແຕ່ສິວຜົດຜື່ນ, ສິວອັກເສບ, ສິວສ້ຽນ, ສິວຫົວດຳ, ສິວອັດຕັນ ແລະ ແມ່ນແຕ່ຮອຍສິວ ໂດຍປົກກະຕິແລ້ວ ຫລາຍຄົນອາດຈະລຶ້ງເຄີຍກັບການໃຊ້ໝາກຂາມປຽກຂັດຜິວຢູ່ແລ້ວ ແຕ່ເທື່ອນີ້ຫາກມີສິວກໍຢ່າລືມເອົາມາພອກໜ້າ ຫລື ໃຊ້ໝາກຂາມປຽກຂັດຜິວເພື່ອກຳຈັດສິວອາທິດລະ 1 – 2 ເທື່ອກໍໄດ້ ຮັບຮອງວ່າແກ້ບັນຫາສິວຢ່າງໄດ້ຜົນ.
3 ສູດພອກໜ້າປິ່ນປົວສິວເຊົາໄວ ແລະ ເຮັດໃຫ້ໜ້າໃສ - Wave100S AD to Website 2020 0 - 3 ສູດພອກໜ້າປິ່ນປົວສິວເຊົາໄວ ແລະ ເຮັດໃຫ້ໜ້າໃສ
3 ສູດພອກໜ້າປິ່ນປົວສິວເຊົາໄວ ແລະ ເຮັດໃຫ້ໜ້າໃສ - WhatsApp Image 2020 05 27 at 5 - 3 ສູດພອກໜ້າປິ່ນປົວສິວເຊົາໄວ ແລະ ເຮັດໃຫ້ໜ້າໃສ
error: Alert: Content is protected !!