5 ເຫດຜົນທີ່ທ່ານບໍ່ຄວນກິນໝີ່ສຳເລັດຮູບເປັນປະຈຳ

5 ເຫດຜົນທີ່ທ່ານບໍ່ຄວນກິນໝີ່ສຳເລັດຮູບເປັນປະຈຳ - 555 48 - 5 ເຫດຜົນທີ່ທ່ານບໍ່ຄວນກິນໝີ່ສຳເລັດຮູບເປັນປະຈຳ
5 ເຫດຜົນທີ່ທ່ານບໍ່ຄວນກິນໝີ່ສຳເລັດຮູບເປັນປະຈຳ - Untitled design - 5 ເຫດຜົນທີ່ທ່ານບໍ່ຄວນກິນໝີ່ສຳເລັດຮູບເປັນປະຈຳ

ອາຫານທີ່ມີລົດຊາດແຊບ, ປະຢັດເວລາໃນການປຸງແຕ່ງ, ຫາຊື້ໄດ້ງ່າຍ, ມີລາຄາບໍ່ແພງ ດ້ວຍຄຸນສົມບັດເຫລົ່ານີ້ສົ່ງຜົນໃຫ້ໝີ່ສຳເລັດຮູບໄດ້ຮັບຄວາມນິຍົມ ແລະ ເກືອບຈະບໍ່ມີໃຜບໍ່ຮູ້ຈັກ, ແຕ່ຮູ້ຫລືບໍ່ວ່າອາຫານປະເພດນີ້ມີໂທດຫລາຍກ່ວາທີ່ທ່ານຄິດ ຈຶ່ງຄວນຫລີກເວັ້ນການກິນເປັນປະຈຳ ຫລື ກິນທຸກມື້ ເຊິ່ງກໍມີ 5 ເຫດຜົນທີ່ຄວນຫລີກເວັ້ນ ດັ່ງນີ້ :

  1. ມີສານທີ່ເຮັດໃຫ້ເກີດພະຍາດມະເຮັງໄດ້ : ທັງຈາກເສັ້ນໝີ່ເອງ ແລະ ພາຊະນະບັນຈຸລ້ວນກໍ່ໃຫ້ເກີດພະຍາດມະເຮັງໄດ້ ນັ້ນກໍຍ້ອນວ່າມີສານສະໄຕໂຣໂຟມ ເຊິ່ງສານເຄມີຊະນິດນີ້ມັກພົບຢູ່ໂຟມ ແລະ ປລາສະຕິກ ດັ່ງນັ້ນ ຈຶ່ງບໍ່ຕ້ອງສົງໄສເລີຍວ່າຈະສາມາດກໍ່ພະຍາດມະເຮັງໃນຜູ້ທີ່ກິນເປັນປະຈຳໄດ້ຫລືບໍ່ ເພາະເມື່ອຮັບສານນີ້ເຂົ້າໄປແລ້ວ ສານຈະຊ່ວຍກະຕຸ້ນແຊນມະເຮັງທີ່ມີຢູ່ໃນຮ່າງກາຍໃຫ້ເຕີບໃຫຍ່ໄວຂຶ້ນ ດັ່ງນັ້ນ ຈຶ່ງຄວນຫລີກເວັ້ນ ຫລື ບໍ່ກິນເລີຍຈະດີກ່ວາ.
  2. ຂາດຄຸນຄ່າຂອງສານອາຫານ : ເພາະມີສານອາຫານບໍ່ຫລາຍ ມີພຽງແຕ່ຄາໂບໄຮເດຣດ, ໄຂມັນ, ເກືອແຮ່, ໄຟເບີ, ສານປຸງແຕ່ງລົດຊາດ ເຊັ່ນ : ແປ້ງນົວ, ໂຊດຽມ, ສານກັນບູດ ໃນປະລິມານຫລາຍເມື່ອທຽບໃສ່ເສັ້ນໝີ່ທີ່ຢູ່ໃນຊອງ ຫລື ໃນກ່ອງ ໂດຍທັງນີ້ ແປ້ງນົວຫາກໄດ້ຮັບຫລາຍເກີນໄປກໍຈະເຮັດໃຫ້ເກີດອາການປຸ້ນທ້ອງ, ວິນຫົວປວດຮາກ, ໜ້າແດງ ຫລື ຮາກໄດ້. ໂຊດຽມທີ່ມີຫລາຍກໍຈະສົ່ງຜົນໃຫ້ສ່ຽງເປັນພະຍາດຫົວໃຈ, ໝາກໄຂ່ຫລັງ, ຄວາມດັນສູງ ແລະ ຫາກບໍ່ປະສົມຊີ້ນສັດ, ຜັກ, ໄຂ່ ຮ່າງກາຍຈະຂາດສານອາຫານທີ່ຈຳເປັນອື່ນໆຢ່າງແນ່ນອນ ທັງຍັງເປັນໂຕຂັດຂວາງບໍ່ໃຫ້ຮ່າງກາຍດູດຊຶມສານອື່ນໆທີ່ມີປະໂຫຍດນຳອີກ ໃນເດັກນ້ອຍຍິ່ງບໍ່ຄວນໃຫ້ກິນ.
  3. ຕຸ້ຍງ່າຍ : ເປັນຍ້ອນໂຊດຽມທີ່ມີຫລາຍ ປະກອບກັບມີແຕ່ແປ້ງ ແລະ ໄຂມັນເປັນສ່ວນປະກອບຫລັກ ທີ່ເຮັດໃຫ້ລະບົບຍ່ອຍອາຫານບໍ່ດີ, ຍ່ອຍຍາກ ທັງມີໂຊດຽມທີ່ເຮັດໃຫ້ເກີດອາການບວມນຳ້ ສົ່ງຜົນໃຫ້ຕຸ້ຍງ່າຍ ຈຶ່ງບໍ່ເໝາະສົມກັບຄົນທີ່ຢາກຄວບຄຸມນຳ້ໜັກ.
  4. ອັນຕະລາຍຕໍ່ລູກໃນທ້ອງ : ແມ່ຍິງຖືພາ ບໍ່ວ່າຈະຢູ່ໃນໄລຍະຈັກເດືອນກໍຕາມ ບໍ່ຄວນກິນໝີ່ສຳເລັດຮູບເປັນປະຈຳ ເນື່ອງຈາກຄວນຈະຕ້ອງໄດ້ຮັບສານອາຫານທີ່ຈຳເປັນຕໍ່ລູກໃນທ້ອງ. ອາຫານທີ່ຄວນກິນໄດ້ແກ່ : ນົມ, ຜັກ, ໝາກໄມ້, ປາ, ຊີ້ນໝູ ເປັນຕົ້ນ. ນອກຈາກນີ້, ໝີ່ສຳເລັດຮູບມີສານປຸງແຕ່ງຫລາຍຈົນອາດເຮັດໃຫ້ລູກໃນທ້ອງພິການ ຫລື ຮ້າຍແຮງທີ່ສຸດແມ່ນແມ່ອາດຫລຸລູກໄດ້.
  5. ຫລຸດການເຮັດວຽກຂອງຮ່າງກາຍ : ສານປຸງແຕ່ງທີ່ມີຢູ່ໃນໝີ່ສຳເລັດຮູບເປັນສິ່ງທີ່ເກີດໂທດແກ່ຮ່າງກາຍ ເຊັ່ນ : ຫລຸດລະບົບພູມຕ້ານທານ, ຫລຸດລະບົບການເຜົາຜານ ເພາະລະບົບເມຕາບໍລິຊຶມຈະຖົດຖອຍ ຈົນອາດເຮັດໃຫ້ເຮັດວຽກໄດ້ໜ້ອຍລົງ ທັງນີ້ສານໂປຣໄປລີນ ໄກລຄອນ ທີ່ມີຢູ່ຈະໄປກໍ່ກວນລະບົບພູມຕ້ານທານໃຫ້ເຮັດວຽກໄດ້ບໍ່ເຕັມທີ່ ຮ່າງກາຍກໍຈະອ່ອນແອ ເກີດພະຍາດຕ່າງໆຕາມມາໄດ້ງ່າຍ.
  • ເຖິງວ່າໝີ່ສຳເລັດຮູບຈະຊ່ວຍໃຫ້ທ່ານປະຢັດ ພາໃຫ້ຮ່າງກາຍເຊົາຈາກຄວາມຫິວໃນຍາມທີ່ເຮົາຂາດແຄນ ຫລື ບໍ່ມີເວລາພຽງພໍໃນການປຸງແຕ່ງອາຫານຮູບແບບອື່ນໆ, ແຕ່ຫາກຫລີກເວັ້ນໄດ້ ຫລື ກິນໜ້ອຍລົງໄດ້ກໍຈະດີກ່ວາ ແລ້ວຫັນມາກິນອາຫານຊະນິດອື່ນໆທີ່ໃຫ້ຄຸນຄ່າທາງສານອາຫານທີ່ລາຄາຖືກຄືກັນ ເຊັ່ນ : ໄຂ່, ຜັກ, ປາ ທີ່ກິນທົດແທນໄດ້ ພຽງເທົ່ານີ້ກໍຈະດີຕໍ່ສຸຂະພາບຫລາຍກ່ວາການກິນໝີ່ສຳເລັດຮູບແລ້ວ.
5 ເຫດຜົນທີ່ທ່ານບໍ່ຄວນກິນໝີ່ສຳເລັດຮູບເປັນປະຈຳ - Wave100S AD to Website 2020 0 - 5 ເຫດຜົນທີ່ທ່ານບໍ່ຄວນກິນໝີ່ສຳເລັດຮູບເປັນປະຈຳ
5 ເຫດຜົນທີ່ທ່ານບໍ່ຄວນກິນໝີ່ສຳເລັດຮູບເປັນປະຈຳ - WhatsApp Image 2020 05 27 at 5 - 5 ເຫດຜົນທີ່ທ່ານບໍ່ຄວນກິນໝີ່ສຳເລັດຮູບເປັນປະຈຳ
5 ເຫດຜົນທີ່ທ່ານບໍ່ຄວນກິນໝີ່ສຳເລັດຮູບເປັນປະຈຳ - WhatsApp Image 2020 05 27 at 5 - 5 ເຫດຜົນທີ່ທ່ານບໍ່ຄວນກິນໝີ່ສຳເລັດຮູບເປັນປະຈຳ
error: Alert: ເນື້ອຫາຂ່າວມີລິຂະສິດ !!